പ്രധാനമന്ത്രിയുടെ ഓഫീസ്
പ്രധാനമന്ത്രി ജനുവരി 4-ന് വാരാണസിയിൽ 72-ാമത് ദേശീയ വോളിബോൾ ടൂർണമെന്റ് ഉദ്ഘാടനം ചെയ്യും
വിവിധ സംസ്ഥാനങ്ങളെയും സ്ഥാപനങ്ങളെയും പ്രതിനിധാനംചെയ്ത് 58 ടീമുകളിലായി ആയിരത്തിലധികം താരങ്ങൾ മത്സരിക്കും
प्रविष्टि तिथि:
03 JAN 2026 2:41PM by PIB Thiruvananthpuram
പ്രധാനമന്ത്രി ശ്രീ നരേന്ദ്ര മോദി 2026 ജനുവരി 4-ന് ഉച്ചയ്ക്ക് 12ന് വിദൂരദൃശ്യസംവിധാനത്തിലൂടെ 72-ാമത് ദേശീയ വോളിബോൾ ടൂർണമെന്റ് ഉദ്ഘാടനം ചെയ്യും. വാരാണസിയിലെ ഡോ. സമ്പൂർണാനന്ദ് സ്പോർട്സ് സ്റ്റേഡിയത്തിലാണ് ഉദ്ഘാടനച്ചടങ്ങുകൾ നടക്കുക.
ജനുവരി 4 മുതൽ 11 വരെ നടക്കുന്ന ഈ ടൂർണമെന്റിൽ ഇന്ത്യയിലുടനീളമുള്ള ആയിരത്തിലധികം കായികതാരങ്ങൾ പങ്കെടുക്കും. വിവിധ സംസ്ഥാനങ്ങളെയും സ്ഥാപനങ്ങളെയും പ്രതിനിധാനംചെയ്ത് 58 ടീമുകളാണ് മാറ്റുരയ്ക്കുന്നത്. ഇന്ത്യൻ വോളിബോളിലെ മികച്ച പ്രകടനങ്ങൾക്കും കായികക്ഷമതയ്ക്കും പ്രതിഭയ്ക്കും ഈ ടൂർണമെന്റ് സാക്ഷ്യം വഹിക്കുമെന്നാണു പ്രതീക്ഷ.
വാരാണാസിയിൽ 72-ാമത് ദേശീയ വോളിബോൾ ടൂർണമെന്റ് സംഘടിപ്പിക്കുന്നത്, നഗരത്തിൽ കായിക അടിസ്ഥാനസൗകര്യങ്ങൾക്കു കരുത്തേകുന്നതിലും കായികവികസനം പ്രോത്സാഹിപ്പിക്കുന്നതിലും നൽകുന്ന പ്രാധാന്യം എടുത്തുകാട്ടുന്നു. പ്രധാനപ്പെട്ട സാംസ്കാരിക-കായിക സംരംഭങ്ങൾക്ക് ആതിഥേയത്വം വഹിക്കുന്നതിൽ വാരാണസിക്കുള്ള വർദ്ധിച്ചുവരുന്ന പങ്ക് കണക്കിലെടുക്കുമ്പോൾ, പ്രധാന ദേശീയ പരിപാടികളുടെ കേന്ദ്രമെന്ന നിലയിൽ നഗരത്തിന്റെ സ്വീകാര്യത വർധിപ്പിക്കുന്നതിന് ഇതു കൂടുതൽ സഹായകമാകും.
-SK-
(रिलीज़ आईडी: 2211167)
आगंतुक पटल : 11
इस विज्ञप्ति को इन भाषाओं में पढ़ें:
Assamese
,
Tamil
,
Gujarati
,
English
,
Urdu
,
Marathi
,
हिन्दी
,
Bengali
,
Bengali-TR
,
Manipuri
,
Punjabi
,
Odia
,
Telugu
,
Kannada