খুরুমজরি!

কেরলাগী রাজ্যপাল শ্রী রাজেন্দ্র অরলেকর জি, আর্য বৈদ্য শালাগা মরি লৈনবা সক্নাইরবা মীওই পুম্নমক, ইচিল-ইনাও অমসুং ইচল-ইচেশিং,

ঙসিগী ইকাই খুম্নজরবা থৌরম অসিদা অদোম পুম্নমক্কা শম্নহনবা অসি ঐহাক্কীদমক্তদি হরাওবগী থৌরম অমনি। আর্য বৈদ্য শালানা আয়ুর্বেদ ঙাকথোকপা, ঙাকথোকপা অমসুং মাংলোমদা পুখৎপদা মশক থোকপা থৌদাং লৌরি। চহি চামগা কুনমঙাগী খোংচৎ অসিদা ইন্সতিত্যুসন অসিনা আয়ুর্বেদবু লাইয়েংবগী পাঙ্গল লৈরবা সিস্তেম অমা ওইনা লিংখৎলে। ঙসিগী থৌরম অসিদা ঐহাক্না আর্য বৈদ্য শালাগী লিংখৎখিবা বৈদ্যরত্নম পি.এস. ভেরিয়র জি. অসি আয়ুর্বেদকী লমদা মহাক্কী মীৎয়েং অমসুং মীয়ামগী য়াইফনবা মহাক্কী কত্থোকপা অসিনা ঙসি ফাওবা ঐখোয়দা ইথীল পিরি।

মরুপশিং,

কেরলাগী আর্য বৈদ্য শালা অসি চহি লিশিং কয়াদগী মীওইবা জাতিগী সেবা তৌদুনা লাক্লিবা ভারতকি হিদাক লাংথক্কী চৎনবি অদুগী হিংলিবা মশক অমনি। ভারত্তা আয়ুর্বেদ অসি মতম অমদা নত্রগা লমদম অমৎতদা লিমীৎ তৌখিদে। মতম খুদিংদা, অরিবা হিদাক-লাংথক্কী সিস্তেম অসিনা পুন্সিবু লৌসিনবগী, বেলেন্স শেমগৎনবা অমসুং মহৌশাগা লোয়ননা নুংশিননা লৈমীন্নবগী লম্বি উৎলে। ঙসিদি আর্য বৈদ্য শালানা আয়ুর্বেদকী হিদাক চাতরুক হেন্না শারি; লৈবাক অসিগী তোঙান তোঙানবা লমদমশিংদা লৈবা ইন্সতিত্যুসন অসিগী হোসপিতলশিংনা আয়ুর্বেদকি পাম্বৈগী খুত্থাংদা অনাবশিং লায়েংলি, মসিদা মালেমগী লৈবাক হুম্ফু হেনবগী অনাবশিং য়াওরি। আর্য বৈদ্য শালানা মসিগী থবক্কী খুত্থাংদা মসিগী থাজবা অসি শেমগৎলে। মীয়াম্না অৱাবা তারকপা মতমদা নখোয় পুম্নমক মখোয়গীদমক য়াম্না চাওবা আশা অমা ওইরকই।

মরুপশিং,

আর্য বৈদ্য শালাগীদমক্তদি সেবা অসি ৱাখল্লোন খক্তাগী নত্তে; মসিগী ফিভম অসি মখোয়গী এক্সন, এপ্রোচ অমসুং ইন্সতিত্যুসনশিংদসু উবা ফংই। ইন্সতিত্যুসন অসিগী চেরিতেবল হোসপিতল অসিনা হৌখিবা চহি চামা - চহি চামা অসি অপিকপা মতম নত্তে - চহি চামাদগী লেপ্তনা মীওইবগী সেবা তৌদুনা লাক্লি। হোসপিতল অসিগা মরি লৈনবা মীওই পুম্নমক্কী কন্ত্রিব্যুসন অসি মসিদা লৈরি। ঐহাক্না হোসপিতল অসিগী বৈদ্যশিং, দোক্তরশিং, নরশিং ছ্টাফশিং, অমসুং অতোপ্পা মীওই পুম্নমকপুসু নুংঙাইবা ফোংদোকচরি। চেরিতেবল হোসপিতলগী চহি চামগা কুনমঙাগী খোংচৎ অসি মপুং ফাহনবিবগীদমক অদোম পুম্নমক্না নুংঙাইবা ফোংদোকচরি। চহি লিশিং কয়াদগী কেরলাগী মীয়াম্না হিংদুনা লাক্লিবা আয়ুর্বেদকী চৎনবিশিং অদু, নখোয়না চৎনবিশিং অদুসু ঙাক্তুনা থম্লি অমসুং মদুবু য়োকখৎলি।

মরুপশিং,

লৈবাক অসিদা মতম শাংনা অরিবা মেদিকেল সিস্তেমশিং অসি সাইলোশিংদা মখা তানা উবা ফংখি। হৌখিবা চহি তরামাথোই-তরানিথোই অসিদা মসিগী এপ্রোচ অসিদা অচৌবা অহোঙবা অমা লাকলে। হৌজিক হেল্থ সর্ভিশশিং অসি অপুনবা মীৎয়েংদগী য়েংশিল্লি। আয়ুর্বেদ, উনানি, হোমীওপেথী, শিদ্ধ, অমসুং য়োগ - ঐখোয়না মসি পুম্নমক অসি সাৎর অমগী মখাদা পুরক্লে, অমসুং মসিগীদমক আয়ুশ মন্ত্রালয় অসি অখন্ননা শেমগৎলে। ঐখোয়না প্রিভেন্তিব হেল্থতা লেপ্তনা মীৎয়েং চংলি। য়াম্না ৱাখল খনবগা লোয়ননা ণেস্নেল আয়ুশ মীসন হৌদোকখি, আয়ুশ ৱেলনেশ সেন্তর লিশিং তরানিথোই হেন্না হাংদোকখি; হায়রিবা সেন্তরশিং অসিদা য়োগ, প্রিভেন্তিব কেয়র, কম্ম্যুনিতি হেল্থ সর্ভিশশিং - পোৎলম পুম্নমক অসি পিরি। ঐখোয়না লৈবাক অসিগী অতোপ্পা হোসপিতলশিংসু আয়ুশ সর্ভিশশিংগা শম্নহনখি অমসুং আয়ুশকি হিদাক-লাংথকশিং চাং নাইনা সপ্লাই তৌবদসু পুক্নিং চংখি। মসিগী পান্দম অসি ময়েক শেংই: ভারতকি ত্রেদিস্নেল মেদিসিনগী লৌশিং অসিগী কান্নবা অসি লৈবাক অসিগী কোনুং খুদিংদা লৈরিবা মীয়ামদা য়ৌহন্নবা।

মরুপশিং,

সরকারগী থৌশীলশিংগী ময়েক শেংবা শাফু অদু আয়ুশ সেক্তরদা উবা ফংলি। এ.য়ু.এস.ঐচ.কী মেন্যুফেকচরিং সেক্তর অসি খোংজেল য়াংনা মাংলোমদা চংশিললে অমসুং পাকথোক চাওথোক্লে। ইন্দিয়ন ত্রেদিস্নেল ৱেলনেশ অসি মালেমদা য়ৌহন্নবা সরকারনা আয়ুশ এক্সপোরৎ প্রমোসন কাওন্সিল লিংখৎলে। ঐখোয়গী হোৎনরিবা অসি অয়ুশকি পোত্থোকশিং অমসুং সর্ভিশশিং অসি মালেমগী কৈথেলশিংদা য়োকখৎপা ঙম্বনি। মসিগী য়াম্না পোজিতিব ওইবা ইম্পেক্তা অমসু ঐখোয়না উবা ফংলি।ইং কুমজা লিশিং অনিগা তরামরিদা আয়ুশ অমসুং হর্বেল প্রদক্তাশিং অসি চাওরাক্না লুপা কোতি লাখ অহুমগী মমল ওইবা ভারততগী এক্সপোরৎ তৌরম্মি। অদুগা হৌজিক ভারততগী লুপা কোতি লিশিং তরুক্কা চাতরুক্কী মমল ওইবা আয়ুশ অমসুং হর্বেল প্রদক্তাশিং মপান্দা থাদোকপা হৌরে। মসিনা লৈবাক অসিগী লৌমীশিংদা য়াম্না চাওবা কান্নবা অমসু ফংহল্লি।

মরুপশিং,

ঙসি ভারত অসিসু আয়ুসতা য়ুম্ফম ওইবা মেদিকেল ভেল্যু ত্রেভেলগীদমক থাজবা য়াবা মফম অমা ওইনা থোরক্লি। মরম অদুনা ঐখোয়না আয়ুশ ভিজাগুম্বা খোংথাংশিংসু লৌখৎলে। মসিগী খুত্থাংদা মপান লৈবাক্তাগী লাকপা মীওইশিংনা আয়ুশ লায়েংবগী হেন্না ফবা খুদোংচাবশিং ফংলি।

মরুপশিং,

আয়ুর্বেদকুম্বা অরিবা মেদিকেল সিস্তেম অমা য়োকখৎনবা সরকারনা মসিবু অচৌবা প্লেৎফোরম খুদিংমক্তা চাওথোকচনা মাংলোমদা পুখৎলি। ব্রিক্স লৈবাকশিংগী সমীৎ ওইগেরা নত্রগা জি-ত্বেন্তী লৈবাকশিংগী মীফম ওইগেরা, মফম অমদা খুদোংচাবা অমা ফংলবসু, ঐনা আয়ুর্বেদ অসি হোলিস্তিক হেল্থকি মেদিয়ম অমা ওইনা ফোংদোকখি। ৱারল্দা হেল্থ ওরগনাইজেসন (দবল্যু.ঐচ.ও.)গী গ্লোবেল ত্রেদিস্নেল মেদিসিন সেন্তরসু গুজরাতকি জমনগরদা লিংখৎলি। জমনগর মশামক্তদা আয়ুর্বেদ ইন্সতিত্যুৎ ওফ তিচিং এন্দ রিসর্চনা থবক হৌরে । আয়ুর্বেদকী হিদাক-লাংথকশিংগী হেনগৎলক্লিবা দিমান্দা অদু ফংহন্নবা, গঙ্গা তুরেলগী নাকলশিংদসু হিদাক-লাংথক য়োনবগী থবক পায়খৎলি।

মরুপশিং,

ঙসি ঐহাক্না লৈবাক অসিগী এচিবমেন্ত অমা অদোম পুম্নমক্কা শম্নহনবা পাম্মি। অদোম পুম্নমক্না খঙবিরিবা অদুনি হৌজিক হৌজিকমক য়ুরোপিয়ন য়ুনিয়নগা লোয়ননা ত্রেদ এগ্রীমেন্ত অমা লাওথোকখ্রে। ঐহাক্না অদোমদা হায়জবদা নুংঙাইবা ফাওই মদুদি ত্রেদা এগ্রীমেন্ত অসিনা ভারতকি ত্রেদিস্নেল মেদিসিন সর্ভিশশিং অমসুং প্রেক্তিস্নরশিংদা অচৌবা ইনোৎ অমা পিরগনি। রিগুলেসনশিং লৈতবা ইয়ুগী মেম্বর লৈবাকশিংদা ঐখোয়গী আয়ুশ প্রেক্তিস্নশিংনা ভারত্তা ফংখিবা মখোয়গী প্রোফেস্নেল ক্বালিফিকেসনশিংদা য়ুম্ফম ওইরগা মখোয়গী সর্ভিশশিং পিবা ঙমগনি। মসিনা আয়ুর্বেদ অমসুং য়োগগা মরি লৈনবা ঐখোয়গী নহারোলশিংদা য়াম্না চাওনা কান্নবা পিগনি। মসিগী য়ানচে অসিনা য়ুরোপতা আয়ুশ ৱেলনেশ সেন্তরশিং লিংখৎপদসু মতেং পাংগনি। ঐহাক্না আয়ুর্বেদ-অয়ুশকা মরি লৈনবা অদোম ইকাই খুম্নজরবা পুম্নমকপু য়ানচে অসিগীদমক নুংঙাইবা ফোংদোকচরি।

মরুপশিং,

আয়ুর্বেদকী খুত্থাংদা লায়েংবগী থবক অসি ভারত্তা চহি লিশিং কয়াদগী চত্থদুনা লাক্লি। অদুবু মসিসু লাইবক ফবনি মদুদি ঐখোয়না লৈবাক অসিগী অমসুং অয়াম্বনা মপান লৈবাক্কী মীওইশিংদা আয়ুর্বেদকী মরুওইবা অদু খঙহনবা তাবনি। মসিগী অচৌবা মরম অমদি প্রমানদা য়ুম্ফম ওইবা রিসর্চকি অৱাৎপা, রিসর্চ পেপরশিং লৈতবা; সাইন্সকি প্রিন্সিপলশিংদা আয়ুর্বেদকি সিস্তেম অসি চাংয়েং তৌবা মতমদা মীয়ামগী থাজবা হেন্না চেৎশিল্লকই। মরম অদুনা আর্য বৈদ্য শালানা সাইন্স অমসুং রিসর্চকি তচস্তোন্দা আয়ুর্বেদবু লেপ্তনা চাংয়েং তৌদুনা লাক্লিবা অসিদা ঐহাক নুংঙাইবা ফাওই। মসিনা সি.এস.আই.আর. অমসুং আই.আই.তি.গুম্বা ইন্সতিত্যুসনশিংগা পুন্না থবক তৌমীন্নরি। অদোমগী মীৎয়েং অসি দ্রগ রিসর্চ, ক্লিনিকেল রিসর্চ, অমসুং কেন্সর কেয়রদসু থমখি। আয়ুশ মন্ত্রালয়গী তেংবাংগা লোয়ননা কেন্সর রিসর্চকিদমক্তা সেন্তর ওফ এক্সেলেন্স লিংখৎপা অসি মায়কৈ অসিদা মরুওইবা খোঙথাং অমনি।

মরুপশিং,

হৌজিক ঐখোয়না হোঙলক্লিবা মতমগী মতুং ইন্না আযুর্বেদ মোদর্ন তেক্নোলোজি অমসুং এ.আই. লায়নাগী ওইথোকপা য়াবশিং খঙদোক্নবা অমসুং তোঙান-তোঙানবা পাম্বৈশিংগী খুত্থাংদা লায়েংনবা অনৌবা কয়া অমা তৌবা য়াই।

মরুপশিং,

আর্য বৈদ্য শালানা ত্রেদিসন অমসুং মোদর্নিতী পুন্না চৎমীন্নবা য়াই হায়বা উৎলে, অমসুং হেল্থ সর্ভিশ অসি মীয়ামগী পুন্সিদা থাজবগী য়ুম্ফম ওইবা য়াই। আয়ুর্বেদকী অরিবা লৌশিং অদু ঙাক্তুনা থম্বগা লোয়ননা ইন্সতিত্যুসন অসিনা মোদর্নগী মথৌ ওইবশিং লৌশিল্লি। লায়েংবগী থবকশিং ওরগনাইজ তৌখ্রে অমসুং অনাবশিংদা সর্ভিশশিং ফংহনখ্রে। মসিগী পুক্নিং থৌগৎনিংঙাই ওইবা খোংচৎ অসিগীদমক ঐহাক্না আর্য বৈদ্য শালাবু অমুক হন্না নুংঙাইবা ফোংদোকচরি। ঐগী অপাম্বদি ইন্সতিত্যুসন অসিনা লাক্কদৌরিবা চহিশিংদা মসিগী চপ মান্নবা কত্থোকপা অমসুং সেবাগী ৱাখল্লোন অসিগা লোয়ননা মীয়ামগী পুন্সিনা মখা তানা ফবা হেনগৎপা ওইরসনু। হন্না হন্না থাগৎচরি।

খুরুমজরি।

***