প্রধান মন্ত্রী শ্রী নরেন্দ্র মোদীনা লুচিংবা ইকোনোমিক এফিয়র্সকী মন্ত্রীমন্দলগী কমিতীনা মহারাস্ত্রাদা লৈরিবা এন.ঐচ.-১৬০এগী ঘোতি-ত্রিমবক (মোকহাদা) -জৱাহর-মানোর-পালঘার সেক্সন অসি ইঞ্জিনীয়রিং, প্রোক্যুরমেন্ত অমসুং কন্সত্রক্সন (ই.পি.সি.) মোদতা অপুনবা কিলোমিতর ১৫৪.৬৩৫ শাংবা অমসুং অপুনবা কেপিতেল কোস্ত লুপা করোর ৩,৩২০.৩৮গা লোয়ননা নৌহৌননা শেমগৎনবা অমসুং অপগ্রেদ তৌনবা অয়াবা পীখ্রে।

নাসিক্কী নোংচুপ থংবা মফমদা, মরু ওইনা অম্বাদ অমসুং সাতপুরগী অকোইবদা, মহারাস্ত্রা ইন্দস্ত্রীএল দিবেলপমেন্ত কোর্পোরেসন্না শেমগৎপা ইন্দস্ত্রীএল য়ুনিৎশিংগী মরাং কায়না লৈবা মফম অমা লৈ। মসিনা অচৌবা ফ্রেৎ ত্রাফিক পুথোক পুশিন তৌই। হৌজিক্কী ওইনা, ত্রাফিক অসি নাসিক শহরদা এন.ঐচ.-৮৪৮গী খুত্থাংদা চত্থরি, মসিনা শহরগী লম্বীশিংদা অহেনবা প্রেসর পীরি। হৌজিক লৈরিবা মরুওইবা লম্বীশিং অসি লেভেল ওফ সর্ভিস (এল.ও.এস.) - সিগী থাক্কী মনুং চন্না মথৌ তৌরি:

মুম্বাইদগী এন.ঐচ.-৮৪৮ (৬এল): ৫০,০০০-৬০,০০০ পি.সি.য়ু./দাই (এল.ও.এস.-সি: ৫৫,০০০)

পুনেদগী এন.ঐচ.-৬০ (৪এল): নোংমদা ৪০,০০০-৫০,০০০ পি.সি.য়ু. (এল.ও.এস.-সি: ৩৬,০০০)

এন.ঐচ.-১৬০.এ.গী অপগ্রেদেসন তৌবনা শহর অসিদগী লাপথোক্তুনা অমসুং কঞ্জেসন হন্থহন্দুনা ত্রিঅম্বক ফাওদুনা ইন্দস্ত্রীএল এরিয়াশিং অসিদগী অতোপ্পা লম্বী অমা ফংহল্লগনি। মুম্বাই (নোংচুপ থংবা শরুক) অমসুং খা থংবা শরুকদগী লাকপা ত্রাফিক্না এন.ঐচ.-৮৪৮দা ইগাতপুরিদা লৈবা ইন্তরচেঞ্জগী খুত্থাংদা সমরুধি এক্সপ্রেসৱে শীজিন্নগনি হায়না পানরি। মসিগী মতুংদা, ত্রাইবেলশিংনা এন.ঐচ.-৮৪৮দা ঘোতি ফাওবা চৎকনি অমসুং ত্রিম্বক অমসুং নাসিক ফাওবা চৎনবা এন.ঐচ.-১৬০A শিজিন্নগনি। ২০২৮দগী হৌরগা, প্রজেক্ত তৌরিবা নোংমগী ত্রাফিক অসি পি.সি.য়ু. ১০,০০০দগী হেল্লগনি, মসিনা কোরিদোর অসি লেন মরিগীদমক ক্বালিফাই তৌগনি।

ত্রিম্বকতগী মনোর অমসুং পালঘরগী মায়কৈদা নোংচুপলোমদা শাংদোক্লিবা এন.ঐচ.-১৬০Aগী সেক্সন অসিনা এন.ঐচ.-১৬০Aবু দিল্লী-মুম্বাই এক্সপ্রেসৱে (এন.ই.-৪), এন.ঐচ.-৪৮ অমসুং নোংচুপ থংবা কোস্তেল বেল্ত, অমসুং পালঘর দিস্ত্রিক্তকী ত্রাইবেল এরিয়াগা শম্নহল্লি। হৌজিক্কী ওইনা লম্বী অসিদা পি.সি.ই. ৪,৫০০গী ত্রাফিক লৈরবসু, হৌজিক লৈরিবা ইন্তরমেদিতেদ-লেন কেরিয়রৱে অসি শাইফাই তৌরবা শমথোংগা লোইননা অনি-লেন ওইহন্নবগী দিবেলপমেন্ত তৌবনা ফ্রেৎ অমসুং পেসেঞ্জর ত্রাফিক অনিমক্তা হেন্না খুদোংচাবা ফংহল্লগনি। মেনরদগী পালঘর ফাওবগী শরুক অসি শহরগী ওইবা বিল্ত-অপ সেক্সনশিংদগী চৎথোক-চৎশিন তৌবদা চাউরাক্না পি.সি.ই. ১২,০০০গী ত্রাফিক য়াওরি। শহরগী সেক্সন অসিদা হেন্না খুদোংচাবা ফংহন্নবা লেন মরিদা অপগ্রেদ তৌবগী ৱাফম থমখ্রে।

প্রোজেক্ত অসি পি.এম. গতিশক্তি প্রিন্সিপলশিংগী মতুং ইন্না প্রপোজ তৌখ্রে অমসুং মসিনা মহারাস্ত্রা রাজ্যদা পি.এম. গতিশক্তি ইকোনোমিক নোদ ৬, সোসিএল নোদ ০১ অমসুং লোজিস্তিক নোদ ৮ শম্নহল্লগনি। মসিনা লৈবাক অসিগী লোজিস্তিক পর্ফোমেন্স ইন্দেক্স (এল.পি.আই.) দা অফবা শাফু অমা পীগনি।

প্রোজেক্ত অসি লোইরবা মতুংদা, ত্রাফিক ফ্লো অমাং-অতা থোকহন্দবা অমসুং সেফ ওইহনগনি, চৎথোক-চৎশিনগী মতম হন্থহল্লগনি, অমসুং ভেহিকল ওপরেতিং কোস্ত (ভি.ও.সি.) মসিগী মথক্তা, প্রোজেক্ত অসি ইমপ্লিমেন্ত তৌবনা ত্রাইবেল লমদম অসিদা বেসিক ইনফ্রাস্ত্রকচর হেনগৎহল্লগনি, মসিনা অপুনবা শেন্মিৎলোন চাউখৎহনবদা মতেং ওইরগনি। প্রোজেক্ত অসিনা কোরিদোর অদুদা অহেনবা শেন্মিৎলোনগী থবকশিং পুক্নিং থৌগৎপগা লোয়ননা হকথেংননা থবক পীবা মীওই লাখ ১৯.৯৮ অমসুং নাকোইননা থবক পীবা মীওই লাখ ২৪.৮৬ পুথোক্কনি হায়না পানরি।

কোরিদোরগী মেপ

প্রোজেক্তকী অকুপ্পা মরোলশিং

***