#IFFIWood, 27 नोव्‍हेंबर 2025

गोंयात 56 व्या भारतीय आंतरराष्ट्रीय चित्रपट महोत्सव २०२५ च्या ८ व्या दिसा कला अकादेमी सभाघरांत ,“न्यू नॉर्थ-ईस्ट सिनेमा एंड फिल्म स्कूल्स”  ह्या विशयावेली  एक पॅनल चर्चा जाली.ह्या चर्चेत  ह्या प्रदेशांतल्या चित्रपट निर्मात्यांक आनी कथा सांगपाचे परंपरेक आकार दिवपाक फिल्म शाळांची परिवर्तनकारी भुमिकेचेर भर दिलो. नॉर्थ-ईस्टातल्या आघाडीच्या लोकांनी ह्या वाठारांतल्या सिनेमाचें विकसीत जावपी माहौलाचेर वैयक्तीक प्रवास, अणभव आनी विज़नाचेर चर्चा केली.

डोमिनिक संगमा हांणी सूत्रसंचालन केल्ल्या ह्या चर्चेंत मणिपूरचे नामनेचे चित्रपट निर्माते हाओबम पबन कुमार आनी आसामी फिल्म निर्माते रीमा बोरा आनी महर्षी तुहिन कश्यप हांणी वांटो घेतलो.

“वळखी खातीरचो संघर्श चालूच आसा जो आमी तयार केल्ल्या सिनेमाक आकार दिता” — हाओबम पबन कुमार

मणिपूरचो एक ज्येष्ठ चित्रपट निर्मातो हाओबम पबन कुमार हाणें 1990 च्या दशकांतल्या औपचारीक चित्रपट शिक्षणाच्या आव्हानांक मार्गदर्शन करपाचो आपलो वैयक्तीक प्रवास सांगलो. फकत दोन मुखेल संस्था अस्तित्वांत आशिल्ल्या काळांत-एफटीआयआय पुणे आनी एसआरएफटीआय कोलकाता-ईशान्येकडल्या आकांक्षी चित्रपट निर्मात्यांक अफाट सर्त आनी मर्यादीत संदीचो सामनो करचो पडटालो. पबनान एसआरएफटीआयंत प्रवेश मेळोवपा खातीर केल्लो स वर्सांचो प्रवास सांगलो, त्या काळांत ताणें दिग्गज फिल्म निर्मातो अरिबम  श्याम शर्मा हाच्या हाताखाला प्रशिक्षण घेतले. ह्या खर प्रशिक्षणान ताका आपलें कसब सुधारपाक, समीक्षात्मक सिनेमाचो दृष्टिकोन विकसित करपाक आनी कथात्मक कथाकथनाच्यो बारीकसाणी समजून घेवपाक कसो आदार केलो हाचेर ताणें विचार उक्तायले. वर्सां भितर प्रगती जाली तरी ईशान्येकडले चित्रपट निर्माते अजूनय आपलें काम दाखोवपा खातीर वळख आनी मांची मेळोवपाचो यत्न करतात हाचेर तांणी भर दिलो. ताच्या फिल्म इन्स्टिट्यूटा सावन ताच्या स्वताच्या समाजान ताका ताची कारकीर्द उबारपाक आदार केलो अशें ताणें सांगलें.

“खरी कथा घरांतल्यान येतात, आनी ती समजून घेवप हें फिल्म निर्मात्याच्या आवाजाक आकार दिता” — महर्षी तुहीन कश्यप

एसआरएफटीआयंतल्या वावरान ताच्या फिल्म निर्मातो म्हणून दृश्टीकोनाक खोलायेन कसो नवो आकार दिलो हाचेर महर्षी तुहीन कश्यप उलयलो. सुरवेक मुखेल प्रवाहांतल्या बॉलिवूडाच्या चमक-दमकपणाक आकर्षित जाल्ल्या कश्यपाक आसामांत रुजल्ल्या अस्सल कथांचो सोद घेवपाचें म्हत्व कळ्ळें. ताका खोलायेन निरिक्षण करपाक, विमर्शीक चिंतन करपाक आनी आपल्या सांस्कृतीक दायजाक सृजनशील प्रेरणेचो स्त्रोत म्हूण आपणावंक शिकयल्ल्याचें श्रेय ताणें आपल्या चित्रपट शिक्षणाक दिलें. “आपली भूंय आनी इतिहास समजून घेवप हो फकत एक शिक्षणीक एक्सरसाइज़ न्हय-थळाव्या आनी संवसारीक पांवड्यार प्रतिध्वनीत जावपी कथा सांगपा खातीर तो गरजेचो” अशें तांणी नदरेक हाडलें.

“नॉर्थ-ईस्ट सिनेमाचो एक गिरेस्त इतिहास आसा जो राष्ट्रीय आनी जागतीक पडद्याचेर पळोवपाक आनी आयकुपाक फावो आसा” — रीमा बोरा

औपचारीक अभ्यासक्रमांत ईशान्य सिनेमाचो उणाव आसतानाय  एफटीआयआयन आपली सिनेमाची संवेदना आनी वैयक्तीक वाड कशी पोसली, हे विशी रीमा बोरा उलयल्यो. ह्या वाठाराचो गिरेस्त सिनेमा इतिहास आसून लेगीत-इशानौ सावन गंगा सिलोनी पाखी मेरेन आनी १९३५ वर्सा सावन सुरू जाल्ले  आसामी चित्रपट आसून लेगीत ईशान्य सिनेमाचें राश्ट्रीय चर्चांनी खूब आदीं सावन उणें प्रतिनिधित्व उरलां अशें तिणें स्पश्ट केलें. बोरान अरुणाचल प्रदेशांत नवी चित्रपट संस्था स्थापन जाल्ल्याची तोखणाय करून ईशान्येकडल्यो भासो, परंपरा आनी कथनां व्यापक प्रेक्षकां मेरेन पावोवपाचें एक म्हत्वाचें पावल अशें ताचे वर्णन केलें.

“सर्वोत्तम काणयो तुमच्या स्वतःच्या भुंयेतल्यान येतात. फिल्म स्कूलां  तुमकां त्यो कश्यो सांगच्यो तें शिकयता” — डोमिनिक संगमा 

सूत्रसंचालक म्हणून काम करपी डोमिनिक संगमा  हांणी  कथाकथन आणि शिक्षणाच्या व्यापक संदर्भात चर्चा मांडली. तोंडी कथाकथन परंपरेंतल्या प्रेरणेतल्यान संगमा  हांणी जागतीक सिनेमाच्या संपर्कांत आयिल्ल्यान कथात्मक रचणुकेविशीं आपल्या धारणेक आव्हान मेळटा आनी ताचो विस्तार जाता हाचेर भर दिलो. कीतलेशेच फावटी चड आकर्शक कथा आपल्या संस्कृतायेची, भूंयप्रदेशाची आनी समुदायाच्या सखोल आकलनातल्यान निर्माण जातात अशें ताणें म्हळें . संगमाच्या मतान चित्रपट शिक्षणांतल्यान चित्रपट निर्मात्यांक तंत्रीक कुशळटाय, सैध्दांतिक आधार आनी आत्मविस्वास मेळटा, जाका लागून ह्यो कथा पडद्याचेर प्रभावीपणान अणकारीत जातात.

प्रतिभेक पोसवण दिवपाक, सांस्कृतीक अस्मिताय सांबाळपाक आनी थळाव्या आनी संवसारीक पांवड्यार प्रतिध्वनीत जावपी सिनेमा तयार करपाक नॉर्थ-ईस्ट चित्रपट निर्मात्यांक सशक्त करपाक चित्रपट शाळांची अत्यावश्यक भुमिका आसा हें सामायिक मतान चर्चा सोंपली. तशेंच नॉर्थ-ईस्ट  कथाकारांचो आवाठ वाडोवपा खातीर मुळाव्या साधनसुविधा, मार्गदर्शन आनी प्लॅटफॉर्मांत गुंतवणूक चालू दवरपाची गरज सगळ्यांनी उक्तायली.

IFFI विशीं

1952 वर्सा सुरु जाल्लो भारतीय आंतरराष्ट्रीय चित्रपट महोत्सव (IFFI) दक्षिण आशियांतलो सगळ्यांत पोरनो आनी सगळ्यांत व्हडलो चित्रपट महोत्सव. राष्ट्रीय चित्रपट विकास म्हामंडळ (एनएफडीसी), म्हायती आनी प्रसारण मंत्रालय, भारत सरकार आनी गोंय मनरिजवण सोसायटी (ईएसजी) गोंय राज्य सरकार हांणी संयुक्तपणान आयोजीत केल्लो हो महोत्सव आता जागतिक चित्रपटसृष्टीतले शक्तीघर जाला. इफ्फीक खऱ्या अर्थान चमकावपी गजाल म्हळ्यार ताचे अद्वितीय मिश्रण -आंतरराष्ट्रीय सर्ती, सांस्कृतीक प्रदर्शनां, मास्टरक्लास आनी उच्च उर्जा आशिल्लो 'व्हेवज’ (WAVES) फिल्म बाजार, जंय कल्पना, वेव्हार आनी सहयोग आकार घेतात. 20 ते 28 नोव्हेंबर मजगती गोयांत जावपी ह्या 56व्या आवृत्तीत भाशा, शैली, नवोन्मेष आणि आवाजांचो एक दोळे दिपकावपी संग्रह सादर जातलो - जागतिक स्तराचेर भारताच्या सर्जनशील प्रतिभेचो एक मन भुलोवपी उत्सव.

For more information, click on:

IFFI Website: https://www.iffigoa.org/

PIB’s IFFI Microsite: https://www.pib.gov.in/iffi/56/

PIB IFFIWood Broadcast Channel: https://whatsapp.com/channel/0029VaEiBaML2AU6gnzWOm3F

X Handles: @IFFIGoa, @PIB_India, @PIB_Panaji

* * *

PIB IFFI CAST AND CREW | सुभाष जाण/उत्कर्षा भुस्कुटे/दर्शना राणे | IFFI 56