ಇಂದು ಸಂಸತ್ತಿನಲ್ಲಿ 2026-27ನೇ ಸಾಲಿನ ಕೇಂದ್ರ ಬಜೆಟ್ ಅನ್ನು ಮಂಡಿಸುತ್ತಾ, ಕೇಂದ್ರ ಹಣಕಾಸು ಮತ್ತು ಕಾರ್ಪೊರೇಟ್ ವ್ಯವಹಾರಗಳ ಸಚಿವರಾದ ಶ್ರೀಮತಿ ನಿರ್ಮಲಾ ಸೀತಾರಾಮನ್ ಹೇಳಿದರು; "ಉತ್ಪಾದಕತೆ ಮತ್ತು ಸ್ಪರ್ಧಾತ್ಮಕತೆಯನ್ನು ಹೆಚ್ಚಿಸುವ ಮೂಲಕ ಮತ್ತು ಅಸ್ಥಿರ ಜಾಗತಿಕ ಚಲನಶೀಲತೆಗೆ ಸ್ಥಿತಿಸ್ಥಾಪಕತ್ವವನ್ನು ನಿರ್ಮಿಸುವ ಮೂಲಕ ಆರ್ಥಿಕ ಬೆಳವಣಿಗೆಯನ್ನು ವೇಗಗೊಳಿಸುವುದು ಮತ್ತು ಉಳಿಸಿಕೊಳ್ಳುವುದು ನಮ್ಮ ಮೊದಲ ಕರ್ತವ್ಯ". 

ಕೇಂದ್ರ ಹಣಕಾಸು ಸಚಿವರು ಇಂದು ತಮ್ಮ ಬಜೆಟ್ ಭಾಷಣದಲ್ಲಿ, ಸಾರ್ವಜನಿಕ ಬಂಡವಾಳವು 2014-15ನೇ ಹಣಕಾಸು ವರ್ಷದಲ್ಲಿ ₹2 ಲಕ್ಷ ಕೋಟಿಯಿಂದ 2025-26ನೇ ಆರ್ಥಿಕ ವರ್ಷದಲ್ಲಿ ₹11.2 ಲಕ್ಷ ಕೋಟಿಗೆ ಏರಿಕೆಯಾಗಿದೆ ಎಂದು ಹೇಳಿದರು ಮತ್ತು 2026-27ನೇ ಹಣಕಾಸು ವರ್ಷದಲ್ಲಿ, ಆ ವೇಗಗತಿಯನ್ನು ಮುಂದುವರಿಸಲು ಸಚಿವರು ಅದನ್ನು ₹12.2 ಲಕ್ಷ ಕೋಟಿಗೆ ಹೆಚ್ಚಿಸಲು ಪ್ರಸ್ತಾಪಿಸಿದರು. ಕಳೆದ ದಶಕದಲ್ಲಿ, ಮೂಲಸೌಕರ್ಯ ಹೂಡಿಕೆ ಟ್ರಸ್ಟ್‌ಗಳು (ಇನ್ ವಿಟ್) ಮತ್ತು ರಿಯಲ್ ಎಸ್ಟೇಟ್ ಹೂಡಿಕೆ ಟ್ರಸ್ಟ್‌ಗಳು (ರೈಟ್) ಮತ್ತು ನಿಫ್ ಮತ್ತು ನಾಬ್ ಫೀಡ್ ನಂತಹ ಸಂಸ್ಥೆಗಳಂತಹ ಹೊಸ ಹಣಕಾಸು ಸಾಧನಗಳ ಮೂಲಕ ಸಾರ್ವಜನಿಕ ಮೂಲಸೌಕರ್ಯದ ದೊಡ್ಡ ಪ್ರಮಾಣದ ವರ್ಧನೆಗೆ ಸರ್ಕಾರ ಹಲವಾರು ಉಪಕ್ರಮಗಳನ್ನು ಕೈಗೊಂಡಿದೆ ಎಂದು ಕೇಂದ್ರ ಹಣಕಾಸು ಸಚಿವರು ಸಂಸತ್ತಿಗೆ ತಿಳಿಸಿದರು. ವರ್ಷಗಳಲ್ಲಿ, ರೈಟ್ ಗಳು ಆಸ್ತಿ ಹಣಗಳಿಕೆಗೆ ಯಶಸ್ವಿ ಸಾಧನವಾಗಿ ಹೊರಹೊಮ್ಮಿವೆ. 2026-27ನೇ ಸಾಲಿನ ಬಜೆಟ್ ಮೀಸಲಾದ ರೈಟ್ ಗಳನ್ನು ಸ್ಥಾಪಿಸುವ ಮೂಲಕ ಸಿ.ಪಿ.ಎಸ್ .ಸಿ.ಗಳ ಗಮನಾರ್ಹ ರಿಯಲ್ ಎಸ್ಟೇಟ್ ಸ್ವತ್ತುಗಳ ಮರುಬಳಕೆಯನ್ನು ವೇಗಗೊಳಿಸಲು ಪ್ರಸ್ತಾಪಿಸುತ್ತದೆ.

"ಮೂಲಸೌಕರ್ಯ ಅಪಾಯ ಖಾತರಿ ನಿಧಿ"

ಮೂಲಸೌಕರ್ಯ ಅಭಿವೃದ್ಧಿ ಮತ್ತು ನಿರ್ಮಾಣ ಹಂತದಲ್ಲಿನ ಅಪಾಯಗಳ ಬಗ್ಗೆ ಖಾಸಗಿ ಡೆವಲಪರ್‌ ಗಳ ವಿಶ್ವಾಸವನ್ನು ಬಲಪಡಿಸಲು, ಸಾಲದಾತರಿಗೆ ವಿವೇಕಯುತವಾಗಿ ಮಾಪನಾಂಕ ನಿರ್ಣಯಿಸಿದ ಭಾಗಶಃ ಸಾಲ ಖಾತರಿಗಳನ್ನು ಒದಗಿಸಲು ಮೂಲಸೌಕರ್ಯ ಅಪಾಯ ಖಾತರಿ ನಿಧಿಯನ್ನು ಸ್ಥಾಪಿಸಲು ಹಣಕಾಸು ಸಚಿವರು ಪ್ರಸ್ತಾಪಿಸಿದರು.

ಪರಿಸರ ಪೂರಕವಾಗಿ ಸುಸ್ಥಿರ ಸರಕು ಸಾಗಣೆ ವ್ಯವಸ್ಥೆ

ಈ ಉದ್ದೇಶವನ್ನು ಉತ್ತೇಜಿಸಲು, ಪೂರ್ವದಲ್ಲಿ ಡಂಕುನಿ ಮತ್ತು ಪಶ್ಚಿಮದಲ್ಲಿ ಸೂರತ್‌ ಗೆ ಸಂಪರ್ಕಿಸುವ ಹೊಸ ಮೀಸಲಾದ ಸರಕು ಸಾಗಣೆ ಕಾರಿಡಾರ್‌ ಗಳನ್ನು ಸ್ಥಾಪಿಸಲು ಬಜೆಟ್ ಪ್ರಸ್ತಾಪಿಸುತ್ತದೆ ಮತ್ತು ಮುಂದಿನ 5 ವರ್ಷಗಳಲ್ಲಿ 20 ಹೊಸ ರಾಷ್ಟ್ರೀಯ ಜಲಮಾರ್ಗಗಳನ್ನು (ಎನ್ ಡಬ್ಲ್ಯೂ) ಕಾರ್ಯಗತಗೊಳಿಸಲು ಸಹ ಪ್ರಸ್ತಾಪಿಸುತ್ತದೆ. ಒಡಿಶಾದಲ್ಲಿ ಎನ್ ಡಬ್ಲ್ಯೂ-5 ರಿಂದ ಪ್ರಾರಂಭಿಸಿ, ತಲ್ಚರ್ ಮತ್ತು ಅಂಗುಲ್‌ನ ಖನಿಜ ಸಮೃದ್ಧ ಪ್ರದೇಶಗಳು ಮತ್ತು ಕಳಿಂಗ ನಗರದಂತಹ ಕೈಗಾರಿಕಾ ಕೇಂದ್ರಗಳನ್ನು ಪರದೀಪ್ ಮತ್ತು ಧಮ್ರಾ ಬಂದರುಗಳಿಗೆ ಸಂಪರ್ಕಿಸಲು ಇದನ್ನು ಯೋಜಿಸಲಾಗಿದೆ. 2047 ರ ವೇಳೆಗೆ ಒಳನಾಡಿನ ಜಲಮಾರ್ಗಗಳು ಮತ್ತು ಕರಾವಳಿ ಸಾಗಣೆಯ ಪಾಲನ್ನು 6% ರಿಂದ 12% ಗೆ ಹೆಚ್ಚಿಸಲು, ರೈಲು ಮತ್ತು ರಸ್ತೆಯಿಂದ ಮಾದರಿ ಬದಲಾವಣೆಯನ್ನು ಪ್ರೋತ್ಸಾಹಿಸಲು ಕರಾವಳಿ ಸರಕು ಪ್ರಚಾರ ಯೋಜನೆಯನ್ನು ಪ್ರಾರಂಭಿಸಲು ಕೇಂದ್ರ ಹಣಕಾಸು ಸಚಿವರು ಪ್ರಸ್ತಾಪಿಸಿದರು.

ಅಗತ್ಯವಿರುವ ಮಾನವಶಕ್ತಿಯ ಅಭಿವೃದ್ಧಿಗಾಗಿ ಪ್ರಾದೇಶಿಕ ಶ್ರೇಷ್ಠತಾ ಕೇಂದ್ರಗಳಾಗಿ ತರಬೇತಿ ಸಂಸ್ಥೆಗಳನ್ನು ಸ್ಥಾಪಿಸಲಾಗುವುದು ಎಂದು ಕೇಂದ್ರ ಹಣಕಾಸು ಸಚಿವೆ ಶ್ರೀಮತಿ ನಿರ್ಮಲಾ ಸೀತಾರಾಮನ್ ಅವರು ಹೇಳಿದರು, "ಇದು ಜಲಮಾರ್ಗಗಳ ಸಂಪೂರ್ಣ ಪ್ರದೇಶದ ಯುವಕರಿಗೆ ತರಬೇತಿ ಮತ್ತು ಕೌಶಲ್ಯಗಳನ್ನು ಪಡೆಯಲು ಪ್ರಯೋಜನವನ್ನು ನೀಡುತ್ತದೆ. ಇದಲ್ಲದೆ, ಒಳನಾಡಿನ ಜಲಮಾರ್ಗಗಳನ್ನು ಪೂರೈಸುವ ಹಡಗು ದುರಸ್ತಿ ಪರಿಸರ ವ್ಯವಸ್ಥೆಯನ್ನು ವಾರಣಾಸಿ ಮತ್ತು ಪಾಟ್ನಾದಲ್ಲಿ ಸ್ಥಾಪಿಸಲು ಸಹ ಪ್ರಸ್ತಾಪಿಸಲಾಗಿದೆ" ಎಂದು ಹೇಳಿದರು.

7 ಹೈ-ಸ್ಪೀಡ್ ರೈಲು ಕಾರಿಡಾರ್‌ ಗಳು

ಪರಿಸರ ಸುಸ್ಥಿರ ಪ್ರಯಾಣಿಕ ವ್ಯವಸ್ಥೆಗಳನ್ನು ಉತ್ತೇಜಿಸುವ ಸಲುವಾಗಿ, ಹಣಕಾಸು ಸಚಿವರು ತಮ್ಮ ಬಜೆಟ್ ಭಾಷಣದಲ್ಲಿ ನಗರಗಳ ನಡುವೆ ಏಳು ಹೈ-ಸ್ಪೀಡ್ ರೈಲು ಕಾರಿಡಾರ್‌ ಗಳನ್ನು 'ಬೆಳವಣಿಗೆ ಕನೆಕ್ಟರ್‌' ಗಳಾಗಿ ಅಭಿವೃದ್ಧಿಪಡಿಸಲು ಪ್ರಸ್ತಾಪಿಸಿದರು, ಅವುಗಳೆಂದರೆ i) ಮುಂಬೈ-ಪುಣೆ, ii) ಪುಣೆ-ಹೈದರಾಬಾದ್, iii) ಹೈದರಾಬಾದ್-ಬೆಂಗಳೂರು, iv) ಹೈದರಾಬಾದ್-ಚೆನ್ನೈ, v) ಚೆನ್ನೈ-ಬೆಂಗಳೂರು, vi) ದೆಹಲಿ-ವಾರಣಾಸಿ, vii) ವಾರಣಾಸಿ-ಸಿಲಿಗುರಿ.

ಸೀಪ್ಲೇನ್ ವಿಜಿಎಫ್ ಯೋಜನೆ

ಕೊನೆಯ ಮೈಲಿ ಮತ್ತು ದೂರದ ಸಂಪರ್ಕವನ್ನು ಹೆಚ್ಚಿಸಲು ಮತ್ತು ಪ್ರವಾಸೋದ್ಯಮವನ್ನು ಉತ್ತೇಜಿಸಲು, ಕೇಂದ್ರ ಹಣಕಾಸು ಸಚಿವರಾದ ಶ್ರೀಮತಿ ನಿರ್ಮಲಾ ಸೀತಾರಾಮನ್ ಅವರು "ಸೀಪ್ಲೇನ್‌ ಗಳ ಸ್ಥಳೀಯ ಉತ್ಪಾದನೆಗೆ ಪ್ರೋತ್ಸಾಹ ನೀಡಲು ಪ್ರಸ್ತಾಪಿಸಿದರು ಮತ್ತು ಕಾರ್ಯಾಚರಣೆಗಳಿಗೆ ಬೆಂಬಲ ನೀಡಲು ಸೀಪ್ಲೇನ್ ವಿಜಿಎಫ್ ಯೋಜನೆಯನ್ನು ಪರಿಚಯಿಸಲಾಗುವುದು " ಎಂದು ಹೇಳಿದರು. 

ಕಾರ್ಬನ್ ಕ್ಯಾಪ್ಚರ್ ಬಳಕೆ ಮತ್ತು ಸಂಗ್ರಹಣೆ (ಸಿಸಿಯುಎಸ್)

ಡಿಸೆಂಬರ್ 2025ರಲ್ಲಿ ಪ್ರಾರಂಭಿಸಲಾದ ಮಾರ್ಗಸೂಚಿಗೆ ಅನುಗುಣವಾಗಿ, ಸಿಸಿಯುಎಸ್ ತಂತ್ರಜ್ಞಾನಗಳು ವಿದ್ಯುತ್, ಉಕ್ಕು, ಸಿಮೆಂಟ್, ಸಂಸ್ಕರಣಾಗಾರಗಳು ಮತ್ತು ರಾಸಾಯನಿಕಗಳು ಸೇರಿದಂತೆ ಐದು ಕೈಗಾರಿಕಾ ವಲಯಗಳಲ್ಲಿ ಅಂತಿಮ ಬಳಕೆಯ ಅನ್ವಯಿಕೆಗಳಲ್ಲಿ ಹೆಚ್ಚಿನ ಸಿದ್ಧತೆ ಮಟ್ಟವನ್ನು ಸಾಧಿಸುತ್ತವೆ. ಹಾಗೂ ಮುಂದಿನ 5 ವರ್ಷಗಳಲ್ಲಿ ಇದಕ್ಕಾಗಿ ₹20,000 ಕೋಟಿ ವೆಚ್ಚವನ್ನು ಬಜೆಟ್ ಪ್ರಸ್ತಾಪಿಸುತ್ತದೆ" ಎಂದು ಹಣಕಾಸು ಸಚಿವರು ಹೇಳಿದರು.

ನಗರ ಆರ್ಥಿಕ ಪ್ರದೇಶಗಳು

ನಗರಗಳು ಭಾರತದ ಬೆಳವಣಿಗೆ, ನಾವೀನ್ಯತೆ ಮತ್ತು ಅವಕಾಶಗಳ ಎಂಜಿನ್‌ ಗಳಾಗಿವೆ ಎಂದು ಹಣಕಾಸು ಸಚಿವರು ಹೇಳಿದರು. ಇದು ಈಗ ಶ್ರೇಣಿ II ಮತ್ತು ಶ್ರೇಣಿ III ನಗರಗಳ ಮೇಲೆ ಮತ್ತು ಆಧುನಿಕ ಮೂಲಸೌಕರ್ಯ ಮತ್ತು ಮೂಲಭೂತ ಸೌಕರ್ಯಗಳ ಅಗತ್ಯವಿರುವ ದೇವಾಲಯ - ಪಟ್ಟಣಗಳ ಮೇಲೆ ಗಮನ ಕೇಂದ್ರೀಕರಿಸಲು ಪ್ರಸ್ತಾಪಿಸುತ್ತದೆ. ಒಟ್ಟುಗೂಡಿಸುವಿಕೆಗಳ ಆರ್ಥಿಕ ಶಕ್ತಿಯನ್ನು ತಲುಪಿಸುವ ಸಲುವಾಗಿ, ನಗರ ಆರ್ಥಿಕ ಪ್ರದೇಶಗಳನ್ನು (ಸಿಇಆರ್) ಅವುಗಳ ನಿರ್ದಿಷ್ಟ ಬೆಳವಣಿಗೆಯ ಚಾಲಕಗಳನ್ನು ಆಧರಿಸಿ ನಕ್ಷೆ ಮಾಡಲಾಗುತ್ತದೆ. ಅನುಷ್ಠಾನಕ್ಕಾಗಿ 5 ವರ್ಷಗಳಲ್ಲಿ ಪ್ರತಿ ಸಿಇಆರ್ ಗೆ ₹ 5000 ಕೋಟಿ ಹಂಚಿಕೆ ಮಾಡಲು ಹಣಕಾಸು ಸಚಿವರು ಪ್ರಸ್ತಾಪಿಸಿದರು.

*****