আজি সংসদত কেন্দ্ৰীয় বাজেট ঘোষণা কৰে কেন্দ্ৰীয় বিত্ত আৰু কৰ্পৰেট পৰিক্ৰমা মন্ত্ৰী শ্ৰীমতী নিৰ্মলা সীতাৰমণে। ভাৰতৰ শিক্ষা আৰু দক্ষতা পৰিৱেশ তন্ত্ৰৰ বাবে এক পৰিৱৰ্তনশীল ৰোডমেপ উপস্থাপন কৰি বিত্তমন্ত্ৰীগৰাকীয়ে অ’ৰেঞ্জ ইক’ন’মিৰ প্ৰসাৰৰ বাবে আৰু দেশৰ সৃষ্টিশীল উদ্যোগসমূহক শক্তিশালী কৰাৰ বাবে মূল পদক্ষেপসমূহৰ ৰূপৰেখা দাঙি ধৰে।

ভাৰতৰ এনিমেচন, ভিজুৱেল ইফেক্ট, গেমিং আৰু কমিক্স (এভিজিচি) খণ্ডৰ দ্ৰুত বৃদ্ধিৰ ওপৰত আলোকপাত কৰি বিত্তমন্ত্ৰীয়ে উল্লেখ কৰে যে ২০৩০ চনৰ ভিতৰত এই উদ্যোগটোৰ বাবে প্ৰায় ২০ লাখ পেছাদাৰীৰ প্ৰয়োজন হ’ব বুলি প্ৰকল্প কৰা হৈছে। এই সম্প্ৰসাৰিত পৰিৱেশ তন্ত্ৰক সমৰ্থন কৰিবলৈ তেওঁ দেশৰ ১৫,০০০ মাধ্যমিক বিদ্যালয় আৰু ৫০০ মহাবিদ্যালয়ত এভিজিচি কন্টেন্ট ক্ৰিয়েটৰ লেব স্থাপনৰ বাবে মুম্বাইৰ ইণ্ডিয়ান ইনষ্টিটিউট অৱ ক্ৰিয়েটিভ টেকন’লজিছক সহায়ৰ প্ৰস্তাৱ আগবঢ়ায়। এই লেবসমূহে যুৱক-যুৱতীসকলৰ বাবে নতুন সৃষ্টিশীল কেৰিয়াৰৰ সুযোগ মুকলি কৰিব বুলি আশা কৰা হৈছে।

এই পদক্ষেপে ভৱিষ্যতৰ বাবে সাজু কৰ্মশক্তি গঢ়ি তোলা, ভাৰতৰ সৃষ্টিশীল অৰ্থনীতি শক্তিশালী কৰা, আৰু সমগ্ৰ দেশতে শিক্ষাৰ্থীসকলৰ বাবে সুযোগ সম্প্ৰসাৰণৰ দিশত এক উল্লেখযোগ্য উদগনিক চিহ্নিত কৰে।

কেন্দ্ৰীয় বাজেট ঘোষণা সন্দৰ্ভত আজি ৰেল ভৱনত সংবাদ মাধ্যমক সম্বোধন কৰি কেন্দ্ৰীয় তথ্য আৰু সম্প্ৰচাৰ মন্ত্ৰী শ্ৰীযুত অশ্বিনী বৈষ্ণৱে কয়, “এইখন যুৱক-যুৱতীৰ শক্তি আৰু মহিলাৰ শক্তিৰ দ্বাৰা অনুপ্ৰাণিত কৰ্তব্য-চালিত বাজেট”। তেওঁ উল্লেখ কৰে যে প্ৰধানমন্ত্ৰী শ্ৰী নৰেন্দ্ৰ মোদীয়ে ৱেভছৰ জৰিয়তে ভাৰতৰ সৃষ্টিশীল অৰ্থনীতিক বিশ্ব মঞ্চত স্থান দিছে। তেওঁ লগতে কয় যে আইআইটি আৰু আইআইএমৰ শাৰীত স্থাপিত আইআইচিটি মুম্বাইয়ে ক্ৰিয়েটৰ্ছ লেবৰ জৰিয়তে ১৫,০০০ বিদ্যালয় আৰু ৫০০ মহাবিদ্যালয়ৰ সৈতে সংযোগ স্থাপন কৰি ২০ লাখ নতুন চাকৰিৰ সৃষ্টি কৰিব।

অৰ্থনৈতিক সমীক্ষাত এইটোও উল্লেখ কৰা হৈছে যে ভাৰতৰ সংবাদ মাধ্যম আৰু মনোৰঞ্জন (এমএণ্ডই) খণ্ডই সেৱা অৰ্থনীতিৰ এক প্ৰধান স্তম্ভ হিচাপে আত্মপ্ৰকাশ কৰিছে, য’ত দৃশ্য-শ্ৰাব্য প্ৰডাকচন, সম্প্ৰচাৰ, ডিজিটেল কন্টেন্ট, এনিমেচন, গেমিং, বিজ্ঞাপন আৰু লাইভ মনোৰঞ্জন সামৰি লোৱা হৈছে। যোৱা দশকত এই খণ্ডটো ডিজিটেল আৰু প্লেটফৰ্ম ভিত্তিক ডেলিভাৰীৰ দিশত শক্তিশালীভাৱে স্থানান্তৰিত হৈ ৰাজহৰ আৰ্হি, নিয়োগ আৰু মূল্য শৃংখলৰ ৰূপান্তৰ ঘটাইছে। ২০২৪ চনত প্ৰায় ২.৫ ট্ৰিলিয়ন টকা বুলি অনুমান কৰা এইখণ্ডৰ বৃদ্ধিৰ মূলতে হৈছে বৃদ্ধি পোৱা আয়, ইণ্টাৰনেটৰ প্ৰৱেশ, অ’টিটি সম্প্ৰসাৰণ আৰু এআইৰ নেতৃত্বত উদ্ভাৱন।

অ’ৰেঞ্জ ইক’ন’মিৰ বিষয়ে

“অ’ৰেঞ্জ ইক’ন’মি” বুলিলে সৃষ্টিশীলতা, সংস্কৃতি আৰু বৌদ্ধিক সম্পত্তিৰ দ্বাৰা পৰিচালিত অৰ্থনীতিৰ সেই অংশটোক বুজায়, য’ত মূল্য মূলতঃ ভৌতিক সামগ্ৰীৰ পৰিৱৰ্তে ধাৰণা, জ্ঞান, কলাত্মক প্ৰকাশ আৰু সাংস্কৃতিক বিষয়বস্তুৰ পৰাই আহে।

Strengthening India's Orange Economy !

The Union Budget 2026–27 proposes support for the Indian Institute of Creative Technologies (IICT), Mumbai, to set up AVGC Content Creator Labs in 15,000 secondary schools and 500 colleges.

— FM @nsitharaman #ViksitBharatBudget… pic.twitter.com/28lvE5WyPC

— Ministry of Information and Broadcasting (@MIB_India) February 1, 2026

*****

Mahesh Kumar/AA