প্রধান মন্ত্রী শ্রী নরেন্দ্র মোদিনা চেয়রমেন ওইবা কেবিনেৎ কমিতি ওন ইকোনোমিক এফেয়রসনা ঙসি এন.ঐচ.-৭৫২ দিগী বদনাৱার-পেতলাৱাদ-থান্দলা-তিমারৱানি সেক্সনদগী কিলোমিতর ৮০.৪৫ শাংবা কোরিদোর অমা সেমগৎনবা অয়াবা পিখ্রে অমসুং মসিগী অপুনবা কেপিতেল কোশ্ৎ লুপা করোর ৩,৮৩৯.৪২নি।

অয়াবা পিরবা কোরিদোর অসিনা দিল্লী মুম্বাই এক্সপ্রেশৱে (দি.এম.ই.)দা উজ্জৈনদগী তিমরাৱানি ইন্তরচেঞ্জ ফাওবগী কনেক্তিবিতি ফংহল্লগনি।

প্রপোজ তৌরিবা লেন মরিগী প্রোজেক্ত কোরিদোর অসিগী মরুওইবা পান্দমদি চত্থোক-চৎশিনগী মঙম হেনগৎহনবনি অমসুং মসিনা চত্থোক-চৎশিনগী মতম অসি চাওরাক্না পুং অমরোম হন্থগনি হায়না পানরি। কিলোমিতর ৭০.৪০ শাংবা উজ্জৈন–বদনাৱার সেক্সন অসি হান্ননা ২-লেন্দগী ৪-লেন্দদা অপগ্রেদ তৌখ্রে। খুদক্কী ওইবা বদনাৱার–তিমরাৱানি মশাং অসি জিওমেত্রি ফত্তবা (পুংদা কিলোমিতরদা ২০-৫০গী স্পীদ) লৈবা হৌজিক লৈরিবা ইন্তরমিদিয়েৎ লেন (মিতর ৫.৫) অমনি। সেক্সন অসি অপগ্রেদ তৌবনা দিল্লী মুম্বাই এক্সপ্রেশৱে (দি.এম.ই.)দা উজ্জৈনদগী তিমরাৱানি ইন্তরচেঞ্জ ফাওবগী দাইরেক্তা ৪-লেন কনেক্তিবিতি অসি পুংদা কি.মি. ৮০-১০০ গী স্পীদকা কোন্ননা মপুং ফারগনি।

তিমরৱানি–থান্দলা–পেতলাৱাদ–বদনাৱার–উজ্জৈন কোরিদোর অসি গুজরাত অমসুং মহারাস্ত্রদগী উজ্জৈন ফাওবগী ত্রাফিক্কী খ্বাইদগী তেনবা লম্বিনি। তিমরৱানি–বদনাৱার সেক্সন অসি অপগ্রেদ তৌবনা ইন্তর-স্তেত কনেক্তিবিতি অসি মপাঙ্গল কনখৎহনগনি অমসুং ত্রাফিক ইফিসিয়েন্ত ওইনা চত্থোক-চৎশিন তৌবা ঙমহনগনি অমসুং এপ্রিল-২০২৮ দা সিমহস্থা কুম্ভ মেলাগী মনুংদা ত্রাফিক হেনগৎলকপগীসু চেকশিন্না য়েংশিনগনি।

বদনাৱার-পেতলাৱাদা থান্দলা-তিমারৱানি সেক্সন অসিনা ধার & ঝাবুয়া জিলাশিংগী ত্রাইবেল লমদমসিংদা চৎলি। ধার জিলাগী শরুক খরদি নিতি আয়োগকি এস্পীরেশনেল ব্লোক প্রোগ্রামগী মখাদা কোনসিল্লী। সেক্সন অসি অপগ্রেদা তৌবনা উজ্জিয়ান-বদনাৱার–তিমারৱানি কোরিদোরদগী দিল্লী–মুম্বই এক্সপ্রেশৱে ফাওবা হকথেংননা অমসুং য়াম্না থুনা য়ৌবা ঙম্লগনি। মসিগী অহোঙবা লিঙ্কেজ অসিনা লোজিস্তিক্সকি মমল হন্থহনগনি, রো মেতরিয়েলশিং অমসুং লোয়শিল্লবা পোৎলমশিং অসি মঙম লৈনা চত্থোক-চৎশিন তৌবদা লাইথোকহল্লগনি অমসুং ইন্দোর, পিথম্পুর,উজ্জৈন অমসুং দেৱাসতা লৈবা ইন্দস্ত্রিয়েল হবশিং/এম.এম.এল.পি.শিংগী খুদোংচাবা হেনগৎহনগনি।

প্রপোজ তৌরিবা প্রোজেক্ত অসিনা চত্থোক-চৎশিনগী মতম, মী য়াম্না তিনবা, অমসুং ওপরেতিং কোস্ত হন্থহন্দুনা সেফতি ফগৎহন্নবা অমসুং ত্রাফিক চত্থোক-চৎশিন তৌবদা অকায়বা পিনবা দিজাইন তৌবা হায় স্পীদ কনেক্তিবিতি লৈহল্লি। মরু ওইনা, প্রোজেক্ত অসিনা লমদম অসিগী বেসিক ইনফ্রাস্ত্রকচর হেঙ্গৎহল্লগনি, মসিনা মধ্য প্রদেশ রাজ্যগী ধার অমসুং ঝাবুৱা জিলাশিংগী অপুনবা শেন্মীৎলোনগী চাওখৎ-থৌরাংদা মতেং পাংগনি।

প্রোজেক্তা অসিগী মরুওইবা মশকসিং অসি মখাদা পিরি:

এনেক্সর-I

***