وزیر اعظم جناب نریندر مودی کی صدارت میں منعقدہ اقتصادی امور سے متعلق کابینہ کمیٹی نے کل مہاراشٹر میں گھوٹی–ٹرِمبک (موکھڑا)–جہار–مینر–پالگھر سیکشن این ایچ- 160اے کی بحالی اور اپ گریڈیشن کی منظوری دی ہے، جسے انجینئرنگ، پروکیورمنٹ اور کنسٹرکشن (ای پی سی) موڈ پر تیار کیا جائے گا۔ اس پٹی کی کل لمبائی 154.635 کلومیٹر اور کل سرمایہ کاری 3,320.38 کروڑ روپے مقرر کی گئی ہے۔

ناسک کے مغربی علاقے خاص طور پر امباد اور سٹپور کے ارد گرد، مہاراشٹر انڈسٹریل ڈیولپمنٹ کارپوریشن کی جانب سے تیار کردہ صنعتی اکائیوں کا گنجان ہجوم موجود ہے، جو اہم فریٹ ٹریفک پیدا کرتا ہے۔ موجودہ وقت میں یہ ٹریفک این ایچ-848 کے ذریعے ناسک شہر سے گزر رہا ہے، جس سے شہری سڑکوں پر دباؤ بڑھ رہا ہے۔ موجودہ اہم راستے پہلے ہی لیول آف سروس سی- (ایل او ایس) کے قریب کام کر رہے ہیں:

NH-848 (6L) بمبئی سے: 50,000–60,000 PCU/day (LOS-C: 55,000)

NH-60 (4L) پونے سے: 40,000–50,000 PCU/day (LOS-C: 36,000)

این ایچ 160اے کی اپ گریڈیشن صنعتی علاقوں سے ٹرِمبک کے راستے متبادل راہ فراہم کرتے ہوئے شہر سے بائی پاس کرتے ہوئے بھیڑ کم کرے گی۔ بمبئی (مغربی اور جنوبی طرف) سے آنے والا ٹریفک متوقع ہے کہ این ایچ-848 پر اگٹپوری انٹچینج کے ذریعے سمردھی ایکسپریس وے استعمال کرے گا، جس کے بعد یہ ٹریفک گھوٹی تک این ایچ-848 اور پھر ٹرِمبک اور ناسک جانے کے لیے این ایچ- 160اے استعمال کرے گا۔ 2028 کے بعد متوقع روزانہ ٹریفک 10,000 پی سی یوز سے تجاوز کرے گا، جو اس کوریڈور کے لیے چار لین بنانے کے لیے موزوں ہے۔

این ایچ  160اے کا وہ سیکشن جو ٹرِمبک سے مینر اور پالگھر کی طرف جاتا ہے، این ایچ- 160Aکو دہلی–ممبئی ایکسپریس وے (این ایچ-4) ، این ایچ-48 اور مغربی ساحلی علاقے سے جوڑتا ہے، نیز پالگھر ضلع کے قبائلی علاقوں تک۔ حالانکہ اس لنک پر فی الحال 4,500 پی سی یوز  ٹریفک ہے، موجودہ انٹرمیڈیٹ لین کیرئیج وے کو دو لین اور پختہ شولڈر میں تبدیل کرنا فریٹ اور مسافر دونوں ٹریفک کے لیے آسانی پیدا کرے گا۔ مینر سے پالگھر تک کا حصہ شہری تعمیر شدہ علاقے سے گزرتا ہے، جس میں تقریباً 12,000 پی سی یوز ٹریفک ہے، اس شہری سیکشن میں چار لین اپ گریڈیشن تجویز کی گئی ہے تاکہ ٹریفک کی روانی بہتر ہو۔

یہ منصوبہ پی ایم گتی شکتی کے اصولوں کے مطابق تجویز کیا گیا ہے اور مہاراشٹر میں 6 پی ایم گتی شکتی اقتصادی نوڈز، 1 سماجی نوڈ اور 8 لاجسٹک نوڈز کو جوڑے گا۔ اس سے ملک کے لاجسٹک پرفارمنس انڈیکس (ایل پی آئی) پر مثبت اثر پڑے گا۔

منصوبے کی تکمیل کے بعد ٹریفک کے بہاؤ میں آسانی اور سلامتی، سفر کے وقت میں نمایاں کمی اور گاڑیوں کے آپریٹنگ اخراجات (وی او سی) میں قابل ذکر کمی ہوگی۔ اس کے علاوہ منصوبے کے نفاذ سے قبائلی علاقوں میں بنیادی انفراسٹرکچر بہتر ہوگا، جس سے مجموعی اقتصادی ترقی میں اضافہ ہوگا۔ یہ منصوبہ تقریباً 19.98 لاکھ شخص-دن براہِ راست روزگار اور 24.86 لاکھ شخص-دن بالواسطہ روزگار پیدا کرنے کا امکان رکھتا ہے، نیز کوریڈور کے ساتھ اضافی اقتصادی سرگرمی بھی پیدا کرے گا۔

کوریڈور کا نقشہ بھی دستیاب ہے۔

منصوبے کی تفصیلات

******

ش ح۔ ش ا ر۔ ول

Uno-2455