#IFFIWood, 27 नोव्‍हेंबर 2025

आंतरराष्ट्रीय स्पर्धेतील ज्युरींनी आज भारतीय आंतरराष्ट्रीय चित्रपट महोत्सव (इफ्फी) मध्ये एक पत्रकार परिषद आयोजित केली, ज्यामध्ये जागतिक चित्रपट क्षेत्रातील मान्यवर उपस्थित होते. या वर्षी स्पर्धेत 15 चित्रपटांच्या प्रवेशिका आल्या होत्या, ज्यात 3 भारतीय चित्रपटांचा समावेश होता. पॅनेलचे अध्यक्षपद प्रसिद्ध चित्रपट निर्माते राकेश ओमप्रकाश मेहरा यांच्याकडे होते, तसेच ज्युरी सदस्यांमध्ये अमेरिकेतील संपादक आणि दिग्दर्शक ग्रॅम क्लिफर्ड; जर्मन अभिनेत्री कॅथरीना शूटलर; श्रीलंकेतील चित्रपट निर्माते चंद्रन रत्नम; आणि छायांकनकार रेमी अदेफारासिन यांचा समावेश होता.

ज्युरींनी वैविध्याचे आणि मुलांवर केंद्रित असलेल्या कथांचे कौतुक केले 

आपल्या प्रास्ताविकात राकेश ओमप्रकाश मेहरा यांनी या कार्यक्रमाचे आयोजन केल्याबद्दल महोत्सव अधिकाऱ्यांचे आभार मानले आणि उच्च पात्रता असलेल्या आंतरराष्ट्रीय ज्युरींकडून मिळालेली शिकण्याची संधी अधोरेखित केली. स्पर्धेतील चित्रपटांबद्दल बोलताना त्यांनी जगभरातील प्रवेशिकांचा अस्सलपणा आणि वैविध्य यावर भाष्य केले. प्रत्येक चित्रपट एका विशिष्ट दृश्य आणि कथात्मक शैलीने कसा वेगळा उभा राहिला हे विशद केले.

माध्यमांशी संवाद साधताना राकेश ओमप्रकाश मेहरा यांनी सांगितले की सिनेमा जीवनाचे प्रतिबिंब दाखवतो, विशेषतः मुलांना कथाकथनात मध्यवर्ती व्यक्तिरेखा आणि राजदूत म्हणून अधोरेखित करून. चित्रपट क्षेत्रात कृत्रिम बुद्धिमत्ता या विषयावर त्यांनी नमूद केले की, भविष्यात तंत्रज्ञान ज्युरी प्रक्रियेवर प्रभाव टाकू शकते, परंतु चित्रपट निर्मितीमध्ये केंद्रस्थानी असणाऱ्या मानवी भावनांची प्रतिकृती

कृत्रिम बुद्धिमत्ता बनवू शकत नाही

ग्रॅमी क्लिफर्ड यांनी महोत्सवाच्या उद्घाटन संचलनाचे आणि चित्रपटांच्या विविधतेचे कौतुक केले, त्यांनी यावर भर दिला की अनेक प्रवेशिका प्रमुख ओटीटी प्लॅटफॉर्मपेक्षा स्वतंत्र चित्रपट निर्मात्यांकडून आल्या आहेत. त्यांनी चित्रपटाच्या भविष्यासाठी अस्सलपणाचे महत्त्व लक्षात घेतले आणि जागतिक सामाजिक आव्हाने प्रतिबिंबित करणाऱ्या मुलांच्या समस्यांकडे लक्ष वेधणारे अनेक चित्रपट अधोरेखित केले.

कॅथरीना शूटलर यांनी ज्युरीचा भाग असल्याबद्दल कृतज्ञता व्यक्त केली, प्रदर्शित केलेल्या चित्रपटांच्या वैविध्याचे आणि चित्रपट निर्मात्यांना महोत्सवाने दिलेल्या पाठिंब्याचे कौतुक केले. चित्रपट निर्मितीच्या तांत्रिक आणि कलात्मक पैलूंबद्दल मौल्यवान अंतर्दृष्टी देणाऱ्या महोत्सवाच्या मास्टरक्लासेसचेही त्यांनी कौतुक केले.

ज्युरींना निवड प्रक्रिया आव्हानात्मक वाटते

चंद्रन रत्नम यांनी सांगितले की सर्वोत्तम चित्रपट निवडण्याची प्रक्रिया अत्यंत फायदेशीर होती. चर्चा कधीकधी मतभेदांपर्यंत पोहोचत असत, तरीही ज्युरी शेवटी निष्पक्षतेवर पोहोचले आणि त्यांनी निर्णयांचा विचार केला.

रेमी अदेफारासिन यांनी या महोत्सवाचे वर्णन "अद्भुत" असे केले आणि एकच उत्कृष्ट चित्रपट निवडण्याचे आव्हान मान्य केले, कारण प्रत्येक प्रवेशिका त्याच्या पद्धतीने उल्लेखनीय होती. त्यांनी भविष्यात भारतात चित्रपट चित्रित करण्याची इच्छा व्यक्त केली.

चित्रपट निर्मितीमध्ये लिंगभाव समानता

चित्रपटसृष्टीतील महिलांच्या प्रतिनिधित्वाबाबत ज्युरींनी असे निरीक्षण नोंदवले की, गेल्या 4-5 दशकांत महिलांचा सहभाग लक्षणीय वाढला आहे. तथापि, त्यांनी यावर भर दिला की चित्रपटांचे मूल्यांकन करताना, चित्रपट निर्मात्याच्या लिंगापेक्षा आशयावर लक्ष केंद्रित केले जाते, हे मान्य करून की पुरुष आणि स्त्रिया सामाजिक समस्यांबद्दल समान संवेदनशीलतेने कथाकथनाकडे पाहतात.

पत्रकार परिषदेचा समारोप सर्व ज्युरी सदस्यांनी या अपवादात्मक कार्यक्रमाबद्दल महोत्सव आयोजकांचे कौतुक करत आणि इफ्फीच्या निरंतर वाढीसाठी आणि जागतिक स्तरावर ओळख मिळावी यासाठी त्यांच्या आशा व्यक्त करून केला.

पत्रकार परिषदेची लिंक:

📡 LIVE NOW

Press Conference with the IC Jury at the PIB Media Centre #IFFI56#IFFIGoa #IFFI2025

Watch now: https://t.co/lBe5QPgJK9

— PIB in Goa 🇮🇳 (@PIB_Panaji) November 27, 2025

इफ्फीविषयी

वर्ष 1952 मध्ये सुरु झालेला भारतीय आंतरराष्ट्रीय चित्रपट महोत्सव (इफ्फी) हा दक्षिण आशियात सर्वप्रथम सुरु झालेला आणि चित्रपटांशी संबंधित असा सर्वात मोठा उत्सव समजला जातो. राष्ट्रीय चित्रपट विकास महामंडळ (एनएफडीसी), केंद्रीय माहिती आणि प्रसारण मंत्रालय, एन्टरटेनमेंट सोसायटी ऑफ गोवा (ईएसजी) ही संस्था तसेच गोवा राज्य सरकार यांच्या संयुक्त विद्यमाने आयोजित होत असलेला हा महोत्सव आता, जेथे पुनर्संचयित अभिजात कलाकृती धाडसी प्रयोगांना सामोऱ्या जातात आणि दिग्गज कलाकार निर्भय नव-कलाकारांसोबत एकत्र येऊन काम करतात, अशा जागतिक चित्रपटीय शक्तीकेंद्राच्या रुपात उदयाला आला आहे. इफ्फीला खऱ्या अर्थाने चमकदार स्वरूप देणारे घटक म्हणजे त्यातील विजेसारख्या तळपणाऱ्या मिश्र आंतरराष्ट्रीय स्पर्धा, सांस्कृतिक सादरीकरणे, मास्टर क्लासेस,श्रद्धांजलीपर उपक्रम तसेच  कल्पना, व्यवहार आणि सहयोगी संबंधांना झेप घेऊ देणारा, चैतन्याने भारलेला वेव्हज चित्रपट बाजार. गोव्यातील जबरदस्त आकर्षक समुद्रकिनाऱ्याच्या पार्श्वभूमीवर, 20 ते 28 नोव्हेंबर दरम्यान होत असलेला महोत्सवाचा 56 वा भाग भाषा, शैली, नवोन्मेष आणि आवाजांचा झळाळता पिसारा घेऊन जागतिक मंचावर भारताच्या सर्जक प्रतिभेचा गुंगवून टाकणारा सोहळा सादर करत आहे.

For more information, Click on:

https://www.pib.gov.in/PressReleasePage.aspx?PRID=2191742

https://www.pib.gov.in/PressReleasePage.aspx?PRID=2190381

IFFI Website: https://www.iffigoa.org/

 PIB’s IFFI Microsite: https://www.pib.gov.in/iffi/56new/

PIB IFFIWood Broadcast Channel: https://whatsapp.com/channel/0029VaEiBaML2AU6gnzWOm3F

X Handles: @IFFIGoa, @PIB_India, @PIB_Panaji

* * *

PIB IFFI CAST AND CREW | सुवर्णा बेडेकर/नंदिनी मथुरे/दर्शना राणे | IFFI 56