প্রধানমন্ত্রীগী লোইশঙ
প্রধান মন্ত্রী ইথোপীয়াগী খ্বাইদগী চাউবা মনা ফংলে
प्रविष्टि तिथि:
16 DEC 2025 11:19PM by PIB Imphal
প্রধান মন্ত্রী শ্রী নরেন্দ্র মোদী দিশেম্বর ১৬-১৭,২০২৫ দগী লৈবাক অনিগী মহাক্কী অহানবা খোঙচৎ ওইনা ইথোপীয়াদা লৈরি। ঙসি অদিস অবাবা ইন্তরনেসনেল কনভেন্সন সেন্তরদা পাংথোকপা অখন্নবা ওইকপগী থৌরম অমদা, ইথোপীয়াগী প্রধান মন্ত্রী দোক্তর অবিয় অহমদনা প্রধান মন্ত্রী শ্রী নরেন্দ্র মোদীদা ইথোপীয়াগী খ্বাইদগী চাউবা মনা ‘গ্রেত ওনর নিসান ওফ ইথোপীয়া’ পীখ্রে, মসিনা ভারত-ইথোপীয়াগী মরীশিং ফগৎনবা মহাক্না পাংথোকখিবা অখন্নবা থবকশিং অমসুং মালেমগী লুচিংবা অমনা ওইনা মীৎয়েং শানবা মহাক্কী লুচিংবগী থবকশিংগীদমক পীবনি।
থৌরম অদুদা ৱা ঙাংবদা, প্রধান মন্ত্রী মোদীনা হায়খি মদুদি মালেমগী খ্বাইদগী লিরবা সভেত্য অমদগী মনা অসি ফংবা অসি ইকায়খুম্নবা অমনি অমসুং মনা অসিগীদমক মহাক্না নোল্লুকপা অমসুং তৌবীমল খঙবা উৎখি। মনা অসিগীদমক প্রধান মন্ত্রীনা ইথোপীয়াগী প্রধান মন্ত্রী দোক্তর অবিয় অমসুং ইথোপীয়াগী মীয়ামদা ইকায়খুম্নবা উৎখি। লৈবাক্কী অপুনবা শক্তম, তুংকোইনা চৎনবা য়াবা অমসুং কাংলুপ খুদিংমক কোনশিনবা চাউখৎ-থৌরাংগীদমক মহাক্না পায়খৎলিবা থবকশিংগী প্রধান মন্ত্রী মোদীনা ইথোপীয়াগী প্রধান মন্ত্রী থাগৎপা ফোঙদোকখি। লৈবাক অমা শেমগৎপদা লৌশিংগী মরুওইবা পল্লদুনা, প্রধান মন্ত্রী মোদীনা হায়খি মদুদি চহি ১০০ হেন্না ভারতকী ওজাশিংনা ইথোপীয়াগী চাউখৎপদা মতেং পাংবা ঙম্বা অসি ভারতকী ওজাশিংগী লাইবক ফবা অমনি।
চহি কয়া লৈবাক অনিগী মরীশিং য়োকখৎতুনা লাকখিবা ভারতমচাশিং অমসুং ইথোপীয়ামচাশিংদা মনা অসি প্রধান মন্ত্রীনা কৎথোকখি অমসুং মনা অসিগীদমক ভারতমচা বিল্লিয়ন ১.৪ গী মহুৎশীন্দুনা তৌবীমল খঙবা উৎখি। ভারত অমসুং ইথোপীয়াগী মরক্ত লৈনরিবা অচেৎপা মরী অমসুং গ্লোবেল সাউথকী অফবা পান্দমশিং মখা তানা পুখৎপগীদমক মনা অসি পীবনি।
***
(रिलीज़ आईडी: 2205077)
आगंतुक पटल : 10