Ka jingialang kaba ar jong ka Informal Group of Ministers (IGoM), kaba la seng ban peit ia ki jingjia ha ka thain sepngi jong ak Asia bad ai jingmut ia ki sienjam ban pynduna ia ka jingktah ia ka India, ka la long hapoh ka jingialam jong u Myntri ka tnat iada Ri Rajnath Singh ha Kartavya Bhawan-2, New Delhi ha ka 2 tarik u Iaiong, 2026. Ka IGoM ka la iakren bniah shaphang ki jingjia bad ki sienjam ban shim da ka Sorkar ban pynduna ia ki jingktah kiba mih na kane ka jingkulmar.

Ka Myntri ba dei khmih ia ka tnad kam pla tyngka bad kam kompeni ka Nirmala Sitharaman; Myntri ka tnad Petroleum and Natural Gas Hardeep Singh Puri; Myntri ka tnad kam Bording Manohar Lal; Myntri ka tnad Chemicals & Fertilizers Jagat Prakash Nadda; Myntri ka tnad Kam bar ri Dr S Jaishankar; Myntri ka tnad Consumer Affairs, Food and Public Distribution Prahlad Joshi; Myntri khynnah (Independent Charge) ka tnad Science and Technology Dr Jitendra Singh; bad Myntri ka tnad Railways, Information and Broadcasting, Electronics & Information Technology Ashwini Vaishnaw ki la iashim bynta ha kane ka jingialang.

Namar ka jingartatien halor kane ka jinglong jingman, u Myntri ka tnat iada ri u la ban jur halor ka jingdonkam ban peit bniah ia ki jingjia bad ban shim ia ki sienjam ban pynkhreh ia kano kano ka jingjia. U la ban jur halor ka jingdonkam ban shim lut ia ki sienjam ban pynthikna ba ki briew jong ka ri ki iakynduh ia ki jingeh kiba duna tam namar kane ka jingkulmar.

Ha kane ka jingialang ki hynniew tylli ki Empowered Groups of Secretaries ki la ai jingtip ia ka IGoM shaphang ki sienjam ba la shim ban ialeh pyrshah ia kane ka jingeh. La pyntip ia ka IGoM shaphang ki sienjam ba la shim da ka tnat Finance ban pynbeit ia ki jingeh kiba mih na ka jingshah ktah ka kam khaii pateng ha ka pyrthei bad ban ai jingiarap bad jingkyrshan ia ki kam, khamtam ka kam pynmih mar, bad kyntiew ia ka jingsngew shngain jong ki nongbei tyngka. Kine ki kynthup ia kine harum:

• Ka jingpynbna ha ka 1 tarik u Iaiong, 2026 kaba la pynmih ha kaba iadei bad ka jingpyllait bai customs na ka bynta ki 40 tylli ki mar petrochemical ba kongsan haduh ka 30 tarik u Jylliew, 2026.
• Ka jingpynbna ia ka sienjam ba shisien ban ai jingiarap ia ki SEX ban sie ia ki mar ha ka Domestic Tariff Area (DTA) ha kaba la ioh ia ka bai customs kaba kham duna ka ban treikam naduh ka 1 tarik u Iaiong, 2026 haduh ka 31 tarik u Lber, 2027.
• Ka jingpynbna ha ka 31 tarik u Lber, 2026 ba la ai da ka DoR kaba pynshai ba yn ym pynteikam ia ki bynta jong ka GAAR ha kaba iadei bad ki jingbei tyngka kiba la pyndep shuwa ka 1 tarik u Iaiong, 2017.

Kine ki sienjam kin pynduna ia ka jingeh ha ka jinglut ha ki bynta ba shapoh kynthup ia ki kam kiba iadei bad ki jain, ki jingsong ia ki mar bad ki dawai, kin pynsuk ia ka jingpynbiang mar ha ka ri bad kin ai ia ka jingshai kaba donkam na ka bynta ki nongbei tyngka kiba pyrkhat ban bei tyngka ha India.

U Rajnath Singh u la ïaroh ïa ka rai jong ka Sorkar ban buh pud haduh 25% ha ka jingpynkiew dor ïa ka Aviation Turbine Fuel na u bnai sha u bnai na ka bynta ki kam hapoh ka ri, ka ban treikam naduh ka 01 tarik u Iaiong, 2026. Kane ka sienjam kan ïarap ban ïada ïa ki paidbah na ka jingkiew kynsan ka bai leit bai wan, u la ong.

Ka Sorkar ka la buh hakhmat eh ia ka jingpynbiang ia ka LPG hapoh ka ri, da kaba pynbha ia ka jingpynmih jong ki karkhana khnang ban pyndap pura ia ki jingdonkam. La pyntip sha ka IGoM ba ym shym la don kano kano ka khubor ba la don ki jingduna ha ki jaka sam LPG, bad ka jingpynpoi ïa ki cylinder LPG hapoh ka ri ka dang ïai bteng katkum ka por ba la buh. Ki jingeh ha ka jingpynbiang mar shipor ki la mih namar ki jingjia jong ka jingpynlang ia ki mar bad ka jingdie beain ha ka dork aba kham heh ia ki mar, kaba la pynmih ïa ka jingthied kyrkieh ha ki katto katne ki jaka.

La pyntip ia ki Myntri ba la shim ia ki sienjam tyngeh, da kaba pynlong ïa ki jingkhynra ha kylleng ki Jylla/Union Territory ban tehlakam ïa ka jingpynlang bad jingdie beain ha ka dork aba kham heh ïa ka LPG. La shim ruh ia ki sienjam pyrshah ia ki katto katne ki nongsam LPG kiba leh ia ki kam beain.

Ban kyrshan ia ki nongbylla sngi bad ki longing kiba duna ka jingpyndonkam ia ka LPG, ka Sorkar ka pynthikna ia ka jingdon jong ki tyndong LPG Free Trade kiba 5 kg, bad naduh ka 23 tarik u Lber, 2026, la die palat 4.3 lak tylli kum kine ki tyndong. La ai jingmut kyrpang ia ki Jylla ha kaba ka jingdawa ka kham bun.

La pyntip sha ka IGoM ba la pyndep ia ki jingdonkam jong ki karkhana kiba shaniah ha ka LPG, ha kaba palat 80% na ka jingpynbiang shwa ka jingeh la pynneh ban pynthikna ia ka jingbteng jong ki jingtreikam. La pynlong ia ki jingialang ba kyrpang bad ki tnad bad ki nongshim bynta jong ki karkhana bapher bapher ban sngewthuh ia ka jingdonkam jong ki bad ban pynbiang ia kane. Ki PSU umphniang ki pynthikna ia ka jingbteng ban pynbiang ia ka Auto LPG ha kylleng ka ri. Hynrei ki don ki jingeh ha ka jingpynbiang mar kiba ki nongpyniaid shimet ki iakynduh namar ki jingeh ha ka jingthied mar jong ki, dei na kata ka daw ba la iohi ia ki jingbun briew ha ki pump LPG auto jong ka PSU. Hangno hangno ba ki auto ki long dual feed bad ki lah ban pyndonkam da ka petrol, la pynshlur ia ki ban pyndonkam da ka petrol.

La pyntip ia ki Myntri ba ia ka pynpynpoi ia ka LPG ha ka shisngi ban pyndap ia ka jingkiew ka jingdonkam kaba mih namar ka jingthied kyrkieh, ban pynthikna ba kan ym don ka jingduna na ka bynta ki nongthied. La pynshlur ban shim ia ka Piped Natural Gas (PNG) ban shim na ka bynta ban pyndonkam ha ki karkhana kum ka lad kaba lah ban shaniah ha ki jaka ban leh ia kane. La pynthikna ia ka jingpynbiang ia ka PNG na ka bynta ka jingpyndonkam ha ki karkhana ha ki bynta ba la dep pyndonkam ia ka, da kaba pynneh ia ka jingbteng jong ka jingtreikam.

La pyntip ruh ia ka IGoM ba ki don katto katne kiba leh ia ki kam beain kiba pyrshang ban wanrah ia ka jingtieng da kaba pynsaphriang ïa ki dur ba la photoshop bad pynkylla dur bad ki jingthoh kiba ïalam bakla ha ka social media. Ia kum kine ki jingleh la buddien bha. La kyntu jur ia ki nongshong shnong ba kim dei ban ngeit ne iasam ia ki jingtip ki bym pat pynshisha bad ban shaniah tang ha ki tyllong khubor ba thikna na ka bynta ki jingtip ba thikna.

Ka jingialang kaba nyngkong jong ka IGoM ka la long ha ka 28 tarik u Lber, 2026, ha kaba u Myntri ka tnat iada ri u la bthah ia ki heh sorkar ban buddien bha ia ka jinglong jingman, ban shim ia ka rukom pynkhreh, ban pynneh ia ka jingiatreilang kaba ha khlieh duh, bad ban pynthikna ia ka jingshim rai kaba kloi.

****