ভারতকী প্রধান মন্ত্রী শ্রী নরেন্দ্র মোদীনা কৌরকপদা, কেনাদাগী প্রধান মন্ত্রী রাইৎ ওনরেবল মার্ক কার্নিনা ফেব্রুৱারী ২৭দগী মার্চ ২, ২০২৬ ফাওবা ভারত্তা ওফিসিএল ভিজিৎ অমদা লাকখি। প্রধান মন্ত্রী কার্নিনা কেনাদাগী প্রধান মন্ত্রী ওইনা ওফিস পাইরবা মতুংদা মসিনা মহাক্কী অহানবা ভারত খোংচৎনি অমসুং ২০১৮গী মতুংদগী কেনাদাগী প্রধান মন্ত্রী অমন ভারত্তা লাকপা অহানবা বাইলেতরেল ভিজিৎ ওইরি। প্রধান মন্ত্রী কার্নিগা লোয়ননা কেনাদাগী অৱাংবা থাক্কী মীহুৎ কাংবু অমা লাকখি মখোয় অদুগী মনুংদা সেনিয়র মিনিস্তরশিং, প্রোভিন্সিএল লুচিংবশিং অমসুং মকোক থোংবা সি.ই.ও.শিং য়াওখি।

দিপ্লোমেতিক রিলেসনশিং লিংখৎপা চহি ৭৯ মপুং ফারকপদা, লুচিংবশিংনা কেনাদা-ভারতকী মরীগী মরুওইবা অদু অমুক হন্না ফোংদোকখি। মরী অসি মান্নবা দেমোক্রেসী ভেল্যুশিংদা য়ুম্ফম ওইরি, মীয়ামগী মরক্তা অচেৎপা মরী লৈনৈ, সোভরেন্তী অমসুং তেরিতোরিএল ইন্তিগ্রিতী ইকাই খুম্নৈ অমসুং আইনগী কাংলোনগীদমক পুন্না হোৎনমিন্নৈ।

লুচিংবা অনিনা খঙখি মদুদি, মালেমগী ওইবা মওং-মতৌ অসি হেন্না লুবা অমসুং তম্বা ঙমদবা ওইরক্লিবা অসিদা, মপাঙ্গল কনবা, মপাঙ্গল লৈরবা অমসুং তুংলমচৎতা খুমাং চাউশিনবা দেমোক্রেসী অনিগী মরক্তা লৈরিবা পার্তনরশিপ অসিনা অমগা অমগা নুংঙাইনা লৈমিন্নবা অমসুং মালেমগী ওইবা মরুওইবা থবকশিংদা মতেং পাংমিন্নবদা কান্নবা পীরি। ভারত অমসুং কেনাদাগী মরক্তা অচেৎপা মতেং পীনবনা মালেমগী চৎন-কাঙলোনশিংবু মপাঙ্গল কনখৎহনবদা মতেং পাংগনি হায়না মখোয়না ফোংদোকখি। মসিনা শেন্মিৎলোনগী মপাঙ্গল কনখৎহনগনি, তুংকোইনা চৎনগদবা চাউখৎ-থৌরাংদা মতেং পাংগনি অমসুং ক্লাইমেৎ চেঞ্জ, খোঙজেল য়াংনা তেক্নোলোজিগী অহোংবা পুরকপা অমসুং মীয়ামগী হকশেল য়াওনা মালেমগী শিংনবশিং কোকহনগনি। লুচিংবশিংনা দেমোক্রে সিকেল ভেল্যুশিং ঙাক্তুনা থম্নবা, ইনক্লুসিব গ্রোথতা মতেং পাংনবা অমসুং ইন্দো-পেসিফিক অমসুং মসিগী ৱাংমদা শান্তি, তংদু লৈতাবা অমসুং নুংঙাই য়াইফবা পুরক্নবা নাকল অনিগী ওইবা অমসুং মল্তিলেতরেল ফোরমশিংদা পুন্না থবক তৌমিন্নবগী মখোয়গী অপাম্বা অদু অমুক হন্না ফোংদোকখি।

মান্নবা ভিজন অসিদা য়ুম্ফম ওইদুনা, লুচিংবশিংনা সস্তেনেবিলিতী, ইনক্লুসিবিতী অমসুং অপুনবা গ্লোবেল রেস্পোন্সিবিলিতীগীদমক মখোয়গী কম্মিতমেন্ত অদু উৎলিবা, অনৌবা ইন্দিয়া-কেনাদা স্ত্রেতেজিক পার্তনরশিপকী ওভর আর্কিং গাইদিং ফ্রেমৱার্ক ওইনা "বাসুধৈব কুতুম্বকম" নৎত্রগা "ৱান আর্থ, ৱান ফেমিলী, ৱান ফ্যুচর"গী প্রিন্সিপল অসি লৌনবা য়ানখি। মখোয়না ভারতকী 'বিক্সিত ভারত'গী মঙলান অমসুং কনাদাগী 'বিল্দ কনাদা স্ত্রোং এজেন্দা'গী মরক্তা লৈনরিবা মরী অদু পনখি। মখোয়না গ্রোথ, ইন্নোবেসন, ইনর্জী ত্রাঞ্জিসন, ফুদ অমসুং ন্যুত্রিসন সেক্যুরিতী, থাজবা য়াবা দিজিতেল ইকোসিস্তেম, রেসিলিয়েন্ত সপ্লাই চেন, স্কিল অমসুং তেলেন্ত মোবিলিতী, অমসুং মীয়ামদা মীৎয়েং চঙবা দিবেলপমেন্তকী মতাংদা লৈবাক অনিগী মরক্তা তেংবাং পীনবা হেনগৎহনবনা লৈবাক অনি অমসুং মালেম পুম্বগী মরক্তা রেসিলিয়েন্ত সোসাইতীশিং, শেয়র্দ প্রোস্পরিতী অমসুং তুং কোইবা তুংলমচৎ অমা শেমগৎপদা মতেং পাংগনি হায়না মখোয়না ফোংদোকখি।

অনৌবা রোদমেপকী খুমাং চাউশিনবা অমসুং ইমপ্লিমেন্তেসন

লুচিংবা অনিমক্না কেনাদা-ভারত মরীগী অনৌবা রোদমেপ চৎনহন্নবা কেনাদা-ভারত পার্তনরশিপ মপাঙ্গল কনখৎহন্নবা ময়েক শেংবা মায়কৈ অমা পীরদুনা কানানাস্কিসতা পাংথোকখিবা জি-৭ মীফম অমসুং জোহান্সবার্গতা পাংথোকখিবা জি-২০ মীফমদা মখোয়না উনখিবা অদুদগী ফংলকপা মরুওইবা খুমাং চাউশিল্লকপদা নুংঙাইবা ফোংদোকখি। প্রাইওরিতী সেক্তরশিংদা নাকল অনিগী ওইবা কোওপরেসনদা অনৌবা ইম্পেমেন্ত অমা পীরকখিবা মিনিস্তরগী থাক্তা নাকল অনিগী ওইবা এঙ্গেজমেন্তশিং হেনগৎলকপদা মখোয়না অপেনবা ফোংদোকখি। তোঙান তোঙানবা ইন্সতিত্যুস্নেল দাইলোগ মেকানিজমশিং অমসুং সব-নেস্নেল এঙ্গেজমেন্ত হেঙ্গৎলকপদা মখোয়না নুংঙাইবা ফোংদোকখি। মখোয়না অমনা অমবু হেন্না খঙনবা অমসুং পোলিসী কোওর্দিনেসন হেঙ্গৎহনবদা মখোয়না মরুওইবা পীখি। দিপ্লোমেতিক রিপ্রজেন্তেন্তশিং মখোয়গী মিসনশিংদা হল্লকপদা মখোয়না থাগৎপা ফোংদোকখি। নাকল অনিগী মরীশিং তপ্না-তপ্না নোর্মেলাইজ তৌনবগী মায়কৈদা লৌখৎলিবা কন্সত্রক্তিভ ওইবা খোঙথাংশিং অদুসু মখোয়না থাগৎখি।

লুচিংবশিংনা কমপ্রিহেন্সিব ইকোনোমিক পার্তনরশিপ এগ্রীমেন্ত (সি.ই.পি.এ.) গী মতাংদা ৱারী শানবগী হৌদোকপদা অমসুং হৌখিবা থাশিংদা মরুওইবা বিজিনেসকী লাউথোকপশিং অমসুং ইনভেস্তমেন্তকী অচেৎপা থৌদাংশিং অসিদা উৎলিবা, লৈবাক অনিগী মরক্তা লৈনরিবা মরীশিংদা য়ুম্ফম ওইরিবা মপাঙ্গল লৈবা কম্মর্সিএল ফাউন্দেসন অদু ফোংদোকখি। অসিগুম্বা চাউখৎ-থৌরাং অসিনা নাকল অনিগী ওইবা শেন্মিৎলোনগী মরী অসি পাকথোক চাউথোকপা, তোঙান-তোঙানবা ওইরকপা, অমসুং অওনবা পুরকপা উৎলি অমসুং কৈথেল অনিমক্তা বিজিনেস অমসুং ইনভেস্তরশিংগী মরক্তা থাজবা হেনগৎলকপগী খুদম ওইরি। লুচিংবশিংনা ইন্দস্ত্রী অমসুং সরকারগী মরক্তা লেপ্পা লৈতনা থৌদাং লৌবা, পুক্নিং থৌগৎপা পোলিসী এনভাইরনমেন্ত অমনা মতেং পাংবসি মরুওইবা সেক্তরশিংদা অনৌবা খুদোংচাবশিং ফংহন্নবা অমসুং কম্মর্সিএল মোমেন্তম অসি মতম শাংনা, নাকল অনিমক্তা কান্নবা পীগদবা শেন্মিৎলোনগী গ্রোথ অমদা ওন্থোক্নবা তঙাইফদবা অমনি হায়না পনখি।

মসিগী খোঙজেল অসি য়োকখৎতুনা লুচিংবশিংনা মখাদা পীরিবা প্রাইওরিতি সেক্তরশিংদা মতেং পীনবা হেনগৎনবা য়ানখি:

ৱান আর্থ

স্ত্রেতেজিক ইনর্মী পার্তনরশিপ

ইনর্জীগী শক্তি লৈবা লৈবাকশিং ওইনা মখোয়গী মপাঙ্গল মপুং ফাহনবগীদমক, লুচিংবা অনিনা ইনর্জী ভেল্যু চেন পুম্নমক্তা অশাংবা মতমগী ওইবা মতেং পীনবা হেনগৎহন্নবা পান্দম থমদুনা ভারত-কেনাদা স্ত্রেতেজিক ইনর্জী পার্তনরশিপ পুখৎনবা য়ানখি। মখোয়না লৈবাক অনিগী সেফতী, ৱেলফেয়র অমসুং ইকোনোমিক ভাইতেবিলিতীগীদমক ইনর্জী সিক্যুরিতী অমসুং সপ্লাই দিভর্সিফাই তৌবগী য়াম্না মরুওইবা অদু অমুক হন্না ফোংদোকখি। মখোয়না ক্লীন ইনর্জী, কনভেন্সনেল ইনর্জী, সিবিল ন্যুক্লিয়র ইনর্জী অমসুং মরুওইবা মিনরেলশিংদা মতেং পীনবা হেনগৎহন্নবা মখোয়গী অপুনবা ৱাশক অদু পনখি।

লুচিংবা অনিনা ২০২৬কী ইন্দিয়া ইনর্জী ৱিকতা কেনাদা-ইন্দিয়া মিনিস্ত্রীএল ইনর্জী দাইলোগ অমুক হন্না হৌদোকপবু অৱাংবা থাক্কী পোলিসী দাইলোগ লেপ্তনা চৎথনবা অমসুং ইনর্জী সেক্যুরিতী, সপ্লাই দিভর্সিফাই তৌবা অমসুং মতম শাংনা কৈথেল পুনশিন্নবগী মতাংদা স্ত্রেতেজিক কোওপরেসন মপাঙ্গল কনখৎহন্নবা মরুওইবা ইন্সতিত্যুস্নেল প্লেৎফোর্ম অমা ওইনা তরাম্না ওকখি। দাইলোগ অসিগী মখাদা জোইন্ত এক্সন প্লান অমা লোইশিনখিবদা মখোয়না নুংঙাইবা ফোংদোকখি।

লুচিংবশিংনা ক্লীন ইনর্জী অমসুং ক্লাইমেৎকা মরী লৈনবা ভেল্যু চেন, রিন্যুএবল ইনর্জী, হায়দ্রোজেন অমসুং মদুগী দেরিভেতিবশিং, বাইওফ্যুএলশিং, সস্তেনেবল এভিয়েসন ফ্যুএল, বেতরী স্তোরেজ, অমসুং ইলেক্ত্রিসিতী সিস্তেম মোদর্নাইজেসন য়াওনা কোওপরেসন পাকথোক চাউথোকহনবগী ওইথোকপা অদুসু পনখি। মখোয়না সেক্তরশিং অসিনা ক্লাইমেৎকী পান্দমশিং অমসুং ইনর্জী ত্রাঞ্জিসনগী পান্দমশিংদা মরুওইবা থৌদাং লৌরি হায়বা খঙখি।

লুচিংবশিংনা কার্বোন কেপচর, য়ুতিলাইজেসন অমসুং স্তোরেজ (সি.সি.য়ু.এস.) গী সোলুসনশিংবু মরুওইবা কোওপরেসনগী লম অমা ওইনা শক্তি অমসুং মরুওইবা মিনরেলশিংগী সস্তেনেবল প্রদক্সনগীদমক মরুওইবা খুদোংচাবা অমা পীরিবা অসিদা মরুওইনা পনখি।

স্ত্রেতেজিক ইনর্জী পার্তনরশিপ অসিনা লৈবাক অনিমক্কীদমক মশক থোকপা, অশাংবা মতমগী কান্নবা ফংহন্নবগীদমক লুচিংবশিংনা নাকল অনিগী ওইবা অমসুং মল্তিলেতরেল মেকানিজমশিংগী খুত্থাংদা মখা তানা এক্সপর্ত কোলাবোরেসন অমসুং কোওপরেসন য়াওনা গবর্নমেন্ত-তু-গবর্নমেন্ত অমসুং বিজিনেস-তু-বিজিনেস এঙ্গেজমেন্ত লেপ্পা লৈতনা প্রমোৎ তৌনবা মখোয়গী ফিরেপ অদু লুচিংবশিংনা অমুক হন্না ফোংদোকখি।

ইনর্জী ত্রেদ

লুচিংবশিংনা ইন্সতিত্যুস্নেল এনগেজমেন্ত মপাঙ্গল কনখৎহনবনা লিক্বিফাইদ নেচরেল গ্যাস (এল.এন.জি.), লিক্বিফাইদ পেত্রোলিয়ম গ্যাস (এল.পি.জি.), ক্রুদ ওইল, রিফাইন তৌরবা পেত্রোলিয়ম প্রদক্তশিং, পোতাশ অমসুং য়ুরানিয়ম সপ্লাই য়াওনা নাকল অনিগী ওইবা ইনর্জী ত্রেদ পাকথোক চাউথোকহনবদা মতেং পাংগনি হায়না পনখি। মসিগী মতাংদা মখোয়না কেমেকো অমসুং এতোমিক ইনর্জী দিপার্তমেন্তকী মরক্তা য়ুরানিয়মগী মতম শাংনা সপ্লাই তৌনবা দোল্লর বিল্লিয়ন ২.৬গী কম্মর্সিএল এগ্রীমেন্ত অমা লোইশিনখিববু তরাম্না ওকখি। মসিনা ভারতকী সিভিল ন্যুক্লিয়র ইনর্জী পুথোকপা, ক্লীন ইনর্জী ত্রাঞ্জিসনগী পান্দমশিং অমসুং মতম শাংনা ইনর্জী সেক্যুরিতীদা মতেং পাংগনি।

লুচিংবা অনিনা কেনাদা অসি মালেমগী ওইনা এল.এন.জি.গী মরুওইবা সপ্লাইয়র অমা ওইনবা শেম-শারি হায়না পনখি অমসুং ভারতনা কেনাদাদগী এল.এন.জি. সোর্দ তৌনবা ভারতকী অপাম্বা অদু তরাম্না ওকখি। হৌখিবা চহি মঙাদা কেনাদা অসি হেভি ওইলগী মরুওইবা সপ্লাইয়র অমা ওইনা থোরকপদা মখোয়না তরাম্না ওকখি। লাক্কদৌরিবা দিকেদ অনি অসিদা মালেমগী ইনর্জী দিমান্দ হেনগৎহনবদা ভারতনা খ্বাইদগী চাউবা কন্ত্রিব্যুতর ওইগনি। মালেমগী অহুমশুবা খ্বাইদগী চাউবা ওইল কঞ্জ্যুমর অমসুং মরিশুবা খ্বাইদগী চাউবা এল.এন.জি. ইমপোর্তর ওইবগী হৌজিক লৈরিবা থাক অসিদগী হেনবা, নাকল অনিমক্না নাকল অনিগী ইনর্জী ত্রেদ মখা তানা পাকথোক-চাউথোক্নবগী মরুওইবা পোতেন্সিএল অদু খঙমিন্নখি। মসিগী মনুংদা কেনাদাদগী ভারতনা হেনগৎলক্লিবা ওইল অমসুং এল.এন.জি.গী ইম্পোর্তশিং, অমসুং ভারত্তগী কেনাদাদা রিফাইন তৌরবা পেত্রোলিয়ম প্রদক্তশিং সপ্লাই তৌবা য়াওরি। মসিগী মতাংদা কেনাদানা হেভি ওইল এক্সপোর্ত ইনফ্রাস্ত্রকচর পাকথোক চাউথোকহন্নবা অমসুং ইন্দো-পেসিফিক মার্কেত্তা এল.এন.জি.গী সপ্লাই তৌনবা মহাক্কী থৌরাং অদু অমুক হন্না ফোংদোকখি। ২০৩০ ফাওবদা চহি অমদা এল.এন.জি. তোন মিলিয়ন ৫০ অমসুং ২০৪০ ফাওবদা মিলিয়ন তোন ১০০ পুথোক্নবা কনাদাগী পান্দম অদু মহাক্না ফোংদোকখি।

লুচিংবা অনিনা ভারতকী পব্লিক সেক্তর ওইল অমসুং গ্যাস কম্পনীশিং অমসুং কেনাদিয়ন ইনর্জী ফার্মশিংগী মরক্তা লিক্বিফাইদ পেত্রোলিয়ম গ্যাস (এল.পি.জি.) মখোয়না কেনাদাগা লোইননা ভারতকী অহানবা অশাংবা মতমগী এল.পি.জি. সপ্লাই এরেঞ্জমেন্ত লোইশিন্নবা পান্দম থমদুনা লেপ্তনা থবক পায়খৎলিবা অদু পনখি অমসুং অসিগুম্বা পার্তনরশিপ অসিনা ইনর্জী ত্রেদবু হেন্না মখল-মখা শন্দোকহল্লগনি, সপ্লাই সেক্যুরিতী মপাঙ্গল কনখৎহল্লগনি অমসুং হাইদ্রোকার্বন ভেল্যু চেনগী লমদা পুন্না থবক তৌমিন্নবগী অনৌবা খুদোংচাবশিং ফংহল্লগনি হায়বগী থাজবা ফোংদোকখি।

ললোন-ইতিক্কী ওইনা ফংবা য়াবা ইনর্জী পার্তনরশিপশিং শৌগৎনবগীদমক লোন, ফাইনান্সিং অমসুং ইক্বিতী ইনভেস্তমেন্তগুম্বা খুৎলাইশিংগী খুত্থাংদা য়াওনা হেন্না চাউবা প্রাইবেৎ ইনভেস্তমেন্ত ফ্লোশিং অমসুং অশাংবা মতমগী ওইবা ওফতেক এরেঞ্জমেন্তশিংগীদমক নাকল অনিমক্না শৌগৎপা অমুক হন্না ফোংদোকখি। ইন্দিয়া-কেনাদা ইনর্জী দাইলোগকী খুত্থাংদা নাকল অনিমক্না কানাদিয়ন হেভি ওইল সপ্লাইগী ফংহন্নবা অমসুং শিপ্পিংগী মমল য়াওনা ললোন-ইতিক অসি হেনগৎহন্নবা অশাংবা মতমগী কন্ত্রেক্তশিং থিজিনবা অমসুং শিংনবশিং কোকহন্নবা জোইন্ত ৱার্ক প্লান অমা পুথোক্কনি।

ক্রিতিকেল মিনরেল কোর্পোরেসন

লুচিংবশিংনা ইনর্জী অমসুং নেচরেল রিসোর্স সেক্তরশিংদা মতম শাংনা, অমগা অমগা ইনভেস্তমেন্ত পার্তনরশিপশিং মপাঙ্গল কনখৎহন্নবা মখোয়গী অচেৎপা ফিরেপ অদু ফোংদোকখি। মখোয়না হৌজিক পায়খৎলিবা প্রোজেক্তশিং অমসুং কৈথেল অনিমক্তা ফংলিবা খুদোংচাবশিং অদু খঙখি। মখোয়না ক্রিতিকেল মিনরেলস কোওপরেসনগী মতাংদা মেমোরেন্দম ওফ অন্দর্স্তেন্দিং অমা খুৎয়েক পীনখিবা অদু তরাম্না ওকখি। মসিনা ক্রিতিকেল মিনরেলস সপ্লাই চেনশিংবু রেসিলিয়েন্ত, সেক্যুর অমসুং দাইভর্সিফাই তৌনবা মখোয়না শরুক য়ামিন্নরিবা অদু উৎলি। মসিগী মতাংদা মখোয়না জি.৭ ক্রিতিকেল মিনরেলস এক্সন প্লানদা ভারতনা অয়াবা পীরকপবু তরাম্না ওকখি। মসিনা ক্রিতিকেল মিনরেলসকী দাইভর্সিফাইদ অমসুং রেস্পোন্সিবল প্রদক্সন অমসুং সপ্লাইদা মতেং পাংলি অমসুং ক্লীন ইনর্জী, এদভান্স মেন্যুফেকচরিং অমসুং তেক্নোলোজীগীদমক তঙাই ফদবা ভেল্যু চেনশিংদা ইনভেস্তমেন্ত অমসুং ইন্নোবেসন পুক্নিং থৌগৎলি। লুচিংবা অনিনা ২০২৬কী মার্চ থাদা পাংথোক্কদৌরিবা কেনাদাগী প্রোস্পেক্তরশিং অমসুং দিবেলপরশিংগী এসোসিয়েসন (পি.দি.এ.সি.) গী মীফমদা ভারতনা শরুক য়াবগী মতাংদসু খন্নখি। ২০২৬কী অয়ুক্কী মতমদা মন্ত্রীনা লুচিংবা ভারতকী ইনর্জী অমসুং ইন্দস্ত্রীগী মীহুৎ কাংবু অমা কেনাদাদা চৎকদৌরিবা অসিদা কেনাদা অমসুং ভারতকী কম্পনীশিংগীদমক্তা মপাঙ্গল লৈরবা কম্মর্সিএল রিজল্তশিং ফংহন্নবা ৱাশক লৌখি।

লুচিংবশিংনা ক্লীন ইনর্জী তেক্নোলোজীশিং অমসুং তুংলমচৎতা য়ুম্ফম ওইবা ইন্দস্ত্রীশিং শৌগৎনবগীদমক ইনভেস্তমেন্তকী লমদা তেংবাং পীনবা য়ানখি। মখোয়না ক্রিতিকেল মিনরেলশিং অমসুং ইনর্জী ত্রাঞ্জিসনগী লম্বীশিংদা তেংবাং পীনবা য়ানখি। মসিগী মনুংদা ভারতকী মিনরেল স্তোকপিলিং ইনিসিএতিবকীদমক তেংবাং পীনবা অমসুং কেনাদিয়ন অমসুং ভারতকী কম্পনীশিংগীদমক্তা মপাঙ্গল কনবা কম্মর্সিএল আউতলমশিং শৌগৎপদা তেংবাং পীনবা য়াওরি।

ক্লীন ইনর্জী কোর্পোরেসন

লুচিংবশিংনা সোলর, ৱিন্দ, বাইওএনর্জী, অপীকপা হাইদ্রো, ইনর্জী স্তোরেজ অমসুং কেপাসিতী বিল্দিংদা লৈবাক অনিগী ওইবা মতেং পীনবা হেনগৎহন্নবা মপুংফাবা ইন্সতিত্যুস্নেল ফ্রেমৱার্ক অমা শেম্বা ক্লীন ইনর্জী কোওপরেসনগী মতাংদা য়ানা ৱারোল অমা সাইন তৌবদা নুংঙাইবা ফোংদোকখি। মখোয়না ইনর্জী সেক্যুরিতী মপাঙ্গল কনখৎহন্নবা, ইনর্জী ত্রাঞ্জিসনবু ইনফোর্মেসন একচেঞ্জ অমসুং জোইন্ত ইনভেস্তমেন্ত খুদোংচাবশিংগী খুত্থাংদা খোংজেল য়াংশিনহন্নবা, অমসুং পুনশিনবা য়াবা ইনর্জী ভেল্যু চেন পুম্বদা দবল ৱে পব্লিক-প্রাইবেৎ এঙ্গেজমেন্ত প্রমোৎ তৌনবা, মসিগী মনুংদা অখন্নবা জোইন্ত ৱার্কিং গ্রুপ অমগী খুত্থাংদা নাকল অনিমক্তা কান্নরবা ক্লীন ইনর্জী পার্তনরশিপ অমা শেমগৎনবা য়ানখি। অসিগুম্বা তেংবাং পীনবা অসিনা তুংকোইনা চৎথগদবা শেন্মিৎলোনগী চাউখৎপা, ইন্দো-পেসিফিক্কী লমদমগী রেসিলিয়েন্স অমসুং ইনক্লুসিব ক্লীন ইনর্জীগী তুংলমচৎ অমা শেমগৎপগী অপুনবা পান্দমদা মতেং পাংগনি।

কেনাদনা ২০৫০ ফাওবদা ইলেক্ত্রিসিতী সপ্লাই শরুক অনি হেনগৎহন্নবা অমসুং রিন্যুএবল ইনর্জী অমসুং ইনর্জী স্তোরেজ শীজিন্নবা হেনগৎহন্নবা পান্দম থম্লি। অমরোমদা, ভারতনা চাউরবা সোলর অমসুং গ্রিদ-লেভেল ইনর্জী স্তোরেজ তেক্নোলোজীশিংগা লোয়ননা ছাদ তোপ সোলর অমসুং দিস্ত্রিব্যুত তৌরবা রিন্যুএবল ইনর্জী সোলুসনশিংগী অতোপ্পা মওংশিংদা স্কেল তৌবা ঙম্বা মোদেলশিংদা লুচিংবা অমসুং কেপাসিতী উৎখ্রে। মসিগী মতাংদা লুচিংবশিংনা ২০২৬তা ইন্দিয়া-কেনাদা রিন্যুএবল ইনর্জী অমসুং স্তোরেজ সমিৎ অমা পাংথোক্নবা অচেৎপা ৱাফম থমখি। মসিদা ইন্দস্ত্রী, ইনভেস্তর অমসুং সরকারগী ৱারেপ লৌবশিং পুনশিন্নদুনা কেনাদাদা তেক্নোলোজীশিং অসিগী ললোন-ইতিক পাকথোক চাউথোকহন্নবা অমসুং তোঙান তোঙানবা মখল কয়া পুথোক্নবা অচেৎপা ৱাফম থমখি।

ক্লাইমেৎ অমসুং এনভাইর্নমেন্ত

মখোয়না ক্লাইমেৎ চেঞ্জ অমসুং এনভাইর্নমেন্তকী মতাংদা হৌজিক লৈরিবা মেমোরেন্দম ওফ অন্দর্স্তেন্দিংগী মখাদা মতেং পীনবা হেনগৎলকপবু তরাম্না ওকখি অমসুং পার্তনরশিপ অসিগী মপাঙ্গল অদু ফোংদোকখি। লুচিংবশিংনা সাইন্সতা য়ুম্ফম ওইবা, ইনক্লুসিব ওইবা অমসুং ইক্বেসিব ওইবা ক্লাইমেৎ এক্সনগীদমক মখোয়না শরুক য়ামিন্নরিবা ফিরেপ অদু অমুক হন্না ফোংদোকখি। মখোয়না ক্লাইমেৎ চেঞ্জ, বাইওদাইভর্সিতী মাংহনবা, পোলুসন অমসুং ইকোসিস্তেম দিগ্রেদেসন থেংনদুনা সস্তেনেবল দিবেলপমেন্ত হেন্না খুমাং চাউশিলহন্নবা হৌজিক চত্থরিবা বাইলেতরেল ইথৌদাংশিং অদু পনখি অমসুং ক্লাইমেৎ মিতিগেসন অমসুং এদাপ্তেসন, বাইওদাইভর্সিতী কঞ্জারবেসন অমসুং প্লাস্তিক পোলুসন হন্থহন্নবা, অখন্নবা মীৎয়েং থমদুনা রেসিলিয়েন্স শেমগৎপা অমসুং শোত্থরবা কম্ম্যুনিতীশিংদা মতেং পীনবগী মতাংদা তেংবাং পীনবা য়ানখি।

গ্লোবেল ক্লীন ইনর্জী প্লেৎফোর্মশিং

ভারতনা ইন্তর্নেস্নেল সোলর এলাইন্সতা মেম্বর ওইনবা কেনাদাগী ৱারেপপু তরাম্না ওকখি। মসিনা ক্লীন ইনর্জী অমসুং ক্লাইমেৎ এক্সনগীদমক কেনাদাগী অচেৎপা ফিরেপ অদু ময়েক শেংনা উৎখি। লুচিংবশিংনা হায়খি মদুদি কনাদাগী শরুক য়াবনা মরুওইনা চাউখৎলক্লিবা অমসুং অইং-অশাগী ফীভম্না শোকহল্লবা লমদমশিংদা সোলর দিপ্লোয়মেন্ত, ইন্নোবেসন অমসুং কেপাসিতী বিল্দিংগী মতাংদা ইন্তর্নেস্নেল কোওপরেসন মপাঙ্গল কনখৎহল্লগনি। মখোয়না য়ানখি মদুদি ইন্তরনেস্নেল সোলর এলাইন্সকী খুত্থাংদা তেংবাং পীনবা হেনগৎহনবনা নাকল অনিগী ক্লীন ইনর্জী ইনিসিয়েতিবশিং মপুং ফাহল্লগনি অমসুং মালেমগী ইনর্জী ত্রাঞ্জিসন খোংজেল য়াংখৎহনবদা অমসুং পুন্না চৎমিন্নরিবা সস্তেনেবিলিতীগী পান্দমশিং ফংহনবদা কান্নবা পীগনি।

ভারতনা গ্লোবেল বাইওফুয়েলস এলাইন্সতা মপুংফাবা মেম্বর অমা ওইনা শরুক য়াবা হেনগৎহন্নবা কেনাদাগী ফাউন্দেসনেল দোক্যুমেন্তশিংদা খুৎয়েক পীরকপবু তরাম্না ওকখি। খোঙথাং অসিনা মালেমগী ওইনা তুং কোইনা চৎনবা য়াবা বাইওফ্যুএলশিং শিজিন্নবা হেনগৎহল্লগনি অমসুং তুং কোইনা চৎনবা য়াবা স্তেন্দর্দশিং অমসুং পুন্সি চক্রগী ইমিসনশিং য়াওনা বাইওফ্যুএল সপ্লাই চেনশিং, স্তেন্দর্দশিং অমসুং শীজিন্নবদা মতেং পাংনবা হেনগৎহল্লগনি।

সস্তেনেবল এগ্রিকলচর অমসুং ন্যুত্রিস্নেল সেক্যুরিতী

লৌউ-শিংউ অমসুং এগ্রো-ফুদ সিস্তেমশিংদা ভারত অমসুং কেনাদাগী মরক্তা হেনগৎলক্লিবা কম্প্লিমেন্তরীতী অদু শকখঙলদুনা লুচিংবশিংনা ফুদ সেক্যুরিতী, ফার্ম প্রদক্তিবিতী অমসুং রেসিলিয়েন্ত সপ্লাই চেন হেনগৎহন্নবা মতেং পীনবা মপাঙ্গল কনখৎহনবগী মরুওইবা অদু ফোংদোকখি। লুচিংবশিংনা এগ্রিকলচর তেক্নোলোজী, রিসর্স অমসুং ভেল্যু এদেদ ফুদ প্রদক্সনদা তেংবাং পীনবগী খুদোংচাবশিং পাকথোক চাউথোকহনবদা মরুওইবা পীখি। মখোয়না য়ানখি মদুদি লৌউ-শিংউগী লমদা পার্তনরশিপ হেন্না চেৎশিলহন্দুনা তুং কোইনা চৎনবা য়াবা লৌউ-শিংউগী থবকশিং, ন্যুত্রিসন সেক্যুরিতী, অমসুং নাকল অনিমক্কী কান্নবা লৈবা ত্রেদ অমসুং ইনভেস্তমেন্ত হেনগৎহল্লগনি।

লুচিংবা অনিনা এন.আই.এফ.তি.ই.এম. কুন্দলিদা কেনাদা-ইন্দিয়া পলস প্রোতিন সেন্তর ওফ এক্সেলেন্স অমা লিংখৎনবা পুন্না থবক তৌমিন্নবগী ৱাফমবু তরাম্না ওকখি। মখোয়না সস্কেৎচেৱান প্রোভিন্সনা পলস পুথোকপা অমসুং ইন্নোবেসনগী লমদা মালেমগী লুচিংবা অমা ওইনা অমসুং ভারতনা মালেমগী খ্বাইদগী চাউবা পোত্থোক পুথোকপা অমসুং পোত্থোক য়োনবা লৈবাক অমা ওইনা অমনা অমবু মপাঙ্গল কনখৎহল্লিবা অদু খঙখি। লুচিংবশিংনা য়ানখি মদুদি খোঙথাং অসিনা এগ্রি-ফুদ রিসর্চ কোলাবোরেসন মপাঙ্গল কনখৎহল্লগনি, পোলস প্রোতিন প্রোসেসিং অমসুং ফোর্তিফাইদ ফুদ দিবেলপমেন্ত খুমাং চাউশিলহল্লগনি অমসুং লৈবাক অনিগী মরক্তা সব-নেস্নেল পার্তনরশিপ অমসুং ইন্দস্ত্রী অমসুং একাদেমিয়াগী লিঙ্কশিং মপাঙ্গল কনখৎহন্দুনা, মমল হোংবা, অৱাংবা থাক্কী ন্যুত্রিসন ফংহনবদা মতেং ওইরগনি।

ৱান ফেমিলী

তেলেন্ততা ইনভেস্ত তৌবা

লুচিংবশিংনা ভারত অমসুং কেনাদাগী মরক্তা মীয়ামগী মরক্তা লৈনরিবা মরী হেনগৎহনবদা এজুকেসন অমসুং তেলেন্ত মোবিলিতীগী মরুওইবা থৌদাং অদু ফোংদোকখি। মহৈরোয়শিং, রিসর্চশিং অমসুং প্রোফেস্নেলশিংগী চৎথোক-চৎশিন অসিনা লৈবাক অনিমক্তা ইন্নোবেসন ইকোসিস্তেমশিং অমসুং শেন্মিৎলোন চাউখৎপা হেনগৎহন্দুনা অমনা অমবু কান্নবা পীরি হায়না মখোয়না পনখি।

ইন্নোবেসন পুক্নিং থৌগৎপদা, ত্রেনিংগী মহৈ-মশিং ফগৎপদা অমসুং তুংলমচৎকীদমক্তা শেম-শারবা ৱার্কফোর্স অমা শেমগৎপদা ইন্তর্নেস্নেল একাদেমিক কোলাবোরেসনগী মরুওইবা অদু খঙলদুনা লুচিংবশিংনা ইন্দস্ত্রীগা মরি লৈনবা স্কিল ত্রেনিং হেনগৎহন্দুনা হায়র এজুকেসন ইন্সতিত্যুসনশিংগী মরক্তা কোওপরেসন হেন্না চেৎশিলহন্নবা; জোইন্ত; দবল দিগ্রী অমসুং ত্বিনিং প্রোগ্রামশিং পাকথোক চাউথোকহন্নবা; ভারত্তা মকোক থোংবা কেনাদিয়ন ইন্সতিত্যুসনশিংগী ওফশোর কেম্পসশিং লিংখৎনবা; অনৌবা তেক্নোলোজীশিংদা রিসর্চ পার্তনরশিপশিং মপাঙ্গল কনখৎহন্নবা; অমসুং হায়র এজুকেসনগী জোইন্ত ৱার্কিং গ্রুপপু নৌনা পুথোকহন্নবা য়ানখি।

লুচিংবা অনিনা গ্লোবেল লিংক রিসর্চ ইন্তর্নশিপ প্রোগ্রাম পাকথোক চাউথোকহন্নবা ভারতকী ওল ইন্দিয়া কাউন্সিল ফোর তেক্নিকেল এজুকেসন (এ.আই.সি.তি.ই.) অমসুং কেনাদাগী এম.আই.তি.এ.সি.এস.কী মরক্তা মেমোরেন্দম ওফ অন্দর্স্তেন্দিং অদু তরাম্না ওকখি। মসিনা চহি খুদিংগী ভারতকী অন্দর গ্রেজুএৎ মহৈরোয় ৩০০ রোম কেনাদাগী য়ুনিভর্সিতীশিংদা রিসর্স প্লেসমেন্ত তৌবা য়াহনগনি। ফ্লেগশিপ ইনিসিএতিব অসিনা ইন্সতিত্যুস্নেল লিঙ্কশিং মপাঙ্গল কনখৎহল্লগনি, দিসিপ্লিনশিংগী মরক্তা একাদমিক কোলাবোরেসন হেনগৎহল্লগনি অমসুং হন্দ-অন রিসর্চ অমসুং প্রোফেস্নেল ত্রেনিংগী খুত্থাংদা তুংলমচৎকীদমক শেম-শারবা স্কিলশিং শেমগৎকনি হায়না মখোয়না পনখি।

লুচিংবশিংনা অনৌবা জোইন্ত তেলেন্ত অমসুং ইন্নোবেসন স্ত্রেতেজী, কানাদিয়ন রিসর্চ অমসুং ইন্নোবেসন কেপাসিতীবু শম্নবা প্রাইওরিতি সেক্তরশিংদা য়াওহন্নবা অমসুং স্ত্রকচর তৌরবা মোবিলিতী, জোইন্ত ত্রেনিং পাথৱেজ, অমসুং রিসর্স কোলাবোরেসনগী খুত্থাংদা তেলেন্ত ফ্লো অনিগী মপাঙ্গল কনখৎহন্নবা পান্দম থম্লিবা দিবেলপমেন্ত ইনিসিএতিব অমবু তরাম্না ওকখি।

লুচিংবশিংনা ইন্নোবেসন, কেপাসিতী শেমগৎপা অমসুং ইন্দো-পেসিফিক্কী মরুওইবা থবকশিং মতেং পাংনবা ইন্সতিত্যুস্নেল পার্তনরশিপ, রিসর্চর মোবিলিতী, অমসুং নোলেজ একচেঞ্জবু হেন্না চেৎশিলহন্নবা মরুওইবা পনখি। মসিগী মতাংদা, মখোয়না কেনাদা অমসুং ভারতকী ইন্সতিত্যুসনশিংগী মরক্তা একাদমিক অমসুং রিসর্সকী মরীশিং মপাঙ্গল কনখৎহন্নবা মরু ওইবা খোঙথাং অমা ওইনা কেনাদাগী ইন্দো-পেসিফিক স্কোলারশিপ অমসুং ফেল্লোশিপ ফোর কেনাদিয়ন (আই.পি.এস.এফ.সি.) প্রোগ্রাম অসি কেনাদিয়ন অমসুং ভারতকী ইন্সতিত্যুসনশিংগী মরক্তা একাদেমিক অমসুং রিসর্চকী মরীশিং মপাঙ্গল কনখৎহন্নবা মরু ওইবা খোঙথাং অমা ওইনা তরাম্না ওকখি। কেনাদাগী পোস্ত-সেকেন্দরী ইন্সতিত্যুসন ১১দগী গ্রেজুএৎ মহৈরোয় অমসুং রিসর্চর ৮৫ হেনবনা প্রোগ্রাম অসিগী মখাদা ক্লীন হাইদ্রোজেন, ক্লাইমেৎ রেসিলিয়েন্স, আর্তিফিসিএল ইন্তেলিজেন্স, ত্রেদ অমসুং সপ্লাই চেন রেসিলিয়েন্স অমসুং সস্তেনেবল দিবেলপমেন্ত য়াওনা মরুওইবা লমশিংদা মকোক থোংবা ভারতকী একাদেমিকশিংগা খুৎশম্ননবা ভারত্তা চৎকনি। লুচিংবশিংনা এজুকেসনগা মরী লৈনবা এম.ও.য়ু. ২৪গী ৱারোইশিন অদু তরাম্না ওকখি।

পিপল-তু-পিপল অমসুং কলচরেল কোর্পোরেসন

ভারত অমসুং কেনাদাগী মরক্তা অচেৎপা পুৱারীগী ওইবা মরী অমসুং মীয়ামগা মীয়ামগা লৈনরিবা মরীশিং অদু খঙলদুনা লুচিংবা অনিনা হায়খি মদুদি কলচরেল কোওপরেসন অসি নাকল অনিগী ওইবা মরীগী মরুওইবা য়ুম্বী অমনি। মখোয়না পনখি মদুদি তুং কোইনা চৎনরিবা কলচরেল একচেঞ্জ অসিনা অমনা অমবু খঙমিন্নবা হেনগৎহল্লি, তোঙান তোঙানবা শক্লোন কয়াবু শকখঙহল্লি, অমসুং খুন্নাইশিংগী মরক্তা তুং কোইনা চৎনবা য়াবা মরীশিং শেমগৎলি, অমসুং ক্রিয়েতিব ইকোনোমীশিং অমসুং ইন্নোবেসনবুসু মতেং পাংলি। কলচর, হেরিতেজ অমসুং ক্রিয়েতিব ইন্দস্ত্রীশিংদা হেন্না নকশিন্ননা তেংবাং পীনবনা লৈবাক অনিগী মরক্তা লৈনরিবা মরী হেন্না চেৎশিলহল্লগনি অমসুং ইনক্লুসিব গ্রোথ অমসুং শেয়র তৌনরবা চাউখৎপা পুরকপদা কান্নবা পীরগনি হায়না লুচিংবা অনিনা য়ানখি।

কোওপরেসন, আর্ত, হেরিতেজ, ওদিওভিজুএল মীদিয়া, ম্যুজিক অমসুং ক্রিয়েতিব ইন্দস্ত্রীশিংদা তেংবাং পীনবা হেনগৎহন্দুনা লৈবাক অনিগী মরক্তা মীয়ামগী মরক্তা লৈনরিবা মরী হেন্না চেৎশিলহন্নবা মখোয়গী ফিরেপ অদু অমুক হন্না ফোংদোকখি। মখোয়না লৈবাক অনিমক্কী কলচরেল ইন্সতিত্যুসনশিং অমসুং ক্রিএতিবশিংগী মরক্তা পান্দম থম্লিবা ইনিসিএতিবশিংগী থোংদা মতেং পীনবা য়ানখি।

লুচিংবা অনিনা ভর্চুএল অমসুং ওর্গমেন্তেদ রিয়েলিতী অমসুং আর্তিফিসিএল ইন্তেলিজেন্স য়াওনা অনৌবা তেক্নোলোজীশিংনা কলচরেল সেক্তরদা পীবা পোতেন্সিএল অমসুং মসিগী লম অসিদা কন্তেনমেন্ত কলচরেল দাইলোগ, ক্রিএতিব পার্তনরশিপ অমসুং অমগা অমগা খঙমিন্নবদা মতেং পাংনবা ৱাফমসু পনখি।

লুচিংবা অনিনা লৈবাক অনিমক্তা লৈরিবা ইন্দিজিনস অমসুং ত্রাইবেল কম্ম্যুনিতীশিংবু শক্তি লৈহনবগী মরুওইবা অদু অমুক হন্না ফোংদোকখি অমসুং মখোয়গী কলচরেল হেরিতেজ, ত্রেদিস্নেল নোলেজ সিস্তেম অমসুং নেস্নেল দিবেলপমেন্তদা মতম চুপ্পগী ওইনা তেংবাংলিবা অদু শকখঙখি। মখোয়না ভারত ত্রাইবেল ফেস্তিবেল (বি.তি.এফ.) ২০২৬বু ওন্তপ্রিন্যুওরশিপ, কলচরেল প্রিজর্বেসন অমসুং সস্তেনেবল লাইবলিহুদশিংদা মালেমগী ওইবা এক্সচেঞ্জ প্রমোৎ তৌনবা মরু ওইবা প্লেৎফোর্ম অমা ওইনা তরাম্না ওকখি। লুচিংবশিংনা নাৎকী ওইবা এক্সচেঞ্জ, স্কিল দিবেলপমেন্ত, ত্রেদিস্নেল নোলেজ, অমসুং কম্ম্যুনিতীদা য়ুম্ফম ওইবা পোত্থোকশিংগীদমক কৈথেলগী খুদোংচাবশিং অসিগুম্বা লমশিংদা খন্ন-নৈনবা অমসুং তেংবাং পীনবা পুক্নিং থৌগৎনবা য়ানখি। মসিগী পান্দমদি ইনক্লুসিব গ্রোথবু মপাঙ্গল কনখৎহন্নবা অমসুং তোঙান তোঙানবা নাৎ অমসুং চৎনবীশিংগী মরক্তা নাকল অনিগী ইকায় খুম্নবাদা য়ুম্ফম ওইবা মীয়ামগী মরক্তা লৈনরিবা মরী অসি মপাঙ্গল কনখৎহন্নবা ওইখি।

লুচিংবা অনিনা ইকোনোমিক রেসিলিয়েন্স, অনৌবা তেক্নোলোজীশিং, ইনর্জী সেক্যুরিতী অমসুং মীয়ামগী মরক্তা এক্সচেঞ্জশিং অসিগুম্বা হিরমশিংদা দিপ্লোমেতিক রিসেৎ অসি কংক্রিৎ কোওপরেসনদা ওন্থোক্নবা পাম্বৈশিং থিদোক্নবগীদমক পোলিসীমেকরশিং, এক্সপর্তশিং, বিজিনেস লিদরশিং অমসুং সিবিল সোসাইতীবু পুন্সিন্নখিবা কনাদা-ইন্দিয়া ত্রেক II স্ত্রেতেজিক দাইলোগ অসিবু তরাম্না ওকখি। অৱাংবা থাক্কী খন্ন-নৈনবগী থৌরম অসিনা সরকারগী সরকারগী ওইবা মেকানিজমশিংদা লেপ্পা লৈতনা মতেং পাংনবা ইন্সতিত্যুস্নেল এঙ্গেজমেন্ত, এক্সপান্দ তৌরবা সেক্তরেল কোলাবোরেসন, অমসুং শেয়র পোলিসী দাইলোগকী মরুওইবা অদু পনখি হায়না মখোয়না পনখি। লুচিংবশিংনা ফোরম অমসুং ত্রেক IIগী প্লেৎফোর্মশিংদা লেপ্তনা ৱারী শানবনা অমনা অমবু হেন্না খঙনবা, লৈবাক অনিগী মরক্তা তেংবাং পীনবা মপাঙ্গল কনখৎহনবদা মতেং পাংগনি অমসুং খুন্নাই অনিমক্কীদমক ময়েক শেংনা কান্নবা পীগদবা থবক ওইনা পাংথোকপা য়াবা, তুংলমচৎকী ওইবা খোঙথাংশিং লৌখৎপদা মতেং পাংগনি হায়না য়ানখি।

লুচিংবশিংনা লৈবাক অনিগী মরক্তা সিভিল এভিএসনগী লমদা পুন্না থবক তৌমিন্নবগী অচেৎপা পুৱারী অমসুং মসিনা শেন্মিৎলোনগী চাউখৎপা, কনেক্তিবিতী অমসুং মীয়ামগী মরক্তা ললোন-ইতিক তৌবদা অচৌবা থৌদাং লৌরিবা অদু খঙমিন্নখি। লৈবাক অনিমক্তা সেফ, সেক্যুর, সস্তেনেবল অমসুং রেসিলিয়েন্ত এভিএসন ইকোসিস্তেমশিং প্রমোৎ তৌবদা মতেং পাংনবা সিভিল এভিএসন কোওপরেসনগী মতাংদা মখোয়গী জোইন্ত মেমোরেন্দম ওফ অন্দর্স্তেন্দিং রিন্যু তৌনবগীদমক মখা তানা থবক পায়খৎতুনা মখোয়গী কোলাবোরেসন অসি হেন্না চেৎশিলহন্নবা মখোয়না অপাম্বা ফোংদোকখি।

ৱান ফ্যুচর

সাইন্স অমসুং তেক্নোলোজী আর্কিতেকচর

তেক্নোলোজী অমসুং ইন্নোবেসন অসি ইকোনোমিক গ্রোথ, কম্পিতিতিবনেস অমসুং খুন্নাইগী রেসিলিয়েন্সকী মরুওইবা দ্রাইভরশিংনি হায়না শকখঙলদুনা লুচিংবশিংনা সাইন্স, তেক্নোলোজী অমসুং ইন্নোবেসনদা ভারত-কেনাদাগী মতেং পীনবা হেনগৎহনবগী মরুওইবা অদু ফোংদোকখি। অসিগুম্বা য়ানশিন্নবা অসিনা এম্বিসনবু কোওর্দিনেৎ, রিজল্ত ওরিয়েন্তেদ কোলাবোরেসনদা ওন্থোকপা ঙম্বা ইন্সতিত্যুস্নেল মেকানিজমশিংবু নৌহৌননা পুক্নিং থৌগৎপগী তঙাইফদবা অদু তাক্লি। জোইন্ত সাইন্স এন্দ তেক্নোলোজী কোওপরেসন কমিতী (জে.এস.তি.সি.সি.) অমুক হন্না হৌদোকপা অসি মরুওইবা অমসুং অনৌবা তেক্নোলোজীশিংদা কোওপরেসন হেঙ্গৎহন্নবা, সেক্যুর অমসুং থাজবা য়াবা দিজিতেল ইকোসিস্তেমশিং মপাঙ্গল কনখৎহন্নবা, ক্লীন তেক অমসুং ইনর্জী ইন্নোবেসন য়াংখৎহন্নবা অমসুং রিসর্চ পার্তনরশিপশিং পাকথোক চাউথোকহন্নবা অনৌবা প্লেৎফোর্ম অমা পীরিবা মরুওইবা খোঙথাং অমনি।

স্পেস কোওপোরেসন

লুচিংবশিংনা এজেন্সীশিং অমসুং প্রাইবেৎ সেক্তরশিংগী মরক্তা স্পেস কোওপরেসনদা স্ত্রাতেজিক পার্তনরশিপকী তঙাই ফদবা অমসুং ম্যুচেল বেনিফিৎকী মতাংদা খন্নখি। কেনাদিয়ন স্পেস এজেন্সী (সি.এস.এ.) অমসুং ইন্দিয়ন স্পেস রিসর্চ ওর্গনাইজেসন (ইস্রো) গী মরক্তা স্পেস কোওপরেসনগী মতাংদা মেমোরেন্দম ওফ অন্দর্স্তেন্দিং অমা অহানবা ওইনা ১৯৯৬তা খুৎয়েক পীনখিবা অদুদগী হৌরগা চহী ৩০ অসিদা থাজবা থমদুনা স্পেস এজেন্সীশিং অমসুং মখোয়গী নেস্নেল বিজিনেস অমসুং রিসর্চ ইকো-সিস্তেমশিংনা থোরক্লিবা খুদোংচাবশিং অসি খোঙজেল য়াংনা অমসুং পুন্না থবক তৌমিন্ননবা শেমগৎলি।

এম ও য়ুগী মখাদা পান্দম থম্লিবা ইমপ্লিমেন্তেসন এরেঞ্জমেন্ত অমনা পার্তনরশিপ অসি লমজিংগনি। মসিনা জোইন্ত প্রোজেক্তশিং থবক ওইনা পাংথোকহন্নবা অমসুং এৎমোস্ফিয়র সাইন্স, স্পেস রোবোতিক্স অমসুং হ্যুমেন স্পেস ফ্লাইৎ য়াওবা স্পেস এক্সপ্লোরেসন অমসুং ক্বান্তম কম্ম্যুনিকেসন তেক্নোলোজী য়াওবা অনৌবা অমসুং অনৌবা লমশিংদা তেক্নিকেল কোলাবোরেসনগী খুদোংচাবশিং ফংহন্নবা পান্দম থমগনি। মসিগী তেংবাং অসি মখোয়গী এজেন্সীশিংগী মরক্তা কেপাসিতী বিল্দিং অমসুং নোলেজ একচেঞ্জ হেনগৎহনগনি। হেন্না পাক শন্না, মখোয়না মখোয়গী নেস্নেল স্পেস ইকোসিস্তেমশিংগী মরক্তা মরী মপাঙ্গল কনখৎহনবা, সরকারগী ওর্গানাইজেসনশিং, ইন্দস্ত্রী, স্তার্ত-অপশিং, একাদেমিয়া অমসুং রিসর্চ ইন্সতিত্যুসনশিংগী মরক্তা পার্তনরশিপশিং পুক্নিং থৌগৎপা, অমনা অমবু মপাঙ্গল হাপ্পা, ইন্নোবেসন পুরকপা অমসুং পুন্না চৎমিন্নরিবা চাউখৎ থৌরাংগী পান্দমশিংদা মতেং পাংনবা মরুওইবা অদু ফোংদোকখি।

দিজিতেল অমসুং এ.আই. কোর্পোরেসন

স্পেস কোওপরেসনদা য়ুম্ফম ওইদুনা, ভারত অমসুং কেনাদানা স্পেস অমসুং এরোস্পেস তেক্নোলোজীশিংদা এ.আই. স্পেস এপ্লিকেসনশিং অমসুং পৃথীবিগী ওবজর্বেসনগীদমক এ.আই.গী খুৎলাইশিং অসি পুন্না শেমগৎতুনা লৈবাক অনিমক্না ইন্নোবেসন খুমাং চাউশিলহল্লগনি অমসুং মখোয়গী তেক্নোলোজিকেল সোভরিনিতী মপাঙ্গল কনখৎহল্লগনি।

লুচিংবশিংনা লৈবাক অনিগী অরাপ্পা মফমশিংদা মোদর্ন, থাজবা য়াবা হেল্থকেয়র ফংহন্নবা দিস্তেন্স মেদিসিনগী দাইগ্নোস্তিক কেপাসিতিশিং মপাঙ্গল কনখৎহন্নবা এ.আই.না মতেং পাংলিবা খুৎলাইশিংদা মতেং পীননবা য়ানখি।

ইন্দস্ত্রী অমসুং একাদেমিয়াগী পার্তনরশিপকী ভেল্যু খঙলদুনা, নাকল অনিমক্না ভারতকী ইঞ্জিনীয়রশিং অমসুং রিসর্চরশিংদা কেনাদাগী মালেমগী থাক্কী এ.আই. রিসর্চ ইন্সতিত্যুৎশিংদা এক্সপরিয়েন্স ফংহনগদবা ক্রোস-বোর্দর ৱার্ক-ইন্তিগ্রেতেদ লর্নিংগী খুদোংচাবশিং শেম্নবা থৌরাং তৌরি।

হেনগৎলক্লিবা ইনর্জীগী মথৌ তাবা অমসুং রিন্যুএবল ইনর্জীগী পাকথোক চাউথোক্লিবা থৌদাং অসিগী মতাংদা রেসিলেন্ত ইলেক্ত্রিক গ্রিদ সিস্তেমশিংগী হেনগৎলক্লিবা মরুওইবা অদু খঙলদুনা, নাকল অনিমক্না লৈবাক অনিমক্তা থাজবা য়াবা, ইফিসিএন্ত অমসুং ক্লাইমেৎ রেসিলেন্ত ইলেক্ত্রিসিতী সিস্তেমশিং শৌগৎনবগীদমক ইনর্জীগী ঈশিং হেনগৎলকপা মাংজৌননা মাংজৌননা খংদোক্নবা অমসুং তোঙান তোঙানবা ক্লাইমেৎকী ফিভমশিংদা বেতরী স্তোরেজবু হেন্না ফজনা মেনেজ তৌনবা এ.আই. অলগোরিথমশিং শেমগৎনবগী মতাংদা লৌশিং শেয়র তৌনবগী খুত্থাংদা মতেং পীনবা য়ানখি।

লুচিংবা অনিনা ওস্ত্রেলিয়া-কেনাদা-ভারত তেক্নোলোজী অমসুং ইন্নোবেসন (এ.সি.আই.তি.আই.) পার্তনরশিপকী মখাদা খুমাং চাউশিল্লকপদা নুংঙাইবা ফোংদোকখি অমসুং অনৌবা দিল্লীদা এ.আই. মখোয়না আর্তিফিসিএল ইন্তেলিজেন্স অমসুং দিজিতেল তেক্নোলোজীশিংদা প্রাক্তিকেল ত্রিলেতরেল কোওপরেসন হেনগৎহন্নবা জোইন্ত ৱার্ক প্লান অমা শেম্নবা য়ানখি অমসুং দিজিতেল ইনফ্রাস্ত্রকচর, সেমিকন্দক্তর অমসুং ইলেক্ত্রোনিক্স মেন্যুফেকচরিং, হাই-পারফোমেন্স কম্প্যুতিং, ইন্তরনেৎ ওফ থিংস (আই.ও.তি.), সাইবর সেক্যুরিতী অমসুং স্তার্তঅপ ইকোসিস্তেমশিংদা হেন্না চেৎশিল্লবা কোওপরেসনগী ওইথোকপা অদুদা অকনবা ৱাফম থমখি। লুচিংবশিংনা এ.আই.গী সোভরিনিতী, ইনক্লুসিবিতী, এক্সেস অমসুং থাজবা য়াবা হেনগৎহন্নবা পোলিসী অমসুং রেগুলেতরী একচেঞ্জ মপাঙ্গল কনখৎহন্নবা; এ.আই. শিজিন্নবা অমসুং মসিগা মরী লৈনবা বিজিনেস-তু-বিজিনেস পার্তনরশিপশিং প্রমোৎ তৌনবা; অমসুং থাজবা য়াবা ইন্নোবেসন ইকোসিস্তেমশিং শেমগৎনবা অমসুং ময়েক শেংবা মহৈশিং ফংহন্নবা স্কিল দিবেলপমেন্ত, ত্রেনিং অমসুং নোলেজ শেয়রিংগী খুত্থাংদা জোইন্ত কেপাসিতী বিল্দিং হেনগৎহন্নবা য়ানখি। তেক্নোলোজী অমসুং ইন্নোবেসনগী লমদা তেংবাং পীননবা ওস্ত্রেলিয়া-কেনাদা-ভারত ত্রাইলেতরেল এম.ও.য়ু. অমা খুৎয়েক পীনদুনা থবক অসি কোদিফাই তৌরকপদা লুচিংবশিংনা তরাম্না ওকখি।

শেয়র তৌরবা ভিজন অসিবু কংক্রিৎ ওইবা মহৈশিংদা ওন্থোক্নবগীদমক, লুচিংবশিংনা অনৌবা ভারত-কেনাদা স্ত্রেতেজিক পার্তনরশিপ অসি ফাউন্দেস্নেল লেয়র অনিগী অকোইবদা স্ত্রকচর তৌনবা য়ানখি।

ফাউন্দেসনেল লেয়র – ১: সেক্যুরিতী অমসুং দিফেন্স কোর্পোরেসন

সেক্যুরিতী কোর্পোরেসন

লুচিংবশিংনা নেস্নেল সেক্যুরিতী এদভাইজরশিংগী থাক্তা পাঙথোকপা চাং নাইবা বাইলেতরেল সেক্যুরিতী দাইলোগকী মখাদা খুমাং চাউশিল্লকপা অমসুং নেস্নেল সেক্যুরিতী অমসুং লো এনফোর্সমেন্ত প্রাইওরিতীশিংদা হেন্না চেৎশিল্লবা কোওপরেসনগী লমজিং-লমতাক্নবা শেয়র ৱার্ক প্লানদা য়ানখিবা অদু তরাম্না ওকখি। প্লুরেলিস্তিক দেমোক্রেসীশিং ওইনা, মখোয়না হিংসাগী ওইবা এক্সত্রিমিজম, তেরোরিজম, ওর্গানাইজ ক্রাইম, নারকোতিক অমসুং ফেনতানিলগী প্রিসকোর্সরশিংগী আইন্না য়াউদবা ফ্লো, সাইবর ক্রাইম, এক্সতর্সন, ফাইনান্সিএল ফ্রোদ, ত্রাফিকিং অমসুং মসিগা মরী লৈনবা ক্রিমিনেল নেৎৱার্কশিংগা মরী লৈনবা ইসুশিং কোকহন্নবা তেংবাং পীনবা য়ানখি। লুচিংবশিংনা নাকল অনিগী ওইবা পাউ ফাওনববু হেন্না মওং চুমহনবা অমসুং মতম চানা ইনফোর্মেসন শেয়র তৌবা ঙমহন্নবা সেক্যুরিতী অমসুং আইন চৎনহনবগী লমদা লনাইগী ওইবা লিএজন মেকানিজমশিং লিংখৎপদা মতেং পাংখি অমসুং সাইবর সেক্যুরিতী অমসুং ইমিগ্রেসন চৎনহনবগী লমদা মতেং পীনবা হেনগৎহন্নবা অচেৎপা ৱাফম থমখি। মখোয়না তেরোরিজম থেংননবা জোইন্ত ৱার্কিং গ্রুপকী মথংগী মীফম অথুবা মতমদা পাংথোক্নবা হায়খি।

দিফেন্স কোর্পোরেসন

লুচিংবশিংনা প্রাক্তিকেল মিলিতরী কোওপরেসন পাকথোক চাউথোকহনবগী মগুন অদু খঙই অমসুং কোওপরেতিব এক্তিবিতীশিং, জোইন্ত ত্রেনিংগী খুদোংচাবশিং, অমসুং প্রোফেস্নেল মিলিতরী একচেঞ্জশিংগী খুত্থাংদা দিফেন্সকী মরীশিং হেন্না চেৎশিলহন্নবা খুদোংচাবশিংবু তরাম্না ওকই। লুচিংবশিংনা দিফেন্স মেতরিএল কোওপরেসন, সপ্লাই চেন রেসিলিয়েন্স, অমসুং ত্রেনিং অমসুং এক্সরসাইজগুম্বা লমশিংদা অনৌবা মেরিতাইম সেক্যুরিতী পার্তনরশিপ অমা তরাম্না ওকখি।

লৈবাক অনিমক্না ইন্দিয়া-কেনাদা দিফেন্স দাইলোগ অমা ইন্সতিত্যুস্নেল ওইনা শেম্নবা য়ানখি। মসিনা মরি লৈনবা দিফেন্স পোলিসীশিং, রিজনেল অমসুং গ্লোবেল সেক্যুরিতী দিবেলপমেন্তশিং অমসুং দিফেন্স কোলাবোরেসন হেনগৎহন্নবা খুদোংচাবশিং খঙদোক্নবা স্ত্রেতেজিক ওইবা মীৎয়েংশিং এক্সচেঞ্জ তৌগনি।

মসিগী মতাংদা মখোয়না কেনাদাগী দিফেন্স এত্তেচে অমা ভারত্তা খল্লকপা অমসুং ৱাশিংতন দি.সি.দা লৈবা দিফেন্স এত্তেচেগী কনাদাদা এক্রেদিতেসন পীনবগী মতাংদা ইন্দিয়ানা লৌখিবা মরুওইবা খোঙথাংশিংবু তরাম্না ওকখি।

মল্তিলেতরেল অমসুং ইন্দো-পেসিফিক এঙ্গেজমেন্ত

লৈবাক অনিমক্না রিজনেল অমসুং গ্লোবেল ফোরম কয়াদা মতেং পীনবা য়ানখি। অসিগুম্বা থৌদাংশিং অসিনা কন্তেনমেন্তবু মপাঙ্গল কনখৎহল্লগনি অমসুং হেন্না লুবা স্ত্রেতেজিক এনভাইর্নমেন্ত অমদা প্রাইওরিতিশিংগী মতাংদা মান্নবা ৱাখল্লোন অমা ফগৎহল্লগনি।

লুচিংবশিংনা ইন্দো-পেসিফিক অসি চাউখৎলক্লিবা স্ত্রেতেজিক অমসুং ইকোনোমিক্কী মরুওইবা লমদম অমনি হায়না য়ানখি অমসুং ইন্দো-পেসিফিক অসি নীংতম্বা, হাংদোকপা, ইনক্লুসিব অমসুং রেসিলিয়েন্ত ওইহন্নবগীদমক মখোয়না শরুক য়ামিন্নবগী ফিরেপ অদু অমুক হন্না ফোংদোকখি। মখোয়না তুংকোইনা চৎনগদবা চাউখৎ-থৌরাং, সমুদ্রদা ঙাক-শেনবা অমসুং ঙাক-শেনবা, অইং-অশাগী ফিভমদা ঙাক-শেনবা, কনেক্তিবিতী অমসুং লমদম অসিদা কেপাসিতী শেমগৎপদা থবক ওইনা পাংথোকপা মতেং পীনবগী মরুওইবা অদু ফোংদোকখি। লুচিংবশিংনা রিজনেল অমসুং গ্লোবেল ইন্সতিত্যুসনশিং অমসুং পার্তনরশিপকী খুত্থাংদা কোওর্দিনেসন মপাঙ্গল কনখৎহন্নবা, ইনফ্রাস্ত্রকচর দিবেলপমেন্ত, দিজিতেল ইনক্লুজন, দিজাস্তর প্রিপার্দনেস অমসুং মীয়ামদা মীৎয়েং চঙবা গ্রোথতা মতেং পাংনবা কম্প্লিমেন্তরী ওইবা মপাঙ্গলশিং শীজিন্নবা, অমসুং লৈঙাক অমসুং লমদমগী অপুনবগী ইকাই খুম্নবা ইন্দুনা রুলশিংদা য়ুম্ফম ওইবা মালেমগী ওইবা কাংলোন অমা পুখৎনবা অচেৎপা ৱাফম থমখি।

লুচিংবশিংনা ইন্দিয়ন ওসিন রিজনগীদমক ভারতকী মীৎয়েং অমসুং কেনাদাগী ইন্দো-পেসিফিক স্ত্রেতেজীগী মরক্তা, স্তেবিলিতী, সস্তেনেবল দিবেলপমেন্ত, কনেক্তিবিতী, অমসুং ইনক্লুসিব গ্রোথকীদমক শেয়র তৌরিবা ইন্তরেস্তশিংদা য়ুম্ফম ওইদুনা হেনগৎলক্লিবা কনবর্জেন্স অদু পনখি। মেরিতাইম গবর্নান্স, ক্লাইমেৎ রেসিলিয়েন্স, ব্লু ইকোনোমী অমসুং কেপাসিতী বিল্দিংদা কেনাদাগী এক্সপর্সিতীগী খুত্থাংদা কান্নবা ফংলবা অদু খঙলদুনা ইন্দিয়ন ওসিন রিম এসোসিয়েসন (আই.ও.আর.এ.) দা দাইলোগ পার্তনর অমা ওইনা শরুক য়ানবা কেনাদাগী অপাম্বা অদু ভারতনা তরাম্না ওকখি। লুচিংবা অনিনা দিজাস্তরগী শেম-শারিবা, ইনফ্রাস্ত্রকচর দিবেলপমেন্ত, দিজিতেল ইনক্লুজন অমসুং মীয়ামদা মীৎয়েং চঙবা গ্রোথতা মতেং পাংনবা থবক পায়খৎপশিংগী খুত্থাংদা ভারত মহাসাগরদা মতেং পীনবা হেনগৎনবা য়ানখি। মখোয়না লমদম অসিগী পার্তনরশিংগা পুন্না থবক তৌমিন্নদুনা ফ্রী, ওপন, ইনক্লুসিব অমসুং রেসিলিয়েন্ত ইন্দো-পেসিফিক অমা পুখৎনবা মখোয়গী অচেৎপা ফিরেপ অদু অমুক হন্না ফোংদোকখি।

ত্রেদ পার্তনরশিপ খুমাং চাউশিনহনবা

ত্রেদ অমসুং ইনবেস্তমেন্তদা মিস্ত্রিএল দাইলোগ

ললোন-ইতিক অমসুং ইনভেস্তমেন্তকী মতাংদা নৌনা হৌদোকখিবা মিনিস্তরেল দাইলোগ অসিনা নাকল অনিগী ওইবা ললোন-ইতিক অমসুং ইনভেস্তমেন্তকী মরীশিং অমুক হন্না মপাঙ্গল কনখৎহন্নবা অমসুং তেংবাং পীনবগী তুংলমচৎকী এজেন্দা অমা শেমগৎনবা পান্দম থম্লিবা এঙ্গেজমেন্তকী অনৌবা তাঙ্কক অমা ওইরে হায়না লুচিংবশিংনা পনখি।

সি.ই.পি.এ. অমসুং ত্রেদ আর্কিতেকচর

লুচিংবা অনিনা লৈবাক অনিগী মরক্তা ইকোনোমিক পার্তনরশিপ এগ্রীমেন্ত (সি.ই.পি.এ.) অমা শেম্নবা খন্ন-নৈনবগী থবকশিং অমুক হন্না হৌদোক্তুনা লৈবাক অনিগী মরক্তা ইকোনোমিক পার্তনরশিপ মপাঙ্গল কনখৎহন্নবা মখোয়গী অপাম্বা অদু অমুক হন্না ফোংদোক্নখি। লুচিংবা অনিনা অপুনবা ত্রেদ ফ্রেমৱার্ক অসিনা পার্তনরশিপকীদমক তুং কোইনা চৎকদবা ইকোনোমিক এঙ্কর অমা ওইনা থবক তৌগনি অমসুং ২০৩০ ফাওবদা বাইলেতরেল ত্রেদ কে.দি. মখোয়না সি.ই.পি.এ.গী ৱারী শানবগী তর্মস রিফরেন্স লোইশিনখিবা অমসুং খুৎয়েক পীনখিবা অমসুং ফোর্মেল ৱারী শানবগী হৌরকপদা নুংঙাইবা ফোংদোকখি অমসুং ৱারী শানবশিং অসি ২০২৬কী লোইশিল্লকপদা লোইশিন্নবা মখোয়গী অপাম্বা ফোংদোকখি।

কম্মর্সিএলদা খোঙজেল য়াংশিনবা

 
মালেমগী শেন্মিৎলোনগী ফীভমদা অহোংবা লাক্লিবা অসি খঙলদুনা নাকল অনিমক্না সপ্লাই চেনগী স্তেবিলিতী হেনগৎহনবা, মপানগী ওইবা খুদোংচাদবশিং হন্থহনবা, অমগা অমগগী সেন্সিতিবিতীশিং খংহনবা অমসুং প্রাইওরিতী সেক্তরশিংগী মরক্তা ম্যুচেল বেনিফিসিতী লৈবা কোওপরেসন অমা শেমগৎপা ঙম্বা, থাজবা য়াবা অমসুং মাংজৌননা ফংবা ঙম্বা ত্রেদ রিলেসন অমা লৈবগী মরুওইবা অদুদা পুক্নিং চিংশিনখি। মখোয়না মখা তানা মখোয়গী ইকোনোমীশিং হেন্না চেৎশিল্লক্লিবা অদু খঙখি। মসিনা ভারত্তা থবক তৌরিবা কেনাদিয়ন কম্পনীশিং অমসুং কেনাদা থবক তৌরিবা ভারতকী কম্পনীশিংনা থবক তৌরিবা শিন্মী মশিং য়াম্বদা উৎলি। মসিনা মরুওইবা নাকল অনিগী ওইবা কম্মর্সিএল প্রজেন্স অমা উৎলি অমসুং মসিনা পার্তনরশিপ অদু হান্ননা মপাঙ্গল কনখৎহল্লি।

বাইলেতরেল ত্রেদ অমসুং ইনভেস্তমেন্ত লিঙ্কশিংদা হেন্না কম্মর্সিএল মোমেন্তম অমা পীনবগীদমক, লুচিংবশিংনা কেনাদাদা চৎপা অনি অমসুং ভারত্তা চৎপা অনি য়াওনা, মিনিস্তরেলনা লুচিংবা ত্রেদ অমসুং ইনভেস্তমেন্ত ইঙ্গিজমেন্ত মরিগী প্রোগ্রাম অমা তরাম্না ওকখি। মখোয়না হায়খি মদুদি এক্সচেঞ্জশিং অসিনা অনৌবা কম্মর্সিএলগী খুদোংচাবশিং ফংহনবদা, প্রাইবেৎ সেক্তর পার্তনরশিপশিং হেন্না চেৎশিলহনবদা অমসুং লৈবাক অনিগী ইকোনোমীশিং হেন্না পুনশিনবদা মতেং পাংগনি।

ইন্দিয়া-কেনাদা সি.ই.ও. ফোরম

লুচিংবা অনিনা প্রাইবেৎ সেক্তরগী থৌদাং হেন্না চেৎশিলহন্নবা অমসুং মরুওইবা সেক্তরশিংদা প্রাক্তিকেল কোওপরেসন হেনগৎহন্নবা মরুওইবা প্লেৎফোর্ম অমা ওইনা ইন্দিয়া-কেনাদা সি.ই.ও. ফোরম অমুক হন্না শেমগৎপবু তরাম্না ওকখি। মখোয়না লৈবাক অনিমক্কী বিজিনেস লুচিংবশিংবু ফোরম অসিবু ললোন-ইতিক, ইনবেস্তমেন্ত, ইন্নোবেসন অমসুং সপ্লাই চেন রেসিলিয়েন্সতা অনৌবা খুদোংচাবশিং মশক খঙদোক্নবা অমসুং সি.ই.পি.এ.গী ৱারী শানবদা মতেং পাংনবা অমসুং হেন্না চাউবা শেন্মিৎলোনগী পান্দমশিং ফংনবা থবক পায়খৎপা য়াবা রিকমেন্দেসনশিং পীনবা পুক্নিং থৌগৎখি। ইন্দস্ত্রী, সরকার অমসুং ফাইনান্সিএল ইন্সতিত্যুসনশিংগী মরক্তা মপাঙ্গল কনখৎহনবা অসি লৈবাক অনিগী ওইবা ইকোনোমিক কোওপরেসনবু মথংগী থাক্তা পুখৎনবা অমসুং লৈবাক অনিমক্কী বিজিনেস অমসুং নাগরিকশিংগীদমক্তা ময়েক শেংবা কান্নবা ফংহন্নবা মরুওই হায়না লুচিংবশিংনা য়ানখি।

ফাইনান্স মিনিস্তরশিংগী ইকনোমিক দাইলোগ

লুচিংবশিংনা শেল-থুমগী মন্ত্রীশিংগী ইকোনোমিক অমসুং ফাইনান্সিএল দাইলোগ হৌদোকপদা নুংঙাইবা ফোংদোকখি। মসিনা পেমেন্ত মোদর্নাইজেসন, ফাইনান্সিএল স্তেবিলিতী, ফিনতেক ইন্নোবেসন অমসুং কেপিতেল মার্কেত দিবেলপমেন্তগুম্বা হিরমশিংদা শেল-থুমগী ওফিসিএলশিং পুনশিনগনি। ঙল্লিঙৈগী প্রাইওরিতী অমা ওইনা, মসিদা ইন্সতেন্ত পেমেন্তশিংগী তুংলমচৎকী মতাংদা পুন্না থবক তৌমিন্নবা অমসুং ঙমখৈ লান্না শেল থাদোকপা অমসুং মর্চেন্ত পেমেন্তশিংদা খুদোংচাবশিং থিজিনবা য়াওগনি। লৈবাক অনিগী তুরিজম, এজুকেসন, রেমিতেন্স অমসুং এস.এম.ই.শিংগী চাউখৎলকপদা মতেং পাংদুনা লৈবাক অনিগী ওইবা ললোন-ইতিক হেনগৎহন্নবা পান্দমদা নেস্নেল পেমেন্ত কোর্পোরেসন ওফ ইন্দিয়া অমসুং পেমেন্ত কনাদাবু শরুক য়ানবা কৌগনি। হৌদোকপগী ফাইনান্স মিনিস্তরশিংগী ইকোনোমিক দাইলোগ অসি ২০২৬তা নাকল অনিমক্না য়ানরবা মতম অমদা পাংথোক্কনি হায়না মখোয়না পনখি।

ৱারোইশিন

প্রধান মন্ত্রী কার্নিনা ভারতকী সরকার অমসুং মীয়ামগী মীয়োক মীচান ফবা মতৌ অদুগীদমক মহাক্কী থাগৎপা ফোংদোকখি। মহাক্না মসিগী কম্প্রিহেন্সিব পার্তনরশিপ অসিবু খুমাং চাউশিলহন্নবা কেনাদাগী অচেৎপা ফিরেপ অদু অমুক হন্না ফোংদোকখি।

লুচিংবা অনিমক্না অৱাংবা থাক্কী থবক থৌরমশিং মখা তানা চত্থবদা নুংঙাইবা ফোংদোকখি অমসুং জোইন্ত স্তেতমেন্ত অসিদা পনখিবা খোঙথাংশিং অসিনা ভারত অমসুং কেনাদাগী পার্তনরশিপ মখা তানা চেৎশিলহল্লগনি, অমগা অমগা থাজবা হেনগৎহল্লগনি অমসুং লৈবাক অনি অমসুং মখোয়গী মীয়ামগীদমক মশক থোকপা, অশাংবা মতমগী কান্নবা ফংহল্লগনি হায়না থাজবা ফোংদোকখি।

ভারত অমসুং কেনাদাগী মরক্তা মপাঙ্গল কনবা পার্তনরশিপ অমনা রিজনেল স্তেবিলিতী, গ্লোবেল রেসিলিয়েন্স অমসুং অপুনবা চাউখৎ-থৌরাংদা পোজিতিব ওইনা মতেং পাংগনি হায়না মখোয়না ফোংদোকখি। মসিনা হেন্না ইনক্লুসিব, সস্তেনেবল অমসুং সেক্যুর ওইবা তুংলমচৎ অমা শেমগৎনবা মখোয়না পুন্না হোৎনরিবা অদু উৎলি।

***