প্রধানমন্ত্রীগী লোইশঙ
প্রধান মন্ত্রীনা নেক্সলিজমগী মায়োক্তা ভারতকী অকনবা লান্থেংগী মতাংদা লোক সভাদা শ্রী অমিত শাহনা থমখিবা ৱারোল শিয়র তৌখ্রে
থাগৎখিবা:
30 MAR 2026 9:53PM by PIB Imphal
প্রধান মন্ত্রী শ্রী নরেন্দ্র মোদীনা কেন্দ্রগী গৃহ মন্ত্রী শ্রী অমিত শাহজীনা পীখিবা শিংথানিংঙাই ওইবা ৱারোল অদু শিয়র তৌখি, ৱারোল অদুদা মরুওইবা ৱাফমশিং, পুৱারীগী ওইবা ৱাফমশিং অমসুং হৌখিবা চহি তরা অসিদা সরকারনা হোৎনখিবশিংগী অকুপ্পা ৱারোল য়াওরি হায়না মহাক্না ফোংদোকখি। শ্রী মোদীনা হায়খি মদুদি চহি তরাগী খুজিং কয়াগী মমাংদগী মাওইস্তকী ৱাখল্লোননা লমদম কয়াগী চাউখৎ থৌরাংদা অকায়বা পীরি। লেফ্ত ৱিং এক্সত্রিমিজমনা নহা কয়াগী তুংলমচৎতা শাথীনা শোকহল্লি।
মহাক্না মখা তারদুনা হায়খি মদুদি হৌখিবা চহি ১০ অসিদা, সরকারনা অৱাবা অসি মরুফংনা ফুক্তোক্নবা মাইকৈদা থবক তৌখি অমরোমদা মসিগা লোয়ননা নাক্সালিজম্না শোকহল্লবা মফমশিংদা চাউখৎ-থৌরাংগী কান্নবা ফংহন্নবা হোৎনরি। প্রধান মন্ত্রীনা সরকারনা গুদ গভর্নান্স মপাঙ্গল কনখৎহন্নবা অমসুং মীপুম খুদিংমক্কীদমক শান্তি অমসুং চাউখৎপা ফংহন্নবা মীৎয়েং থমখি হায়না অমুক হন্না ফোংদোকখি।
এক্সতা প্রধান মন্ত্রীনা পোস্ত তৌখি:
“পুৱারীগী ওইবা ৱাফমশিং অমসুং হৌখিবা চহি তরা অসিদা ঐখোয়গী সরকারনা হোৎনখিবশিং য়াওবা মসি গৃহ মন্ত্রী, শ্রী অমিত শাহ জীনা শীংথানীংঙাই ওইবা ৱারোল অমনি।
চহি তরাগী খুজিং কয়াগী মমাংদগী মাওইস্তকী ৱাখল্লোননা লমদম কয়াগী চাউখৎ থৌরাংদা অকায়বা পীরি। লেফ্ত ৱিং এক্সত্রিমিজমনা নহা কয়াগী তুংলমচৎতা শাথীনা শোকহল্লি।
হৌখিবা চহি তরাগী খুজিং অসিদা, সরকারনা অৱাবা অসি মরুফংনা ফুক্তোক্নবা মাইকৈদা থবক তৌখি অমসুং মতম অসিদা নাক্সালিজম্না শোকহল্লবা মফমশিংদা চাউখৎ-থৌরাংগী কান্নবা ফংহন্নবা হোৎনরি। ঐখোয়না গুদ গভর্নান্স মপাঙ্গল কনখৎহন্নবা অমসুং মীপুম খুদিংমক্কীদমক শান্তি অমসুং চাউখৎপা ফংহন্নবা মীৎয়েং থমগনি।”
***
(রিলিজ আই.দি.: 2247301)
ভিজিতর কাউন্তর : 3