भारतीय निवडणूक आयोग
सार्वत्रिक निवडणुका व पोटनिवडणुका 2026: ईसीआयनेट प्लॅटफॉर्मद्वारे उमेदवारांची शैक्षणिक पात्रता व गुन्हेगारी पार्श्वभूमी जाणून घ्या
Posted On:
04 APR 2026 7:03PM by PIB Mumbai
नवी दिल्ली, 4 एप्रिल 2026
- निवडणूक आयोगाने 15 मार्च 2026 रोजी आसाम, केरळ, पुदुच्चेरी, तामिळनाडू आणि पश्चिम बंगाल येथील विधानसभांच्या सार्वत्रिक निवडणुकांचा तसेच गोवा, गुजरात, कर्नाटक, महाराष्ट्र, नागालँड आणि त्रिपुरा येथील 8 विधानसभा मतदारसंघांच्या पोटनिवडणुकांचा कार्यक्रम जाहीर केला.
- 9 एप्रिल 2026 रोजी होणाऱ्या मतदानासाठी आसाम, केरळ आणि पुदुच्चेरी येथील विधानसभा निवडणुका तसेच 4 राज्यांतील पोटनिवडणुकांसाठी एकूण 1,955 उमेदवार रिंगणात आहेत.
- पश्चिम बंगाल (पहिला व दुसरा टप्पा) आणि तामिळनाडू येथील निवडणुकांसाठी उमेदवारी अर्ज दाखल करण्याची प्रक्रिया सुरू झाली आहे. तामिळनाडू आणि पश्चिम बंगाल (पहिला टप्पा) साठी उमेदवारी मागे घेण्याची अंतिम तारीख 9 एप्रिल असून पश्चिम बंगाल (दुसरा टप्पा) साठी 13 एप्रिल आहे.
- नागरिकांना ईसीआयनेटमधील “Know Your Candidates ” केवायसी मॉड्युलद्वारे उमेदवारांविषयीची माहिती, गुन्हेगारी प्रकरणे, मालमत्ता व दायित्वे, शैक्षणिक पात्रता तसेच अधिकृत सोशल मीडिया हँडल्स वर मिळू शकते.
- वापरकर्ते ईसीआयनेटमधील “Conduct of Elections” या टॅबखालील केवायसी मॉड्युल वापरू शकतात. तसेच उमेदवारांनी सादर केलेल्या शपथपत्राची (फॉर्म 26) संपूर्ण प्रत डाउनलोड करता येते.
- ईसीआयनेट हे जगातील सर्वात मोठे निवडणूक सेवा प्लॅटफॉर्म असून, भारताच्या निवडणूक आयोगाच्या 40 पेक्षा अधिक अॅप्स व पोर्टल्स एकत्रित करून सर्व सेवा एका ठिकाणी उपलब्ध करून देते.
- ईसीआयनेटद्वारे मतदारांना मतदार नोंदणी, मतदार यादी शोध, अर्ज स्थिती तपासणी, निवडणूक अधिकाऱ्यांशी संपर्क, बीएलओशी संवादासाठी कॉल बुकिंग, ई-ईपिक डाउनलोड, मतदान प्रवृत्ती आणि तक्रार निवारण यांसारख्या सुविधा उपलब्ध आहेत.
- याशिवाय, नियमभंगाची तक्रार नोंदवण्यासाठी सी विजिल आणि दिव्यांग मतदारांसाठी सुलभ सेवा सुनिश्चित करण्यासाठी सक्षम यांसारखी साधनेही या प्लॅटफॉर्मवर उपलब्ध आहेत.
* * *
शैलेश पाटील/गजेंद्र देवडा/दर्शना राणे
सोशल मिडियावर आम्हाला फॉलो करा:
@PIBMumbai 
/PIBMumbai 
/pibmumbai 
pibmumbai[at]gmail[dot]com 
/PIBMumbai 
/pibmumbai
(Release ID: 2249013)
अभ्यागत कक्ष : 108