হৌজিক লৈরিবা রেগ্যুলেতরী ফ্রেমৱার্ককী মতুং ইন্না, প্রাইভেত সেতলাইত TV চেনেলশিংদা তেলিকাস্ত তৌরিবা এদভর্তিজমেন্ত পুম্নমক কেবল TV নেতৱার্কস (রেগুলেসন) এক্ত, 1995 অমসুং মদুগী মখাদা শেম্বা রুলশিংগী মখাদা প্রেস্ক্রাইব তৌরিবা এদভর্তাইজিং কোদ অদু ঙাক্না চৎকদবনি। এদভর্তাইজিং কোদতা, অতোপ্পা ৱাফমশিংগী মরক্তা, মখাদা পীরিবা অসি য়াউরি:

রুল 7(5): এদভর্তাইজ তৌরিবা পোত্থোক নত্ত্রগা মসিগী মচাকশিং অমহেক্তদা খুদম-চাংদম ওইনা তাকপদা লুবা  অখন্নবা নত্ত্রগা ঙক্নিংঙাই ওইবা নত্ত্রগা সুপর-নেচরেল ওইবা মগুন নত্ত্রগা ক্বালিতি অমা লৈ, হায়না মীয়াম্না খনবা য়াবা রেফরেন্স অমত্তা এদভর্তাইজ তৌবদা য়াওরোইদবনি।

রুল 7(7): অঙাংশিংগী সেফতীদা খুদোংথীনিংঙাই ওইবা নত্ত্রগা মখোয়দা শাফদবা থবক-থৌরমশিংদা পুক্নিং চিংশিনহনবা নত্ত্রগা মখোয়বু চাক্নি ফিনিবা ওইনা উৎপা নত্ত্রগা ইকাই-খুম্নদবা মওংদা নত্রগা নাতৈ চাদবা মওংদা উৎপা এদভর্তিজমেন্ত অমত্তা কেবল সর্ভিসতা উৎলোইদবনি।

রুল 7(9): মতম মতমগী ওইনা ভারত্তা পব্লিক একজিবিসনগীদমক্তা এদভর্তাইজিং স্তেন্দর্দ কাউন্সিল ওফ ইন্দিয়া (ASCI), মুম্বাইনা এদভর্তাইজিংদা সেলফ-রেগুলেসনগী কোদ অসি থুগাইরিবা এদভর্তাইজ অমত্তা কেবল সর্বিসতা উৎলোইদবনি।

কেবল তেলিভিজন নেতৱার্ক (অমেনমেন্ত) রুলস, 2021না তেলিভিজন চেনেলশিংনা শন্দোক্লিবা কন্তেন্তগা মরী লৈননা নাগরিকশিংগী গ্রীভান্সশিং/কমপ্লেন্তশিং অদু কোকহন্নবগীদমক স্তেচুতরী থ্রী-তিয়র মেকানিজম অমা পীরি। লেভেল অহুমগী কমপ্লেন্ত রিদ্রেসেল স্ত্রকচর অসি মখাদা পীরি:

লেভেল I - ব্রোদকাস্তরশিংনা মশা-মশানা রেগুলেত তৌবা,

1. লেভেল II – ব্রোদকাস্তরশিংনা মশা-মশানা রেগুলেত তৌবা বোদিশিংনা মশা-মশানা রেগুলেত তৌবা, অমসুং
2. লেভেল III – কেন্দ্র সরকারনা য়েংশিনবা মেকানিজম।

কেবল তেলিভিজন নেতৱার্ক (অমেনমেন্ত) রুলস, 2021গী রুল 16না হায়রি মদুদি চেনেল অমগী প্রোগ্রামগী কন্তেন্তনা এদভর্তাইজিং কোদকী মতুং ইন্না চত্তে হায়না খল্লবা মীওই অমহেক্তনা ব্রোদকাস্তর অদুদা মহাক্কী কমপ্লেন্ত অদু অইবা ওইনা পীশিনবা য়াই। অদুম ওইনমক, করিগুম্বা কমপ্লেন্ত অদু এদভর্তাইজিং স্তেন্দর্দ কাউন্সিল ওফ ইন্দিয়া (ASCI) না শেম্বা এদভর্তাইজিং কোদকা মরি লৈনরবদি, কমপ্লেন্ত অদু মরি লৈনবা কাউন্সিল বেংশিনবা য়াই অমসুং কাউন্সিল অদুনা কমপ্লেন্ত অদুগী মতাংদা শেম্বা প্রোসিদ্যুরগী মতুং ইন্না থবক লৌখৎকদবনি। মখাতানা ASCIনা কমপ্লেন্ত অদু ফংলবা মতুং নুমিৎ হুমফুগী মনুংদা মদুগী মতাংদা ৱারেপ লৌগনি অমসুং ব্রোদকাস্তর অমসুং কমপ্লেন্ত তৌরিবা মীওইদুদা মদুগী মতাংদা পাউ পীগনি।

প্রোগ্রাম কোদ অমসুং এদভর্তাইজিং কোদ থুগাইবা নৎত্রগা মদু ঙাক্না চত্তবা মতাংদা লাকপা কমপ্লেন্তশিং য়েংশিন্নবা কেন্দ্র সরকারনা ইন্তর দিপার্তমেন্তেল কম্মিতী (IDC) অমা শেমখ্রে। IDCগী রিকমেন্দেসনশিংগী মতুং ইন্না, এদভর্তাইজিং কোদকী প্রোভিজন অমা হেক্তবু থুগাইবা থেংনবদা এদভাইজরী, ৱার্নিং, এপোলোজী স্ক্রোল অমসুং ওফ-এয়র ওর্দরশিং ইসু তৌদুনা প্রাইভেত TV চেনেলশিংগী মায়োক্তা চুনবা থবকশিং লৌখৎকনি। মিনিস্ত্রীনা মতম মতমগী ওইনা ব্রোদকাস্তরশিংদা এদভর্তাইজিং কোদ ঙাক্না চৎনবগীদমক এদভাইজরীশিং পীরি।

লান্না লমজিংবা এদভর্তিজমেন্তশিং মখাতানা হন্থহন্নবা অমসুং ওনরেবল সুপ্রিম কোর্তকী ওর্দরগী মতুং ইন্না 07.05.2024দা মন্ত্রালয় অসিনা সেল্ফ-দিক্লেরেসন সর্তিফিকেৎ (SDC) অপলোদ তৌনবগীদমক্তা TV/রেদিও এদভর্তিজমেন্তশিংগীদমক্তা ব্রোদকাস্ত সেবা পোর্তেল অমসুং প্রিন্ত/ইন্তরনেত এদভর্তিজমেন্তশিংগীদমক্তা প্রেস কাউন্সিল ওফ ইন্দিয়া পোর্তেলদা অনৌবা ফিচর অমা হৌদোকখ্রে। মিনিস্ত্রীনা এদভাইজরী অমা 03.07.2024  ইসু তৌদুনা এদভর্তাইজরশিং/এদভর্তাইজিং এজেন্সীশিংদা মথক্তা পনখ্রিবা পোর্তেলশিংদা প্রিন্ত/ইলেক্ত্রোনিক/ইন্তরনেতকী তোঙান-তোঙানবা মীদিয়া প্লেৎফোর্মশিংদা ফোংবা “ফুদ অমসুং হেল্থ সেক্তরশিং”গা মরী লৈনবা পোত্থোকশিং অমসুং সর্বিসশিংগা মরী লৈনবা এদভর্তিজমেন্তশিংগীদমক চহিগী ওইবা SDC অমা অপলোদ তৌনবা হায়খ্রে।

দিজিতেল ন্যুজ পাব্লিশর অমসুং OTT প্লেতফোর্মশিংগী কন্তেন্ত অমসুং ওনলাইন এদভর্তিজমেন্তশিংগীদমক, ইনফোর্মেসন অমসুং ব্রোদকাস্তিং মন্ত্রালয়না ওনলাইন বেতিং প্লেৎফোর্মশিং নৎত্রগা মখোয়গী সরোগেৎ প্রদক্তশিং/সর্ভিসশিংগী এদভর্তিজমেন্তশিং ফোঙদনবগীদমক প্রিন্ত, ইলেক্ত্রোনিক অমসুং দিজিতেল মীদিয়াদা 13.06.2022, 03.10.2022 অমসুং 06.04.2023দা এদভাইজরীশিং থোকখ্রে।

কঞ্জ্যুমর এফিয়র্স মন্ত্রালয়গী মখাদা লৈবা সেন্ত্রেল কঞ্জ্যুমর প্রোতেক্সন ওথোরিতীনা “গাইদলাইনস ফোর প্রিভেন্সন ওফ মিসলীদিং এদভর্তিজমেন্ত রুল্স, 2022” জুন 9, 2022দা থোকখিবা নোতিফিকেসনগী খুত্থাংদা ফোলস নত্রগা মিসলীদিং এদভর্তিজমেন্ত থীংনবা অমসুং মদুগা মরী লৈনবা এন্দোর্সমেন্তশিং তৌদনবা গাইদলাইনশিং পীরি। অরানবা অমসুং লান্না লমজিং-লমতাকপা এদভর্তিজমেন্তশিং য়াওনা চৎন-কাংলোনশিং অসি থুগাইবগী মতাংদা লাকপা কমপ্লেন্তশিং অসি কঞ্জ্যুমর প্রোতেক্সন এক্ত, 2019গী মখাদা য়েংশিল্লি।

মসিগী পাউ অসি ঙসি লোক সভাদা শ্রী সুরেশ কুমার শেৎকর অমসুং শ্রী বিজয়কুমার এলিয়াস বিজয় বসন্তকী ৱাহংগী পঅইবা পাউখুম ওইনা দা. এল. মুরুগান, ইনফোর্মেসন অমসুং ব্রোদকাস্তিং অমসুং পার্লিয়ামেন্তরী এফিয়র্সকী রাজ্য মন্ত্রীনা পীশিনখিবনি।

***