Ka tableau jong ka Tnad Information & Broadcasting, ka “Bharat Gatha: Shruti, Kriti, Drishti,” ka pyni ïa ka jingkhlaiñ jong ka jingïaid lynti jong ka India ha ka kam ïathuhkhana, naduh ki dustur iathuh khana hyndai haduh ka jingmih jong ka kum ka bor jong ka jingpynmih prokram bad ka kam pathai khubor jong ka pyrthei. Ka tableau ka pyni ia ka mynsiem jong ka Atmanirbhar Bharat, kaba pyniasnoh lang ia ka kolshor bad ka jingsaindur thymmai ha ka teknoloji.

Ka Shruti ka pyni ia ka pateng iathuh khana ba riewspah jong ka India, kaba la pyni lyngba u Guru uba ai jinghikai ia ki synran hapoh u dieng Peepal, ryngkat bad ki jingdro jong ki sur-sawa kiba pyni ia ka jingsawa jong ka Aum bad ki jingsdang jong ka jingtip.

Ka Kriti ka pyni ia ka jingkylla jong ka jingthoh, ha kaba u Blei Ganesha u thoh ia ka Mahabharata, bad la pyni ruh lyngba ki dur jong ki kot, ki jinglehkai bad ki rukom pyniadei ba hyndai kiba la pynwan dur ia ka pateng pyrkhat jong ka ri India.

Ka Drishti ka pyni ïa ka jingkylla jong ki lad pathai khubor jong ka India lyngba ki kot, ki phlim, ki telebishon bad ki rynsan digital. Ki tiar ba lah ban iohi kum ki camera barim, ki phlim reel, ki satellite, ki kot khubor bad ki dak jong ka box ophis ki pyndonburom ia ki pateng jong ki nongshna phlim bad ki barikor kiba la pynwandur ia ka kolshor jong ka India. Ka tableau ka pyni ruh ïa ka jingïathuhkhana kaba la pynkhreh na ka bynta ka lawei lyngba ka AI, AVGC-XR bad ki teknoloji virtual production, ka ban jur ïa ka jingkylla sha ka kam ïathuhkhana kaba jylliew.

Ki artist ki pynurlong ia ka tableau. Ka phang pdeng ka ïahap bad ka thong jong ka MIB ban buh ïa ka India kum ka jaka pdeng jong ki kam pynmih prokram jong ka pyrthei, ba la pynskhem da ka WAVES 2025. Ka Summit ka long ka dak jong ka “Dawn of the Orange Economy,” ryngkat bad ka jingïashim bynta kaba kongsan ha ka pyrthei bad ki jingïadei kiba kongsan ha ka kam.

Ka tableau ka ieng kum ka jingpyni ia ka jingiaid lynti jong ka kolshor bad ka jingbatai jong ka jingthmu kaba peit shakhmat, kaba pyniasoh ia ka jingstad hyndai jong ka India bad ka lawei jong ka ha ka kam digital.

****