পশ্চিম এছিয়াৰ বিৱৰ্তনশীল পৰিস্থিতিৰ বিষয়ত  আজি ভাৰত চৰকাৰে ৰাষ্ট্ৰীয় সংবাদ মাধ্যম কেন্দ্ৰত এখন সংবাদমেল অনুষ্ঠিত কৰে। পেট্ৰলিয়াম আৰু প্ৰাকৃতিক গেছ, বন্দৰ, জাহাজ আৰু জলপথ তথা বৈদেশিক পৰিক্ৰমা মন্ত্ৰালয়ৰ প্ৰতিনিধিসকলে অঞ্চলটোৰ ইন্ধনৰ উপলব্ধতা, সামুদ্ৰিক কাৰ্য্যকলাপ  আৰু ভাৰতীয় নাগৰিকসকলক দিয়া সাহায্যৰ বিষয়ে তথ্য প্ৰকাশ কৰে। সংবাদমেলত  লগতে খণ্ডসমূহৰ মাজত স্থিতিশীলতা নিশ্চিত কৰাৰ বাবে গ্ৰহণ কৰা ব্যৱস্থাসমূহৰ বিষয়েও তথ্য প্ৰকাশ কৰা হয়।  অসামৰিক বিমান পৰিবহণ মন্ত্ৰালয়ে বিমান পৰিবহণ খণ্ডৰ সৈতে জড়িত তথ্য সমূহ প্ৰদান কৰে।

বিমান পৰিবহণ খণ্ডৰ তথ্য

অসামৰিক বিমান পৰিবহণ মন্ত্ৰালয়ে সেৱাৰ ধাৰাবাহিকতা নিশ্চিত কৰা, যাত্ৰীক ভ্ৰমণৰ সুবিধা প্ৰদান  আৰু বিমান সংস্থা তথা সংশ্লিষ্ট কৰ্তৃপক্ষৰ সৈতে সমন্বয় বজাই ৰখাৰ বাবে গ্ৰহণ কৰা ব্যৱস্থাসমূহৰ বিষয়ত আলোকপাত কৰে। মন্ত্ৰালয়ৰ মতে:

• ভাৰতীয় বিমান পৰিবহণ খণ্ডই  ফেব্ৰুৱাৰী মাহৰ শেষৰ ফালে আৰম্ভ হোৱা পশ্চিম এছিয়াৰ সংঘাতৰ ফলত উদ্ভৱ হোৱা  গুৰুতৰ  আৰ্থিক পৰিস্থিতিৰ মাজেৰে আগবাঢ়িছে। উদ্যোগটোক সুস্থিৰ কৰি ৰখাৰ কাম কৰাৰ লগতে যাত্ৰীৰ সুৰক্ষা আৰু সুবিধা নিশ্চিত কৰাৰ বাবে অসামৰিক বিমান পৰিবহণ মন্ত্ৰালয়ে বহুস্তৰীয় পদক্ষেপ ৰূপায়ণ কৰিছে।

• অসামৰিক বিমান পৰিবহণ মন্ত্ৰালয়ে পশ্চিম এছিয়া অঞ্চলত চলি থকা সংঘাতৰ ফলত উদ্ভৱ হোৱা  পৰিস্থিতি  নিৰন্তৰ নিৰীক্ষণ কৰি আছে। ইৰাণ, ইৰাক, ইজৰাইল, জৰ্ডান, লেবানন, কুৱেইট, কাটাৰ, বাহৰেইন, ইউ এ ইকে ধৰি কেইবাখনো দেশে আকাশমাৰ্গ বন্ধ বা কঠোৰ নিষেধাজ্ঞা আৰোপ কৰাৰ ফলত বিশ্বৰ বিমান নেটৱৰ্ক আৰু আন্তঃৰাষ্ট্ৰীয় সংযোগত অভূতপূৰ্ব ব্যাঘাত জন্মিছে।

• এই প্ৰত্যাহ্বানমূলক আৰু বাধাগ্ৰস্ত পৰিস্থিতিৰ মাজতো ভাৰতীয় বিমান সংস্থাসমূহে এই অঞ্চলৰ সেৱাসমূহ বজাই ৰখাৰ ক্ষেত্ৰত ব্যতিক্ৰমী স্থিতিস্থাপকতা আৰু কাৰ্য্যকৰী সক্ৰিয়তা  প্ৰদৰ্শন কৰিছে, যিয়ে বিমান খণ্ডৰ শক্তিশালীতা আৰু সঁহাৰিজনকতাক গুৰুত্ব আৰোপ কৰিছে।

• অৱশ্যে আকাশমাৰ্গৰ নিষেধাজ্ঞাৰ বাবে ভাৰতীয় বিমান সংস্থাসমূহে ইউৰোপ আৰু উত্তৰ আমেৰিকালৈ বিমান সেৱাৰ বাবে দীঘলীয়া পথ ল’বলগীয়া হৈছে, যাৰ ফলত যাত্ৰাৰ সময় বৃদ্ধি পাইছে।

• এটিএফৰ মূল্য নিৰ্ধাৰণ: বিমান সংস্থাসমূহৰ পৰিচালনা ব্যয়ৰ প্ৰায় ৪০% গঠন কৰা বিমান টাৰ্বাইন ইন্ধনৰ (এটিএফ) মূল্য নিৰ্ধাৰণৰ ক্ষেত্ৰত চৰকাৰৰ সময়মতে হস্তক্ষেপৰ বাবে ঘৰুৱা বিমান ভাড়া সুস্থিৰ হৈ আছে।

• তদুপৰি, মন্ত্ৰালয়ে অন্যান্য অংশীদাৰসকলৰ সৈতে সমন্বয় ৰক্ষা  কৰি উদ্যোগটোক সহায় কৰিবলৈ অন্যান্য উল্লেখযোগ্য ব্যৱস্থা গ্ৰহণ কৰিছে ।

• কাৰ্য্যকৰী শিথিলতাও বৃদ্ধি কৰা হৈছে। বিশেষকৈ দীঘলীয়া পথৰ হেঁচা  পৰিচালনাৰ বাবে অসামৰিক বিমান পৰিবহণ সঞ্চালকালয়ে (ডিজিচিএ) পাইলটৰ বিমানৰ কৰ্তব্যৰ সময়সীমা সাময়িকভাৱে শিথিল কৰি তীব্ৰ বৈমানিকৰ  নাটনি ৰোধ কৰিছে।

• অত্যাৱশ্যকীয় যোগান শৃংখল বজাই ৰাখিবলৈ এমিৰেটছ, কুৱেইট এয়াৰৱেজ আৰু জাজিৰা এয়াৰৱেজৰ দৰে বিদেশী বিমান সংস্থাসমূহক সকলো ধৰণৰ মালবাহী সেৱাৰ বাবে যাত্ৰীবাহী বিমান চলাবলৈ বিশেষ ৰেহাই দিয়া হৈছে। ইয়াৰ ফলত চলি থকা ব্যাঘাতৰ মাজতো জটিল মালবাহী চলাচলৰ নিৰৱচ্ছিন্ন ধাৰাবাহিকতা নিশ্চিত কৰা হৈছে।

• পৰিস্থিতি গতিশীল হৈ আছে যদিও চৰকাৰে যাত্ৰীৰ সুৰক্ষা আৰু সুবিধা, নিৰৱচ্ছিন্নভাৱে মালবাহী সামগ্ৰীৰ চলাচল, আৰু সামগ্ৰিক খণ্ডগত স্থিতিশীলতা নিশ্চিত কৰাৰ বাবে দৃঢ়ভাৱে প্ৰতিশ্ৰুতিবদ্ধ হৈ আছে। এই সময়ছোৱাত এক ফলপ্ৰসূ, সুষম আৰু সঁহাৰিজনক পদ্ধতি নিশ্চিত কৰিবলৈ অসামৰিক বিমান পৰিবহণ মন্ত্ৰালয়ে সকলো অংশীদাৰৰ সৈতে ঘনিষ্ঠভাবে   নিৰন্তৰ সমন্বয়ৰে কাম অব্যাহত ৰাখিছে।

শক্তি যোগান আৰু ইন্ধনৰ উপলব্ধতা

পেট্ৰলিয়াম আৰু প্ৰাকৃতিক গেছ মন্ত্ৰালয়ে বৰ্তমানৰ ইন্ধন যোগানৰ পৰিস্থিতিৰ বিষয়ত তথ্য প্ৰকাশ কৰে, য’ত হৰমুজ জলদ্বীপক প্ৰভাৱান্বিত কৰা পৰিস্থিতিৰ মাজত পেট্ৰলিয়াম সামগ্ৰী আৰু এল পি জিৰ নিৰৱচ্ছিন্ন উপলব্ধতা নিশ্চিত কৰাৰ বাবে গ্ৰহণ কৰা ব্যৱস্থাসমূহৰ ৰূপৰেখা দাঙি ধৰা হৈছে।

পৰামৰ্শ আৰু নাগৰিক সজাগতা

• নাগৰিকসকলক পেট্ৰ’ল, ডিজেল আৰু এল পি জি আতংকিত হৈ ক্ৰয় কৰাৰ পৰা বিৰত থাকিবলৈ জনোৱা হৈছে আৰু তথ্যৰ বাবে কেৱল চৰকাৰী উৎসৰ ওপৰত নিৰ্ভৰ কৰিবলৈ পৰামৰ্শ দিয়া হৈছে।

• এল পি জি গ্ৰাহকসকলক ডিজিটেল বুকিং প্লেটফৰ্ম ব্যৱহাৰ কৰিবলৈ আৰু বিতৰকসকলৰ ওচৰলৈ যোৱাৰ পৰা বিৰত থাকিবলৈ অনুৰোধ জনোৱা হৈছে।

• নাগৰিকসকলক বিকল্প ইন্ধন যেনে পিএনজি আৰু বৈদ্যুতিক বা ইণ্ডাকচন কুকটপ ব্যৱহাৰ কৰিবলৈ উৎসাহিত কৰা হৈছে।

• সাম্প্ৰতিক পৰিস্থিতিৰ সময়ত সকলো নাগৰিককে শক্তি সংৰক্ষণ কৰিবলৈ আহ্বান জনোৱা হৈছে।

চৰকাৰী প্ৰস্তুতি আৰু যোগান ব্যৱস্থাপনা

• সাম্প্ৰতিক  ভূ-ৰাজনৈতিক পৰিস্থিতিৰ মাজতো চৰকাৰে বিশেষকৈ চিকিৎসালয় আৰু শিক্ষানুষ্ঠানৰ বাবে ঘৰুৱা এল পি জি আৰু পি এন জি যোগানত  অগ্ৰাধিকাৰ দিছে।

• চৰকাৰে ইতিমধ্যে যোগান আৰু চাহিদা উভয় দিশতে কেইবাটাও  ব্যৱস্থা ৰূপায়ণ কৰিছে, য’ত শোধনাগাৰৰ উৎপাদন বৃদ্ধি কৰা, চহৰ অঞ্চলত বুকিঙৰ ব্যৱধান ২১ দিনৰ পৰা ২৫ দিনলৈ আৰু গ্ৰাম্য অঞ্চলত ৪৫ দিনলৈ বৃদ্ধি কৰা আৰু যোগানৰ বাবে খণ্ডসমূহক অগ্ৰাধিকাৰ দিয়া আদি আছে।

• এল পি জিৰ চাহিদাৰ চাপ কমোৱাৰ বাবে কেৰাচিন আৰু কয়লাৰ দৰে বিকল্প ইন্ধন উপলব্ধ কৰা হৈছে।

• কয়লা মন্ত্ৰালয়ে কল ইণ্ডিয়া আৰু চিংগাৰেনী কলিয়াৰীক ক্ষুদ্ৰ আৰু মজলীয়া গ্ৰাহকক বিতৰণৰ বাবে ৰাজ্যসমূহক অতিৰিক্ত কয়লা যোগান ধৰিবলৈ নিৰ্দেশ দিছে।

• ঘৰুৱা আৰু বাণিজ্যিক গ্ৰাহকৰ বাবে নতুন পিএনজি সংযোগৰ সুবিধা প্ৰদান কৰিবলৈ ৰাজ্যসমূহক পৰামৰ্শ দিয়া হৈছে।

ৰাজ্য/কেন্দ্ৰীয় শাসিত অঞ্চল আৰু প্ৰতিষ্ঠানিক ব্যৱস্থাৰ সৈতে সমন্বিত প্ৰচেষ্টা

• ৰাজ্য চৰকাৰসমূহক অত্যাৱশ্যকীয় সামগ্ৰী আইন, ১৯৫৫ আৰু এল পি জি নিয়ন্ত্ৰণ আদেশ, ২০০০ৰ অধীনত যোগান নিৰীক্ষণ আৰু পেট্ৰলিয়াম সামগ্ৰীৰ অবাধ মজুতকৰণ আৰু ক’লা ব্যৱসায়ৰ বিৰুদ্ধে কাম কৰাৰ ক্ষমতা প্ৰদান কৰা হৈছে।

• ভাৰত চৰকাৰে ২৭.০৩.২০২৬ আৰু ০২.০৪.২০২৬ তাৰিখৰ পত্ৰৰ ভিত্তিত নাগৰিকসকলক পৰ্যাপ্ত ইন্ধনৰ উপলব্ধতাৰ সন্দৰ্ভত আশ্বস্ত কৰিবলৈ সক্ৰিয় ৰাজহুৱা যোগাযোগৰ প্ৰয়োজনীয়তাৰ বিষয়ত  গুৰুত্ব আৰোপ কৰিছে। ৰাজ্য/কেন্দ্ৰীয় শাসিত অঞ্চলৰ সৈতে নিয়মীয়াকৈ পৰ্যালোচনা বৈঠক অনুষ্ঠিত হৈ আছে। এই প্ৰসংগত ০২.০৪.২০২৬ তাৰিখে (সচিব, এম অ’ পি এন জিৰ অধ্যক্ষতাত) আৰু ০৬.০৪.২০২৬ তাৰিখে (আই এণ্ড বি আৰু গ্ৰাহক পৰিক্ৰমাৰ সচিবসকলৰ সৈতে এম অ’ পি এন জিৰ সচিবৰ অধ্যক্ষতাত) সভা আহ্বান কৰা হৈছিল, য’ত তলত উল্লেখ কৰা বিষয়সমূহত গুৰুত্ব আৰোপ কৰা হৈছিল।

Ø দৈনিক সংবাদমেল অনুষ্ঠিত কৰা আৰু নিয়মীয়াকৈ ৰাজহুৱা পৰামৰ্শ জাৰি কৰা।

Ø ছ’চিয়েল মিডিয়াত ভুৱা বাতৰি / ভুল তথ্য আদি  সক্ৰিয়ভাৱে নিৰীক্ষণ কৰা আৰু সেয়া প্ৰতিহত কৰা।

Ø জিলা প্ৰশাসকৰ দ্বাৰা দৈনিক বলবৎকাৰী অভিযান তীব্ৰতৰ কৰা আৰু অ’এমচিৰ সৈতে সমন্বয়ত অভিযান আৰু পৰিদৰ্শন অব্যাহত ৰখা

Ø ৰাজ্য/কেন্দ্ৰীয় শাসিত অঞ্চলৰ ভিতৰত বাণিজ্যিক এল পি জি আবণ্টনৰ আদেশ জাৰি কৰা

Ø ৰাজ্য/কেন্দ্ৰীয় শাসিত অঞ্চলসমূহক আবণ্টিত অতিৰিক্ত এছ কে অ’ৰ বাবে এছ কে অ’ আবণ্টনৰ আদেশ জাৰি কৰা।

Ø পিএনজি গ্ৰহণ আৰু বিকল্প ইন্ধনক প্ৰসাৰ কৰা।

Ø বিশেষকৈ ঘৰুৱা প্ৰয়োজনীয়তাৰ বাবে এল পি জি যোগানক অগ্ৰাধিকাৰ দিয়া আৰু যোগানৰ স্থিৰতা নিশ্চিত কৰিবলৈ ৫ কিলোগ্ৰাম এফ টি এল চিলিণ্ডাৰ বিতৰণৰ ব্যৱস্থা  গ্ৰহণ কৰা।

• সকলো ৰাজ্য/কেন্দ্ৰীয় শাসিত অঞ্চলে অবৈধ মজুতকৰণ  আৰু ক’লা  ব্যৱসায়  ৰোধ কৰিবলৈ নিয়ন্ত্ৰণ কক্ষ আৰু জিলা নিৰীক্ষণ সমিতি গঠন কৰিছে।

• বৰ্তমান ২৪ খন ৰাজ্য/কেন্দ্ৰীয় শাসিত অঞ্চলে নিয়মীয়াকৈ সংবাদমেল অনুষ্ঠিত কৰি আহিছে৷

বলৱৎকৰণ আৰু নিৰীক্ষণ কাৰ্য্য

• এল পি জিৰ অবৈধ মজুতকৰণ  আৰু ক’লা ব্যৱসায়  ৰোধৰ বাবে সমগ্ৰ দেশতে বলৱৎকাৰী ব্যৱস্থা অব্যাহত আছে। কালি ৪৩০০ৰো অধিক অভিযান চলোৱা হয় আৰু সমগ্ৰ দেশতে ১২০০ৰো অধিক চিলিণ্ডাৰ জব্দ কৰা হয়।

• পিএছইউ তেল বিপণন কোম্পানীসমূহে  হঠাতে  পৰিদৰ্শন কৰা অভিযান  শক্তিশালী কৰিছে আৰু ১৭০০ৰো অধিক কাৰণ দৰ্শোৱাৰ জাননী জাৰি কৰিছে।  ১৬৮টা এলপিজি বিতৰকক জৰিমনা বিহা হৈছে  আৰু ৪৫টা বিতৰকক নিলম্বিত কৰি ৰখা হৈছে।

এল পি জিৰ যোগান

ঘৰুৱা এল পি জি যোগানৰ স্থিতি :

• সাম্প্ৰতিক চলিত ভূ-ৰাজনৈতিক পৰিস্থিতিৰ ফলত এল পি জি যোগানৰ প্ৰভাৱ অব্যাহত আছে।

• এল পি জি বিতৰকত কোনো ধৰণৰ নাটনি হোৱাৰ খবৰ পোৱা  হোৱা নাই।

• সমগ্ৰ উদ্যোগটোত অনলাইন এল পি জি বুকিং প্ৰায় ৯৬% লৈ বৃদ্ধি পাইছে।

• ডাইভাৰচন ৰোধ কৰিবলৈ ডেলিভাৰী প্ৰমাণীকৰণ ক’ড (DAC) ভিত্তিক ডেলিভাৰী প্ৰায় ৯০% লৈ বৃদ্ধি কৰা হৈছে।

• ঘৰুৱা এল পি জি চিলিণ্ডাৰৰ যোগান  স্বাভাৱিক হৈয়েই আছে।

বাণিজ্যিক এল পি জি যোগান আৰু আবণ্টনৰ ব্যৱস্থা:

• ভাৰত চৰকাৰে ০১.০৪.২০২৬ তাৰিখৰ আদেশ অনুসৰি ভাৰতৰ পেট্ৰ’কেমিকেল কমপ্লেক্সকে ধৰি ৰিফাইনিং কোম্পানীসমূহক উচ্চ প্ৰযুক্তি কেন্দ্ৰই নিৰ্ধাৰণ কৰা নিৰ্দিষ্ট পৰিমাণ আৰু শোধনাগাৰৰ উৎসৰ ভিত্তিত ঔষধ বিভাগ, খাদ্য আৰু ৰাজহুৱা বিতৰণ বিভাগ, ৰাসায়নিক আৰু পেট্ৰ’ ৰাসায়নিক বিভাগ আদি গুৰুত্বপূৰ্ণ খণ্ডৰ বাবে কিছুমান নূন্যতম পৰিমাণৰ চি ৩ আৰু চি ৪  ষ্ট্ৰিম উপলব্ধ কৰাৰ অনুমতি দিছে (চি এইচ টি)।

• মুঠ বাণিজ্যিক এল পি জি আবণ্টন সংকটৰ পূৰ্বৰ স্তৰৰ প্ৰায় ৭০% লৈ বৃদ্ধি কৰা হৈছে, য’ত ১০% সংস্কাৰ-সংলগ্ন আবণ্টনো আছে।

• ভাৰত চৰকাৰে ০৬.০৪.২০২৬ তাৰিখৰ পত্ৰৰ জৰিয়তে জনাইছে যে প্ৰব্ৰজিত শ্ৰমিকসকলক প্ৰদানৰ বাবে প্ৰতিখন ৰাজ্যত দৈনিক ৫ কিলোগ্ৰাম এফটিএল চিলিণ্ডাৰৰ পৰিমাণ ২০২৬ চনৰ ২-৩ মাৰ্চৰ ভিতৰত প্ৰব্ৰজিত শ্ৰমিকসকলক গড় দৈনিক যোগান (চিলিণ্ডাৰৰ সংখ্যা)ৰ ওপৰত ভিত্তি কৰি দুগুণ কৰা হৈছে । ২১.০৩.২০২৬ তাৰিখৰ পত্ৰ অনুসৰি  এই ৫ কেজি এফটিএল চিলিণ্ডাৰসমূহ তেল বিপণন কোম্পানী (অ’এমচি)ৰ সহায়ত তেওঁলোকৰ ৰাজ্যৰ প্ৰব্ৰজিত শ্ৰমিকসকলকহে যোগান ধৰাৰ বাবে ৰাজ্য চৰকাৰক  দায়িত্ব অৰ্পন কৰা হৈছে।

• ২০২৬ চনৰ ২৩ মাৰ্চৰ পৰা প্ৰায় ৭.৮ লাখ ৫ কিলোগ্ৰাম  ফ্ৰী ট্ৰেড এল পি জি চিলিণ্ডাৰ বিক্ৰী হৈছে।

• পিএছইউ অ’এমচিসমূহে যোৱা ৪ দিনত ৫ কিলোগ্ৰাম এফটিএল চিলিণ্ডাৰৰ বাবে প্ৰায় ১৩০০টা সজাগতা শিবিৰৰ আয়োজন কৰিছে, য’ত ১০,০০০ - ৫ কিলোগ্ৰামতকৈ অধিক এফটিএল চিলিণ্ডাৰো বিক্ৰী কৰা হৈছে।

• ০৬.০৪.২০২৬ তাৰিখে সমগ্ৰ দেশতে ১.০৬ লাখতকৈ অধিক ৫ কিলোগ্ৰাম এফটিএল চিলিণ্ডাৰ বিক্ৰী হৈছিল,  ফেব্ৰুৱাৰী মাহত দৈনিক গড়ে ৭৭০০০ বিক্ৰী হৈছিল।

• আই অ’ চি এল, এইচ পি চি এল আৰু বি পি চি এলৰ কাৰ্যবাহী সঞ্চালকৰ তিনিজনীয়া সমিতিয়ে ৰাজ্যিক কৰ্তৃপক্ষ আৰু উদ্যোগ সংস্থাসমূহৰ সৈতে সমন্বয় ৰক্ষা কৰি বাণিজ্যিক এল পি জি বিতৰণৰ পৰিকল্পনা কৰিছে।

• ২০২৬ চনৰ ১৪ মাৰ্চৰ পৰা প্ৰায় ৮৬,৪৩৯ মেট্ৰিক টন বাণিজ্যিক এল পি জি (৪৫.৫ লাখতকৈ অধিক ১৯ কেজি চিলিণ্ডাৰৰ সমতুল্য) বিক্ৰী হৈছে।কালি ৬৫৩০ মেট্ৰিক বাণিজ্যিক এল পি জি (৩.৪ লাখতকৈ অধিক - ১৯ কিলোগ্ৰাম চিলিণ্ডাৰৰ সমতুল্য) বিক্ৰী কৰা হৈছে।

প্ৰাকৃতিক গেছৰ যোগান আৰু পিএনজি সম্প্ৰসাৰণৰ পদক্ষেপ

• অগ্ৰাধিকাৰ লাভ কৰা খণ্ডসমূহে ঘৰুৱা পিএনজি আৰু চিএনজি পৰিবহণৰ বাবে ১০০% যোগানকে ধৰি সুৰক্ষিত যোগান লাভ কৰি আহিছে।

• ২০২৬ চনৰ ৬ এপ্ৰিলৰ পৰা সাৰ উদ্যোগসমূহলৈ সামগ্ৰিক আবণ্টন ছমাহৰ গড় ব্যৱহাৰৰ প্ৰায় ৯০ শতাংশলৈ বৃদ্ধি পোৱাৰ পিছত বৰ্তমান চলি থকা ইউৰিয়া উদ্যোগসমূহলৈ গেছৰ যোগান তেওঁলোকৰ ছমাহৰ গড় ব্যৱহাৰৰ প্ৰায় ৮০ শতাংশ কৰা হৈছে।

• চিটি গেছ বিতৰণ (চিজিডি) নেটৱৰ্ককে ধৰি অন্যান্য ঔদ্যোগিক আৰু বাণিজ্যিক খণ্ডলৈও গেছৰ যোগান আৰু ১০% বৃদ্ধি কৰা হৈছে, যিটো ০৬.০৪.২০২৬ৰ পৰা কাৰ্যকৰী হৈছে।

• চিজিডি সত্তাসমূহক হোটেল, ৰেষ্টুৰেণ্ট আৰু কেণ্টিনৰ দৰে বাণিজ্যিক প্ৰতিষ্ঠানৰ বাবে পিএনজি সংযোগক অগ্ৰাধিকাৰ দিবলৈ পৰামৰ্শ দিয়া হৈছে।

• আইজিএল, এমজিএল, গেইল গেছ আৰু বিপিচিএলকে ধৰি চিজিডি কোম্পানীসমূহে ঘৰুৱা আৰু বাণিজ্যিক পিএনজি সংযোগৰ বাবে উদগনি আগবঢ়াইছে।

• ৰাজ্য/কেন্দ্ৰীয় শাসিত অঞ্চল আৰু কেন্দ্ৰীয় মন্ত্ৰালয়সমূহক চিজিডি নেটৱৰ্ক সম্প্ৰসাৰণৰ বাবে প্ৰয়োজনীয় অনুমোদন ক্ষিপ্ৰতাৰে কৰিবলৈ অনুৰোধ কৰা হৈছে।

• ভাৰত চৰকাৰে ১৮.০৩.২০২৬ তাৰিখৰ পত্ৰৰ ভিত্তিত সকলো ৰাজ্য/কেন্দ্ৰীয় শাসিত অঞ্চলক ৰাজ্যসমূহলৈ অতিৰিক্ত ১০% বাণিজ্যিক এল পি জি আবণ্টনৰ প্ৰস্তাৱ দিছে যদিহে তেওঁলোকে এল পি জিৰ পৰা পি এন জিলৈ  পৰিৱৰ্তনত সহায় কৰিব পাৰে।

• ইতিমধ্যে ১৮খন ৰাজ্য/কেন্দ্ৰীয় শাসিত অঞ্চলে পিএনজি সম্প্ৰসাৰণ সংস্কাৰৰ সৈতে জড়িত অতিৰিক্ত বাণিজ্যিক এলপিজি আবণ্টন লাভ কৰিছে।

• পিএনজিআৰবিয়ে চিজিডি সত্তাসমূহক নিৰ্দেশ দিছে যে পাইপলাইন উপলব্ধ হোৱা পাঁচ দিনৰ ভিতৰত পিএনজিৰ জৰিয়তে বিদ্যালয়, হোষ্টেল, কমিউনিটি পাকঘৰ আৰু অংগনবাড়ী পাকঘৰৰ দৰে প্ৰতিষ্ঠানসমূহক সংযোগ কৰিব লাগে।

• পথ পৰিবহণ আৰু ঘাইপথ মন্ত্ৰালয়ে অগ্ৰাধিকাৰ ভিত্তিত আবেদন প্ৰক্ৰিয়াকৰণৰ বাবে তিনি মাহৰ বাবে চিজিডি আন্তঃগাঁথনিৰ বাবে ত্বৰান্বিত অনুমোদনৰ পদক্ষেপ  গ্ৰহণ কৰিছে।

• ভাৰত চৰকাৰে ২৪.০৩.২০২৬ তাৰিখৰ জাননী  অনুসৰি প্ৰাকৃতিক গেছ আৰু পেট্ৰলিয়াম সামগ্ৰী বিতৰণ (পাইপলাইন আৰু অন্যান্য সুবিধাসমূহ বিস্তাৰ, নিৰ্মাণ, পৰিচালনা আৰু সম্প্ৰসাৰণৰ জৰিয়তে) আদেশ, ২০২৬ অত্যাৱশ্যকীয় সামগ্ৰী আইন, ১৯৫৫ৰ অধীনত দেশত, অনুমোদন বিলম্বৰ  সৈতে মোকাবিলা কৰা  আৰু আৱাসিক অঞ্চলকে ধৰি প্ৰাকৃতিক গেছৰ আন্তঃগাঁথনিৰ দ্ৰুত উন্নয়ন সক্ষম কৰা আদি ব্যৱস্থা আছে । ইয়াৰ দ্বাৰা পিএনজি নেটৱৰ্কৰ বৃদ্ধি ত্বৰান্বিত হ’ব, সমাজৰ শেষ মাইললৈকে  সংযোগ বৃদ্ধি হ’ব আৰু নিকা  ইন্ধনলৈ পৰিৱৰ্তনত সহায়ক হ’ব, যাৰ ফলত শক্তি সুৰক্ষা শক্তিশালী হ’ব তথা ভাৰতৰ গেছ ভিত্তিক অৰ্থনীতি আগুৱাই  যাব।

• প্ৰতিৰক্ষা আৱাসিক অঞ্চলত পিএনজি আন্তঃগাঁথনি স্থাপনৰ ক্ষিপ্ৰতাৰে প্ৰতিৰক্ষা মন্ত্ৰালয়ে ২০২৬ চনৰ ৩০ জুনলৈকে হ্ৰস্বম্যাদী  পৰিৱৰ্তন নীতি গ্ৰহণ কৰিছে।

• পিএনজি সম্প্ৰসাৰণৰ গতি বজাই ৰাখিবলৈ পিএনজিআৰবিয়ে  ৰাষ্ট্ৰীয় পিএনজি অভিযান ২.০ ২০২৬ চনৰ ৩০ জুনলৈকে বৃদ্ধি কৰিছে।

• স্বচ্ছ, অধিক সুৰক্ষিত আৰু স্বাৱলম্বী শক্তিৰ ভৱিষ্যতক উৎসাহিত কৰিবলৈ ভাৰত চৰকাৰে ৰাজ্যিক চিবিজি নীতিৰ আৰ্হি খচৰা প্ৰস্তুত কৰিছে। এনে  নীতিৰ উদ্দেশ্য হৈছে ৰাজ্যসমূহে চিবিজি উন্নয়নৰ বাবে নিজাকৈ বিনিয়োগকাৰী-বন্ধুত্বপূৰ্ণ আৰু ৰূপায়ণমুখী পৰিৱেশ তন্ত্ৰ সৃষ্টি কৰিবলৈ সক্ষম কৰিবলৈ এক বিস্তৃত নমনীয় পথ প্ৰদৰ্শক কাঠামো হিচাপে কাম কৰা। যিবোৰ ৰাজ্যই ইয়াক বাছি লয়, তেনেবোৰ ৰাজ্যক  বাণিজ্যিক এল পি জিৰ অতিৰিক্ত আবণ্টনৰ পৰৱৰ্তী শাখাৰ বাবে অগ্ৰাধিকাৰ দিয়া হ’ব।

• ২০২৬ চনৰ মাৰ্চ মাহৰ পৰা প্ৰায় ৩.৭৬ লাখ পিএনজি সংযোগ প্ৰদান  কৰা হৈছে আৰু প্ৰায় ৪.১ লাখ অতিৰিক্ত গ্ৰাহকে নতুন সংযোগৰ বাবে পঞ্জীয়ন কৰিছে।

• ১৬,৫০০ৰো অধিক পিএনজি গ্ৰাহকে এমৱাইপিএনজিডি.ইন ৱেবছাইটৰ জৰিয়তে নিজৰ এলপিজি সংযোগ ত্যাগ  কৰিছে।

খাৰুৱা তেলৰ স্থিতি  আৰু শোধনাগাৰৰ কাৰ্য্যকলাপ

• সকলো শোধনাগাৰে পৰ্যাপ্ত খাৰুৱা তেলৰ সৈতে  উচ্চ ক্ষমতাৰে কাম কৰি আছে, আনহাতে পেট্ৰ’ল আৰু ডিজেলৰ পৰ্যাপ্ত মজুত ৰখা হৈছে।

• ঘৰুৱা ব্যৱহাৰক সহায় কৰিবলৈ শোধনাগাৰৰ পৰা ঘৰুৱা এল পি জি উৎপাদন বৃদ্ধি কৰা হৈছে।

খুচুৰা ইন্ধনৰ উপলব্ধতা আৰু মূল্য নিৰ্ধাৰণৰ ব্যৱস্থা

• সমগ্ৰ দেশতে খুচুৰা বিপণীসমূহ স্বাভাৱিকভাৱে চলি আছে।

• মধ্যপ্ৰাচ্যৰ সংকটৰ ফলত খাৰুৱা তেলৰ মূল্য অস্বাভাৱিকভাৱে বৃদ্ধি পাইছে; কিন্তু গ্ৰাহকক সুৰক্ষা দিবলৈ ভাৰত চৰকাৰে পেট্ৰল আৰু ডিজেলৰ ওপৰত আবকাৰী শুল্ক প্ৰতি লিটাৰত ১০ টকাকৈ হ্ৰাস কৰিছে।

• পৰ্যাপ্ত ঘৰুৱা উপলব্ধতা নিশ্চিত কৰিবলৈ ডিজেলত প্ৰতি লিটাৰত ২১.৫ টকা আৰু বিমান টাৰ্বাইন ইন্ধন (এ টি এফ)ৰ ওপৰত প্ৰতি লিটাৰত ২৯.৫ টকা ৰপ্তানি শুল্ক  আৰোপ কৰা হৈছে।

• খুচুৰা বিপণীত কোনো বৃদ্ধি নোহোৱাকৈ পেট্ৰ’ল আৰু ডিজেলৰ খুচুৰা মূল্য অপৰিৱৰ্তিত হৈ আছে।

• চৰকাৰে নাগৰিকসকলক উৰাবাতৰিত  বিশ্বাস নকৰিবলৈ পৰামৰ্শ আগবঢ়োৱাৰ লগতে  ৰাজ্য চৰকাৰসমূহক সংবাদমেলৰ জৰিয়তে সঠিক তথ্য প্রচাৰ কৰিবলৈ অনুৰোধ জনাইছে৷

কেৰাচিনৰ উপলব্ধতা আৰু বিতৰণৰ ব্যৱস্থা

• নিয়মীয়া আবণ্টনৰ বিষয়ত ৰাজ্য/কেৰাষ্ট্ৰীয় কেন্দ্ৰসমূহক ৪৮,০০০ কেল কেৰাচিনৰ অতিৰিক্ত আবণ্টন প্ৰদান কৰা হৈছে।

• ভাৰত চৰকাৰে ২৯.০৩.২০২৬ তাৰিখৰ গেজেট অধিসূচনাৰ জৰিয়তে কেৱল ৰন্ধন আৰু পোহৰৰ উদ্দেশ্যে পিডিএছ এছকেঅ’ মুক্ত ৰাজ্য/কেন্দ্ৰীয় শাসিত অঞ্চলত পিডিএছ চুপিৰিয়েৰ কেৰাচিন অইল (এছকেঅ’) বিতৰণৰ সুবিধা প্ৰদান কৰিছে –

Ø প্ৰতি জিলাত সৰ্বাধিক দুটা পিএছইউ অ’এমচি চাৰ্ভিচ ষ্টেচন (কোম্পানী মালিকানাধীন কোম্পানী পৰিচালিত হ’লে ভাল) ৫,০০০ লিটাৰ পৰ্যন্ত পিডিএছ এছকেঅ’ সংৰক্ষণৰ অনুমতি দিয়া হৈছে।

Ø এই পি এছ ইউ অ’ এম চি চাৰ্ভিচ ষ্টেচনসমূহ প্ৰতিখন জিলাত ৰাজ্য চৰকাৰ বা কেন্দ্ৰীয় শাসিত অঞ্চল প্ৰশাসনে নিৰ্ধাৰণ কৰিব লাগিব।

• ১৮খন ৰাজ্য/কেন্দ্ৰীয় শাসিত অঞ্চলে এছ কে অ’ আবণ্টনৰ আদেশ জাৰি কৰিছে, আনহাতে হিমাচল প্ৰদেশ আৰু লাডাখে কোনো প্ৰয়োজনীয়তাৰ ইংগিত দিয়া নাই।

সামুদ্ৰিক সুৰক্ষা আৰু জাহাজ চলাচলৰ  কাৰ্য্যকলাপ

পাৰস্য  উপসাগৰৰ বৰ্তমানৰ সামুদ্ৰিক পৰিস্থিতিৰ লগতে ভাৰতীয় জাহাজ আৰু নাৱিকসকলক সুৰক্ষা প্ৰদানৰ বাবে গ্ৰহণ কৰা ব্যৱস্থাসমূহৰ বিষয়েও অৱগত কৰা হয়। ইয়াত কোৱা  হয়  যে:

• অঞ্চলটোৰ সকলো ভাৰতীয় নাৱিক নিৰাপদে আছে  আৰু বিগত ২৪ ঘন্টাত ভাৰতীয় পতাকা থকা জাহাজৰ সৈতে কোনো কূতাঘাট সংঘটিত হোৱা নাই।

• বৰ্তমান পশ্চিম পাৰস্য উপসাগৰীয় অঞ্চলত ৪৩৩ জন ভাৰতীয় নাৱিকৰ সৈতে ১৬ খন ভাৰতীয় পতাকা থকা জাহাজ বাকী আছে। জাহাজ সঞ্চালকালয়ে (ডি জি শিপিং) জাহাজৰ মালিক, আৰ পি এছ এল এজেন্সী আৰু ভাৰতীয় মিছনৰ সমন্বয়ত পৰিস্থিতিৰ বিষয়ত তীক্ষ্ণ দৃষ্টি ৰাখিছে।

• ডিজি শ্বিপিং কণ্ট্ৰল ৰুম ২৪×৭ কাৰ্যক্ষম হৈ আছে আৰু ৫,৩৪২টা কল আৰু ১১,০৫৩টা ইমেইল চম্ভালিছে, য’ত বিগত ২৪ ঘণ্টাত ২২৯টা কল আৰু ৪০৬টা ইমেইল আছে।

• ডি জি শ্বিপিঙে এতিয়ালৈকে ১,৬৯১ জনতকৈ অধিক ভাৰতীয় নাৱিকক নিৰাপদে প্ৰত্যাৱৰ্তনৰ সুবিধা প্ৰদান কৰিছে। যোৱা ২৪ ঘণ্টাত সমগ্ৰ উপসাগৰীয় অঞ্চলৰ বিভিন্ন আঞ্চলিক স্থানৰ পৰা বিমানবন্দৰ আৰু বিভিন্ন আঞ্চলিক স্থানৰ পৰা ৯২ জন নাৱিকক নিৰাপদে ঘূৰাই অনাৰ সুবিধা হৈছে।

• সমগ্ৰ ভাৰতত বন্দৰৰ কাম-কাজ স্বাভাৱিকভাৱে অব্যাহত আছে আৰু কোনো ধৰণৰ অসুবিধাৰ তথ্য পোৱা হোৱা নাই। গুজৰাট, মহাৰাষ্ট্ৰ, গোৱা, কেৰালাম, অন্ধ্ৰ প্ৰদেশ আৰু পুডুচেৰীৰ ৰাজ্যিক সামুদ্ৰিক ব’ৰ্ডে সুচাৰুৰূপে কাম কৰাটো নিশ্চিত কৰিছে।

• ভাৰতীয় নাৱিকসকলৰ কল্যাণ আৰু নিৰৱচ্ছিন্ন সামুদ্ৰিক কাৰ্য্যকলাপ সুনিশ্চিত কৰাৰ বাবে মন্ত্ৰালয়ে বৈদেশিক পৰিক্ৰমা মন্ত্ৰালয়, ভাৰতীয় মিছন আৰু সামুদ্ৰিক অংশীদাৰসকলৰ সৈতে সমন্বয় অব্যাহত ৰাখিছে।

অঞ্চলটোত ভাৰতীয় নাগৰিকৰ সুৰক্ষা

সংবাদমেলত  ভাৰতীয় মিছনৰ জৰিয়তে কৰা সহায়- সহযোগিতাকে ধৰি অঞ্চলটোৰ শেহতীয়া পৰিঘটনাসমূহৰ বিষয়ে তথ্য প্ৰকাশ  কৰা হয়৷ ইয়াত জনোৱা হয় যে:

• বৈদেশিক পৰিক্ৰমা মন্ত্ৰালয়ে উপসাগৰীয় আৰু পশ্চিম এছিয়া অঞ্চলৰ উন্নয়নসমূহ তীক্ষ্ণভাৱে নিৰীক্ষণ কৰি আছে, ভাৰতীয় সম্প্ৰদায়ৰ সুৰক্ষা, নিৰাপত্তা আৰু কল্যাণ সৰ্বোচ্চ অগ্ৰাধিকাৰৰ বিষয়  হৈয়েই আছে।

• ভাৰতীয় মিছন আৰু কনছুলেটৰ সৈতে পৰামৰ্শ প্ৰচাৰ আৰু সমন্বয়ৰ বাবে মন্ত্ৰালয়ে ৰাজ্য চৰকাৰ তথা  কেন্দ্ৰীয় শাসিত অঞ্চলৰ সৈতে ঘনিষ্ঠ সমন্বয় অব্যাহত ৰাখিছে।

• ভাৰতীয় নাগৰিকসকলক সহায় কৰিবলৈ সমগ্ৰ অঞ্চলটোৰ মিছন আৰু পোষ্টসমূহৰ সৈতে  এটা  এম ই এ বিশেষ নিয়ন্ত্ৰণ কক্ষই কাম কৰি আছে।

• মিছন আৰু পোষ্টসমূহে ২৪×৭ হেল্পলাইন সক্ৰিয় কৰি ৰাখিছে আৰু ইমেইল আৰু ছ’চিয়েল মিডিয়া চেনেলৰ জৰিয়তে প্ৰশ্নৰ উত্তৰ দিছে। তেওঁলোকে সুৰক্ষা, স্থানীয় চৰকাৰৰ নিৰ্দেশনা, বিমান আৰু ভ্ৰমণৰ অৱস্থা আৰু কনছুলাৰ সেৱাৰ নবীকৃত তথ্যৰ সৈতে নিয়মীয়াকৈ পৰামৰ্শ জাৰি কৰি আছে।

• ভাৰতীয় ৰাষ্ট্ৰদূতসকলে সংশ্লিষ্ট লোকসকলৰ   উদ্বেগসমূহৰ সমাধানৰ বাবে ভাৰতীয় সম্প্ৰদায় সংঘ, পেছাদাৰী গোট আৰু ভাৰতীয় কোম্পানীসমূহৰ সৈতে নিয়মিতভাৱে যোগাযোগ কৰি আছে। মিছনসমূহে ভিছাৰ সুবিধা প্ৰদান কৰিছে, আকাশমাৰ্গৰ নিষেধাজ্ঞা প্ৰযোজ্য হোৱা চুবুৰীয়া দেশসমূহৰ মাজেৰে যাতায়াত আৰু প্ৰয়োজন অনুসৰি লজিষ্টিক সহায় আগবঢ়াইছে।

• উপসাগৰীয় দেশসমূহত ভাৰতীয় ছাত্ৰ-ছাত্ৰীৰ কল্যাণৰ বিষয়টো  অগ্ৰাধিকাৰৰ বিষয়  হৈয়ে আছে, মিছনসমূহে শৈক্ষিক উদ্বেগসমূহৰ সমাধানৰ বাবে স্থানীয় কৰ্তৃপক্ষ, ভাৰতীয় বিদ্যালয়, শিক্ষা ব’ৰ্ড আৰু ৰাষ্ট্ৰীয় পৰীক্ষণ সংস্থাৰ সৈতে সমন্বয় সাধন কৰিছে।

• স্থানীয় কৰ্তৃপক্ষৰ সৈতে সমন্বয়, কনছুলাৰ সহায় আৰু ভাৰতলৈ ঘূৰি অহাৰ বাবে অনুৰোধৰ সুবিধা প্ৰদানকে ধৰি অঞ্চলটোৰ ভাৰতীয় নাৱিকসকলকো মিছনসমূহে সহায় আগবঢ়াইছে।

• ২৮ ফেব্ৰুৱাৰীৰ পৰা এই অঞ্চলৰ পৰা প্ৰায় ৭,৬০,০০০ গৰাকী যাত্ৰীয়ে  ভাৰতলৈ যাত্ৰা কৰিছে।

• ইউ এ ইত বিমান সংস্থাসমূহে পৰিচালনা আৰু সুৰক্ষাৰ বিবেচনাৰ ভিত্তিত সীমিত অ-নিৰ্ধাৰিত বাণিজ্যিক বিমান চলাচল অব্যাহত ৰাখিছে, আজি ভাৰতলৈ প্ৰায় ৯০খন বিমান চলাচল কৰাৰ সম্ভাৱনা আছে।

• চৌদি আৰৱ আৰু ওমানৰ বিভিন্ন বিমানবন্দৰৰ পৰা ভাৰতৰ গন্তব্যস্থানলৈ বিমান সেৱা অব্যাহত আছে।

• কাটাৰৰ আকাশমাৰ্গ আংশিকভাৱে মুকলি হৈ আছে, কাটাৰ এয়াৰৱেজে আজি ভাৰতলৈ প্ৰায় ৮–১০খন বিমান চলাচল কৰাৰ সম্ভাৱনা আছে।

• কুৱেইটৰ আকাশমাৰ্গ বন্ধ হৈ আছে, জাজিৰা এয়াৰৱেজ আৰু কুৱেইট এয়াৰৱেজে ছৌদি আৰৱৰ ডাম্মাম বিমানবন্দৰৰ পৰা ভাৰতলৈ অ-নিৰ্ধাৰিত বিমান চলাই আছে।

• বাহৰেইনৰ আকাশমাৰ্গ বন্ধ হৈ আছে, গালফ এয়াৰে ছৌদি আৰৱৰ ডাম্মাম বিমানবন্দৰৰ পৰা ভাৰতলৈ অ-নিৰ্ধাৰিত বিমান চলাচল কৰিছে।

• তেহৰাণত থকা ভাৰতৰ দূতাবাসে ৯৩৫ জন ভাৰতীয় ছাত্ৰ আৰু ৪৭২ জন ভাৰতীয় মাছমৰীয়াকে ধৰি ১,৮৬২ জন ভাৰতীয় নাগৰিকক ইৰাণৰ পৰা আৰ্মেনিয়া আৰু আজাৰবাইজানহৈ  ভাৰতলৈ যোৱাৰ বাবে সুবিধা প্ৰদান কৰিছে।

• বিমান নিষেধাজ্ঞা আৰু আকাশমাৰ্গ বন্ধ হোৱাৰ বাবে বিকল্প ট্ৰেনজিট পথৰ জৰিয়তে ভাৰতীয় নাগৰিকৰ ভ্ৰমণৰ সুবিধা অব্যাহত আছে:

Ø ইজৰাইলৰ পৰা ইজিপ্ত আৰু জৰ্ডান হৈ।

Ø ইৰাকৰ পৰা জৰ্ডান আৰু চৌদি আৰব হৈ।

Ø কুৱেইট আৰু বাহৰেইনৰ পৰা চৌদি আৰব হৈ।

****

MN/DM