প্ৰধানমন্ত্ৰীৰ কাৰ্যালয়
প্ৰধানমন্ত্ৰী শ্ৰী নৰেন্দ্ৰ মোদীয়ে পৰীক্ষা পে চৰ্চা, ২০২৬-ৰ দ্বিতীয় খণ্ডত কইম্বাটুৰ, ছত্তীশগড়, গুজৰাট আৰু অসমৰ ছাত্ৰ-ছাত্ৰীসকলৰ সৈতে হোৱা কথোপকথনৰ কেইটামান মুহূৰ্ত শ্বেয়াৰ কৰিছে
পোষ্ট কৰা হৈছে:
10 FEB 2026 5:06PM by PIB Guwahati
প্ৰধানমন্ত্ৰী শ্ৰী নৰেন্দ্ৰ মোদীয়ে পৰীক্ষা পে চৰ্চা (PPC), ২০২৬-ৰ ৯ম সংস্কৰণত ছাত্ৰ-ছাত্ৰীসকলৰ সৈতে হোৱা কথোপকথনৰ কেইটামান মুহূৰ্ত শ্বেয়াৰ কৰিছে। পিপিচি, ২০২৬-ৰ দ্বিতীয় খণ্ডৰ সময়ত প্ৰধানমন্ত্ৰী কইম্বাটুৰ, ছত্তীশগড়, গুজৰাট আৰু অসমৰ পৰীক্ষা যোদ্ধাসকলৰ (Exam Warriors) সৈতে এক অনানুষ্ঠানিক মত-বিনিময়ত মিলিত হয়। ‘পৰীক্ষা পে চৰ্চা’ৰ এই বিশেষ সংস্কৰণলৈ ছাত্ৰ-ছাত্ৰীসকলক আদৰণি জনাই শ্ৰী মোদীয়ে উল্লেখ কৰে যে এইবাৰ দেশৰ ভিন্ন প্ৰান্তত উক্ত কাৰ্য্যসূচী অনুষ্ঠিত হৈছে।
শ্ৰী মোদীয়ে এক্স-ত এইদৰে প’ষ্ট কৰেঃ
"তামিলনাডুৰ কইম্বাটুৰত #ParikshaPeCharcha26-ৰ সময়ত ছাত্ৰ-ছাত্ৰীসকলৰ সৈতে মত-বিনিময় কৰি অসাধাৰণ অভিজ্ঞতা লাভ কৰো। ষ্টাৰ্টআপ আৰু এআই-ৰ পৰা আৰম্ভ কৰি আত্ম-অনুশাসন আৰু এখনি বিকশিত ভাৰত গঢ়াৰ সপোনলৈকে আজিৰ যুৱ মনৰ কৌতূহল আৰু স্পষ্টতা অসামান্য।"
"#ParikshaPeCharcha26-ৰ সময়ত ছত্তীশগড়ৰ ছাত্ৰ-ছাত্ৰীসকলৰ সৈতে হোৱা কথা-বতৰাত এটি কৌতূহলী, চিন্তাশীল আৰু সচেতন প্ৰজন্ম উদ্ভাসিত হৈ উঠে। অধ্যয়ন আৰু ক্ৰীড়াৰ ক্ষেত্ৰত ভাৰসাম্য ৰক্ষাৰ পৰা আৰম্ভ কৰি পৰিবেশৰ যত্ন লোৱা আৰু নেতৃত্ব প্ৰদানৰ গুণ বিকাশলৈকে তেওঁলোকৰ প্ৰশ্নসমূহত চিন্তাৰ স্পষ্টতা প্ৰতিফলিত হয়।"
"গুজৰাটৰ #ParikshaPeCharcha26 কেৱল পৰীক্ষাৰ প্ৰস্তুতিতে সীমাবদ্ধ হৈ নাথাকিল। ছাত্ৰ-ছাত্ৰীসকলৰ প্ৰশ্নসমূহে আত্মবিশ্বাসেৰে শিকিবলৈ আৰু ডাঙৰ হোৱাৰ গভীৰ ইচ্ছাকে প্ৰতিফলিত কৰে। ইয়াত ছাত্ৰ-ছাত্ৰীসকলে জটিল পৰিস্থিতিত চাপৰে মোকাবিলা কৰা, শিক্ষক-শিক্ষয়িত্ৰীসকলৰ গুৰুত্বপূৰ্ণ ভূমিকা তথা একাধিক বিষয়ত নিঃসংকোচে কথা পাতিছিল। আনকি তেওঁলোকে আশ্চৰ্য্যকৰ ৱাৰলী, পিথোৰা আৰু লিপ্পান শিল্প প্ৰদৰ্শনো কৰিছিল।"
"অসমৰ ছাত্ৰ-ছাত্ৰীসকলৰ সৈতে #ParikshaPeCharcha26-ত চাপ আৰু তুলনাৰে মোকাবিলা কৰাৰ পৰা আৰম্ভ কৰি আত্মবিশ্বাস আৰু সুস্থ ৰুটিন গঢ়ি তোলালৈকে এই সকলোবোৰ বিষয় সামৰি লোৱা হয়। এই কাৰ্য্যই তেওঁলোকৰ পৰীক্ষাত ভাল ফলাফল দেখুৱাবলৈ, ডাঙৰ হোৱাৰ সমান্তৰালকৈ নিজৰ শিপা আৰু সংস্কৃতিৰ সৈতে সংযুক্ত হৈ থকাৰ আকাংক্ষাকে প্ৰতিফলিত কৰে।"
***
MJPS/VJ/SB
(ৰিলিজ আই ডি : 2225954)
অতিথি কক্ষ : 9