প্রধানমন্ত্রীগী চীফ সেক্রতরী দা. পি.কে. মিশ্রানা ঙসি ইন্দিয়ন ইন্সতিত্যুত ওফ তেক্নোলোজী(ইন্দিয়ন স্কুল ওফ মাইন্স), ধনৱাদকী সেন্তিনরী ফাউন্দেসন ৱীক্তা হৌদোক ৱারোল থমখ্রে।  ওজাশিং, মহৈরোয়শিং, হান্নগী মহৈরোয়শিং অমসুং অখন্নবা মীথুংলেনশিংগা ৱারী শান্নরদুনা দা. মিশ্রানা 2047 ফাওবদা বিকসিত ভারত ওইনবা ভারতকী খোংচৎ অসিদা আই.আই.তি. ধনৱাদগী মরুওইবা থৌদাং অসিদা হেন্না কনশিন্নবা হায়খ্রে।

দা. পি.কে. মিশ্রা অসি হন্দক্কী চহী হৌরকপদা আই.আই.তি.(আই.এস.এম.) ) ধনৱাদতগী দোক্তর ওফ ফিলোজোফীগী মনা পীদুনা ইকাই খুম্নখিবনি।  

ইন্সতিত্যুত অসিগী চহী 100 শুবা পাংথোকপা অসিদা য়াওজবা ফংবা অসিদা হরাওবা ফোংদোক্লদুনা মাইনিং, ইনর্জী, আর্থ সাইন্স অমসুং এপ্লাইদ ইজ্ঞীনিয়রিংদা মসিনা লৌরিবা থৌদাং অসিদা য়েংলগা দা. মিশ্রানা নিংশিংহনখি মদুদি আই.আই.তি. ধনৱাদ এশিয়াদা মাইনিংগী এজুকেসন্দা মাংজিল থারি অমসুং মসিনা কোল ইন্দিয়া, ও.এন.জি.সি., জি.এস.আই., সি.এম.পি.দি.ওই. অমসুং এন.তি.পি.সি.গুম্লবা নেস্নেল ইন্সতিত্যুতশিংগী লেপ্তনা লময়ানবা অমা ওইদুনা লাক্লি। মহাক্না হায়খি মদুদি রিসর্স তৌবদা ফংলকপশিং অদুনা খনি ঙাক-শেনবা, কোয়লা শুংবদা, থাওঅমসুং গ্যাস অমদি খনি অসি কান্নগদবা মওংদা ওইহন্নবা নেস্নেল স্তেন্দর্দ অসি মওং-মরিল তাহল্লি।                                 দা. মিশ্রানা হায়খি, “সেন্তিনরি অমা হায়বসি শুপ্নতগী মায় পাকপগী মিংচৎ উরোং অমখক খিনবদু নত্তে, মসিনা ৱাখল-লৌশিং অসি ফগদবা মওংদা শীজিন্নদুনা খুন্নাইদা ফংহল্লিবা মহৈশিং অসি মীয়ামগী য়াইফনবা ওইহল্লবদি অচেৎপা ৱাশক অসিদগী করি ফংলকপা য়াবগে।” মহাক্না ইন্সতিত্যুত অসিদগী ভারতকী চাউখৎপা লৈবাক অমা ওইহন্নবগী মতম শাংলবা ভিজন অসি হেন্না খুমাং চাউশিলহন্নবদা লৌখিবা থৌদাং অদু উহন্নবা হায়খি।  

প্রধানমন্ত্রীগী  2047 কী ভারতকী ভিজন অদুদা মঙাল তাহল্লদুনা দা. মিশ্রানা  ফোংদোকখি মদুদি ঐখোয়গী পান্দম অসি মহৌশাগী খুৎশেম অমসুং নাৎকী মরক্তা লৈরিবা মান্নবা খল অসি লৈহন্নবগীদমক্তা চাউখৎপা লৈবাক অমগী মিংথোল ফংবা অমসুং সইন্স অমসুং তেক্নোলোজীগী লমদা লৈবাক শিনবা থুংবদা মাংজিল থাবনি। মহাক্না হায়খি মদুদি  ভারত অসি হীরম খুদিংদা মীপাল তাংদবা ওইগনি, নুপীশিংনা চাউখৎপগী ৱারী অসি মখা চত্থহনগনি, শেন্মীৎলোন অসি পুন্না চৎমিন্নবগী মওং অসি হেন্না নৌথোকহল্লগনি অমদি লৈবাক অসিগী মপুন্সি অসি মীওৎ-মীনৈ, জাৎ-বীজাৎ খায়বা অমসুং কাংলুপ মশেল মুক্নবগী মফম অমত্তা লৈরোই।

হৌখিবা চহী 11 দা ভারতকী শেন্মীৎলোম হেনগৎলকপগী মতাংদা হায়রদুনা প্রধানমন্ত্রীগী চীফ সেক্রতরীনা প্রধানমন্ত্রীগী ভিজন অসি ইনোভেতিব অমসুং রিইনভেন্সন্দা য়ুম্ফম ওই হায়না ফোংদোকখি। মহাক্না ভিজন অসিগী য়ুম্বী মখোং মরীগী মতাংদা হায়খি: হীদান্নবা অসি হেনগৎহন্নবা তেক্নোলোজীগী কান্নবা ফংনবা, মালেমগী শিংনবশিং অসি মায়োক্ননবা অমসুং অরোইবা পন্থুংফাওবা কান্নবা ফংহন্নবগী গরেন্তী লৈহনবনি।  মহাক্না মসি য়াজখি মদুদি মালেম শিন-থুংবগী লায়না, লল্লোন-ইতিক্কী লান, জিওপোলিতিকেল তেন্সন, ঈশিং-নুংশীৎকী ফীভম হোংবা, সপ্লাই চেনগী অপনবশিংদা থক-খা হায়খি। অদুম ওইনমক মহাক্না ভারতকী মপাঙ্গল কনখৎহন্নবা পল্লদুনা লৈরিবা শেনবা চহী অসিগী অনিশুবা থা অহুমদা জি.দি.পি. দা চাদা 8.2 হেনগৎখিবগী খুদম পীখি। মহাক্না হায়খি, “অকক্নবা লৈতবা মরকসিদা ভারতনা অমৃত মতমদা থৌনা অমসুং থাজবগা লোয়ননা খুমাং চাউশিল্লি।”

দা. মিশ্রানা তুংলমচৎ অসি শেম্বদা  তেক্নোলোজীগী অওনবা পুরক্কদবা রোলদা লুম্না লৌখি। স্মার্তফোন অমসুং বিগ দেতাদগী হৌরগা রোবোতিক্স অমসুং আর্তিফিসিএল ইন্তলিজেন্স ফাওবা, মহাক্না হায়খি অওনবা অসি মফম খুদিংদা পুরক্লি। মহাক্না হায়খি মদুদি ভারত্তগী 100 দগী হেবা য়ুনিকোর্ন অমসুং স্তার্পঅপ ইন্তর্প্রাইজেজ লাখ অনিদগী হেনবগা লোয়ননা গ্লোভেল ইনোভেতিব পাৱরহাউস ওইনা থোরক্তুনা মালেম অসিগী খ্বাইদগী চাউবা অহুমশুবা স্তার্তঅপ ইকোসিস্তেম ওইরে। মহাক্না ইনোভেসন্দা লৈরিবা অহোবশিং অসি লৈহন্দনবা সরকারগী থৌরাংশিং অসিদা হেন্ন লুম্না লৌখি, মসিদা মরুওইবা রিসর্স অমসুং প্রোতোতাইপকীদমক্তা লুপা করোর লাখ 1 গী অনুসন্ধান নেস্নেল রিসর্স ফন্দ, আর্তিফিসিএল ইন্তলিজেন্সতা লিদরশিপ ওইহন্নবগীদমক্তা ইন্দিয়া-এ.আই. মিশন অমসুং অওনবা পুরক্কদবা স্তার্তঅপ ইন্তরপ্রাইজেজশিং ঙাক্লৌ পীনবগীদমক্তা মরুওইবা দীপ তেক ফন্দ ওফ ফন্দশিং য়াওরি। মহাক্না মসিসু ফোংদোকখি মদুদি, “মসি তুংলমচৎকীদমক্তা শেম্লবা ইনোভেতিব ইকোসিস্তেম ওইহন্নবগী মায়কৈরোমদা খোং থাংজিনবা হৌবনি।”

প্রধানমন্ত্রীগী “4 এস.” কী মন্ত্র স্কোপ, স্কেল, স্পীদ অমসুং স্কীল অসি লৈঙাক অসি লমজিংনবগী পথাপ ওইনা হায়রদুনা দা. মিশ্রানা আয়ুযমান ভারত, দিজিতেল ইন্দিয়া, য়ু.পি.আই. অমসুং মিশন কর্ময়োগীগুম্বা য়ুখল অমগী ওইবা থৌরাংশিংগী খুদম পীরদুনা মতৌ করম্না তেক্নোলোজী অমসুং ভেল্যুশিংনা পুন্না চাউখৎমিন্নবা, সিতিজেন সেন্ত্রিক সর্বিস অসি পাংথোকপা ঙমহল্লিবনি হায়খি। মহাক্না হায়খি মদুদি আধার, কো-বিন অমসুং নেস্নেল দিজিতেল এজুকেসন আর্কতেকচরগুম্বা প্লেতফোর্ম অসিনা ইনক্লুসিব অসি মঙমগা লোয়ননা লৈহল্লিবনো হায়খি। “মরুওইনা চাউখৎলক্লিবা লৈবাক কয়াদা হৌজিক ভারত অসি মালেম ওইনা উনরি হায়না ফোংদোকখি। দা. মিশ্রানা হায়খি, বন্ধু অসি থাজবা য়ানা চৎমিন্নবা য়াবা অনৌবা মঙম অসি সভ্যতাগী ৱাখল্লোনগা লোয়ননা চানহনবনি।” মহাক্না নেস্নেল ক্বান্তম মিশন চন্দ্রয়ান-3 অমসুং আদিত্য এল-1 গুম্লবা স্পেসকী মায় পাকপশিং, নেস্নেল গ্রীন হাইদ্রোজেন মিশন্দা গীগাৱাত 200 দগী হেনবা রিন্যুএবল ইনর্জী কেপাসিতী অমসুং সাইন্তিফিক এক্সপ্লোরেসনগী ওইনা ইরমগী সবমর্সিবল শারিবা দীপ ওশীন মিশনগুম্লবা মাংজিল থারিবা সেক্তরশিংদা চাউখৎলক্লিবশিংদসু ইঙ্গিৎ পীখি।  

দা. মিশ্রানা মতাং অসিদা  আই.আই.তি. ধনৱাদগী মরুওইবা থৌদাংদা কন্না হায়খি।  মোদর্ন লেব, সুপরকম্প্যুতিং ক্লস্তর, সিস্মিক ওবজর্বেতরী অমসুং ইনক্যুবেসন ইকোসিস্তেম হেনগৎহন্নবগা লোয়ননা মসি ইন্সতিত্যুত অসি লৈবাক অসিগী মথৌতাবশিংদা তেংবাং পীনবগীদমক্তা হেন্না ফবা ফীভমদা লৈরি। মহাক্না হায়খি মদুদি নেস্নেল ক্রিতিকেল মিনরেল মিশনগী মখাদা লময়ানবা সেন্তর(সেন্তর ফোর এক্সেলেন্স) ওইনা মসিগী মমিং ফংবা, ভারতকী ক্তিতিকেল মিনরেল স্ত্রেতিজী শেম্বদা মসিগী মঙম অসি লৈবাক অসিনা থাজবিরি। মহাক্না ইন্সতিত্যুত অসিদগী ঈশিং-নুংশিৎ, মিনরেলশিং, ইনর্জী ত্রাজ্ঞিসন, মেতরিএল অমসুং এদভান্স মেনুফেকচরিংদা ৱাখল চিংশিন্নবা অমসুং রিসর্সতা , মীশিংগী য়াইফনবা তৌনবা অপীল তৌখি। মহাক্না মহৈরোয়শিংদা পাওতাক পীরদুনা, “তেক্নিকেল স্কীল অসি মথৌবুদি তাই অদুবু মসিনা মপুং ফাবদি নত্তে। মীওইবগী ৱাখল্লোন, তীমৱর্ক, নোল্লুকপা অমসুং ইথিক্স অসিসু য়াম্না মরুওই।” মহাক্না কন্না হায়খি মদুদি লৈবাক অসিগী পান্দমশিং অসি ফংনবগীদমক্তা পুন্না হোৎনমিন্নবা, নুং-পাল শেংবা অমসুং মান্নবা চংই।

দা. মিশ্রানা অরোইবদা হায়খি মদুদি আই.আই.তি. ধনৱাদকী অনিশুবা চহী চা অসিগী মতমদা ভারত্তা ময়েক শেংবা মায়কৈরোমদা অমসুং মদুগী লম্বীদুদা খুমাং চাওশিন্নবা আর্কিতেকচর লৈরবা মতমসিদা অসিগুম্বা থৌরাং অসি লৌখৎলি। মহাক্না হায়খি, “ইন্সতিত্যুতকী ওইবা শক্তি অমসুং বিকসিত ভারত 2047 গী লৈবাক্কী পান্দমশিংগী মরক্তা চপ চানা চান্নরি। মথংগী চহী  25 ফাওবা মসি লেপথোক্কনি মদুদি ভারত অসি য়াম্না মতিক চাবা, চাউথোকচনিংঙাই ওইবা অমসুং মান্নবদা য়ুম্ফম ওইবা লৈবাক ওইহন্নবগীদমক্তা গ্যান, তেক্নোলোজী অমসুং মীওইবগী অপুনবা লিপুনবু মতৌ করম্না শীজিন্নবগে।” মহাক্না ইন্সতিত্যুতকী দিরেক্তর প্রো. সুকুমার মিশ্রা অমসুং ওর্গনাইজিং তীম্বু পল্লদুনা মহাকপু থৌরম হৌদোক্নবগী তাজ্ঞা পীবিবগীদমক্তা থাগৎপা ফোংদোকখি অমসুং ওজাশিং, মহৈরোয়শিং অমসুং হান্নগী মহৈরোয়শিংদা তুংগীদমক্তা য়াইফ-পাওজেল পীখি।  

***