২০২৬-২৭গী কেন্দ্রগী  বজেত্তা স্ত্রেতেজিক অমসুং ফ্রন্তিয়র সেক্তর তরেৎতা মেনুফেকচরিং হেনগৎহনবদা মরুওইবা মীৎয়েং থম্মি। ঙসি সংসদতা ২০২৬-২৭গী কেন্দ্রগী বজেৎ পুথোক্লদুনা, কেন্দ্রগী শেল-থুম অমসুং কোর্পোরেৎ এফিয়র্স মন্ত্রী শ্রীমতী নির্মলা সিতারমননা হায়খি মদুদি প্রপোজ তৌরিবা ইন্তর্ভেন্সনশিং অসি বজেৎ অসিদা য়াওরিবা 'অহানবা কর্তাব্য'গী মখাদা হীরম তরুক্কী শরুক অমনি।

ভারতপু মালেমগী বাইওফার্মা মেনুফেকচরিং হব অমা ওইনা শেমগৎনবা, চহি ৫গী মনুংদা লুপা করোর ১০,০০০গী শেনফমগা লোয়ননা বাইওফার্মা শক্তি শেমগৎনবা বজেৎ অসিনা প্রপোজ তৌরি। মসিনা বাইওলোজিকেল অমসুং বাইওসিমিলরশিংগী দোমেস্তিক প্রদক্সনগী ইকোসিস্তেম অমা শেমগৎকনি। বজেৎ অসিদা পান্দম থম্লিবা স্ত্রেতেজী অসিদা অনৌবা নেস্নেল ইন্সতিত্যুৎ ওফ ফার্মাসিওতিকল এজুকেসন এন্দ রিসর্চ (এন.আই.পি.ই.আর.) ৩ অমসুং হৌজিক লৈরিবা ৭ অসি অপগ্রেদ তৌদুনা বাইওফার্মা-ফোকস তৌরবা নেতৱার্ক অমা য়াওরি। মসিনা ভারতকী এক্রেদিতেদ ক্লিনিকেল ত্রাইএল সাইত ১০০০ হেনবগী নেৎৱার্ক অমসু শেমগনি। সেন্ত্রেল দ্রগস স্তেন্দর্দ কন্ত্রোল ওর্গনাইজেসনবু মালেমগী থাক্তা অমসুং অয়াবা পীনবগী মতমগী মতুং ইন্না মপুং ফাহন্নবগীদমক সেন্ত্রেল দ্রগস স্তেন্দর্দ কন্ত্রোল ওর্গনাইজেসনবু মপাঙ্গল কনখৎহন্নবা কেন্দ্রগী বজেৎনা থৌরাং তৌরি।

ভারতকী সেমিকন্দক্তর সেক্তরগী তৌবা ঙম্বশিং পাকথোক চাউথোকহন্নবা অমসুং ইন্দিয়া সেমিকন্দক্তর মিসন (আই.এস.এম.) ১.০দা য়ুম্ফম ওইদুনা, ইক্বিপমেন্ত অমসুং মেতরিএলশিং পুথোক্নবা, মপুংফাবা ভারতকী আই.পি. দিজাইন তৌনবা অমসুং সপ্লাই চেনশিং মপাঙ্গল কনখৎহন্নবা আই.এস.এম. ২.০ হৌদোক্নবা কেন্দ্রগী বজেৎনা থৌরাং তৌরি। তেক্নোলোজী অমসুং স্কিল লৈবা ৱার্কফোর্স শেমগৎনবা ইন্দস্ত্রীনা লুচিংবা রিসর্স অমসুং ত্রেনিং সেন্তরশিংদা মীৎয়েং থমগনি হায়না শ্রীমতি সীতারমননা হায়খি।

এপ্রিল ২০২৫দা হৌদোকখিবা ইলেক্ত্রোনিক্স কম্পোনেন্তস মেনুফেকচরিং স্কিম অসিদা লুপা করোর ২২,৯১৯গী শেনফম থাদগনি। ২০২৬-২৭গী য়ুনিয়ন বজেৎনা শেনফম অসি লুপা করোর ৪০,০০০দা হেনগৎহন্নবা ৱাফম থম্লি।

রিয়র আর্থ পর্মেনেন্ত মেগনেৎশিংগী স্কিমগী মতাংদা, কেন্দ্রগী বজেৎনা মিনরেল মরাং কাইবা ওরিশা, কেরালা, অন্ধ্র প্রদেশ অমসুং তামিল নাদুগী রাজ্যশিংদা মাইনিং, প্রোসেসিং, রিসর্চ অমসুং মেন্যুফেকচরিং প্রমোৎ তৌনবা দিদিকেতেদ রিয়র আর্থ কোরিদোরশিং লিংখৎনবা মতেং পীনবা প্রপোজ তৌরি।

দোমেস্তিক কেমিকেল প্রদক্সন হেঙ্গৎহন্নবা অমসুং ইম্পোর্তকী মখা পোনবা হন্থহন্নবা, কেন্দ্র মন্ত্রীনা রাজ্যশিংদা চেলেঞ্জ রুতকী খুত্থাংদা, ক্লস্তর-বেজ প্লগ-এন্দ-প্লে মোদেলদা দিদিকেতেদ কেমিকেল পার্ক অহুম লিংখৎপদা মতেং পাংনবা স্কিম অমা হৌদোক্নবা ৱাফম থমখি।

মহাক্কী বজেৎকী ৱা ঙাংবদা শ্রীমতী মোদীনা হায়খি। শিংথানীংঙাই ওইবা কেপিতেল গুদস কেপাসিতি অসি তোঙান তোঙানবা সেক্তরশিংদা প্রদক্তিবিতী অমসুং ক্বালিতীগী দিতিরমিনেন্ত অমনি হায়না নির্মলা সিতারমননা ফোংদোকখি। মসিগী কেপাসিতী অসি শেমগৎনবগীদমক, কেন্দ্রগী বজেৎনা হায়-তেক তুল রুমশিং সি.পি.এস.ই.শিংনা মফম অনিদা দিজিতেলগী মওংদা থবক তৌবা ওতোমেতেদ সর্বিস ব্যুরোশিং ওইনা লিংখৎনবা ৱাফম থম্লি। মখোয়না মফম অদুদা পাক-শন্না অমসুং মমল হন্থনা অখন্নবা পোৎলমশিং দিজাইন তৌবা, চাংয়েং তৌবা অমসুং পুথোকপা ঙমগনি। কন্সত্রক্সন অমসুং ইনফ্রাস্ত্রকচর ইক্বিপমেন্ত (সি.আই.ই.) হেনগৎহন্নবা স্কিম অমা হৌদোক্লগনি। মসিনা অৱাংবা ভেল্যু লৈবা অমসুং তেক্নোলোজিকেল্লি এদভান্স ওইরবা সি.আই.ই.গী দোমেস্তিক মেন্যুফেকচরিংবু মপাঙ্গল কনখৎহল্লগনি। মসি মথোল কয়াগী য়ুমদা লৈবা লিফ্তশিং, অচৌবা অমসুং অপীকপা মৈ চাকপগী খুৎলাইশিংদগী হৌদুনা মেত্রো অমসুং অৱাংবা থাক্তা লম্বী শাবদা শিজিন্নবা তনেল থানবা খুৎলাইশিং ফাওবা ওইগনি। চহি ৫গী মনুংদা লুপা করোর ১০,০০০গী বজেৎ এলোকেসনগা লোয়ননা মালেমগী থাক্তা কম্পিতিতিব ওইবা কন্তেনর মেন্যুফেকচরিং ইকোসিস্তেম অমা শেমগৎনবা বজেৎ অসিনা কন্তেনর মেন্যুফেকচরিংগী স্কিম অমসু প্রপোজ তৌরি।

লেবর-ইন্তেন্সিভ ওইবা তেক্সতাইল সেক্তরগীদমক্তা, মচাক-মথুম ৫ য়াওবা ইন্তিগ্রেতেদ প্রোগ্রাম অমা শেম্নবা মহাক্না হায়খি। অহানবদা, মহৌশাগী ফাইবরশিং হায়বদি মুগা, শামতু অমসুং লিমোন, মেন-মেদ ফাইবরশিং অমসুং ন্যু এজ ফাইবরশিংদা মশা-মরোমদোম লেপচবা ঙম্নবা নেস্নেল ফাইবর স্কিম; অনিশুবদা, তেক্সতাইল এক্সপান্সন অমসুং এমপ্লোয়মেন্ত স্কিম অসি মেছিনরী, তেক্নোলোজী অপগ্রেদেসন অমসুং কমন তেস্তিং অমসুং সর্তিফিকেসন সেন্তরশিংগীদমক কেপিতেল সপোর্তকী খুত্থাংদা ত্রেদিস্নেল ক্লস্তরশিং মোদর্নাইজ তৌনবা; অহুমশুবদা, হন্দলুম অমসুং হেন্দিক্রাফকী নেস্নেল স্কিম অসি ইন্তিগ্রেৎ তৌনবা অমসুং মপাঙ্গল কনখৎহন্নবা অমসুং ফী শাবশিং অমসুং আর্তিসানশিংগীদমক পান্দম থম্বদুনা সপোর্ত তৌবা; মরিশুবদা, মালেমগী থাক্তা কম্পিতিতিব অমসুং সস্তেনেবল ওইবা তেক্সতাইল অমসুং এপরেল প্রমোৎ তৌনবা তেক্স-ইকো ইনিসিএতিব অমসুং মঙাশুবদা, ইন্দস্ত্রী অমসুং একাদেমিক ইন্সতিত্যুসনশিংগা লোয়ননা খুৎশম্নদুনা তেক্সতিল স্কিলিং ইকোসিস্তেম মোদর্নাইজ অমসুং অপগ্রেদ তৌনবা সমার্থ ২.০।

তেক্নিকেল তেক্সতাইলশিংদা ভেল্যু এদিসন পুরকপদা মীৎয়েং থমদুনা, কেন্দ্রগী বজেৎনা চেলেঞ্জ মোদতা মেগা তেক্সতাইল পার্কশিং লিংখৎনবা থৌরাং তৌরি।

মখা তানা কেন্দ্রগী বজেৎ অসিনা খাদি, হেন্দলুম অমসুং হেন্দিক্রাফ্তশিং মপাঙ্গল কনখৎহন্নবা মহাত্মা গান্ধী গ্রাম স্বরাজ ইনিসিয়েতিব হৌদোক্নবা ৱাফম থম্লি। মসিনা গ্লোবেল মার্কেত লিঙ্কেজ অমসুং ব্রান্দিংদা মতেং পাংগনি। বজেৎ অসিনা ত্রেনিং, স্কিলিং, প্রোসেস অমসুং প্রদক্সনগী ক্বালিতী অসি স্ত্রাইলাইজ তৌগনি অমসুং সপোর্ত তৌগনি হায়না পনখি। মসিনা ঐখোয়গী ৱিভরশিং, খুঙ্গংগী ইন্দস্ত্রীশিং, ৱান দিস্ত্রিক্ত ৱান প্রদক্ত ইনিসিয়েতিব অমসুং খুঙ্গংগী নহারোলশিংদা কান্নবা ফংহল্লগনি হায়না বজেৎ অসিনা মখা তাখি।

বজেৎ পুথোকপগী থৌরম অদুদা শ্রীমতি সিতারমননা হায়খি মদুদি ভারত অসি অৱাংবা থাক্কী, মমল হোংবা স্পোর্তস গুদশিংগী মালেমগী হব অমা ওইনবগী পোতেন্সিএল লৈ। মসিগী পান্দম অসিদা, শান্ন-খোৎনবগী পোৎলমশিংগীদমক্তা অখন্নবা খোংথাং অমা শেম্নবা বজেৎ অসিনা থৌরাং তৌরি। মসিনা পোৎলমশিং দিজাইন তৌবদা অমসুং মেতিরিএল সাইন্সতা মেনুফেকচরিং, রিসর্চ অমসুং ইন্নোবেসনবু পুক্নিং থৌগৎকনি।

***