ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ
ନକ୍ସଲବାଦ ବିରୋଧରେ ଭାରତର ନିର୍ଣ୍ଣାୟକ ଲଢ଼େଇ ଉପରେ ଲୋକସଭାରେ ଶ୍ରୀ ଅମିତ ଶାହଙ୍କ ଅଭିଭାଷଣକୁ ସେୟାର କରିଛନ୍ତି ପ୍ରଧାନମନ୍ତ୍ରୀ
ପୋଷ୍ଟ କରାଯିବା ଦିନାଙ୍କ:
30 MAR 2026 9:53PM by PIB Bhubaneswar
ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ କେନ୍ଦ୍ର ଗୃହ ମନ୍ତ୍ରୀ ଶ୍ରୀ ଅମିତ ଶାହଙ୍କ ଦ୍ୱାରା ଦିଆଯାଇଥିବା ଉଲ୍ଲେଖନୀୟ ଭାଷଣକୁ ସେୟାର କରି କହିଛନ୍ତି ଯେ ଏହା ଗୁରୁତ୍ୱପୂର୍ଣ୍ଣ ତଥ୍ୟ, ଐତିହାସିକ ସନ୍ଦର୍ଭ ଏବଂ ଗତ ଦଶନ୍ଧି ମଧ୍ୟରେ ସରକାରଙ୍କ ପ୍ରୟାସର ବିସ୍ତୃତ ବିବରଣୀରେ ପରିପୂର୍ଣ୍ଣ ଥିଲା। ଶ୍ରୀ ମୋଦୀ ଉଲ୍ଲେଖ କରିଥିଲେ ଯେ ଦଶନ୍ଧି ଧରି ମାଓବାଦୀ ବିଚାରଧାରା ଅନେକ ଅଞ୍ଚଳର ବିକାଶ ଉପରେ ପ୍ରତିକୂଳ ପ୍ରଭାବ ପକାଇଥିଲା, ଯେଉଁଥିରେ ବାମପନ୍ଥୀ ଉଗ୍ରବାଦ ଅସଂଖ୍ୟ ଯୁବପିଢ଼ିଙ୍କ ଭବିଷ୍ୟତ ଗୁରୁତର ପ୍ରଭାବିତ କରିଥିଲା ।
ସେ ଆହୁରି ମଧ୍ୟ ଗୁରୁତ୍ୱାରୋପ କରିଥିଲେ ଯେ ବିଗତ ଦଶ ବର୍ଷ ଧରି ସରକାର ଏହି ବିପଦକୁ ମୂଳପୋଛ କରିବା ଦିଗରେ କାର୍ଯ୍ୟ କରିଛନ୍ତି, ଏବଂ ଏହା ସହିତ ବିକାଶର ଲାଭ ଯେପରି ନକ୍ସଲବାଦ ଦ୍ୱାରା ପ୍ରଭାବିତ ଅଞ୍ଚଳ ପର୍ଯ୍ୟନ୍ତ ପହଞ୍ଚିପାରିବ ତାହା ମଧ୍ୟ ସୁନିଶ୍ଚିତ କରିଛନ୍ତି। ପ୍ରଧାନମନ୍ତ୍ରୀ ଦୋହରାଇଥିଲେ ଯେ ସରକାର ସୁଶାସନକୁ ସୁଦୃଢ଼ କରିବା ଏବଂ ସମସ୍ତଙ୍କ ପାଇଁ ଶାନ୍ତି ଓ ସମୃଦ୍ଧି ସୁନିଶ୍ଚିତ କରିବା ଉପରେ ଧ୍ୟାନ ଜାରି ରଖିବେ।
ପ୍ରଧାନମନ୍ତ୍ରୀ 'ଏକ୍ସ ’ ରେ ପୋଷ୍ଟ କରିଛନ୍ତି:
"ଗୁରୁତ୍ୱପୂର୍ଣ୍ଣ ତଥ୍ୟ, ଐତିହାସିକ ସନ୍ଦର୍ଭ ଏବଂ ଗତ ଦଶନ୍ଧିରେ ଆମ ସରକାରଙ୍କ ପ୍ରୟାସରେ ପରିପୂର୍ଣ୍ଣ ଗୃହ ମନ୍ତ୍ରୀ ଶ୍ରୀ ଅମିତ ଶାହ ଜୀଙ୍କ ଏହା ଏକ ଉଲ୍ଲେଖନୀୟ ଭାଷଣ।
ଦଶନ୍ଧି ଧରି, ପ୍ରତିଗାମୀ ମାଓବାଦୀ ବିଚାରଧାରା ଅନେକ ଅଞ୍ଚଳର ବିକାଶ ଉପରେ ପ୍ରତିକୂଳ ପ୍ରଭାବ ପକାଇଥିଲା। ବାମପନ୍ଥୀ ଉଗ୍ରବାଦ ଅସଂଖ୍ୟ ଯୁବକମାନଙ୍କ ଭବିଷ୍ୟତକୁ ନଷ୍ଟ କରିଦେଇଛି।
ବିଗତ ଦଶନ୍ଧିରେ, ଆମ ସରକାର ଏହି ବିପଦକୁ ମୂଳପୋଛ କରିବା ଦିଗରେ କାର୍ଯ୍ୟ କରିଛନ୍ତି ଏବଂ ଏହା ସହିତ ବିକାଶର ଫଳ ନକ୍ସଲବାଦ ଦ୍ୱାରା ପ୍ରଭାବିତ ଅଞ୍ଚଳରେ ପହଞ୍ଚିବା ସୁନିଶ୍ଚିତ କରିଛନ୍ତି। ଆମେ ସୁଶାସନକୁ ଆଗକୁ ବଢ଼ାଇବା ଏବଂ ସମସ୍ତଙ୍କ ପାଇଁ ଶାନ୍ତି ଓ ସମୃଦ୍ଧି ସୁନିଶ୍ଚିତ କରିବା ଉପରେ ଧ୍ୟାନ ଦେବୁ ।‘‘
HS
(ରିଲିଜ ଆଡି: 2248860)
ପରିଦର୍ଶକ କାଉଣ୍ଟର : 7
ଏହି ରିଲିଜ ପଢନ୍ତୁ :
English
,
Marathi
,
हिन्दी
,
Bengali
,
Bengali-TR
,
Assamese
,
Manipuri
,
Punjabi
,
Gujarati
,
Telugu
,
Malayalam