প্রধানমন্ত্রীগী লোইশঙ
প্রধান মন্ত্রীনা শহীদ দিৱসতা ভগৎ সিংহ, রাজগুরু অমসুং সুখদেবতা হৈকৎ-লৈকৎ তমখ্রে
থাগৎখিবা:
23 MAR 2026 8:29AM by PIB Imphal
প্রধান মন্ত্রী, শ্রী নরেন্দ্র মোদীনা ঙসি শহিদ দিৱসকী থৌরমদা অথৌবা নীংতম লান্মীশিং, ভগৎ সিংহ, রাজগুরু অমসুং সুখদেববু হৈকৎ-লৈকৎ তমখ্রে।
প্রধান মন্ত্রীনা হায়খি মদুদি লৈবাক অসিগীদমক থৱায় থাখ্রবা অথৌবশিং অসিনা ভারতকী মীয়ামগী ৱাখলদা নিংশিংদুনা লৈহৌরগনি, নহা ওইরিঙৈদা, মখোয়না ভারতকী নীংতম্বা ফংনবা নিংহন্নবা লৈতনা অচেৎপা ফিরেপ উৎখি। শ্রী মোদীনা হায়খি মদুদি, লোইলম শাসনগী শক্তিদগী নিংহন্নবা লৈতনা, মখোয়না থাজবগা লোয়ননা থৱায় কত্থোকপগী লম্বী খনখি, মখোয়না মখোয়গী পুন্সিদগী হেন্না লৈবাক অসিবু লুম্না থমখি, অমসুং মখোয়গী অচুম্বা ৱায়েল, লৈবাক নিংবা অমসুং অকি-অখং লৈতবা মায়োক্নবগী ৱাখল্লোন অসিনা ঙসিসু মশিং য়াম্লবা ভারত ভারতমচা কয়াগী ৱাখল্লোনবু মখা তানা পুক্নিং থৌগৎলি।
প্রধান মন্ত্রীনা Xতা অসুম্না ইখি:
“ঙসি, ভারত ইমাগী থৌনা ফরবা মপারিশিং, ভগৎ সিংহ, রাজগুরু অমসুং সুখদেবকী মফমদা ঐখোয়না ইকায়- খুম্নবা উৎচরি। লৈবাক অসিগীদমক্তা মখোয়গী থৱায়না পোন্থা ওইখিবা অদু ঐখোয় পুম্নক্কী ৱাখলদা হক্তুনা লৈহৌরে।
নহা ওইরিঙৈদা, মখোয়না থোইদোক-হেন্দোকপা থৌনা অমসুং মখোয়না ভারতকী নীংতম্বা ফংনবা নিংহন্নবা লৈতনা অচেৎপা ফিরেপ উৎখি। লোইলম শাসনগী শক্তিদগী নিংহন্নবা লৈতনা, মখোয়না থাজবগা লোয়ননা থৱায় কত্থোকপগী লম্বী খনখি, মখোয়না মখোয়গী পুন্সিদগী হেন্না লৈবাক অসিবু লুম্না থমখি। মখোয়গী অচুম্বা ৱায়েল, লৈবাক নিংবা অমসুং অকি-অখং লৈতবা মায়োক্নবগী ৱাখল্লোন অসিনা ঙসিসু মশিং য়াম্লবা ভারত ভারতমচা কয়াগী ৱাখল্লোনবু মখা তানা পুক্নিং থৌগৎলি।”
***
(রিলিজ আই.দি.: 2243733)
ভিজিতর কাউন্তর : 6