#IFFIWood, 27 नोव्‍हेंबर 2025

56 व्या आंतरराष्ट्रीय चित्रपट महोत्सवात (IFFI 2025), आंतरराष्ट्रीय चित्रपट, टेलिव्हिजन आनी ऑडिओव्हिज्युअल कम्युनिकेशन परिशदेच्या (ICFT) सहकार्यान, वर्सुकी ICFT-UNESCO गांधी पदक भेटयता. युनेस्कोच्या सहिश्णुताय, आंतरसंस्कृतीक संवाद आनी संवसारीक शांतताय ह्या आदर्शांक मुखार व्हरपी चित्रपटांक हो पुरस्कार भेटयतात. हो पुरस्कार पयलेच खेपे 2016 त 46व्या इफफींत सुरू जालो. तेन्ना थावन हो पुरस्कार महोत्सवाचो एक प्रतिश्ठीत भोवमान जाला, जो करुणा, समरसताय आनी समाजीक जापसालदारकेचो संदेश दिवपी सिनेमाक भेटयता.

अंदूं वर्सा संवसारभरांतले धा अपवादात्मक चित्रपट ह्या प्रतिश्ठीत पदका खातीर सर्त करतात. ह्या वळेरेंत ब्रिटन, नॉर्वे, कोसोवो, इराक, चिली, जपान, आनी भारतांतल्या तीन चित्रपटांचो आस्पाव आसा, हातूंत वैविध्यपूर्ण कथाकथन आनी जागतिक प्रतिनिधित्व ह्या विशीं  IFFI ची वचनबद्धता दिसून येता.   सर्तींतल्या चित्रपटांत ब्राइड्स (यूके), हाना (कोसोवो), के पोपर (ईरान), द प्रेसिडेंट्स केक (अमेरिका-इराक-कतर), सेफ हाउस (नॉर्वे), तन्वी द ग्रेट (भारत), द वेव (चिली), विमुक्त (भारत), व्हाइट स्नो (भारत) आनी याकुशिमाज़ इल्यूज़न (बेल्जियम-फ़्रांस-जापान-लक्ज़मबर्ग) हांचो आस्पाव जाता.

इफ्फी 2025 खातीर आयसीएफटी-युनेस्को गांधी पदक ज्युरीचे अध्यक्ष डॉ. प्रोफेसर अहमद बेडजौई (अल्जेरिया) आसा.  एयुआन हुन (चीन), सर्ज मिशेल (फ्रांस), टोबियास बियानकोन (स्विट्जरलैंड) आनी जॉर्जेस ड्यूपॉंट (लक्ज़मबर्ग) वांगडी आसात.

पीआयबी पत्रकार परिशदेंत उलयतना आयसीएफटी-युनेस्को पॅरिसाचो मानादीक प्रतिनिधी नामनेचो चित्रपट निर्मातो मनोज कदम हांणी सांगलें, मानवी मुल्यां आनी अहिंसा, सामुदायिक समरसताय आनी समाजीक न्यायाचे प्रतिबिंबित करपी  दृश्या सादर करपी चित्रपटांक हो पुरस्कार दितात. २०२५ हे आयसीएफटी आनी इफ्फी हांच्या भागीदारीचे इकरावे वर्स, जे अर्थपूर्ण चित्रपटांक प्रोत्साहन दिवपी तांच्या सामायिक ध्येयाचेर भर दितले.

1956 वर्सा स्थापन जाल्ली आयसीएफटी ही चित्रपट तंत्रज्ञांची सगळ्यांत पोरनी जागतीक संघटना आसून ती वेग वेगळ्या दृश्य-श्रव्य विशयांत काम करता अशें मनोज कदमान अधोरेखित केले. तशेंच ताणें फिल्म निर्मितींत एआय भोंवतणी उदयाक येवपी संवादाचेर भासाभास केली.

एनएफडीसीचे कला संचालक (कार्यक्रम) पंकज सक्सेना हांणी आयसीएफटी-युनेस्को गांधी पदक हें इफ्फीच्या तीन नियोजित सर्तीं मदलें एक आसून ताचो एक आगळोच उद्देश आसा: शांतताय आनी समृध्दीक चालना दिवपी सिनेमा वरवीं सभ्यता आनी संस्कृताय एकठांय हाडप हाजेर भर दिलो.

चित्रपट महोत्सवांनी सिनेमाची आवड वाडोवपी, कला प्रामाणीकपणाची परब मनयपी आनी मनशाचे स्थितीचें प्रतिबिंबीत करपी कृती वेंचून काडची अशें पंकज सक्सेनान भर दिलो.

आयसीएफटी-युनेस्को गांधी पदका विशीं:

महात्मा गांधींच्या सार्वभौमिक आदर्शांचें प्रतिनिधित्व करपी IFFI चो आयसीएफटी-युनेस्को विभाग शांतताय, अहिंसा आनी आंतरसंस्कृतीक समजूतीचें प्रतीक आशिल्ल्या चित्रपटांक सन्मानित करता. संवसारीक पांवड्यार सन्मानित पुरस्कार कलात्मक प्रतिभेच्या पलीक वचून आनी समावेशकता, समाजीक जागृताय आनी नैतीक चिंतन हे विशय आस्पावपी कृतींक मान्यताय दिता.फाटल्या काय वर्सां सावन, गांधी पदकान अश्या  चित्रपट निर्मात्यांचो भोवमान केला, जांच्यो  कथा संस्कृतायेंतल्यान करुणा, एकचार आनी संवादाक चालना दितात - मानवतेक प्रकाशमान करपाखातीर आनी समाजां मदीं पूल बांदपाची सिनेमाची परिवर्तनकारी शक्तीची पुष्टी करतात.

पुराय पत्रकार परिशद पळयात:

IFFI विशीं

1952 वर्सा सुरु जाल्लो भारतीय आंतरराष्ट्रीय चित्रपट महोत्सव (IFFI) दक्षिण आशियांतलो सगळ्यांत पोरनो आनी सगळ्यांत व्हडलो चित्रपट महोत्सव. राष्ट्रीय चित्रपट विकास म्हामंडळ (एनएफडीसी), म्हायती आनी प्रसारण मंत्रालय, भारत सरकार आनी गोंय मनरिजवण सोसायटी (ईएसजी) गोंय राज्य सरकार हांणी संयुक्तपणान आयोजीत केल्लो हो महोत्सव आता जागतिक चित्रपटसृष्टीतले शक्तीघर जाला. इफ्फीक खऱ्या अर्थान चमकावपी गजाल म्हळ्यार ताचे अद्वितीय मिश्रण -आंतरराष्ट्रीय सर्ती, सांस्कृतीक प्रदर्शनां, मास्टरक्लास आनी उच्च उर्जा आशिल्लो 'व्हेवज’ (WAVES) फिल्म बाजार, जंय कल्पना, वेव्हार आनी सहयोग आकार घेतात. 20 ते 28 नोव्हेंबर मजगती गोयांत जावपी ह्या 56व्या आवृत्तीत भाशा, शैली, नवोन्मेष आणि आवाजांचो एक दोळे दिपकावपी संग्रह सादर जातलो - जागतिक स्तराचेर भारताच्या सर्जनशील प्रतिभेचो एक मन भुलोवपी उत्सव.

For more information, Click on:

IFFI Website: https://www.iffigoa.org/

PIB’s IFFI Microsite: https://www.pib.gov.in/iffi/56/

PIB IFFIWood Broadcast Channel: https://whatsapp.com/channel/0029VaEiBaML2AU6gnzWOm3F

X Handles: @IFFIGoa, @PIB_India, @PIB_Panaji

* * *

PIB IFFI CAST AND CREW | सुभाष जाण/मोनाली प्रभू/दर्शना राणे | IFFI 56