খুরুমজরি!

হৌখিবা চয়োলদা বজেত ৱেবিনার পরিংগী অহানবা ৱেবিনার পাংথোকখ্রে মসি য়াম্না মাইপাকপা অমনি হায়বা ঐ খঙলে। অহানবা ৱেবিনার মাইপাক্না পাংথোকখ্রে অমসুং বজেত্ত পনখিবশিং থবক ওইনা পাংথোক্নবগী মতাংদা অফবা পাউতাকশিং ফংখি অমসুং থৱায় য়াওনা শরুক য়াখিবশিং ঐনা থাগৎপা ফোঙদোকচরি। ঙসি পরিং অসিগী অনিশুবা ৱেবিনার পাংথোক্লি। তোঙান তোঙানবা হিরমশিংদা মীওই লিশিং কয়ানা পাউতাকশিং পীরক্কনি অমসুং অখঙ-অহৈশিং ঐখোয়গী থৌরম অসিদা শরুক য়াগনি হায়বা ঐ খঙলে। বজেতকী মরমদা য়াম্না পাক-চাউনা খন্ন-নৈনবা অসি য়াম্না মাইপাকপা চাংয়েং অমনি। ৱেবিনার অসিদা শরুক য়াবগীদমক ঐনা ময়াম পুম্নমক থাগৎপা ফোঙদোকচরি। ঐনা অদোম তরাম্না ওকচরি। ৱেবিনার অসিগী থিমগা লৈবাক অসিগী শেন-থুম চাউখৎপদা মখা তানা থৌনা হাপ্নবগা মরী লৈনৈ। মালেমগী সপ্লাই চেনশিং অমুক হন্না শেমদোকপগা লোয়ননা, ভারতকী অফবা শেন্মিৎলোন অসি মালেমগী থাজবগী মৈরা অমা ওইরক্লে। শেন্মিৎলোন য়াংনা চাউখৎলকপা অসি বিকসিত ভারত অমগী অকনবা য়ুম্ফম অমনি। সরকারগী নাখৈ শেংবা পান্দম অমসুং নাখৈ শেংবা ৱারেপ লৈরি। ঐখোয়গী মাইকৈ নাখৈ শেংলি, ঐখোয়গী ৱারেপ নাখৈ শেংলি, হেন্না শেমগৎলি, হেন্না পুথোক্লি, হেন্না শম্নরি, হেন্না মপান্দা থাদোক্লি। ঙসি অদোমগা পাংথোক্কদৌরিবা খন্ন-নৈনবশিং অসিনা ফংলকপা পাউতাকশিংনা মরুওইবা থৌদাং অমা লৌগনি।

মরুপশিং,

মেনুফেকচরিং, লোজিষ্টিক্স, এম.এস.এম.ইশিং অমসুং সহরগী মফমশিং নাইতোম লৈবা নত্তে, শেন-থুমগী অমগা অমগা শম্নবা য়ুম্বীশিংনি হায়বা অদোম খঙলে। খুদম ওইনা,  মেনুফেকচরিং চাউখৎপনা মপান্দা পোৎ-চৈ থাদোকপা হেনগৎহল্লি অদুগা এম.এস.এম.ইশিং চাংদম্নবনা থবক মখল কয়া পায়খৎপা অমসুং অনৌবা থবক হেনগৎহল্লি। চহি অসিগী বজেতনা হায়রিবা য়ুম্বীশিংদা অকনবা মপাঙ্গল হাপ্লে।

মরুপশিং,

মাইকৈ অমতনা মশা মরোমদোম অফবা ফলশিং পুরক্তে। উদ্যোগ, শেন-থুমগী লোয়শঙশিং অমসুং রাজ্য সরকারশিংনা থৱায় য়াওনা শরুক য়াদ্রবদি থৌশিল অমনা মথন্থ মহৈ চাবা ফংলোই। মরী লৈনবশিংনা মেনুফেকচরিং, পোৎথোক পুথোকপা হেনগৎনবা অমসুং শেন য়াম্না চঙহন্দনা পুথোকপা ঙম্নবা খন্ন-নৈনবা মরুওইনা লৌগদবনি। হায়রিবা মাইকৈশিং অসিদা অদোমগী পাউতাকশিংনা লৈবাক অসিগী কাচিন-কোয়া খুদিংমক চাউখৎহনবদা মরুওইবা থৌদাং লৌগনি। মাইকৈ অসিদা অদোমগী পাউতাকশিং য়াম্না মরুওই।

মরুপশিং,

মেনুফেকচরিংগী লমদা, ঙসি লৈবাক অসিনা মসিগী মরুওইবা উদ্যোগকী থবকশিং ফগৎহল্লে। মরুওইবা থবকশিং ফগৎনবা অমসুং মেনুফেকচরিং সেক্তরদা লৈরিবা খুদোংচাদবশিং কোকহন্নবা সরকারগী থবকশিং ফগৎহল্লে। দেদিকেতেদ রিয়র আর্থ কোরিদোরশিং অমসুং কন্তেন্নর শাবগুম্বা হিরমশিংদা পান্দম থম্বা অসিনা ললোন-ইতিক্কী থবক ফগৎহনগনি। বজেত্ত বাইওফার্মা শক্তি মিসন লাউথোক্তুনা বাইওলোজিক্স অমসুং অনৌবা থেরাপিশিংগীদমক ভারত মালেমগী মফম অমা ওইহন্নবা পান্দম থম্লি। অৱাংবা থাক্কী বাইওফার্মা রির্ছা অমসুং মেনুফেকচরিংদা লুচিংবা ওইনবা মাইকৈদা চঙশিনবা ঐখোয় পাম্মী।

মরুপশিং,

ঙসি, মালেম্না মতিক চাবা অমসুং খুদোংথিবা মায়োক্নবা ঙম্বা মেনুফেকচরিং লৈবাকশিং থিরি। ঙসি ভারতনা মসিগী থৌদাং অসি লৌনবা খুদোংচাবা ফংলে। রিছার্স অমসুং অৱাংবা থাক্কী তেক্নোলোজিশিংদা মরী লৈনবশিংনা শেন থাদগদবনি অমসুং মালেমগী ক্বালিতি ষ্টেন্দার্দশিং ঙাক্না চৎগদবনি। ঐখোয়না মালেমগী থাকশিং য়ৌনবা মগুনশিং লৈহনগদবনি। ঐনা হঞ্জিন-হঞ্জিন হায়রি মদুদি ঐখোয়গী লম্বীদা খুদোংচাবশিং লাকপগা লোয়ননা, ঐখোয়গী অমতা ঙাইরবা লাইৱাদি: মগুন, মগুন, মগুন্না ওইগদবনি।

মরুপশিং,

ভারতনা লৈবাক কয়াগা ফ্রি ত্রেদ এগ্রিমেন্তশিং খুৎয়েক পীনরে। মসিনা ঐখোয়গী অচৌবা থোঙ অমা হাংদোক্লে অমসুং অসিগুম্বা ফিবম অমদা, কৈদৌঙৈদা গুন য়াওবা পোৎথোক পুথোকপদা শন্তাইন্দবা হায়বসি ঐখোয়গী থৌদাংনি। ঐখোয়গী পোৎথোকশিং মগুনদা মালেমগী থাকশিং য়ৌগদবনি। মীয়াম্না শীজিন্নবদা নুংঙাইগদবা পোৎথোকশিং পুথোক্নবা মালেমগী কঞ্জুমরশিংগী অপাম্বশিং খঙনবা থিজিনবা দরকার ওইরে। মতম অদু খক্তদা ঐখোয়না ফ্রি ত্রেদ এগ্রিমেন্তশিংগী কান্নবশিং লৌবা ফংগনি। মখোয়না অচৌবা জহাজ অমা শানবা অপীকপা পোৎশক অমা লৈবা পাম্মে হায়না খল্লসি। করিগুম্বা ঐখোয়না চেকশিন্দনা পার্ত অদু থাখ্রবদি, কনানা পোৎশক অদু লৌগনি? ঐখোয়গী ওইনা মদু অপীকপা মচাক অমনি, অদুবু মখোয়গী ওইনা অচৌবা মেনুফেকচরিং য়ুনিতনি, মসি য়াম্না মরুওই। মরম অদুনা ঙসিগী চাংদম্নরিবা মালেম অসিদা, মগুন লৈহনবা হায়বসিনা ঐখোয়গীদমক অফবা খুদোংচাবশিং ওইহল্লে। মখোয়গী দরকার ওইবা মতুংইন্না ঐখোয়না শীজিন্নবদা নুংঙাইবা পোৎথোকশিং শাগদবনি। মতম অদু খক্তদা ঐখোয়না খুদোচাবশিং লৌবা য়াগনি। ফ্রি ত্রেদ এগ্রিমেন্তশিং থৌরাং তৌদুনা লৈরে অমসুং অদোমগীদমক চাউখৎপগী হায়ৱে শেম-শাদুনা লৈরে। ৱেবিনার অসিদা অদোমগী খন্ন-নৈনবশিং হিরম অসিদা মীৎয়েং চঙগনি হায়না ঐনা থাজৈ।

মরুপশিং,

এম.এস.এম.ই মখল খায়দোকপদা অওনবশিং পুরকখিবগী কান্নবা পাক-শন্না ফংলে। মখল খায়দোকখিবা অসিনা অপীকপা ললোন-ইতিক্কী থবকশিং পাকথোক-চাউথোকপদা অকিবা লৈরম্বা অদু কোকহল্লে। সরকারনা মখা তানা শেন্থং পীবা হেনগৎহল্লে অমসুং তেক্নোলোজিশিং ফগৎহল্লে।

মরুপশিং,

অশেংনবা কান্নবদি এম.এস.এম.ইশিংনা মালেমগী চাংদম্নবা শরুক য়াবা ঙম্বগী মখা পোল্লে। হৌজিক্কী মতম অসি এম.এস.এম.ইশিংনা মখোয়গী পোৎথোক হেনগৎহনবা, মখোয়গী পোৎথোকশিংগী গুনশিং হেনগৎহনবা অমসুং দিজিতেলগী থবকশিং পায়খৎপা অমসুং অফবা ভেলু চেনশিং লৈহনবা মতম ওইরে। হিরম অসিদা ৱেবিনার অসিদা অদোমগী পাউতাকশিং য়াম্না মরুওই।

মরুপশিং,

লৈবাক অসি চাউখৎনবা লাল্লোংদা ইনফ্রাষ্ট্রকচর অমসুং লোজিষ্টিক্স অসি মরুওইবা য়ুম্বীশিংনি, চহি অসিগী বজেত্ত য়াম্লবা কেপিতেল এক্সপেন্দিচর অমনা শৌগৎলি। থবক ফজনা পাংথোক্নবা অয়াংবা রেল, মল্তি-মোদাল কন্নেক্তিবিতি অমসুং জহাজ শেমজিনবগী খুদোংচাবশিং লৈহনবা তঙাইফদে। অনৌবা হায়-স্পিৎ রেল কোরিদোরশিংনা চাউখৎপা হেনগৎহল্লগনি। মখোয়গী লাল্লোংশিংগী মতুংইন্না, উদ্যোগ অমসুং ইনভেষ্টরশিংনা থবক ওইনা পাংথোকপা মতমদা ইনফ্রাষ্ট্রকচর অসিগী কান্নবা ফংগনি। হায়রিবা লাল্লোংশিং অসিগা লোয়ননা, অদোম্না কুপ্না খন্নগদবনি অমসুং হায়রিবা ৱাফমশিং অসিদা অদোম পুক্নিং চঙগনি হায়না ঐনা থাজৈ।

মরুপশিং,

ভারতকী চাউখৎপগী খোঙচত্ত সহর শেমগৎপনা মরুওইবা থৌদাং অমা লৌরি। ভারতকী তুংগী চাউখৎপা লৈবাক অসিগী সহরশিং মপুংফানা থৌরাং তৌবা অমসুং অশীন-অরাং তৌবগী মখা পোল্লি। তয়ার-২ অমসুং তয়ার-৩ সহরশিংনা অনৌবা চাউখৎপগী ইঞ্জিনশিং ওইবা য়াগনি। হিরম অসিগী মতাংদা পাউতাকশিং পীরকপা য়াম্না মরুওই অমসুং বজেত ৱেবিনার অসিদা অদোমগী পাউতাক য়াম্না মরুওই।

মরুপশিং,

ঙসি মালেমগী শেন্মিৎলোন্দা অচৌবা অওনবা অমা লাক্লে। হৌজিক মালেম্না তুংকোইনা চৎনবা য়াবদা মাইওনশিল্লে, হৌজিক কৈথেলশিংনা মমলগী মথক্ত মহৌশাদা পীবা অকায়বদা ওইনা য়েংলে। কার্বোন চুপশিনবা, শীজিন্নবা অমসুং লীদুনা থম্নবা মিসন অসি য়াম্না মরুওইবা থবক অমনি, ললোন-ইতিক্কী মরুওইবা লাল্লোংদা তুংকোইনা চৎনবা য়াবগা পুনশিনবা অসি তঙাইফদে। মৈখু থাংদবা তেক্নোলোজিদা শেন থাদরিবা উদ্যোগশিং মতমগী মতুংইন্না লাক্লিবা চহিশিংদা অনৌবা কৈথেলশিংদা য়ৌবা ঙমগনি। চহি অসিগী বজেত্ত অনৌবা মাইকৈ অমা তাক্লে। মসিগীদমক  উদ্যোগশিং, ইনভেষ্টরশিং অমসুং মহৈলোয়শঙশিং পুন্না মাঙলোমদা চঙশিন্নবা ঐনা হায়জরি।

মরুপশিং,

বিকসিত ভারত অমগী পান্দম ফংনবা অপুনবা ওইনা মপু ওইমিন্নবা দরকার ওই। মসিগী বজেত ৱেবিনার অসি খন্ন-নৈন্নবা মফম অমা খক নত্ত্রগা লৌশিং তান্নবা মফম অমা ওইরোইদৌবনি। মসিনা পুন্না শরুক য়ামিন্নবা উৎপা য়াম্না দরকার ওই। বজেতনা ঙাক্লৌ পীরে; অদোম্না পুন্না খোঙজেল য়াংখৎহনগদবনি। ঐখোয়গী থবকশিংদা অদোম শরুক য়াগদবনি। অফবা ফলশিং উবা ফংনবা অদোমগী পাউতাক, অদোমগী খঙজবশিংগী কান্নবা য়াম্না লৈ। অদোমগী পাউতাকশিংনা লৈবনাক অসিগী চাউখৎপা খুমাঙচাউশিনগনি হায়না ঐনা থাজৈ। অদোম থাগৎপা ফোঙদোকচরি।

খুরুমজরি!

***