পেত্রোলিয়ম অমসুং নেচরেল গ্যাস মন্ত্রালয়
এল.পি.জি. রিফিল বুকিংগী মতমগী মতাংদা পীরিবা পাউগী পাউদমশিংগী মতাংদা শেংদোকপা
থাগৎখিবা:
25 MAR 2026 11:30AM by PIB Imphal
সরকারগী মাইকৈদগী খঙবা ঙম্লে মদুদি অখন্নবা ন্যুজ রিপোর্ত অমসুং সোসিয়েল মীদিয়া পোস্ত খরদা এল.পি.জি. রিফিল বুকিং তৌবগী মতম অসি হোংদোকখ্রে - পি.এম.য়ু.ৱাই. কনেক্সনশিংগীদমক নুমিৎ৪৫, নন-পি.এম.য়ু.ৱাই. সিঙ্গল বোতল কনেক্সনশিংগীদমক ২৫ নুমিৎ, অমসুং নন-পি.এম.য়ু.ৱাই. দবল বোতল কনেক্সনশিংগীদমক নুমিৎ ৩৫নি হায়না পোস্তশিং থাগৎলকপা থেংনখি।
অসিগুম্বা মখল অমত্তগী অহোংবা অমত্তা পুরকখিদে হায়না শেংদোকখ্রে। হৌজিক লৈরিবা রিফিল বুকিংগী মতমশিংদগী অহোংবা অমত্তা লৈতে অমসুং মখাদা পীরিবা অসি মখা তানা লৈরি:
- অর্বান এরিয়াশিংদা নুমিৎ ২৫নি অমসুং
- কনেক্সনগী মখলগী খেন্নবা লৈতনা খুঙ্গংগী লমশিংদা নুমিৎ ৪৫নি।
নাগরিকশিংদা অসিগুম্বা অরানবা পাউশিং অসি থাজবা নৎত্রগা শন্দোকপা তৌদনবা অমসুং এল.পি.জি. রিফিলশিং মথৌ তাদবা নত্রগা মীপাইদুনা হাথু-হাথু ককপা তৌবীদনবা হায়জরি।
লৈবাক অসিদা এল.পি.জি. স্তোক মতিক চানা লৈরি অমসুং পাখৎনিংঙাই মরম অমত্তা লৈতে হায়না অমুক হন্না হায়রি।
***
(রিলিজ আই.দি.: 2245075)
ভিজিতর কাউন্তর : 9
রিলিজ অসি মসিদা পাবীয়ু:
English
,
Gujarati
,
Urdu
,
हिन्दी
,
Marathi
,
Assamese
,
Bengali-TR
,
Bengali
,
Tamil
,
Telugu
,
Kannada