৫৬শুবা ইন্তরনেসনেল ফিল্ম ফেষ্টিবেল ওফ ইন্দিয়া(ইফি) না, ইন্তরনেসনেল কাউন্সিল ফোর ফিল্ম, তেলিবিজন এন্দ ওদিওভিজুয়েল কম্মুনিকেসন (আই সি এফ তি) গা খুৎশম্নদুনা, খাংবা কনবা, নাৎশিংগী মরক্ত ৱারি শানবা অমসুং মালেমগী শান্তিগী চৎনবীগী অচুম্বা ফিদমশিং ঙাক্লিবা ফিল্মশিংদা আই.সি.এফ.তি-য়ুনেস্কো গান্ধী মেদল লান্থোকখ্রে। ২০১৬ দা ৪৬ শুবা ইফিদা হৌদোকখিবা এৱার্দ অসি ফেষ্টিবেল অসিগী খ্বাইদগী ইকায়খুম্নবা মনাশিংগী মনুংদা অমা ওইরি, মীওইবগী মীনুংশি, নুংশিননা হিংমিন্নবা অমসুং খুন্নাইগী থৌদাংগী ইথিল পীবা ফিল্মশিং ইকায়খুম্নবা উৎলি।

লেমজনিঙাই ওইরবা মেদল অসিগীদমক চহি অসিদা মালেম শীনবা থুংবগী ফিল্ম ১০ চাংদম্নরি। য়ু.কে, নোরৱে, কোসোভো, ইরান, চিলি, জপান অমসুং ভারতকী ফিল্ম অহুম থাজিল্লকখি, মখল কয়াগী ৱারি অমসুং মালেমগী মহুৎশীনবা ফিল্ম উৎনবা ইফিনা পায়খৎলিবা থবক্কী মমি তারে। চাংদম্নবা অসিদা শরুক য়ারিবা ফিল্মশিংদি ব্রাইদস (য়ুকে),হানা (কোসোভো), কে পোপর (ইরান), প্রদিদেন্তস কেক (য়ু.এস.এ-ইরাগ-ক্বাতর), সেফ হাওস (নোরৱে), তানবি দ গ্রেদ (ইন্দিয়া), ৱেব (চিলি), ভিমুক্ত (ইন্দিয়া), ৱাইত শ্নো (ইন্দিয়া) অমসুং য়াকুসিমাস ইলুজন (বেলজিয়ম-ফ্রান্স-জপান-লুজেমবার্গ) নি।

ইফি ২০২৫ গী আই.সি.এফ.তি-য়ুনেস্কো গান্ধী মেদল জুরি দোক্তর প্রোফেসার অহমদ বেদজাউই (অলজেরিয়া) না লুচিংলি অমসুং মেম্বরশিংগী মনুংদা সুয়ুয়ান হুন (চাইনা), সর্গে মিচেল (ফ্রান্স), তোবিয়াস বিয়ানকোন (সুইজরলেন্দ) অমসুং জর্জ দুপোন্ত (লুজেমবার্গ) য়াওরি।

পি.আই.বিগী প্রেস কনফরেন্সতা ৱা ঙাংবদা, আই.সি.এফ.তি-য়ুনেস্কো পেরিসকী মীহুৎ, শক্নাইরবা ফিল্মমেকর মনোজ কাদামনা হায়খি অহিংশা, কাংলুপশিংগী মরক্ত নুংশিন্না হিংমিন্নবা অমসুং খুন্নাইগী অচুম্বগী মমি তাবা মীওইবগী গুনশিং অমসুং শক্তমশিং উৎপা ফিল্মশিং ইকায়খুম্নবা উৎলি। আই.সি.এফ.তি-য়ুনেস্কো অমসুং ইফি থবক তৌমিন্নরকপা ২০২৫ দা চহি ১১ মপুংফারে। মসি অফবা ফিল্ম য়োকখৎনবা মান্নবা পান্দম অমগী মখাদা পায়খৎপনি।

মনোজ কদমনা হায়খি ১৯৫৬ দা হৌদোকখিবা আই.সি.এফ.তি আসি ফিল্ম তেক্নিসিয়ানশিংগী খ্বাইদগী লিরবা মালেমগী এসোসিএসন্নি অমসুং মখা তানা তোঙান তোঙানবা ওদিওভিজুয়েল থিমশিংদা থবক তৌগনি। নম্বদা খুথোংথিনিঙাই ওইবা সিনশিং নম্বদা এ.আইনা মতেং পাংবা য়াগনি, ফিল্মশিংদা মীওইবগী মচাক অমা য়াওগদবনি-থম্মোয়গী ওইবা ইহুলশিং কম্পুতরনা শেম্বা ঙম্লোই।

এন.এফ.দি.সিগী আতিষ্টিক দিরেক্তর (প্রোগ্রাম্মিং), পঙ্কজ সক্সেনানা হায়খি আই.সি.এফ.তি-য়ুনেস্কো গান্ধী মেদল অসি ইফিগী চাংদম্নবা অহুমগী মনুংদা অমনি অমসুং মসি শান্তি অমসুং নুংঙাই য়াইফবা য়োকখৎপা সেমিনাগী খুৎথাংদা সভেত্য অমসুং নাৎশিং পুরক্নবা অঙকপা থবক অমনি। ফেষ্টিবেল অসিদা নুপীশিং শরুক য়াবা হেনগৎলক্লি, নুপীশিংগী খোঞ্জেলনা লমজিংবা শক্তি লৈরবা ফিল্ম মশিং হেনগৎলক্লি অমসুং মফম অমা খক্তনা পানদবা মালেমগী মমি তাহন্নবা ইফিনা পান্দম থম্লি।

পঙ্কজ সক্সেনানা হায়খি সেনিমাগী মহাও হেনগৎহন্নবা, কলাগী ফজবা ইকায়খুম্নবা উৎনবা অমসুং মীওইবগী ফিবমশিং মমি তাহন্নবা ফিল্ম ফেষ্টিবেলশিংনা হোৎনগদবনি। হিংশা হায়বসি পোকপদগী য়াওরক্লবা মীওইবগী মচৎ অমনি, মসি উৎপদা দাইত্ব লৈনা উৎপা দরকার ওই অমসুং মসি শেন তান্নবা খুৎলায় অমা ওইনা শীজিন্নরোইদবনি।

আই.সি.এফ.তি-য়ুনেস্কো গান্ধী মেদলগী মরমদা:

মহাত্মা গান্ধীগী মালেম শীনবা থুংবনা য়ানরবা অচুম্ব ফিদমশিং মহুৎশীন্দুনা, শান্তি, অহিংশা অমসুং চৎনবীশিংগী মরক্ত ৱাখল তামিন্নবা উৎলিবা ফিল্মশিং ইফিগী আই.সি.এফ.তি-য়ুনেস্কোনা ইকায়খুম্নবা উৎলি। মালেম্না ইকায়খুম্নরিবা মনা অসিনা কাংলুপ খুদিংমক কোনশিনবা, খুন্নাই ৱাখল তাহনবা অমসুং ফুরুপ অমগী মমি তাবা অফবা ফিল্মশিং ইকায়খুম্নবা উৎলি। চহি কয়া অসিদা, মীওইবগী মীনুংশি, নাৎশিংগী মরক্ত অপুনবা অমসুং ৱারি শানবা হেনগৎহনবা, মীওইবা খুন্নাই য়াইফনবা অমসুং খুন্নাইশিংগী মরক্ত থোঙ শানবা সেনিমাগী অওনবা পুরকপা ফিল্মমেকরশিং মশক তাক্লি।

মপুংফাবা প্রেস কনফরেন্স য়েংবীয়ু:

ইফিগী মরমদা :

১৯৫২ দা হৌদোকখিবা ইন্তরনেসনেল ফিল্ম ফেষ্টিবেল ওফ ইন্দিয়া (ইফি) খা এসিয়াগী খ্বাইদগী লিরবা অমসুং খ্বাইদগী চাউবা সেনিমাগী থৌরমনি। নেসনেল ফিল্ম দিবলপমেন্ত কোর্পোরেসন (এন এফ দি সি), ভারত সরকারগী ইনফোর্মেসন অমসুং ব্রোদকাষ্টিং মিনিষ্ট্রি অমসুং গৱা সরকারগী ইন্তরতেনমেন্ত সোসাইতি ওফ গৱানা পুন্না শীন্নবা ফেষ্টিবেল অসিদা অমুক হন্না শেমজিল্লবা ক্লাসিকশিংগা অনৌবা চাংয়েংশিংগা উনফম অমসুং শক্নাইরবা গুরুশিংনা অকিবা লৈত্রবা অহানবা ওইনা ফিল্ম পুথোকপশিংগা উনফম অমনি। মালেমগী ফিল্মশিং চাংদম্নবা, নাৎকী থৌরমশিং উৎপা, মাষ্টরক্লাসশিং, ইকায়খুম্নবা উৎপা অমসুং অনৌবা ৱাখল্লোনশিং, য়ানবা পুরকপা অমসুং পুন্না থবক তৌমিন্নবগী থবক পায়খৎলিবা ৱেবস ফিল্ম বাজারনা তশেংনা ইন্তরনেসনেল ফিল্ম ফেষ্টিবেল ওফ ইন্দিয়া (ইফি) গী মশক তাক্লি। নবেম্বর ২০ - নবেম্বর ২৮ ফাওবা গৱাগী ফজরবা সমুদ্র মপান্দা পাংথোক্লিবা ৫৬ শুবা ইদিসন অসিদা তোঙান তোঙানবা লোলশিং, ফিল্ম মখল কয়া, অনৌবা কয়া অমসুং খোঞ্জেল কয়ানা মালেমগী ফম্বাক্ত ভারতকী হৈথোই-শিংথোইবা হরাওবা ফোঙদোক্লি।

অহেনবা ই-পাউগীদমক, নম্বীয়ু:

IFFI Website: https://www.iffigoa.org/

PIB’s IFFI Microsite: https://www.pib.gov.in/iffi/56/

PIB IFFIWood Broadcast Channel: https://whatsapp.com/channel/0029VaEiBaML2AU6gnzWOm3F

X Handles: @IFFIGoa, @PIB_India, @PIB_Panaji

***