#IFFIWood, 27 नोव्हेंबर 2025

भारतीय आंतरराष्ट्रीय चित्रपट महोत्सव (इफ्फी) न आयज गोंयचे नामनेचे सिनेमॅटोग्राफर श्री के. वैकुंठ हांची जल्मशती मनयली, एक यादस्तीक टपाल तिकेट जारी करून भारतीय चित्रपटसृष्टीतल्या तांच्या असाधारण योगदानाचो भोवमान केलो.

फिल्म विभागा खातीरच्या नामनेच्या कामां सयत जायत्या म्हत्वाच्या फिचर फिल्मां आनी माहितीपटांतल्या तांच्या उत्कृष्ट छायांकनाखातीर तांका वळखतात—श्री वैकुंठ हांची याद भारतांतलो एक उत्कृश्ट दृश्य कथाकारांपैकी एक म्हणून करतात.  

गोंयचे मुख्यमंत्री डॉ.प्रमोद सावंत हांणी म्हायती आनी प्रसारण मंत्रालयाचे अतिरिक्त सचीव आनी अर्थीक सल्लागार श्री दीपक नारायण, म्हायती आनी प्रसारण मंत्रालयाचे अतिरिक्त सचीव श्री प्रभात, महाराष्ट्र आनी गोंयचे मुखेल पोस्टमास्टर जनरल श्री अमिताभ सिंग आनी श्री के.वैकुण्ठ हांचो पूत श्री अमित कुंकोलीएंकर आनी ताच्या कुटुंबाच्या उपस्थितीत यादस्तीक टपाल तिकेटाचे औपचारिक प्रकाशन केले.

उपस्थितांक उद्देशून उलोवप करतना, डॉ. सावंत हाणी श्री वैकुंठ हांच्या छायांकनाच्या कलेखातीर आयुष्यभराच्या समर्पणाचे कौतुक केले आनी तांचे वर्णन "अशे व्यक्तिमत्व जांच्या कॅमेऱ्यान शास्त्रीय हिंदी चित्रपटाची दृश्य भाशा आकारली" अशें केले.

तांणी अधोरेखित केले की श्री वैकुंठ भारतातले सगळ्यांत आदरणीय सिनेमॅटोग्राफरपैकी एक जाले, तांणी गुलजार आनी रमेश सिप्पी सारख्या दिग्गज चित्रपट निर्मात्यांबरोबर  लागींच्यान काम केलें आनी सीता और गीता आनी आंधी सारख्या प्रतिष्ठित चित्रपटांनी योगदान दिलें.

"वैकुंठबाब हे फकत कॅमेरामेनूच न्हय तर ते भावना, मनःस्थिती आनी दूरदृष्टीचे निर्माते आशिल्ले," अशें डॉ.सावंत हाणी म्हळें. तांच्या खाशेले शैलीन भव्य सिनेमॅटिक दृश्य आनी सगळ्यांत मृदू मानवी भावना दोनूय टिपल्या.

अतिरिक्त सचिव (आय अँड बी) श्री प्रभात हाणी म्हळें, श्री के. वैकुंठ हांचो सन्मान करप हें म्हजें सौभाग्य.

महाराष्ट्र सर्कलचे मुखेल पोस्टमास्टर जनरल श्री अमिताभ सिंग हांणी उपस्थितांक येवकार दितना सांगलें, ही यादस्तीक टपाल तिकीट फकत टपालाचे प्रतीक न्हय-हें आमच्या देशाच्या इतिहासाक आनी संस्कृतायेक पयस मेरेन व्हरपी एक श्रद्धांजली. "ह्या टपाल तिकीटा वरवीं आमी खात्री करतात की श्री के. वैकुंठ हांचें जिवीत आनी योगदान फुडल्या पिळग्यांक प्रेरणा दित रावतलें." अशें तांणी मुखार सांगले.

श्री वैकुंठ हांच्या १७ मिनटांचो प्रशंसित इंग्रजी माहितीपट "गोवा मार्चेस ऑन" च्या प्रदर्शनान समारोप जालो.

IFFI विशीं

1952 वर्सा सुरु जाल्लो भारतीय आंतरराष्ट्रीय चित्रपट महोत्सव (IFFI) दक्षिण आशियांतलो सगळ्यांत पोरनो आनी सगळ्यांत व्हडलो चित्रपट महोत्सव. राष्ट्रीय चित्रपट विकास म्हामंडळ (एनएफडीसी), म्हायती आनी प्रसारण मंत्रालय, भारत सरकार आनी गोंय मनरिजवण सोसायटी (ईएसजी) गोंय राज्य सरकार हांणी संयुक्तपणान आयोजीत केल्लो हो महोत्सव आता जागतिक चित्रपटसृष्टीतले शक्तीघर जाला. इफ्फीक खऱ्या अर्थान चमकावपी गजाल म्हळ्यार ताचे अद्वितीय मिश्रण -आंतरराष्ट्रीय सर्ती, सांस्कृतीक प्रदर्शनां, मास्टरक्लास आनी उच्च उर्जा आशिल्लो 'व्हेवज’ (WAVES) फिल्म बाजार, जंय कल्पना, वेव्हार आनी सहयोग आकार घेतात. 20 ते 28 नोव्हेंबर मजगती गोयांत जावपी ह्या 56व्या आवृत्तीत भाशा, शैली, नवोन्मेष आणि आवाजांचो एक दोळे दिपकावपी संग्रह सादर जातलो - जागतिक स्तराचेर भारताच्या सर्जनशील प्रतिभेचो एक मन भुलोवपी उत्सव.

For more information, Click on:

IFFI Website: https://www.iffigoa.org/

PIB’s IFFI Microsite: https://www.pib.gov.in/iffi/56/

PIB IFFIWood Broadcast Channel: https://whatsapp.com/channel/0029VaEiBaML2AU6gnzWOm3F

X Handles: @IFFIGoa, @PIB_India, @PIB_Panaji

* * *

PIB IFFI CAST AND CREW | सुभाष जाण/मोनाली प्रभू/दर्शना राणे | IFFI 56