ಭಾರತೀಯ ಅಂತಾರಾಷ್ಟ್ರೀಯ ಚಲನಚಿತ್ರೋತ್ಸವದಲ್ಲಿ (ಐ ಎಫ್ ಎಫ್ ಐ)ನಲ್ಲಿ ಇಂದು ಅಂತಾರಾಷ್ಟ್ರೀಯ ಸ್ಪರ್ಧಾ ತೀರ್ಪುಗಾರರು ಸುದ್ದಿಗೋಷ್ಠಿಯನ್ನು ನಡೆಸಿದರು, ಜಾಗತಿಕ ಚಲನಚಿತ್ರ ಭ್ರಾತೃತ್ವದ ಗೌರವಾನ್ವಿತ ಸದಸ್ಯರು ಹಾಜರಿದ್ದರು. ಈ ವರ್ಷ, ಸ್ಪರ್ಧೆಯಲ್ಲಿ 3 ಭಾರತೀಯ ಚಲನಚಿತ್ರಗಳು ಸೇರಿದಂತೆ 15 ಚಲನಚಿತ್ರ ಸ್ಪರ್ಧೆಯಲ್ಲಿವೆ. ಸಮಿತಿಯ ಅಧ್ಯಕ್ಷತೆಯನ್ನು ಪ್ರಸಿದ್ಧ ಚಲನಚಿತ್ರ ನಿರ್ಮಾಪಕ ರಾಕೇಶ್ ಓಂಪ್ರಕಾಶ್ ಮೆಹ್ರಾ ವಹಿಸಿದ್ದರು, ಜೊತೆಗೆ ತೀರ್ಪುಗಾರರ ಸದಸ್ಯರು ಯು ಎಸ್ ಎ ಯ ಸಂಪಾದಕ ಮತ್ತು ನಿರ್ದೇಶಕಿ ಗ್ರೇಮ್ ಕ್ಲಿಫರ್ಡ್; ಜರ್ಮನ್ ನಟಿ ಕ್ಯಾಥರೀನಾ ಷುಟ್ಲರ್; ಶ್ರೀಲಂಕಾದ ಚಲನಚಿತ್ರ ನಿರ್ಮಾಪಕ ಚಂದ್ರನ್ ರುಟ್ನಮ್; ಮತ್ತು ಛಾಯಾಗ್ರಾಹಕ ರೆಮಿ ಅಡೆಫರಾಸಿನ್ ವಹಿಸಿದ್ದರು

ವೈವಿಧ್ಯತೆ ಮತ್ತು ಮಕ್ಕಳ ಕೇಂದ್ರಿತ ಕಥೆಗಳಿಗೆ ತೀರ್ಪುಗಾರರ ಶ್ಲಾಘನೆ

ತಮ್ಮ ಆರಂಭಿಕ ನುಡಿಗಳಲ್ಲಿ, ರಾಕೇಶ್ ಓಂಪ್ರಕಾಶ್ ಮೆಹ್ರಾ ಅವರು ಈ ಕಾರ್ಯಕ್ರಮವನ್ನು ಆಯೋಜಿಸಿದ್ದಕ್ಕಾಗಿ ಉತ್ಸವದ ಅಧಿಕಾರಿಗಳಿಗೆ ಕೃತಜ್ಞತೆಗಳನ್ನು ಸಲ್ಲಿಸಿದರು ಮತ್ತು ಹೆಚ್ಚು ಅರ್ಹವಾದ ಅಂತಾರಾಷ್ಟ್ರೀಯ ತೀರ್ಪುಗಾರರಿಂದ ಕಲಿಯುವ ಅವಕಾಶವನ್ನು ಪ್ರಸ್ತಾಪಿಸಿದರು. ಸ್ಪರ್ಧೆಯಲ್ಲಿರುವ ಚಲನಚಿತ್ರಗಳ ಕುರಿತು ಮಾತನಾಡುತ್ತಾ, ಪ್ರಪಂಚದಾದ್ಯಂತದ ಬಂದಿರುವ ಚಿತ್ರಗಳ ಸ್ವಂತಿಕೆ ಮತ್ತು ವೈವಿಧ್ಯತೆಯ ಬಗ್ಗೆ ಅವರು ಮಾತನಾಡಿದರು, ಪ್ರತಿಯೊಂದು ಚಲನಚಿತ್ರವು ವಿಶಿಷ್ಟ ದೃಶ್ಯ ಮತ್ತು ನಿರೂಪಣಾ ಶೈಲಿಯೊಂದಿಗೆ ಹೇಗೆ ಎದ್ದು ಕಾಣುತ್ತದೆ ಎಂಬುದನ್ನು ವಿವರಿಸಿದರು.

ಮಾಧ್ಯಮ ಸಂವಾದದ ಸಮಯದಲ್ಲಿ, ರಾಕೇಶ್ ಓಂಪ್ರಕಾಶ್ ಮೆಹ್ರಾ ಅವರು ಸಿನೆಮಾ ಜೀವನವನ್ನು ಪ್ರತಿಬಿಂಬಿಸುತ್ತದೆ, ವಿಶೇಷವಾಗಿ ಮಕ್ಕಳನ್ನು ಕಥೆ ಹೇಳುವಲ್ಲಿ ಕೇಂದ್ರ ವ್ಯಕ್ತಿಗಳು ಮತ್ತು ರಾಯಭಾರಿಗಳಾಗಿ ಎತ್ತಿ ತೋರಿಸಲಾಗಿದೆ ಎಂದರು. ಸಿನೆಮಾದಲ್ಲಿ ಎಐವಿಷಯದ ಕುರಿತು, ತಂತ್ರಜ್ಞಾನವು ಭವಿಷ್ಯದಲ್ಲಿ ತೀರ್ಪುಗಾರರ ಪ್ರಕ್ರಿಯೆಗಳ ಮೇಲೆ ಪ್ರಭಾವ ಬೀರಬಹುದಾದರೂ, ಕೃತಕ ಬುದ್ಧಿಮತ್ತೆ ಮಾನವ ಭಾವನೆಗಳನ್ನು ಪುನರಾವರ್ತಿಸಲು ಸಾಧ್ಯವಿಲ್ಲ, ಅದು ಚಲನಚಿತ್ರ ನಿರ್ಮಾಣದ ಕೇಂದ್ರಬಿಂದುವಾಗಿದೆ ಎಂದರು.

ಗ್ರೇಮ್ ಕ್ಲಿಫರ್ಡ್, ಚಲನಚಿತ್ರೋತ್ಸವದ ಉದ್ಘಾಟನಾ ಮೆರವಣಿಗೆ ಮತ್ತು ಚಲನಚಿತ್ರಗಳ ವೈವಿಧ್ಯತೆಯನ್ನು ಶ್ಲಾಘಿಸಿದರು, ಪ್ರಮುಖ  ಒಟಿಟಿ ವೇದಿಕೆಗಳಿಗಿಂತ ಹೆಚ್ಚಾಗಿ ಸ್ವತಂತ್ರ ಚಲನಚಿತ್ರ ನಿರ್ಮಾಪಕರಿಂದ ಅನೇಕ ಚಿತ್ರಗಳು ಬಂದಿವೆ ಎಂದು ಒತ್ತಿ ಹೇಳಿದರು. ಅವರು ಸಿನಿಮಾದ ಭವಿಷ್ಯಕ್ಕಾಗಿ ಸ್ವಂತಿಕೆಯ ಮಹತ್ವವನ್ನು ಗಮನಿಸಿದರು ಮತ್ತು ಜಾಗತಿಕ ಸಾಮಾಜಿಕ ಸವಾಲುಗಳನ್ನು ಪ್ರತಿಬಿಂಬಿಸುವ ಮಕ್ಕಳ ಸಮಸ್ಯೆಗಳನ್ನು ಪರಿಹರಿಸುವ ಹಲವಾರು ಚಲನಚಿತ್ರಗಳನ್ನು ಪ್ರಮುಖವಾಗಿ ಪ್ರಸ್ತಾಪಿಸಿದರು.

ಕ್ಯಾಥರೀನಾ ಷುಟ್ಲರ್ ತೀರ್ಪುಗಾರರ ಭಾಗವಾಗಿರುವುದಕ್ಕೆ ಕೃತಜ್ಞತೆಯನ್ನು ಸಲ್ಲಿಸಿದರು, ಪ್ರದರ್ಶಿಸಲಾದ ಚಲನಚಿತ್ರಗಳ ವೈವಿಧ್ಯತೆ ಮತ್ತು ಚಲನಚಿತ್ರ ನಿರ್ಮಾಪಕರಿಗೆ ಉತ್ಸವದ ಬೆಂಬಲವನ್ನು ಶ್ಲಾಘಿಸಿದರು. ಚಲನಚಿತ್ರ ನಿರ್ಮಾಣದ ತಾಂತ್ರಿಕ ಮತ್ತು ಕಲಾತ್ಮಕ ಅಂಶಗಳೆರಡರ ಬಗ್ಗೆಯೂ ಅಮೂಲ್ಯವಾದ ಒಳನೋಟಗಳನ್ನು ನೀಡಿದ ಉತ್ಸವದ ಮಾಸ್ಟರ್‌ಕ್ಲಾಸ್‌ಗಳನ್ನು ಸಹ ಅವರು ಶ್ಲಾಘಿಸಿದರು.

ಆಯ್ಕೆ ಪ್ರಕ್ರಿಯೆ ಸವಾಲಿನದ್ದಾಗಿದೆ ಎಂಬುದನ್ನು ಕಂಡುಕೊಂಡ ತೀರ್ಪುಗಾರರು

ಉತ್ತಮ ಚಲನಚಿತ್ರಗಳನ್ನು ಆಯ್ಕೆ ಮಾಡುವ ಪ್ರಕ್ರಿಯೆಯು ಹೆಚ್ಚು ಪ್ರತಿಫಲದಾಯಕವಾಗಿದೆ ಎಂದು ಚಂದ್ರನ್ ರುಟ್ನಮ್ ಹಂಚಿಕೊಂಡರು. ಚರ್ಚೆಗಳು ಕೆಲವೊಮ್ಮೆ ಭಿನ್ನಾಭಿಪ್ರಾಯದ ಹಂತಗಳನ್ನು ತಲುಪಿದರೂ, ತೀರ್ಪುಗಾರರು ಅಂತಿಮವಾಗಿ ನ್ಯಾಯಯುತ ಮತ್ತು ಒಪ್ಪಿತ ನಿರ್ಧಾರಗಳಿಗೆ ಬಂದರು

ರೆಮಿ ಅಡೆಫರಾಸಿನ್ ಈ ಉತ್ಸವವನ್ನು "ಅದ್ಭುತ" ಎಂದು ಬಣ್ಣಿಸಿದರು ಮತ್ತು ಪ್ರತಿಯೊಂದು ಚಿತ್ರವು ತನ್ನದೇ ಆದ ರೀತಿಯಲ್ಲಿ ಗಮನಾರ್ಹವಾಗಿದ್ದರಿಂದ ಒಂದೇ ಒಂದು ಎದ್ದುಕಾಣುವ ಚಿತ್ರವನ್ನು ಆಯ್ಕೆ ಮಾಡುವ ಸವಾಲನ್ನು ಒಪ್ಪಿಕೊಂಡರು. ಭವಿಷ್ಯದಲ್ಲಿ ಭಾರತದಲ್ಲಿ ಚಲನಚಿತ್ರವನ್ನು ಚಿತ್ರೀಕರಿಸುವ ಬಯಕೆಯನ್ನು ಅವರು ವ್ಯಕ್ತಪಡಿಸಿದರು

ಚಲನಚಿತ್ರ ನಿರ್ಮಾಣದಲ್ಲಿ ಲಿಂಗ ಸಮಾನತೆ

ಸಿನಿಮಾದಲ್ಲಿ ಮಹಿಳಾ ಪ್ರಾತಿನಿಧ್ಯದ ಕುರಿತು, ಕಳೆದ 4–5 ದಶಕಗಳಲ್ಲಿ ಮಹಿಳೆಯರ ಪಾಲ್ಹೊಳ್ಳುವಿಕೆ ಗಮನಾರ್ಹವಾಗಿ ಹೆಚ್ಚಾಗಿದೆ ಎಂಬುದನ್ನು ತೀರ್ಪುಗಾರರು ಗಮನಿಸಿದರು. ಆದರೂ ಚಲನಚಿತ್ರಗಳನ್ನು ಮೌಲ್ಯಮಾಪನ ಮಾಡುವಾಗ, ಚಲನಚಿತ್ರ ನಿರ್ಮಾಪಕರ ಲಿಂಗಕ್ಕಿಂತ ವಿಷಯದ ಮೇಲೆ ಗಮನ ಕೇಂದ್ರೀಕರಿಸಲಾಗುತ್ತದೆ ಎಂದು ಅವರು ಒತ್ತಿ ಹೇಳಿದರು, ಪುರುಷರು ಮತ್ತು ಮಹಿಳೆಯರು ಸಾಮಾಜಿಕ ಸಮಸ್ಯೆಗಳಿಗೆ ಸಮಾನ ಸಂವೇದನೆಯೊಂದಿಗೆ ಕಥೆ ಹೇಳುವಿಕೆಯನ್ನು ಸಮೀಪಿಸುತ್ತಾರೆ ಎಂಬುದನ್ನು ಒಪ್ಪಿಕೊಂಡರು.

ಸುದ್ಧಿಗೋಷ್ಠಿಯು ಎಲ್ಲಾ ತೀರ್ಪುಗಾರರ ಸದಸ್ಯರು ಅಸಾಧಾರಣ ಕಾರ್ಯಕ್ರಮಕ್ಕಾಗಿ ಉತ್ಸವ ಆಯೋಜಕರಿಗೆ ತಮ್ಮ ಮೆಚ್ಚುಗೆಯನ್ನು ವ್ಯಕ್ತಪಡಿಸುವುದರೊಂದಿಗೆ ಮತ್ತು ಐಎಫ್ ಎಫ್ ಐನ ನಿರಂತರ ಬೆಳವಣಿಗೆ ಮತ್ತು ಜಾಗತಿಕ ಮನ್ನಣೆಗಾಗಿ ತಮ್ಮ ಭರವಸೆಯನ್ನು ಹಂಚಿಕೊಳ್ಳುವುದರೊಂದಿಗೆ ಮುಕ್ತಾಯವಾಯಿತು.

ಸುದ್ದಿಗೋಷ್ಠಿಯ ಲಿಂಕ್

ಐ ಎಫ್ ಎಫ್ ಐ ಕುರಿತು

1952 ರಲ್ಲಿ ಆರಂಭವಾದ ಭಾರತೀಯ ಅಂತಾರಾಷ್ಟ್ರೀಯ ಚಲನಚಿತ್ರೋತ್ಸವ (ಐ ಎಫ್ ಎಫ್ ಐ) ದಕ್ಷಿಣ ಏಷ್ಯಾದ ಅತ್ಯಂತ ಹಳೆಯ ಮತ್ತು ಅತಿದೊಡ್ಡ ಸಿನಿಮಾ ಉತ್ಸವವಾಗಿ ಮುಂಚೂಣಿಯಲ್ಲಿ ನಿಂತಿದೆ. ಭಾರತ ಸರ್ಕಾರದ ವಾರ್ತಾ ಮತ್ತು ಪ್ರಸಾರ ಸಚಿವಾಲಯಡಿ ಬರುವ ರಾಷ್ಟ್ರೀಯ ಚಲನಚಿತ್ರ ಅಭಿವೃದ್ಧಿ ನಿಗಮ (ಎನ್ ಎಫ್ ಡಿ ಸಿ) ಮತ್ತು ಗೋವಾ ರಾಜ್ಯ ಸರ್ಕಾರ, ಗೋವಾ ಮನರಂಜನಾ ಸೊಸೈಟಿ (ಇ ಎಸ್ ಜಿ) ಜಂಟಿಯಾಗಿ ಆಯೋಜಿಸಿರುವ ಈ ಉತ್ಸವವು ಜಾಗತಿಕ ಸಿನಿಮಾದ ಶಕ್ತಿ ಕೇಂದ್ರವಾಗಿ ಬೆಳೆದಿದೆ - ಅಲ್ಲಿ ಪುನಃಸ್ಥಾಪಿಸಲಾದ ಕ್ಲಾಸಿಕ್‌ಗಳು ದಿಟ್ಟ ಪ್ರಯೋಗಗಳನ್ನು ಒಳಗೊಂಡಿವೆ ಮತ್ತು ಕಲಾವಿದ ದಿಗ್ಗಜರು ಭಯವಿಲ್ಲದ ಮೊದಲ ಬಾರಿಗೆ ಬರುವವರೊಂದಿಗೆ ಜಾಗವನ್ನು ಹಂಚಿಕೊಳ್ಳುತ್ತಾರೆ. ಐಎಫ್ ಎಫ್ ಐ ನಿಜವಾಗಿಯೂ ಮಿಂಚುವಂತೆ ಮಾಡುವುದು ಅದರಲ್ಲಿನ ಅಂತಾರಾಷ್ಟ್ರೀಯ ಸ್ಪರ್ಧೆಗಳು, ಸಾಂಸ್ಕೃತಿಕ ಪ್ರದರ್ಶನಗಳು, ಮಾಸ್ಟರ್‌ಕ್ಲಾಸ್‌ಗಳು, ಗೌರವಗಳು ಮೊದಲಾದ ಅದ್ಭುತ ಸಮ್ಮಿಶ್ರಣಗಳು ಮತ್ತು ಅಧಿಕ ಶಕ್ತಿಯ ವೇವ್ಸ್ ಫಿಲ್ಮ್ ಬಜಾರ್, ಅಲ್ಲಿ ಕಲ್ಪನೆಗಳು, ಒಪ್ಪಂದಗಳು ಮತ್ತು ಸಹಯೋಗಗಳು ಹೊಸ ಎತ್ತರಕ್ಕೆ ಏರುತ್ತವೆ. ನವೆಂಬರ್ 20ರಿಂದ 28ರವರೆಗೆ ಗೋವಾದ ಬೆರಗುಗೊಳಿಸುವ ಕರಾವಳಿ ಹಿನ್ನೆಲೆಇರುವ ವೇದಿಕೆಯಲ್ಲಿ ಪ್ರದರ್ಶಿಸಲಾಗುತ್ತಿರುವ 56 ನೇ ಆವೃತ್ತಿಯ ಚಲನಚಿತ್ರೋತ್ಸವದಲ್ಲಿ ನಾನಾ ಭಾಷೆಗಳ, ಪ್ರಕಾರಗಳ, ನಾವೀನ್ಯತೆಗಳ ಮತ್ತು ಧ್ವನಿಗಳ ಬೆರಗುಗೊಳಿಸುವ ವರ್ಣಪಟಲಕ್ಕೆ ಭರವಸೆ ನೀಡುವ ಚಿತ್ರಗಳು ಪ್ರದರ್ಶನಗೊಳ್ಳುತ್ತಿವೆ- ಇದು ಜಾಗತಿಕ ವೇದಿಕೆಯಲ್ಲಿ ಭಾರತದ ಸೃಜನಶೀಲ ಪ್ರತಿಭೆಯ ಸಂಭ್ರಮದ ಆಚರಣೆಯಾಗಿದೆ.

For more information, Click on:

https://www.pib.gov.in/PressReleasePage.aspx?PRID=2191742

https://www.pib.gov.in/PressReleasePage.aspx?PRID=2190381

IFFI Website: https://www.iffigoa.org/

 PIB’s IFFI Microsite: https://www.pib.gov.in/iffi/56new/

PIB IFFIWood Broadcast Channel: https://whatsapp.com/channel/0029VaEiBaML2AU6gnzWOm3F

X Handles: @IFFIGoa, @PIB_India, @PIB_Panaji

*****