ভারত সরকারগী ইনফোর্মেসন অমসুং ব্রোদকাস্তিং মন্ত্রালয়গী মখাদা স্তার্তঅপ এক্সেলরেতর ইনিসিয়েতিব ওইরিবা ৱেবএক্সনা ফাউন্দেসন ফোর ইন্নোভেসন অমসুং তেক্নোলোজী ত্রান্সফর (এফ.আই.তি.তি.), আই.আই.তি. দিল্লীগা লোয়ননা মীদিয়া, এন্তর্তেনমেন্ত, ব্রোদকাস্তিং অমসুং কম্ম্যুনিকেসন তেক্নোলোজীশিংদা ইন্নোভেসন, ইনক্যুবেসন অমসুং ওন্তপ্রিন্যুওরশিপ মপাঙ্গল কনখৎহন্নবা তেংবাং পীননবা মেমোরেন্দম ওফ অন্দর্স্তেন্দিং (এম.ও.য়ু.) অমা খুৎয়েক পীনখ্রে।

ৱেবএক্স অমসুং এফ.আই.তি.তি.গী তীমশিংনা ইনফোর্মেসন অমসুং ব্রোদকাস্তিং মন্ত্রালয়গী সেক্রেতরী শ্রী সঞ্জয় জাজুনা শরুক য়াদুনা নই দিল্লীগী শাস্ত্রী ভবনদা এম.ও.য়ু. অসি খুৎয়েক পীনখি।

চুংশিন্নবা অসিগী মখাদা, লৈবাক শিনবা থুংনা ইনক্যুবেসন সেন্তরশিং লিংখৎতুনা অমসুং মপাঙ্গল কনখৎহন্দুনা ইন্নোভেসন অমসুং ওন্তপ্রিন্যুওরশিপ হেনগৎহন্নবা পান্দম থম্লিবা নেস্নেল ইনিসিয়েতিব অমা ওইরিবা ৱেবএক্স প্রোগ্রাম অসি ইমপ্লিমেন্ত তৌবা অমসুং পাকথোক চাউথোকহনবদা এফ.আই.তি.তি., আই.আই.তি. দিল্লীনা মতেং পাংগনি। এফ.আই.তি.তি.না ইনক্যুবেতর শেমগৎপদা স্ত্রেতেজিক অমসুং ওপরেস্নেল গাইদেন্স পীরগনি, অতোপ্পা আই.আই.তি.শিং অমসুং ইন্নোভেসন হবশিংগা থবক তৌমিন্নবদা মতেং পাংলগনি, তেক্নিকেল এক্সপর্তিস, রিসর্চ ফেসিলিতীশিং, মেন্তরশিপ, আই.পি. সপোর্ত ফংহল্লগনি অমসুং স্তার্ত-অপশিং অমসুং ইনক্যুবেসন মেনেজরশিংগীদমক কেপাসিতী বিল্দিং ইনিসিয়েতিবশিংসু ফংহল্লগনি।

ইনফোর্মেসন অমসুং ব্রোদকাস্তিং মন্ত্রালয়গী মখাদা লৈবা ৱেবএক্সনা প্রোগ্রাম অসিগীদমক্তা শেলগী তেংবাং, পোলিসী গাইদলাইন অমসুং নেস্নেল ভিজিবিলিতী পীগনি। মসিগী চুংশিন্নবা অসিগী খুত্থাংদা, ৱেবএক্সনা তুংলমচৎকীদমক শেম-শারবা মীদিয়া অমসুং এন্তর্তেনমেন্ত তেক্নোলোজী ইকোসিস্তেম অমা শেমগৎনবা পান্দম থম্লি। মসিনা স্তার্তঅপশিংদা ফন্দিং সপোর্ত, মেন্তরশিপ, ইনফ্রাস্ত্রকচর এক্সেস, ইন্দস্ত্রী পার্তনরশিপ অমসুং ইনভেস্তর অমসুং গ্লোবেল মার্কেৎশিংদা এক্সপোজর পীবা ঙমহল্লি।

থৌরম অদুদা শ্রী জাজুনা হায়খি, “ৱেবএক্স অসি মীদিয়া অমসুং এন্তর্তেনমেন্ত তেক্নোলোজীশিংদা ইন্নোভেসনগীদমক নেস্নেল কেতালিস্ত অমা ওইনা উরি। ৱেবএক্সনা মীদিয়া ইন্দস্ত্রীদা কোর তেক্নোলোজিকেল দিসরপসন পুথোক্লিবা স্তার্তঅপশিং, লোয়ননা হৌজিক লৈরিবা তেক্নোলোজী প্লেৎফোর্মশিংদা অনৌবা এপ্লিকেসনশিং শেম্লিবা ইন্নোভেতরশিং অসি খুমাং চাউশিলহল্লগনি। ৱেবএক্সনা পাক-চাউবা ইকোসিস্তেম অসি কেতালাইজ তৌনবা অমসুং এম অমসুং ই স্তার্তঅপশিংগীদমক মালেমগী থাক্কী ইনক্যুবেসন ফেসিলিতীশিং লিংখৎনবা পান্দম থম্লি।”

মখা তানা এফ.আই.তি.তি.গী মহুৎ শিন্দুনা এম.ও.য়ু.দা খুৎয়েক পীখিবা এফ.আই.তি.তি, আই.আই.তি. দিল্লীগী মেনেজিং দিরেক্তর, দা. নিখিল অগরৱালনা হায়খি,

 “ৱেবএক্সকা লোয়ননা পার্তনরশিপ অসিনা হৌরক্লিবা অমসুং ক্রিএতিব তেক্নোলোজী সেক্তরশিংদা তেক্নোলোজী-দ্রিভন ওন্তপ্রিন্যুওরশিপ ইনেবল তৌনবগীদমক এফ.আই.তি.তি.না লৌরিবা থৌদাং অদু উৎলি। পোলিসী সপোর্ত, একাদেমিক এক্সিলেন্স অমসুং ইন্দস্ত্রী এঙ্গেজমেন্ত পুনশিন্নদুনা, ঐখোয়না মীদিয়া, তেক্নোলোজী অমসুং ইন্নোভেসনগী ইন্তর্সেক্সন্দা থবক তৌরিবা স্তার্তঅপশিংবু সপোর্ত তৌরিবা মপাঙ্গল লৈবা নেস্নেল ইনক্যুবেসন প্লেৎফোর্ম অমা শেম্নবা পান্দম থম্লি।”

পার্তনরশিপ অসিনা ৱেবএক্স ফ্রেমৱার্ক্কী মখাদা স্তার্ত অপ গ্রোথ অমসুং তেক্নোলোজী কম্মর্সিএলাইজেসন য়াঙখৎহন্নবা আই.আই.তি. দিল্লীগী একাদমিক, রিসর্চ অমসুং ইন্নোভেসনগী মপাঙ্গলশিং শীজিন্নবগী মায়কৈদা মরুওইবা খোঙথাং অমনি। মসিনা ভারতকী মীদিয়া অমসুং এন্তর্তেনমেন্ত ইন্নোভেসন ইকোসিস্তেম হেন্না মপাঙ্গল কনখৎহল্লগনি।

এফ.আই.তি.তি.গী মরমদা

ফাউন্দেসন ফোর ইন্নোভেসন অমসুং তেক্নোলোজী ত্রান্সফর (এফ.আই.তি.তি.), আই.আই.তি. দিল্লী অসি ইন্দিয়ন ইন্সতিত্যুৎ ওফ তেক্নোলোজী দিল্লীগী ইন্দস্ত্রী ইন্তরফেস ওর্গনাইজেসননি। আই.আই.তি. দিল্লীগী ইকোসিস্তেমগী মনুং অমসুং মপান্দা ইন্নোভেসন, ওন্তপ্রিন্যুওরশিপ অমসুং তেক্নোলোজী কম্মর্সিএলাইজেসনগী খুদোংচাবশিং ফংহন্নবা লিংখৎখিবা এফ.আই.তি.তি.না ইনক্যুবেসন, ইন্দস্ত্রী কোল্লাবোরেসন, রিসর্চ ত্রান্সলেসন, ইন্তেলেকচুএল প্রোপর্তী মেনেজমেন্ত অমসুং স্তার্তঅপ ইকোসিস্তেম দিবেলপমেন্তদা মরু ওইবা থৌদাং অমা লৌরি।

ৱেবএক্সকী মরমদা

ৱেবএক্স অসি নেস্নেল ফিল্ম দিবেলপমেন্ত কোর্পোরেসন লিমিতেদকী খুত্থাংদা ইমপ্লিমেন্ত তৌরিবা ভারত সরকারগী ইনফোর্মেসন অমসুং ব্রোদকাস্তিং মন্ত্রালয় (এম.আই.বি.) গী মখাদা লৈবা নেস্নেল মীদিয়া অমসুং এন্তর্তেনমেন্ত তেক্নোলোজী ইন্নোভেসন অমসুং ইনক্যুবেসন প্রোগ্রাম অমনি। ইনিসিএতিব অসিনা ব্রোদকাস্তিং, কম্ম্যুনিকেসন, মীদিয়া অমসুং অনৌবা তেক্নোলোজীশিংদা থবক তৌরিবা স্তার্তঅপশিং অমসুং ওন্তপ্রিন্যুওরশিংবু স্ত্রকচর তৌরবা ইনক্যুবেসন সপোর্ত, ইন্দস্ত্রী এক্সেস, মেন্তরশিপ অমসুং নেস্নেল অমসুং গ্লোবেল এক্সপোজর পীদুনা থবক্তা পুক্নিং থৌগৎনবা পান্দম থম্লি।

***