مرکزی بجٹ 2026-27  سات اسٹریٹجک اور کلیدی شعبوں میں مینوفیکچرنگ میں اضافے پر زور دیتا ہے

مرکزی بجٹ 2026-27  میں  7 اسٹریٹجک اور کلیدی شعبوں میں مینوفیکچرنگ  بڑھانے پر زور دیا گیا ہے۔ آج پارلیمنٹ میں مرکزی بجٹ 2026-27  پیش کرتے ہوئے  خزانہ اور کمپنی امور کی مرکزی وزیر محترمہ نرملا سیتا نے کہا کہ  مجوزہ اقدامات بجٹ میں ’پہلے کرتویہ‘ کے تحت چھ شعبوں کا ایک حصہ ہیں۔

ہندوستان کو ایک عالمی بایوفارما مینوفیکچرنگ ہب کے طور پر ترقی دینے کے لیے، بجٹ میں آئندہ 5 برسوں میں 10,000 کروڑ  روپے کی لاگت کے ساتھ بایو فارما شکتی کی تجویز پیش کی گئی ہے۔ یہ بایولوجکس اور بائیوسیمیلرز کی گھریلو پیداوار کے لیے ماحولیاتی نظام تیار کرے گا۔ بجٹ میں تجویز کردہ حکمت عملی میں 3 نئے نیشنل انسٹی ٹیوٹ آف فارماسیوٹیکل ایجوکیشن اینڈ ریسرچ (این آئی پی ای آر) کے ساتھ بایو فارما پر مرتکز نیٹ ورک اور 7 موجودہ اداروں کو اپ گریڈ کرنا شامل ہوگا۔ یہ 1000 سے زیادہ تسلیم شدہ انڈیا کلینیکل ٹرائلز سائٹس کا نیٹ ورک بھی بنائے گا۔ مرکزی بجٹ میں سنٹرل ڈرگ اسٹینڈرڈ کنٹرول آرگنائزیشن کو عالمی معیارات اور منظوری کے ٹائم فریم کو پورا کرنے کے لیے ایک وقف سائنسی جائزہ کیڈر اور ماہرین کے ذریعے مضبوط کرنے کی تجویز ہے۔

بھارت کے سیمی کنڈکٹر شعبے کی صلاحیتوں  کو توسیع دینے  اور انڈیا سیمی کنڈکٹر مشن (آئی ایس ایم ) 1.0 کی بنیاد  پر آگے بڑھنے کے لیے، مرکزی بجٹ  میں آئی ایس ایم 2.0  کا آغاز کرنے کی تجویز پیش کی گئی ہے، جس کا مقصد آلات  اور سازو سامان تیار کرنا، فل اسٹیک بھارتی آئی پی وضع کرنا، اور سپلائی چینوں کو مضبوطی فراہم کرنا ہے۔ محترمہ سیتا رمن نے کہا کہ تکنالوجی کی ترقی اور ہنرمند افرادی قوت تیار کرنے کے لیے صنعت کے زیر قیادت تحقیق اور تربیتی مراکز پر توجہ دی جائے گی۔

اپریل 2025 میں آغاز کردہ  برقی سازو سامان  مینوفیکچرنگ اسکیم  کی تخمینہ لاگت 22919 کروڑ روپے کے بقدر ہے۔ مرکزی بجت 2026-27  میں  رفتار  سے مستفید ہونے کے لیے لاگت کو بڑھا کر 40000 کروڑ روپے کے بقدر کرنے کی تجویز پیش کی گئی ہے۔

ریئر ارتھ پرماننٹ میگنیٹس کے لیے ایک اسکیم کے بارے میں  مرکزی بجٹ میں معدنیات سے مالا مال ریاستوں اُڈیشہ، کیرالہ، آندھرا پردیش اور تمل ناڈو کو کان کنی، پروسیسنگ، تحقیق اور مینوفیکچرنگ کو فروغ دینے کے لیے ریئر ارتھ کلی طور پر وقف گلیاروں کے قیام میں تعاون دینے کی تجویز ہے۔

گھریلو کیمیائی پیداوار کو بڑھانے اور درآمدات پر انحصار کو کم کرنے کے لیے، مرکزی وزیر نے کلسٹر پر مبنی پلگ اینڈ پلے ماڈل پر چیلنج روٹ کے ذریعے 3 کلی طور پر وقف کیمیکل پارکوں  کے قیام میں ریاستوں کی مدد کے لیے ایک اسکیم شروع کرنے کی تجویز پیش کی۔

اپنی بجٹ تقریر میں، محترمہ  نرملا سیتا رمن نے کہا کہ مضبوط کیپٹل گڈز کی صلاحیت مختلف شعبوں میں پیداواری صلاحیت اور معیار کا تعین کرتی ہے۔ اس صلاحیت کو بڑھانے کے لیے، مرکزی بجٹ میں تجویز کیا گیا ہے کہ سی پی ایس زی کے ذریعے 2 مقامات پر ہائی ٹیک ٹول رومز قائم کیے جائیں جو ڈیجیٹل طور پر فعال خودکار سروس بیورو جو مقامی طور پر بڑے پیمانے پر اور کم قیمت پر اعلیٰ درستگی والے اجزاء کو ڈیزائن، جانچ اور تیار کرتے ہیں۔ تعمیراتی اور بنیادی ڈھانچے کے سازوسامان میں بہتری لانے کے لیے ایک اسکیم (سی آئی ای) متعارف کرائی جائے گی تاکہ اعلیٰ قدر اور تکنیکی طور پر ترقی یافتہ سی آئی ای کی گھریلو مینوفیکچرنگ کو مضبوط کیا جا سکے۔ یہ ایک کثیر المنزلہ اپارٹمنٹ میں لفٹوں سے لے کر، بڑے اور چھوٹے، آگ بجھانے کے آلات سے لے کر میٹرو اور اونچائی والی سڑکوں کی تعمیر کے لیے ٹنل بورنگ آلات تک ہو سکتا ہے۔ بجٹ میں کنٹینر مینوفیکچرنگ کے لیے ایک اسکیم بھی تجویز کی گئی ہے تاکہ عالمی سطح پر مسابقتی کنٹینر مینوفیکچرنگ ایکو سسٹم بنایا جا سکے، جس کے لیے 5 برس کی مدت میں 10,000 کروڑ  روپے کا بجٹ مختص کیا گیا ہے۔

محنت طلب ٹیکسٹائل شعبے کے لیے،  بجٹ میں 5 ذیلی حصوں کے ساتھ ایک مربوط پروگرام  کی تجویز پیش کی گئی ہے: پہلا، ریشم، اُون اور پٹ سن، انسانوں کے ذریعہ تیار کردہ فائبرس، جدید فائبرس  جیسے قومی فائبرس میں خود انحصاری کے لیے قومی فائبر اسکیم؛ دوسرا، مشینری، تکنالوجی کی جدید کاری اور جانچ و اسناد بندی کے مشترکہ مراکز کے لیے پونجی تعاون کے ساتھ روایتی کلسٹروں کی جدید کاری کے لیے ٹیکسٹائل کی توسیع اور روزگار اسکیم؛ تیسرا ، موجودہ اسکیموں کو مربوط کرنے اور مضبوط بنانے اور بنکروں و صناعوں کے لیے ہدف بند تعاون کو یقینی بنانے کے لیے ایک قومی ہتھ کرگھا اور دستکاری پروگرام؛ چوتھا، عالمی سطح پر مسابقتی اور پائیدار ٹیکسٹائل اور ملبوسات شعبے کو فروغ دینے کے لیے ٹیکسٹائل-ایکو پہل قدمی؛ پانچواں، صنعت اور تعلیمی اداروں کے ساتھ اشتراک کے ذریعہ ٹیکسٹائل ہنرمندی ماحولیاتی نظام کی جدید کاری  کے لیے سامرتھ 2.0۔

تکنیکی ٹیکسٹائل کی قدرو قیمت میں اضافے پر توجہ دیتے ہوئے، مرکزی بجٹ چیلنج موڈ میں بڑے ٹیکسٹائل پارکوں کے قیام کی تجویز پیش کرتا ہے۔

مزید برآں مرکزی بجٹ میں کھادی، ہینڈ لوم اور دستکاری کو مضبوط کرنے کے لیے مہاتما گاندھی گرام سوراج پہل قدمی شروع کرنے کی تجویز ہے۔ اس سے عالمی مارکیٹ لنکیج اور برانڈنگ میں مدد ملے گی۔ بجٹ میں یہ واضح کیا گیا ہے کہ یہ تربیت میں آسانی پیدا کرے گا اور تربیت، ہنرمندی اور پروسیس اور پروڈکشن کو معیاری بنانے میں مدد فراہم کرے گا۔ یہ ہمارے بنکروں، دیہی صنعتوں، ایک ضلع ایک پروڈکٹ پہل قدمی اور دیہی نوجوانوں کو فوائد بہم پہنچائے گا۔

بجٹ پیش کرتے ہوئے ، محترمہ سیتا رمن نے کہا کہ ہندوستان میں اعلیٰ معیار، کھیل کود کے قابل استطاعت سازو سامان کے لیے عالمی مرکز کے طور پر ابھرنے کی صلاحیت ہے۔ اس کوشش کے تحت، بجٹ میں کھیل کود کے ساز و سامان کے لیے ایک کلی طور پر وقف پہل قدمی کی تجویز پیش کی گئی ہے جو سازوسامان کے ڈیزائن کے ساتھ ساتھ مادی سائنس میں تیاری، تحقیق اور اختراع کو فروغ دے گی۔

**********

(ش ح –ا ب ن)

UR-ES-32