وزیر اعظم جناب نریندر مودی نے آج مغربی ایشیا میں جاری کشیدگی اور ہندوستان کے لیے اس سے پیدا ہونے والے وسیع چیلنجوں پر لوک سبھا سے خطاب کیا ۔  اس بات کا ذکر کرتے ہوئے کہ یہ بحران جوتین ہفتوں سے زیادہ عرصے سے جاری ہے ، جس کے عالمی معیشت اور انسانی زندگیوں پر گہرے منفی اثرات مرتب ہوئے ہیں ، وزیر اعظم نے اس کے تصفیہ کی فوری ضرورت پر زور دیا ۔  صورتحال کی سنگینی کو اجاگر کرتے ہوئے جناب مودی نے کہا کہ "پوری دنیا تمام فریقوں سے اس بحران کے جلد از جلد ممکنہ حل کے لیے زور دے رہی ہے" ۔

ہندوستان کو درپیش چیلنجوں کی نوعیت کے بارے میں تفصیل بتاتے ہوئے وزیر اعظم نے نشاندہی کی کہ اس جنگ کے نتیجے میں  معاشی ، قومی سلامتی اور انسانی زندگی بری طرح متاثر ہوئی ہے۔ انہوں نے کہا کہ ہندوستان کے جنگ میں شامل اور جنگ سے متاثرہ ممالک کے ساتھ وسیع تجارتی تعلقات ہیں ، تنازعات کا علاقہ اہم تجارتی راستوں پر پھیلا ہوا ہے  اور ہندوستان کی خام تیل اور گیس کی ضروریات کا ایک بڑا حصہ اسی خطے سے پورا ہوتا ہے ۔  خلیجی ممالک میں رہنے اور کام کرنے والے تقریباً ایک کروڑ ہندوستانیوں کے ساتھ ساتھ ان سمندروں میں تجارتی جہازوں پر سوار ہندوستانی عملے کے ممبروں کی بڑی تعداد کی طرف توجہ مبذول کراتے ہوئے ، وزیر اعظم نے زور دے کر کہا ، "ہندوستان کے خدشات فطری طور پر زیادہ ہیں اور اس لیے یہ ضروری ہے کہ اس بحران پر ہندوستانی پارلیمنٹ کی طرف سے ایک متحد اور متفقہ آواز دنیا کے سامنے آئے" ۔

ہندوستانی شہریوں کی حفاظت کے لیے حکومت کے فوری کارروائی  کا خاکہ پیش کرتے ہوئے وزیر اعظم نے ایوان کو بتایا کہ جنگ شروع ہونے کے بعد سے متاثرہ ممالک میں ہر ہندوستانی کو ضروری مدد فراہم کی گئی ہے ۔  یہ بتاتے ہوئے کہ انہوں نے زیادہ تر مغربی ایشیائی ممالک کے سربراہان مملکت کے ساتھ ذاتی طور پر دو دورپر مشتمل گفت وشنید کی ہے ، جن میں سے سبھی نے ہندوستانیوں کی حفاظت کے بارے میں مکمل یقین دہانی کرائی ہے ، جناب مودی نے کہا ، "جو لوگ زخمی ہیں ان کے بہتر طبی علاج کو یقینی بنایا جا رہا ہے ، اور ایسے مشکل حالات میں ، سوگوار خاندانوں کو ضروری مدد فراہم کی جارہی ہے" ۔

وزیر اعظم نے بیرون ملک ہندوستانیوں کے لیے فعال قونصلر اور ادارہ جاتی سپورٹ فریم ورک کی مزید تفصیل بتائی ۔  انہوں نے کہا کہ متاثرہ ممالک میں تمام ہندوستانی مشن مسلسل مدد فراہم کر رہے ہیں ، باقاعدہ مشورے جاری کر رہے ہیں ، اور ہندوستان اور دیگر متاثرہ ممالک میں 24/7 کنٹرول روم اور ایمرجنسی ہیلپ لائنز قائم کی گئی ہیں ۔  فعال رسائی کو اجاگر کرتے ہوئے ، وزیر اعظم مودی نے کہا ، "ان میکانزم کے ذریعے ، تمام متاثرہ افراد کو فوری معلومات فراہم کی جا رہی ہیں ، چاہے وہ ہندوستانی کارکن ہوں یا سیاح ۔"

بھارتی شہریوں کوبحفاظت وطن لانے کی کوششوں کی نوعیت پر روشنی ڈالتے ہوئے ، وزیر اعظم نے ایوان کو بتایا کہ جنگ شروع ہونے کے بعد سے اب تک 3,75,000 سے زیادہ ہندوستانیوں کو بحفاظت وطن لایا جاچکاہے ، جن میں صرف ایران سے تعلق رکھنے والے تقریباً ایک ہزار ہندوستانی شامل ہیں ، جن میں سے 700 سے زیادہ نوجوان میڈیکل کے طالب علم ہیں ۔  انہوں نے یہ بھی نوٹ کیا کہ سی بی ایس ای نے خلیجی ممالک کے ہندوستانی اسکولوں میں دسویں اور بارہویں جماعت کے طے شدہ امتحانات منسوخ کر دیے ہیں اور تعلیم کے تسلسل کو یقینی بنانے کے لیے اقدامات کر رہا ہے ۔  حکومت کے نقطہ نظر کا خلاصہ کرتے ہوئے جناب مودی نے زور دے کر کہا کہ "حکومت حساس ، چوکس اور ہر طرح کی مدد فراہم کرنے کے لیے تیار ہے" ۔

توانائی کی فراہمی کے اہم سوال سے خطاب کرتے ہوئے ، وزیر اعظم نے تسلیم کیا کہ بڑی مقدار میں خام تیل ، گیس ، کھاد اور دیگر ضروری اشیاء آبنائے ہرمز کے ذریعے ہندوستان تک پہنچتی ہیں ، اور یہ کہ آبنائے ہرمزکے راستے جہاز وں کانقل وحمل جنگ کے بعد سے انتہائی مشکل ہو گیا ہے۔ اس بات پر زور دیتے ہوئے کہ حکومت کی توجہ عام کنبوں کو مشکلات سے بچانے پر مرکوز ہے ، اور ایل پی جی کے گھریلو استعمال کو ترجیح دینے اور اس کی گھریلو پیداوار کو بڑھانے جیسے اقدامات کو نوٹ کرتے ہوئے ، وزیر اعظم مودی نے کہا ، "اس بات کو یقینی بنانے کے لیے مسلسل کام کیا گیا ہے کہ پورے ملک میں پٹرول اور ڈیزل کی فراہمی ہموار طریقے سے جاری رہے ۔"

وزیر اعظم نے اس بات پر زور دیا کہ کس طرح گزشتہ دہائی کے دوران توانائی کے تنوع کی حکمت عملی نے موجودہ بحران میں اپنی اہمیت ثابت کی ہے ۔  انہوں نے ایوان کو بتایا کہ بھارت نے گزشتہ 11 سالوں میں اپنے توانائی درآمد کے ذرائع کو 27 ممالک سے بڑھا کر 41 ممالک تک پہنچا دیا ہے ، جس سے کسی ایک خطے پر انحصار کم ہوا ہے ۔  اس نقطہ نظر کی دور اندیشی پر زور دیتے ہوئے ، جناب مودی نے کہا ، "آج کے حالات میں ، توانائی کی یقینی فراہمی کے حوالے سے گزشتہ دہائی کے دوران اٹھائے گئے اقدامات اور بھی زیادہ متعلقہ ہو گئے ہیں" ۔

اسٹریٹجک ذخائر کے موضوع پر ، وزیر اعظم نے کہا کہ ہندوستان نے بحران کے ایسے وقت میں خام تیل کے ذخیرے کو ترجیح دی ہے ۔  انہوں نے ایوان کو بتایا کہ آج ہندوستان کے پاس 53 لاکھ میٹرک ٹن سے زیادہ کا اسٹریٹجک پیٹرولیم محفوظ  ہے ، جس میں تیل کمپنیوں کے پاس موجود علیحدہ ذخائر کے علاوہ 65 لاکھ میٹرک ٹن سے زیادہ کے ذخائر کےانتظام کا عمل جاری ہے ۔  ہندوستان کے ریفائننگ ایکوسسٹم کے مجموعی اضافے پر روشنی ڈالتے ہوئے ، وزیر اعظم مودی نے زور دے کر کہا ، "پچھلے 11 سالوں میں ، ہماری ریفائننگ کی صلاحیت میں بھی قابل ذکر اضافہ ہوا ہے" ۔

وزیر اعظم نے تیل ، گیس ، کھادوں اور دیگر ضروری سامان کو ہندوستان لانے والے جہازوں کے محفوظ راستے کو یقینی بنانے کے لیے عالمی سپلائرز کے ساتھ حکومت کی فعال مصروفیات اور خلیجی جہاز رانی کے راستوں کی محتاط نگرانی کے بارے میں تفصیل سے بتایا ۔  سمندری راہداریوں کو محفوظ رکھنے کے لیے تمام عالمی شراکت داروں کے ساتھ مسلسل بات چیت کا ذکر کرتے ہوئے ، جناب مودی نے کہا ، "اس طرح کی کوششوں کی وجہ سے ، ہمارے کئی جہاز جو آبنائے ہرمز میں پھنسے ہوئے تھے ، حالیہ دنوں میں ہندوستان پہنچ چکے ہیں" ۔

ہندوستان کی گھریلو توانائی کی صورت حال کی طرف رخ کرتے ہوئے ، وزیر اعظم نے ایتھنول کی ملاوٹ میں غیر معمولی پیش رفت پر روشنی ڈالی ، جو ایک دہائی قبل محض ایک سے ڈیڑھ فیصد تھی، جو آج تقریباً 20 فیصد ہے ، جس سے تیل کی درآمدات میں تقریبا ساڑھے چار کروڑ بیرل سالانہ کمی واقع ہوئی ہے ۔  انہوں نے ریلوے کی بجلی کاری کا بھی حوالہ دیا ، جس نے سالانہ تقریباً 180 کروڑ لیٹر ڈیزل کی بچت کی ہے ، میٹرو نیٹ ورک کی توسیع جو 2014 میں 250 کلومیٹر سے کم تھی آج تقریباً 1100 کلومیٹر ہے ، اور مرکزی حکومت کی طرف سے ریاستوں کو 15,000 الیکٹرک بسوں کی فراہمی کو یقینی بناناہے ۔  ہندوستان کے توانائی کے مستقبل میں اعتماد کا اظہار کرتے ہوئے ، وزیر اعظم مودی نے زور دے کر کہا ، "آج جس پیمانے پر متبادل ایندھن پر کام کیا جا رہا ہے وہ ہندوستان کے مستقبل کو اور بھی محفوظ بنائے گا" ۔

وسیع تر اقتصادی اثرات سے خطاب کرتے ہوئے ، وزیر اعظم نے تسلیم کیا کہ توانائی جدید معیشت کی ریڑھ کی ہڈی ہے اور مغربی ایشیا عالمی توانائی کی ضروریات کا ایک بڑا ذریعہ ہے ، جس سے موجودہ بحران دنیا بھر کی معیشتوں کے لیے ایک چیلنج بن گیا ہے ۔  انہوں نے ایوان کو بتایا کہ حکومت ایک جامع قلیل مدتی ، درمیانی مدت اور طویل مدتی حکمت عملی کے ساتھ کام کر رہی ہے ، جس کی حمایت مضبوط اقتصادی بنیادی اصولوں ، سیکٹر کے لیے مخصوص شراکت داروں کی مشاورت اور ایک وقف بین وزارتی گروپ کر رہا ہے جو ہندوستان کے درآمدی-برآمدی سلسلے میں ہر مشکل کا جائزہ لینے اور اسے حل کرنے کے لیے روزانہ میٹنگ کرتا ہے ۔  امید کا اظہار کرتے ہوئے جناب مودی نے کہا کہ "مجھے پورا یقین ہے کہ حکومت اور صنعت کی مشترکہ کوششوں کے ذریعے ہم ان حالات کا مؤثر طریقے سے مقابلہ کر سکیں گے" ۔

زراعت پر جنگ کے اثرات کے بارے میں ، وزیر اعظم نے ایوان کو یقین دلایا کہ ہندوستان کے کسانوں نے غذائی اجناس کے مناسب ذخائر کو یقینی بنایا ہے اور حکومت خریف کی مناسب بوائی کو آسان بنانے کے لیے کام کر رہی ہے اور حالیہ برسوں میں خوراک کے مضبوط ہنگامی انتظامات کیے ہیں ۔  کووڈ-19 وبائی مرض اور اس سے وابستہ عالمی سپلائی چین کی رکاوٹوں کے دوران بھی ، جب یوریا کی قیمتیں بین الاقوامی منڈیوں میں 3,000 روپے فی بوری تک بڑھ گئیں ، حکومت نے اس بات کو یقینی بنایا کہ ہندوستانی کسانوں کو وہی بوری 300 روپے سے کم پر ملے ، جناب مودی نے اعلان کیا ، "ماضی میں بھی ، ہماری حکومت نے عالمی بحرانوں کا بوجھ کسانوں پر نہیں پڑنے دیا تھا ۔

ہندوستانی زراعت کو بیرونی اثرات سے بچانے کے لیے اٹھائے گئےمنصوبہ بند اقدامات کی تفصیل بتاتے ہوئے ، وزیر اعظم نے کہا کہ گزشتہ دہائی میں چھ نئے یوریا پلانٹ شروع کیے گئے ہیں ، جس سے سالانہ پیداواری صلاحیت میں 76 لاکھ میٹرک ٹن سے زیادہ کا اضافہ ہوا ہے ، جبکہ ڈی اے پی اور این پی کے ایس کھادوں کی گھریلو پیداوار میں تقریباً 50 لاکھ میٹرک ٹن کا اضافہ ہوا ہے اور کھاد کی درآمد کے ذرائع کو متنوع بنایا گیا ہے ۔  ان کوششوں کی وسعت پر زور دیتے ہوئے ، وزیر اعظم مودی نے کہا ، "جس طرح ہم نے تیل اور گیس کی درآمدات کو متنوع بنایا ہے ، اسی طرح ہم نے ڈی اے پی اور این پی کے ایس کی درآمد کے لیے اپنے اختیارات کو بھی بڑھایا ہے" ۔

وزیر اعظم نے ڈیزل پر کسانوں کے انحصار کو کم کرنے کے لیے میڈ ان انڈیا نینو یوریا ، قدرتی کاشتکاری کو فروغ دینے اور پی ایم-کسم اسکیم کے تحت 22 لاکھ سے زیادہ شمسی پمپوں کی تقسیم جیسی اختراعات کے ذریعے کسانوں کو بااختیار بنانے کے لیے حکومت کے عزم پر روشنی ڈالی ۔

جاری جنگ کے درمیان موسم گرما میں بجلی کی بڑھتی ہوئی مانگ کے چیلنج کے بارے میں اظہار خیال کرتے ہوئے  خطاب کرتے ہوئے ، وزیر اعظم نے ایوان کو بتایا کہ ملک بھر کے تمام پاور پلانٹس میں کوئلے کا کافی ذخیرہ موجود ہے اور ہندوستان نے مسلسل دوسرے سال 100 کروڑ ٹن کوئلہ پیدا کرنے کا ریکارڈ قائم کیا ہے ۔  انہوں نے اس بات پر روشنی ڈالی کہ بجلی کی پیداوار سے لے کر بجلی کی فراہمی تک تمام نظاموں کی مسلسل نگرانی کی جا رہی ہے اور گذشتہ دہائی کے دوران قابل تجدید توانائی میں ہونے والی تبدیلی کے اقدامات سے حکومت کی تیاریوں کو نمایاں طور پر تقویت ملی ہے ، جس میں ہندوستان کی کل نصب شدہ بجلی پیدا کرنے کی صلاحیت کا نصف حصہ اب قابل تجدید ذرائع سے آتا ہے اور ملک کی کل قابل تجدید صلاحیت 250 گیگا واٹ کے تاریخی سنگ میل کو عبور کر رہی ہے ۔  اس بات کا ذکر کرتے ہوئے کہ صرف شمسی توانائی کی صلاحیت پچھلے 11 برسوں میں تقریباً 3 گیگا واٹ سے بڑھ کر 140 گیگا واٹ ہو گئی ہے ، تقریباً 40 لاکھ روف ٹاپ شمسی پینل لگائے گئے ہیں ، 200 کمپریسڈ بائیو گیس پلانٹ اب گوبردھن اسکیم کے تحت کام کر رہے ہیں ، اور یہ کہ نئی منظور شدہ اسمال ہائیڈرو پاور ڈیولپمنٹ اسکیم کے ساتھ نیوکلیائی  توانائی کی پیداوار کو فروغ دیا جا رہا ہے جو اگلے چند سالوں میں 1500 میگاواٹ صلاحیت کا اضافہ کرے گی ، جناب مودی نے زور دے کر کہا ، "یہ تمام کوششیں آج ملک کی بہت خدمت کر رہی ہیں ، اور وہ ہندوستان کے توانائی کے مستقبل کو اور بھی زیادہ محفوظ بنائیں گی" ۔

مغربی ایشیا کے تنازعہ پر ہندوستان کے سفارتی ردعمل پر ، وزیر اعظم نے کہا کہ ہندوستان کا موقف شروع سے ہی واضح رہا ہے ، جس میں گہری تشویش کا اظہار ، کشیدگی میں کمی کی وکالت ، اور شہریوں اور توانائی اور ٹرانسپورٹ کے بنیادی ڈھانچے پر حملوں کی مخالفت کرنا شامل ہے ۔  ایوان کو مطلع کرتے ہوئے کہ انہوں نے تمام متعلقہ مغربی ایشیائی رہنماؤں کے ساتھ بات چیت کی ہے اور ان پر زور دیا کہ وہ تناؤ کو کم کریں اور تنازعہ کو ختم کریں ، اور اس بات پر زور دیتے ہوئے کہ تجارتی جہازوں پر حملے اور آبنائے ہرمز جیسی بین الاقوامی آبی گزرگاہوں کی رکاوٹ مکمل طور پر ناقابل قبول ہے ، وزیر اعظم مودی نے زور دے کر کہا ، "ہندوستان سفارت کاری کے ذریعے جنگی ماحول کے درمیان بھی ہندوستانی جہازوں کے محفوظ راستے کے لیے مسلسل کوششیں کر رہا ہے" ۔

انسانیت اور امن کے تئیں ہندوستان کے عزم مصمم کا اعادہ کرتے ہوئے وزیر اعظم نے زور دے کر کہا کہ بات چیت اور سفارت کاری کے ذریعے  حل  ہی واحد راستہ ہے ۔  اس بات کا ذکر کرتے ہوئے کہ ہندوستان کی ہر کوشش کشیدگی کو کم کرنے اور دشمنی کے خاتمے پر مرکوز ہے ، اور اس جنگ میں کسی بھی جان کو خطرے میں ڈالنا انسانیت کے مفادات کے منافی ہے ، جناب مودی نے کہا ، "ہندوستان کی کوشش تمام فریقوں کو جلد از جلد پرامن حل پر پہنچنے کی ترغیب دینا ہے" ۔

وزیر اعظم نے بحران کے اندرونی سلامتی کے پہلو کی طرف بھی ایوان کی توجہ مبذول کروائی اور خبردار کیا کہ کچھ عناصر ایسے حالات سے فائدہ اٹھانے کی کوشش کرتے ہیں ۔  ایوان کو مطلع کرتے ہوئے کہ امن و امان کی تمام ایجنسیوں کو الرٹ پر رکھا گیا ہے اور تمام شعبوں ، ساحلی ، سرحدی ، سائبر اور اسٹریٹجک تنصیبات میں سیکورٹی کو مزید مضبوط کیا جا رہا ہے ، وزیر اعظم مودی نے خبردار کیا ، "چاہے وہ ساحلی سیکورٹی ہو ، سرحدی سیکورٹی ہو ، سائبر سیکورٹی ہو ، یا اسٹریٹجک تنصیبات ، سب کی سیکورٹی کو مضبوط کیا جا رہا ہے" ۔

اپنے خطاب کا اختتام کرتے ہوئے ، وزیر اعظم نے کہا کہ اس جنگ کی وجہ سے پیدا ہونے والے مشکل عالمی حالات طویل عرصے تک برقرار رہنے کا امکان ہے اور انہوں نے قوم سے تیار اور متحد رہنے کی اپیل کی ، جس طرح وہ کووڈ-19 وبا کے دوران ایک ساتھ کھڑی رہی تھی ۔  صبر ، تحمل اور چوکسی پر زور دیتے ہوئے اور ان لوگوں کے خلاف خبردار کرتے ہوئے جو جھوٹ پھیلا کر ، بلیک مارکیٹنگ یا ذخیرہ اندوزی میں ملوث ہو کر صورتحال کا فائدہ اٹھانے کی کوشش کر سکتے ہیں ، جناب مودی نے ایوان کے ذریعے تمام ریاستی حکومتوں سے اپیل کی کہ وہ ایسے عناصر کے خلاف سخت نگرانی اور فوری کارروائی کو یقینی بنائیں ۔  قوم کے اجتماعی عزم پر اپنے مستقل اعتماد کا اظہار کرتے ہوئے ، وزیر اعظم مودی نے زور دے کر کہا ، "جب اس ملک کی ہر حکومت اور ہر شہری ایک ساتھ چلتے ہیں ، تو ہم ہر چیلنج کو چیلنج کر سکتے ہیں ، یہی ہماری شناخت ہے  اور یہی ہماری طاقت ہے" ۔

********

ش ح۔ ش ب۔ج ا

U. No.4699