ঙসি প্রধান মন্ত্রী শ্রী নরেন্দ্র মোদীনা লুচিংবা কেবিনেত কম্মিতি ওন ইকোনোমিক এফেয়ার্সনা উদ্যোগশিংদা কয়লা শীজিন্ননবা অমসুং মপান্দা থাদোক্নবা এন.আর.এস লিঙ্কেজ পোলিসিদা নিলাল লাওনবা “কোএলসেতু ৱিন্দো” কৌবা অনৌবা ৱিন্দো অমা শেমদুনা কোএল লিঙ্কেজ ফোর সিমলেস, ইফিসিয়েন্ত এন্দ ত্রান্সপরেন্ত য়ুতিলাইজেসন (কোএলসেতু) থৌশিল অয়াবা পীরে।

এন.আর.এস (নন-রিগুলেতেদ সেক্তর) লিঙ্কেজ ওক্সন পোলিসি ২০১৬ দা কোএলসেতু কৌবা অনৌবা ৱিন্দো অমা হাপচিন্দুনা উদ্যোগশিংদা কয়লা শীজিন্ননবা অমসুং মপান্দা থাদোক্নবা নিলাম লাওনবা কোএল লিঙ্কেজগী এল্লোকেসন থৌশিল অসিনা অয়াবা পীরে অমসুং লিঙ্কেজ ওক্সন অসিদা কয়লা দরকার ওইবা লৈবাক অসিগী মীওই অমা হেক্ত শরুক য়াবা য়ারে। ৱিন্দো অসিদা কোকিং কোএল পীরোই।

কোএল লিঙ্কেজগী নিলাম লাওনবা হৌজিক লৈরিবা থৌশিল অসিনা সিমেন্ত, ষ্টিল (কোকিং), স্পোঞ্জ আইরন, এলুমিনিয়ম অমসুং অতোপ্পশিং (য়ুরিয়া হার য়াওদনা) মখোয়গী কেপতিপ পৱার প্লান্তশিং য়াওনা নৌনা কোএল লিঙ্কেজ য়ারে। এন.আর.এস লিঙ্কেজগী হৌজিক চৎনরিবা থৌশিলগী মতুংইন্না, সব-সেক্তরশিং অসি অকক্নবা শীজিন্নগদৌরিবা মীওইশিং খক্তগী ওইরগনি।

ললোন-ইতিক লাইনা পাংথোকপা য়ানবা পান্দমশিংগীদমক অমসুং কয়লা রিজার্বশিং শীজিন্নবা য়াংখৎনবা অমসুং লৈবাক অসিগী দরকার ওইবা ইনর্জি ফংনবা মপান্দগী পুশিল্লকপা হন্থহন্নবা, এন.আর.এসতা কয়লা ফংহনবগী হৌজিক লৈরিবা থবকশিং অমুক হন্না নৌনা য়েংশিনবা দরকার ওইরে অমসুং শীজিন্নগদৌরিবা মীওই অদুগী অথিংবা অমতা লৈতনা কয়লা শীজিন্নবা মীওইশিংদা এন.আর.এস লিঙ্কেজ ফংহল্লে। শেন ফংনবা কয়লা পেকপগী থবক হাংদোকখিবগা লোয়ননা, মসিনা কয়লাগী ব্লোকশিং অথিংবা অমতা লৈতনা মীওই খুদিংমক্ত ফংহনবদা অয়াবা পীরে, মসিগী থৌশিল অসিনা মতম শাংনা উদ্যোগশিংগী শীজিন্ননবা অমসুং মপান্দা থাদোক্নবা নিলাম লাওদুনা কোএল লিঙ্কেজ ফংহন্নবা থবক শেমদোক্লে। ৱিন্দো অসিদা ললোনবা মীওইশিং শরুক য়াবা য়ারোই।

এন.আর.এস (নন-রিগুলেতেদ সেক্তর) দা অকক্নবা শীজিন্নগদৌরিবা মীওইশিংগী সব-সেক্তরদা কোএল লিঙ্কেজগী হৌজিক নিলাম লাওবা অসি মখা চৎথগনি। ৱিন্দো অসিদা অকক্নবা শীজিন্নগদৌরিবা মীওইশিং শরুক য়াবা য়াগনি।

ৱিন্দো অসিগী মখাদা কোএল লিঙ্কেজ ফংলিবা অদু মশাগী শীজিন্ননবা, মপান্দা থাদোক্নবা নত্ত্রগা অতোপ্পা হিরমদা শীজিন্ননবা (কয়লা চামথোকপা য়াওনা) হিরমদা ওইগনি। কোএল লিঙ্কেজ হোলদরশিংনা মখোয়গী কোএল লিঙ্কেজগী মশিংগী চাদা ৫০ ফাওবা মপান্দা থাদোকপা য়াগনি। মসিগী গ্রুপ কম্পেনিশিংগী মরক্ত মখোয়গী দরকার ওইবা মতুংইন্না ৱিন্দো অসিগী মখাদা কোএল লিঙ্কেজ হোলদরশিংনা কয়লা শীজিন্নবদা হোংদোক-হোংজিন তৌবা য়াগনি। চামথোক্লবা কয়লা দরকার ওইবা হেনগৎলক্লে হায়না লৌরসি, ৱাসরি ওপরেতরশিংগী কোএল লিঙ্কেজশিংনা লৈবাক অসিদা চামথোক্লবা কয়লা ফংবা হেনগৎহনগনি অমসুং মপান্দা থাদোকপা হন্থহনগনি। মখা তানা, চামথোক্লবা কয়লা লৈবাক অসিগী মপান্দা ফংহনগনি অমসুং মরম অদুনা, চামথোক্লবা কয়লা মপান্দা থাদোক্নবা শীজিন্নবা য়াগনি।

***