ইন্তরনেসনেল ফিল্ম ফেষ্টিবেল ওফ ইন্দিয়া (ইফি) দা ইন্তরনেসনেল কম্পিতিসন জুরি প্রেস কনফরেন্স পাংথোকখ্রে
পীশিল্লকখিবা মালেমগী ফিল্মশিংগী অশেংবা ৱারিশিং অমসুং মখল কয়া জুরিনা থাগৎপা ফোঙদোকখ্রে
মালেমগী থৌদোক-ৱাথোকশিং উৎপা ৱারিশিংদা অঙাংশিংনা মপুং ওইখি
#IFFIWood, 27 November 2025
মালেমগী ফিল্মগী লমদা শক্নাইরবশিং শরুক য়াদুনা, ঙসি ইন্তরনেসনেল ফিল্ম ফেষ্টিবেল ওফ ইন্দিয়া(ইফি) দা ইন্তরনেসনেল কম্পিতিসন জুরি প্রেস কনফরেন্স পাংথোকখ্রে। চহি অসিদা, ভারতকী ফিল্ম অহুম য়াওনা, চাংদম্নবদা ফিল্ম ১৫ থাজিল্লকখি। শক্নাইরবা ফিল্মমেকর রাকেস ওমপ্রকাস মেহরানা লুচিংবা পেনেল অসিদা জুরি মেম্বরশিং ওইনা য়ু.এস.এগী ইদিতর অমসুং দিরেক্তর গ্রেমি ক্লিফোর্দ; জর্মন এক্ত্রেস কথারিনা চুতলার; শ্রী লঙ্কাগী ফিল্মমেকর চন্দ্রন রুতনাম অমসুং সেনিমাতোগ্রাফর রেমি অদেফারাসিন য়াওরি।
মখল কয়া অমসুং অঙাংশিংদা য়ুম্ফম ওইবা ৱারিশিং জুরিনা থাগৎপা ফোঙদোকখ্রে
মহাক্কী থৌদোকপগী ৱারোলদা, রাকেস ওমপ্রকাস মেহরানা থৌরম অসি শীনবগীদমক ফেষ্টিবেল শীল্লিবশিং থাগৎপা ফোঙদোকখি অমসুং মতিক চারবা মালেমগী জুরি অমদগী তম্নবগী খুদোংচাবা ফংবগী মতাংদা ফোঙদোকখি। চাংদম্নবা অসিদা শরুক য়ারিবা ফিল্মশিংগী মতাংদা মহাক্না হায়খি মালেম শীনবা থুংবগী অশেংবা অমসুং মখল কয়াগী ফিল্ম কয়া থাজিল্লকখি অমসুং ফিল্ম অমমম মশাগী ওইবা তোপ-তোপ্পা শক্তম অমা অমসুং ৱারি লৈবগী মওং লৈখি।
পাউমীশিংগা উনবদা মহাক্না হায়খি মদুদি অঙাংশিংনা মরুওইবা করেক্তরশিং ওইদুনা অমসুং ৱারি লিবগী এম্বেসেদরশিং ওইদুনা সেনিমাদা পুন্সি কয়া মমি তারি। সেনিমাদা এ.আই শীজিন্নবগী তেক্নোলোজি অসিনা তুংদা জুরিগী থবক্ত ইথিল পীবা য়াই, ফিল্ম পুথোকপদা য়াংলেন শরু ওইরবা মীওইবগী পুক্নিংগী ইহুলশিং এ.আইনা মহুৎশীনবা ঙম্লোই।
ফেষ্টিবেল হৌদোকপগী পেরেদ অমসুং ফিল্ম মখল কয়া শরুক য়াদা থাগৎলদুনা, গ্রেমি ক্লিফোর্দনা হায়খি অচৌবা ও.তি.তি প্লেতফোর্মশিংগী মহুত্ত লনাই ফিল্মমেকর কয়াদগী ফিল্মশিং থাজিল্লকখি। সেনিমাগী তুংগী মরাইবক লেপ্নবা মশাগী অশেংবা ৱারিদা পুথোকপা য়াম্না মরুওই অমসুং মালেমগী খুন্নাইগী খুদোংচাদবশিং মমি তাবা অঙাংশিংগী ওইবা থৌদোক-ৱাথোকশিং উৎপা ফিল্ম কয়া য়াওরি।
জুরি ওইনা শরুক য়াবদা থাগৎপা ফোঙদোক্লদুনা, ফিল্ম মখল কয়া উৎপা অমসুং ফিল্মমেকরশিং ফেষ্টিবেলনা শৌগৎলিবা অসিদা কথারিনা চুতলরনা থাগৎপা ফোঙদোকখি। ফিল্ম পুথোকপগী মতাংদা তেক্নিকেল অমসুং কলাগী ওইবা হিরম অনিমক্ত মমল য়াম্লবা লৌশিং কয়া পীখিবা ফেষ্টিবেলগী মাষ্টরক্লাসশিং মহাক্না থাগৎপা ফোঙদোকখি।
ফিল্ম খনবগী থবক জুরিদা শিংনবা ওইখি
চন্দ্রন রুতনামনা হায়খি খ্বাইদগী ফবা ফিল্মশিং খনবা অসি অৱাংবা থাক্কী থবকনি। করিগুম্বা মতমদা খন্ন-নৈনবশিং য়ানদবা লাকপা মতমদা, অচুম্বা অমসুং নিংথিনা খন্নরবা ৱারেপশিং জুরিনা য়ানবা পুরকখি।
রেমি অদেফারাসিন্না হায়খি ফেষ্টিবেল অসি অঙকপনি অমসুং মশাগী ওইনা ফজদুনা লৈরবা ফিল্মশিংদগী ফিল্ম অমা খক খনগৎপা হায়বসি অরুবনি। তুংদা ভারত্ত ফিল্ম অমা নমনিংবগী অপাম্বা মহাক্না ফোঙদোকখি।
ফিল্ম পুথোকপা নুপা-নুপী থোঙ মান্নবা
হৌখিবা চহি ৪০-৫০ দা সেনিমাদা নুপীশিং শরুক য়াবা শিংথাবা য়ানা হেনগৎলক্লে হায়না জুরিনা ফোঙদোকখি। অদুবু, ফিল্মশিং নৈনবা মতমদা, ফিল্মমেকরশিংগী জেন্দরগী মহুত্ত ফিল্মগী ৱারিনা হেন্না মীৎয়েং চঙলি, নুপা অমসুং নুপীনা খুন্নাইগী থৌদোক-ৱাথোকশিং ৱারি লিবদা চপ মান্নবা ৱাখল্লোন লৈরি।
অখন্নবা থৌরম অমা শীনবগীদমক জুরি মেম্বরশিংনা ফেষ্টিবেল শীল্লিবশিং থাগৎলদুনা অমসুং মখা তানা ইন্তরনেসনেল ফিল্ম ফেষ্টিবেল ওফ ইন্দিয়া(ইফি) চাউখৎনবা অমসুং মালেমদা মশক খঙনবা মখোয়গী থাজবা ফোঙদোক্লদুনা প্রেস কনফরেন্স অদু লোইশিনখি।
প্রেস কনফরেন্স লিঙ্ক
ইফিগী মরমদা
১৯৫২ দা হৌদোকখিবা ইন্তরনেসনেল ফিল্ম ফেষ্টিবেল ওফ ইন্দিয়া (ইফি) খা এসিয়াগী খ্বাইদগী লিরবা অমসুং খ্বাইদগী চাউবা সেনিমাগী থৌরমনি। নেসনেল ফিল্ম দিবলপমেন্ত কোর্পোরেসন (এন এফ দি সি), ভারত সরকারগী ইনফোর্মেসন অমসুং ব্রোদকাষ্টিং মিনিষ্ট্রি অমসুং গৱা সরকারগী ইন্তরতেনমেন্ত সোসাইতি ওফ গৱানা পুন্না শীন্নবা ফেষ্টিবেল অসিদা অমুক হন্না শেমজিল্লবা ক্লাসিকশিংগা অনৌবা চাংয়েংশিংগা উনফম অমসুং শক্নাইরবা গুরুশিংনা অকিবা লৈত্রবা অহানবা ওইনা ফিল্ম পুথোকপশিংগা উনফম অমনি। মালেমগী ফিল্মশিং চাংদম্নবা, নাৎকী থৌরমশিং উৎপা, মাষ্টরক্লাসশিং, ইকায়খুম্নবা উৎপা অমসুং অনৌবা ৱাখল্লোনশিং, য়ানবা পুরকপা অমসুং পুন্না থবক তৌমিন্নবগী থবক পায়খৎলিবা ৱেবস ফিল্ম বাজারনা তশেংনা ইন্তরনেসনেল ফিল্ম ফেষ্টিবেল ওফ ইন্দিয়া (ইফি) গী মশক তাক্লি। নবেম্বর ২০-নবেম্বর ২৮ ফাওবগা গৱাগী ফরবা সমুদ্র মপান্দা পাংথোক্লিবা ৫৬ শুবা ইদিসন অসিদা তোঙান তোঙানবা লোলশিং, ফিল্ম মখল কয়া, অনৌবা কয়া অমসুং খোঞ্জেল কয়ানা মালেমগী ফম্বাক্ত ভারতকী হৈথোই-শিংথোইবা হরাওবা ফোঙদোক্লি।
অহেনবা ই-পাউগীদমক, নম্বীয়ু:
IFFI Website: https://www.iffigoa.org/
PIB’s IFFI Microsite: https://www.pib.gov.in/iffi/56/
PIB IFFIWood Broadcast Channel: https://whatsapp.com/channel/0029VaEiBaML2AU6gnzWOm3F
X Handles: @IFFIGoa, @PIB_India, @PIB_Panaji
***
रिलीज़ आईडी:
2195687
| Visitor Counter:
5
इस विज्ञप्ति को इन भाषाओं में पढ़ें:
English
,
Urdu
,
Marathi
,
Konkani
,
हिन्दी
,
Bengali
,
Bengali-TR
,
Gujarati
,
Tamil
,
Telugu
,
Kannada
,
Malayalam