#IFFIWood, 27 नोव्‍हेंबर 2025

आंतरराष्ट्रीय सर्तीच्या ज्युरींनी आयज भारतीय आंतरराष्ट्रीय चित्रपट महोत्सवांत पत्रकार परिशद घेतली, जांतूत संवसारभरातले जागतीक फिल्म इंडस्ट्रीचे वांगडी हाजीर आशिल्ले. अंदूं हे सर्तींत 15 चित्रपट नोंदणी आयिल्ल्यो , तातूंत 3 भारतीय चित्रपट आशिल्ले. ह्या पॅनलाचे अध्यक्षपद नामनेचो फिल्म निर्मातो राकेश ओमप्रकाश मेहरा हांचेकडेन आशिल्ले तशेच जूरी वांगड्यात युएसएचो एडिटर आनी  दिग्दर्शक ग्रीम क्लिफोर्ड; जर्मन अभिनेत्री कॅथरीन शुटलर; श्रीलंकेचो चित्रपट निर्मातो चंद्रन रुतनम; आनी सिनेमाटोग्राफर रेमी एडेफरासिन हांचो आस्पाव आशिल्लो.

ज्युरींनी विविधताय आनी भुरग्यांचेर केंद्रीत कथांचे कवतुक केले

राकेश ओमप्रकाश मेहरा हांणी उक्तावण उलोवपांत ही कार्यावळ घडोवन हाडपा खातीर महोत्सवाच्या अधिकाऱ्यांचे उपकार मानले आनी उच्च पात्रताय आशिल्ल्या आंतरराष्ट्रीय ज्युरीं कडल्यान शिकपाची संद उक्तायली. सर्तींतल्या चित्रपटां विशीं उलयतना तांणी संवसारभरांतल्या नोंदींच्या मौलिकतेचेर आनी विविधतायेचेर भाश्य केले, दरेक चित्रपट वेगळ्याच विज़ुअल आनी कथात्मक शैलीन कसो उबो रावता हाचेर तांणी भर दिलो .

प्रसार माध्यमांकडेन संवाद सादतना राकेश ओमप्रकाश मेहरा हांणी सांगले की सिनेमा जिण प्रतिबिंबीत करता, खास करून भुरग्यांक कथाकथनांत केंद्रीय व्यक्ती आनी एंबेसडर म्हणून उजवाडाक हाडपाक. सिनेमांतल्या एआय ह्या विशयाचेर तांणी नदरेक हाडलें की फुडाराक तंत्रगिन्यानाचो ज्युरीं प्रक्रियांचेर परिणाम जावं येता, पूण एआय मनशाच्या भावनांची प्रतिकृती करूंक शकना, जीं चित्रपट निर्मितींखातीर गरजेची आसा.

ग्रीम क्लिफोर्डान महोत्सवाची उक्तावण परेड आनी चित्रपटांच्या विविधतायेची तोखणाय केली आनी खुपश्यो प्रवेशिका मुखेल ओटीटी प्लॅटफॉर्मां परस स्वतंत्र चित्रपट निर्मात्यां कडल्यान आयल्यात हाचेर भर दिलो. सिनेमाच्या फुडारा खातीर मौलिकतेचें म्हत्व ताणें नोंद केलें आनी संवसारीक समाजीक आव्हानां प्रतिबिंबीत करपी भुरग्यांच्या प्रस्नांचेर भर दिवपी जायत्या चित्रपटांचेर भर दिलो.

कॅथरीन शुटलरान आपणांक ज्युरींमदी आसपावीत केल्ल्या खातीर उपकार मानले.  प्रदर्शित केल्ल्या चित्रपटांच्या विविधतायेचे आनी फिल्म निर्मात्यांक महोत्सवान दिल्ल्या  तेंक्याची तांणी तोखणाय केली. तशेंच ह्या महोत्सवाच्या मास्टरक्लासांचीय तिणें तोखणाय केली, तातूंतल्यान चित्रपट निर्मितीच्या तंत्रीक आनी कलात्मक दोनूय आंगां विशीं मोलादीक म्हायती मेळ्ळी.

ज्युरींक निवड प्रक्रिया आव्हानात्मक दिसलो 

उत्तम चित्रपट वेंचपाची प्रक्रिया खूब फायद्याची अशें चंद्रन रुतनमान सांगले. चर्चा केन्ना केन्ना मतभेदामेरेन पावताली, पूण निमाणें ज्युरीं निष्पक्षतेमेरेन पावताले  आनी निर्णयांचेर विचार करताले अशे तांणी सांगले.

रेमी एडेफरासिनान ह्या महोत्सवाचें वर्णन “फॅन्टास्टीक” अशें केलें आनी एकूच स्टँडआउट फिल्म वेंचपाचें आव्हान मान्य केलें, कारण दरेक प्रवेशिका आपल्याच पद्दतीन उल्लेखनीय आशिल्ली. फुडाराक भारतांत फिल्माचें शुटींग करपाची इत्सा ताणें उक्तायली.

चित्रपट निर्मितींत लैंगिक समानताय

फाटल्या 4-5 दशकांत बायलांचो सहभाग खूब वाडला अशें सिनेमांतल्या बायलांचें प्रतिनिधित्वाचेर ज्युरींनी म्हळें. पूण चित्रपटांचें मुल्यांकन करतना चित्रपट निर्मात्याच्या लिंगाचेर न्हय तर आशयाचेर लक्ष केंद्रीत उरता हाचेर तांणी भर दिलो, दादले आनी बायलो समाजीक प्रस्नांचेर कथा सांगपाक सारकेच संवेदनशीलतेन पळयतात हेंवुय तांणी मान्य केलें.

पत्रकार परिशदेच्या निमाणे सगळ्या जूरी वांगड्यांनी एक अपवादात्मक कार्यावळी खातीर महोत्सव आयोजकांचे कवतुक केले आनी इफ्फीच्या निरंतर वाडी खातीर आनी संवसारीक पांवड्यार वळख मेळची अशी आस्त उक्तायली. 

📡 LIVE NOW

Press Conference with the IC Jury at the PIB Media Centre #IFFI56#IFFIGoa #IFFI2025

Watch now: https://t.co/lBe5QPgJK9

— PIB in Goa 🇮🇳 (@PIB_Panaji) November 27, 2025

IFFI विशीं

1952 वर्सा सुरु जाल्लो भारतीय आंतरराष्ट्रीय चित्रपट महोत्सव (IFFI) दक्षिण आशियांतलो सगळ्यांत पोरनो आनी सगळ्यांत व्हडलो चित्रपट महोत्सव. राष्ट्रीय चित्रपट विकास म्हामंडळ (एनएफडीसी), म्हायती आनी प्रसारण मंत्रालय, भारत सरकार आनी गोंय मनरिजवण सोसायटी (ईएसजी) गोंय राज्य सरकार हांणी संयुक्तपणान आयोजीत केल्लो हो महोत्सव आता जागतिक चित्रपटसृष्टीतले शक्तीघर जाला. इफ्फीक खऱ्या अर्थान चमकावपी गजाल म्हळ्यार ताचे अद्वितीय मिश्रण -आंतरराष्ट्रीय सर्ती, सांस्कृतीक प्रदर्शनां, मास्टरक्लास आनी उच्च उर्जा आशिल्लो 'व्हेवज’ (WAVES) फिल्म बाजार, जंय कल्पना, वेव्हार आनी सहयोग आकार घेतात. 20 ते 28 नोव्हेंबर मजगती गोयांत जावपी ह्या 56व्या आवृत्तीत भाशा, शैली, नवोन्मेष आणि आवाजांचो एक दोळे दिपकावपी संग्रह सादर जातलो - जागतिक स्तराचेर भारताच्या सर्जनशील प्रतिभेचो एक मन भुलोवपी उत्सव.

For more information, Click on:

https://www.pib.gov.in/PressReleasePage.aspx?PRID=2191742

https://www.pib.gov.in/PressReleasePage.aspx?PRID=2190381

IFFI Website: https://www.iffigoa.org/

 PIB’s IFFI Microsite: https://www.pib.gov.in/iffi/56new/

PIB IFFIWood Broadcast Channel: https://whatsapp.com/channel/0029VaEiBaML2AU6gnzWOm3F

X Handles: @IFFIGoa, @PIB_India, @PIB_Panaji

* * *

PIB IFFI CAST AND CREW | सुभाष जाण/उत्कर्षा भुस्कुटे/दर्शना राणे | IFFI 56