صدرجمہوریہ ہند محترمہ دروپدی مرمو نے آج (26 دسمبر 2025) نئی دہلی میں منعقدہ ایک تقریب میں بچوں کو بہادری، سماجی خدمت، ماحولیات، کھیل، فن اور ثقافت اور سائنس اور ٹیکنالوجی کے شعبوں میں ان کی غیر معمولی کامیابیوں کے لیے پردھان منتری راشٹریہ بال پراسکر سے نوازا۔

اس موقع پر خطاب کرتے ہوئے صدر جمہوریہ نے پردھان منتری راشٹریہ بال پراسکر حاصل کرنے والوں کو مبارکباد دی۔ انہوں نے کہا کہ ایوارڈ جیتنے والے بچوں نے اپنے خاندانوں، اپنی برادریوں اور پورے ملک کو فخر محسوس کرایا  ہے۔ انہوں نے یقین ظاہر کیا کہ یہ ایوارڈز ملک بھر کے تمام بچوں کو متاثر کریں گے۔ انہوں نے کہا کہ یہ ایوارڈ ان کی حوصلہ افزائی کے لیے دیا گیا ہے۔ انہوں نے یقین ظاہر کیا کہ یہ ایوارڈز ملک کے تمام بچوں کو متاثر کریں گے۔

صدرجمہوریہ نے کہا کہ تقریباً 320 سال قبل گرو گوبند سنگھ جی - سکھ عقیدے کے دسویں گرو اور تمام ہندوستانیوں کی طرف سے قابل احترام - اور ان کے چار بیٹوں نے سچائی اور انصاف کی حمایت میں لڑتے ہوئے عظیم قربانیاں دیں۔ انہوں نے کہا کہ دو سب سے کم عمر صاحبزادوں کی بہادری کو ہندوستان اور بیرون ملک عزت و احترام کی نگاہ سے دیکھتا ہے۔ انہوں نے ان عظیم بہادروں  کو عقیدت کے ساتھ یاد کیا جنہوں نے حق اور انصاف کے لیے فخر سے اپنی جانوں کا نذرانہ پیش کیا۔

صدر جمہوریہ نے کہا کہ کسی ملک کی عظمت تب یقینی ہوتی ہے جب اس کے بچے جذبہ حب الوطنی اور اعلیٰ نظریات سے معمور ہوں۔ انہیں یہ جان کر خوشی ہوئی کہ بچوں نے بہادری، فن اور ثقافت، ماحولیات، اختراعات، سائنس اور ٹیکنالوجی، سماجی خدمت اور کھیل جیسے مختلف شعبوں میں اپنی غیر معمولی صلاحیتوں کا مظاہرہ کیا ہے۔ انہوں نے کہا کہ سات سالہ واکا لکشمی پرگنیکا جیسے باصلاحیت بچوں کی وجہ سے ہی ہندوستان کو عالمی سطح پر شطرنج کا پاور ہاؤس سمجھا جاتا ہے۔ اجے راج اور محمد سیدن پی، جنہوں نے اپنی بہادری اور ذہانت سے دوسروں کی جان بچائی، وہ تمام تعریف کے مستحق ہیں۔ نو سالہ بیٹی ویوما پریا اور گیارہ سالہ بہادر بیٹا کملیش کمار اپنی ہمت سے دوسروں کی جان بچاتے ہوئے اپنی جانیں گنوا بیٹھے۔ دس سالہ شراون سنگھ، آپریشن سندور کے دوران جنگ سے منسلک خطرات کے درمیان، اپنے گھر کے قریب سرحد پر تعینات ہندوستانی فوجیوں کو پانی، دودھ اور لسی باقاعدگی سے پہنچاتا تھا۔ جبکہ معذور بیٹی شیوانی ہوسورو اپارا نے معاشی اور جسمانی حدود کو عبور کرتے ہوئے کھیلوں کی دنیا میں غیر معمولی کامیابیاں حاصل کی ہیں۔ ویبھو سوریاونشی نے کرکٹ کی انتہائی مسابقتی اور ٹیلنٹ سے بھرپور دنیا میں اپنا نام بنایا ہے اور بہت سے ریکارڈ قائم کیے ہیں۔ انہوں نے یقین ظاہر کیا کہ ان جیسے بہادر اور باصلاحیت بچے اچھے کام کرتے رہیں گے اور ہندوستان کا مستقبل روشن بنائیں گے۔

Please click here to see the President's Speech-

ش ح۔ ا م ۔ ش ب ن

Uno-3931