নোংচুপ বেঙ্গলগী রাজ্যপাল, শ্রী সি.ভি. আনন্দ বোসজী, কেন্দ্রগী মন্ত্রীমন্দলদা লৈরিবা ঐহাক্কী মরুপশিং, শ্রী অশ্বিনী বৈষ্ণবজী, শ্রী শান্তনু থাকুরজী, শ্রী সুকান্তা মজুমদারজী, ৱেস্ত বেঙ্গলগী ওপোজিসনগী লুচিংবা, শ্রী সুভেন্দু অদিকারিজী, সংসদতা লৈরিবা ঐহাক্কী মরুপশিং, শ্রী সৌমিত্রা খানজী, শ্রী খাগেন মুর্মুজী, শ্রী কার্তিক চন্দ্র পোলজী, অতোপ্পা মীয়ামগী মীহুৎশিং, নুপীশিং অমসুং নুপাশিং।

ঙসি, নোংচুপ বেঙ্গলগী চাউখৎপা চাউখৎ খোঙজং অসি মালদাদগী হেন্না য়াংখৎলক্লি। মতম খরগী মমাংদা, বেঙ্গলগীদমক চাউখৎ-থৌরাংগী প্রোজেক্ত কয়া অমা শঙ্গাখ্রে অমসুং উরেপ উয়ুংসু তমখ্রে। নোংচুপ বেঙ্গলগীদমক অনৌবা রেল সর্বিসশিং হৌদোক্লে। প্রোজেক্তশিং অসিনা মফমসিগী মীয়ামগীদমক চৎথোক চৎশিন তৌবদা লাইথোকহল্লগনি অমসুং ললোন-ইতিক অমসুং কম্মর্সসু লাইথোকহল্লগনি। মফম অসিদা লিংখৎলিবা ত্রেন মেন্তিনেন্স ফেসিলিতীশিংনা বেঙ্গলগী নহারোলশিংগীদমক অনৌবা খুদোংচাবা কয়া অমা পীগনি।

মরুপশিং,

বেঙ্গলগী অশেংবা লমদম অসিদগী ঙসি ভারতকী রেলৱেজগী মোদর্নাইজেসনগী মায়কৈদা অতোপ্পা মরু ওইবা খোংথাং অমা লৌখৎলি। ভারত্তা ঙসি বন্দে ভারত স্লিপর ত্রেন হৌদোক্লে। অনৌবা বন্দে ভারত স্লিপর ত্রেনশিং অসিনা ভারতকী মীয়ামগীদমক অশাংবা খোঙচৎশিং অসি হেন্না নুংঙাইবা, হেন্না খুদোংচাবা অমসুং হেন্না নীংশিংনিংঙাই ওইহল্লগনি। চাউখৎলবা ভারতকী ত্রেনশিং অসি মতৌ করম্বা ওইগদবনো? বন্দে ভারত স্লিপর ত্রেন অসিনা মসিবু ময়েক শেংনা উৎলি। মতম খরগী মমাংদা, ঐহাক্না মালদা স্তেসনদা পেসেঞ্জর খরগা ৱারী শানখি। মখোয় পুম্নমক্না হায়খি মদুদি মখোয়না ত্রেন অসিদা চৎপদা য়াম্না নুংঙাইবা ফাওখি। ঐখোয়না অতোপ্পা লৈবাকশিংদা লৈরিবা ত্রেনশিংগী ফোতোশিং অমসুং ভিদিওশিং য়েংলম্মি অমসুং ভারত্তা অসিগুম্বা ত্রেনশিং অসি লৈরম্বা তারবদি হায়না খল্লি। ঙসিদি, ঐখোয়না মসিগী মঙলান অসি মঙফাওনরক্লিবা অদু উবা ফংলি। অমসুং ঐহাক্না ইকুই কুইদ্রিঙৈদা, মপানগী মীওইশিংনা ভারতকী মেত্রো অমসুং ত্রেনগী ভিদিওশিং শেম্বা উবা ফংখি অমসুং মালেমদা ভারতকী রেলৱেজদা করম্না অহোংবা পুরকপগে হায়বদু উৎখি। মসিগী বন্দে ভারত ত্রেন অসি মেদ ইন ইন্দিয়ানি। মসি ভারত মচাশিংনা কন্না হোৎনবগী মহৈনি। লৈবাক অসিগী অহানবা বন্দে ভারত স্লিপর ত্রেন অসিনা ইমা কালীগী লম অমসুং ইমা কামাখ্যাগী লম অসি শম্নহল্লি। লাক্কদৌরিবা মতমশিংদা, মসিগী মোদর্ন ত্রেন অসি লৈবাক শীনবা থুংনা পাকথোক চাউথোকহল্লগনি। অনৌবা মতমগী ওইবা স্লিপর ত্রেন অসিগীদমক বেঙ্গল, আসাম অমসুং লৈবাক পুম্ববু ঐনা থাগৎপা ফোংদোকচরি।

মরুপশিং,

ঙসিদি, ভারতকী রেলৱেজদা অহোংবা লাক্লি। রেলৱে লাইনশিং ইলেক্ত্রিফাই তৌরি, অমসুং রেলৱে স্তেসনশিং মোদর্নাইজ তৌরি। হৌজিক্কী ওইনা নোংচুপ বেঙ্গল য়াওনা লৈবাক শিনবা থুংনা বন্দে ভারত ত্রেন ১৫০ হেন্না চেল্লি। মসিগা লোয়ননা, মোদর্ন অমসুং হাই-স্পিদ ত্রেনগী মপুং ফাবা নেৎৱার্ক অমা শেমগৎলি। মসিনা বেঙ্গলগী লায়রবা অমসুং মিদল ক্লাসকী ইমুংশিংদা কান্নবা ফংহল্লি।

মরুপশিং,

ঙসি বেঙ্গলদা অনৌবা মোদর্ন অমৃত ভারত এক্সপ্রেস ত্রেন মরি ফংলে। মখোয়শিং অদুদি ন্যু জলপাইগুরি-নাগরকোয়েল অমৃত ভারত এক্সপ্রেস, ন্যু জলপাইগুরি-তিরুচিরাপল্লী অমৃত ভারত এক্সপ্রেস, আলিপুরদুৱর-বেঙ্গালুরু অমৃত ভারত এক্সপ্রেস, অমসুং আলিপুরদুৱর-মুম্বাই অমৃত ভারত এক্সপ্রেসনি। মসিনা বেঙ্গল, মরু ওইনা অৱাং বেঙ্গল অমসুং খা অমসুং নোংচুপ ভারতকী মরক্তা মরী হেন্না চেৎশিলহল্লগনি। মসিনা লৈবাক অসিগী তোঙান তোঙানবা মফমশিংদগী বেঙ্গল অমসুং নোংপোক থংবা ভারত্তা চৎপা পেসেঞ্জরশিংদা, গঙ্গাসাগর, দাক্ষিনেশ্বর অমসুং কালিঘাতদা চৎপা মীওইশিং অমসুং মফম অসিদগী তামিল নাদু অমসুং মহারাস্ত্রাদা চৎপা মীওইশিংদা মরুওইনা কান্নবা ফংহল্লি। মসিগী অমৃত ভারত এক্সপ্রেস ত্রেনশিং অসিনা মখোয়গী খোঙচৎ অসি য়াম্না লাইথোকহল্লগনি।

মরুপশিং,

ঙসিদি, ভারতকী রেলৱেজ অসি মোদর্ন অমসুং মশা-মরোমদোম লেপচবা ঙম্বা ওইরক্লি। ভারতকী লোকোমোতিবশিং, ভারতকী রেল কোচশিং, অমসুং ভারতকী মেত্রো কোচশিং অসি ভারতকী তেক্নোলোজীগী খুদমশিং ওইরক্লি। ঙসিদি, ঐখোয়না য়ু.এস. অমসুং য়ুরোপতগী হেন্না লোকোমোতিব পুথোক্লি। ঐখোয়না মালেমগী লৈবাক কয়াদা পেসেঞ্জর ত্রেন অমসুং মেত্রো ত্রেন কোচশিং এক্সপোর্ত তৌরি। অমসুং মসি পুম্নমক্না ঐখোয়গী ইকোনোমীদা য়াম্না কান্নবা পীরি অমসুং ঐখোয়গী নহাশিংদা থবক ফংহন্নবগী খুদোংচাবা পীরি।

মরুপশিং,

ভারতপু শম্নহনবা অসি ঐখোয়গী মরুওইবা অমনি, অরাপ্পা অদু কোকহনবা অসি ঐখোয়গী মিসননি, অমসুং মসি ঙসিগী প্রোগ্রাম অসিদাসু উবা ফংলি। ঐহাক্না অমুক্কা হন্না ময়াম পুম্নমকপু প্রোজেক্তশিং অসিগীদমক য়াইফ-পাউজেল পীজরি অমসুং ময়াম পুম্নমকপু থাগৎচরি। ঐহাক্না য়াম্না চাউবা থৌরম অমদা শরুক য়াগদৌরি, মফম অদুদা মীওই কয়ানা ঙাইরি। ঐহাক্না ঙাংখিদ্রিবা ৱাফমশিং অদু ঐহাক্না মফম অদুদা থমজগে, অমসুং মীদিয়াগী মীৎয়েংসু ৱাফম অদুদা মীৎয়েং চংবিয়ু। হন্না-হন্না থাগৎচরি।

***