ಕೇಂದ್ರ ವಾರ್ತಾ ಮತ್ತು ಪ್ರಸಾರ ಸಚಿವಾಲಯದ "ಭಾರತ್ ಗಾಥಾ: ಶ್ರುತಿ, ಕೃತಿ, ದೃಷ್ಟಿ" ಎಂಬ ಸ್ಥಬ್ದಚಿತ್ರ (ಟ್ಯಾಬ್ಲೋ), ಪ್ರಾಚೀನ ಮೌಖಿಕ ಸಂಪ್ರದಾಯಗಳಿಂದ ಜಾಗತಿಕ ವಿಷಯ ಮತ್ತು ಮಾಧ್ಯಮ ಶಕ್ತಿ ಕೇಂದ್ರವಾಗಿ ಹೊರಹೊಮ್ಮುವವರೆಗೆ ಕಥೆ ಹೇಳುವಲ್ಲಿ ಭಾರತದ ನಾಗರಿಕತೆಯ ಪ್ರಯಾಣದ ಪ್ರಬಲ ದೃಶ್ಯ ನಿರೂಪಣೆಯನ್ನು ಪ್ರಸ್ತುತಪಡಿಸುತ್ತದೆ. ಈ ಟ್ಯಾಬ್ಲೋ ಆತ್ಮನಿರ್ಭರ ಭಾರತದ ಚೈತನ್ಯವನ್ನು ಪ್ರತಿಬಿಂಬಿಸುತ್ತದೆ, ಸಾಂಸ್ಕೃತಿಕ ಪರಂಪರೆಯನ್ನು ತಾಂತ್ರಿಕ ನಾವೀನ್ಯತೆಯೊಂದಿಗೆ ಮನಬಂದಂತೆ ಬೆರೆಸುತ್ತದೆ.

ಶೃತಿ ಭಾರತದ ಶ್ರೀಮಂತ ಮೌಖಿಕ ಪರಂಪರೆಯನ್ನು ಸಂಕೇತಿಸುತ್ತದೆ, ಗುರುವಿನ ಮೂಲಕ ಶಿಷ್ಯರಿಗೆ ಜ್ಞಾನವನ್ನು ನೀಡುವ ಮೂಲಕ ಓಂ ನ ಕಾಸ್ಮಿಕ್ ಅನುರಣನ ಮತ್ತು ಜ್ಞಾನದ ಮೂಲವನ್ನು ಪ್ರತಿನಿಧಿಸುತ್ತದೆ.

ಕೃತಿಯು ಲಿಖಿತ ಅಭಿವ್ಯಕ್ತಿಯ ವಿಕಾಸವನ್ನು ಗುರುತಿಸುತ್ತದೆ, ಇದರಲ್ಲಿ ಗಣೇಶನು ಮಹಾಭಾರತವನ್ನು ಕೆತ್ತಿದ್ದಾನೆ, ಮತ್ತು ಭಾರತದ ಬೌದ್ಧಿಕ ಪರಂಪರೆಯನ್ನು ರೂಪಿಸಿದ ಹಸ್ತಪ್ರತಿಗಳು, ಪ್ರದರ್ಶನ ಕಲೆಗಳು ಮತ್ತು ಆರಂಭಿಕ ಸಂವಹನ ಸಂಪ್ರದಾಯಗಳ ದೃಶ್ಯಗಳ ಮೂಲಕವೂ ಪ್ರದರ್ಶಿಸಲ್ಪಟ್ಟಿತು.

ದೃಷ್ಟಿ ಮುದ್ರಣ, ಸಿನಿಮಾ, ದೂರದರ್ಶನ ಮತ್ತು ಡಿಜಿಟಲ್ ವೇದಿಕೆಗಳ ಮೂಲಕ ಭಾರತದ ಮಾಧ್ಯಮ ವಿಕಾಸವನ್ನು ಈ ಕಲಾಕೃತಿ ಸೆರೆಹಿಡಿಯುತ್ತದೆ. ವಿಂಟೇಜ್ ಕ್ಯಾಮೆರಾಗಳು, ಫಿಲ್ಮ್ ರೀಲ್‌ ಗಳು, ಉಪಗ್ರಹಗಳು, ಪತ್ರಿಕೆಗಳು ಮತ್ತು ಬಾಕ್ಸ್ ಆಫೀಸ್ ಚಿಹ್ನೆಗಳಂತಹ ದೃಶ್ಯ ಅಂಶಗಳು ಭಾರತದ ಸಾಂಸ್ಕೃತಿಕ ಗುರುತನ್ನು ರೂಪಿಸಿದ ಚಲನಚಿತ್ರ ನಿರ್ಮಾಪಕರು ಮತ್ತು ಕಲಾವಿದರ ಪೀಳಿಗೆಯನ್ನು ಗೌರವಿಸುತ್ತವೆ. ಟ್ಯಾಬ್ಲೋ ಎಐ, ಎವಿಜಿಸಿ- ಎಕ್ಸ್ ಆರ್ ಮತ್ತು ವರ್ಚುವಲ್ ಉತ್ಪಾದನಾ ತಂತ್ರಜ್ಞಾನಗಳ ಮೂಲಕ ಭವಿಷ್ಯಕ್ಕೆ ಸಿದ್ಧವಾಗಿರುವ ಕಥೆ ಹೇಳುವಿಕೆಯನ್ನು ಇದು ಎತ್ತಿ ತೋರಿಸುತ್ತದೆ, ತಲ್ಲೀನಗೊಳಿಸುವ ಕಥೆ ಹೇಳುವಿಕೆಗೆ ಬದಲಾವಣೆಯನ್ನು ಕೂಡ ತೋರಿಸುತ್ತದೆ.

ಪ್ರದರ್ಶನ ಕಲಾವಿದರು ಟ್ಯಾಬ್ಲೋವನ್ನು ಜೀವಂತಗೊಳಿಸುತ್ತಾರೆ. ವೇವ್ಸ್ 2025 ರಿಂದ ಬಲಪಡಿಸಲಾದ ಜಾಗತಿಕ ವಿಷಯ ಕೇಂದ್ರವಾಗಿ ಭಾರತವನ್ನು ಸ್ಥಾನೀಕರಿಸುವ ಕೇಂದ್ರ ಮಾಹಿತಿ ಮತ್ತು ಪ್ರಸಾರ ಸಚಿವಾಲಯದ ಗುರಿಯೊಂದಿಗೆ ಪರಿಕಲ್ಪನೆ (ಥೀಮ್ ) ಹೊಂದಿಕೆಯಾಗುತ್ತದೆ. ಪ್ರಮುಖ ಜಾಗತಿಕ ಭಾಗವಹಿಸುವಿಕೆ ಮತ್ತು ಮಹತ್ವದ ವ್ಯಾಪಾರ ತೊಡಗಿಸಿಕೊಳ್ಳುವಿಕೆಗಳೊಂದಿಗೆ ಶೃಂಗಸಭೆಯು "ಕಿತ್ತಳೆ ಆರ್ಥಿಕತೆಯ ಉದಯ" ವನ್ನು ಗುರುತಿಸಿದೆ.

ಸಾಂಸ್ಕೃತಿಕವಾಗಿ ಬೆಳೆದುಬಂದ ಬಗೆ ಮತ್ತು ಭವಿಷ್ಯದ ದೃಷ್ಟಿಕೋನಗಳ ಹೇಳಿಕೆಯಾಗಿ ಸ್ಥಬ್ದಚಿತ್ರ ನಿಂತಿದೆ, ಇದು ಭಾರತದ ಪ್ರಾಚೀನ ಬುದ್ಧಿವಂತಿಕೆಯನ್ನು ಅದರ ಡಿಜಿಟಲ್ ಭವಿಷ್ಯದೊಂದಿಗೆ ಒಂದುಗೂಡಿಸುತ್ತದೆ.

*****