പോസ്റ്റഡ് ഓണ്:
06 FEB 2026 9:33PM by PIB Thiruvananthpuram
ലോകകപ്പ് കിരീടം നേടിയ ഇന്ത്യയുടെ അണ്ടർ-19 ക്രിക്കറ്റ് ടീമിന്റെ മികച്ച പ്രകടനത്തെ പ്രധാനമന്ത്രി ശ്രീ നരേന്ദ്ര മോദി പ്രശംസിച്ചു.
ടൂർണമെന്റിലുടനീളം മികച്ച രീതിയിൽ കളിച്ചതിനും അസാമാന്യമായ കായിക മികവ് പ്രകടിപ്പിച്ചതിനും ടീമിനെ പ്രധാനമന്ത്രി അഭിനന്ദിച്ചു. ഈ വിജയം നിരവധി യുവ കായികതാരങ്ങൾക്ക് പ്രചോദനമാകുമെന്നും അദ്ദേഹം കൂട്ടിച്ചേർത്തു.
എക്സിലെ ഒരു സന്ദേശത്തിൽ ശ്രീ മോദി പറഞ്ഞു:
“ഇന്ത്യയുടെ ക്രിക്കറ്റ് നൈപുണ്യം തിളങ്ങുന്നു! ലോകകപ്പ് നാട്ടിലെത്തിച്ച നമ്മുടെ അണ്ടർ-19 ടീമിൽ അഭിമാനിക്കുന്നു. ടീം ടൂർണമെന്റിലുടനീളം വളരെ നന്നായി കളിക്കുകയും അസാമാന്യ മികവ് പ്രകടിപ്പിക്കുകയും ചെയ്തു. ഈ വിജയം നിരവധി യുവ കായിക താരങ്ങൾക്ക് പ്രചോദനമാകും. കായിക താരങ്ങളുടെ വരാനിരിക്കുന്ന എല്ലാ ഉദ്യമങ്ങൾക്കും എന്റെ ആശംസകൾ.”
-SK-