#IFFIWood, নবেম্বর 27, 2025

56শুবা ইন্তর্নেস্নেল ফিল্ম ফেস্তিবেল ওফ ইন্দিয়া (IFFI), গোৱা 2025গী 8শুবা নুমিত্তা কালা একাদেমী ওদিতোরিয়মদা 'ন্যু নোর্থ-ইস্ত সিনেমা অমসুং ফিল্ম স্কুল'গী মতাংদা পেনেল দিস্কসন অমা পাংথোকখ্রে। সেসন অসিনা লমদম অসিগী ফিল্ম মেকরশিং অমসুং ৱারী লীবগী চৎনবীশিং শেমগৎপদা ফিল্ম স্কুলশিংনা লৌরিবা অচৌবা থৌদাং অদু শন্দোক্না তাকখি। অৱাং নোংপোক লমদমগী মকোক থোংবা মীওইশিংনা লমদম অসিগী সিনেমাগী হোংলক্লিবা ফীভমগী মতাংদা মখোয়গী খোঙচৎশিং, এক্সপরিয়েন্সশিং অমসুং ৱাখল্লোনশিং ফোংদোক্নখি।

খন্ন-নৈনবগী থৌরম অদু দোমিনিক সাংমানা মোদরেৎ তৌখি অমসুং মসিদা মনিপুরগী শক্নাইরবা ফিল্মমেকরশিং হাওবম পাবন কুমার অমসুং অসামগী ফিল্মমেকরশিং রীমা বোরাহ অমসুং মহার্শি তুহিন কাশ্যপ য়াওখি।

“রিকগনিসন ফংনবা লেপ্তনা হোৎনরি, মসিনা ঐখোয়না নম্বা সিনেমাগী মগুন হেনগৎহল্লি” — হাওবম পাবন কুমার

মনিপুরগী শক্নাইরবা ফিল্ম মেকর, হাওবম পাবন কুমারনা 1990গী মতমদা ফোর্মেল ফিল্ম এজুকেসনগী শিংনবশিং মায়োক্নবগী মহাক্কী মশাগী ওইবা খোঙচৎকী মতাংদা শন্দোক্না হায়খি। FTII, পুনে অমসুং SRFTI, কোলকাতা হায়রিবা মরুওইবা ইন্সতিত্যুসন অনিখক্তমক লৈরিঙৈ মতম অদুদা অৱাং-নোংপোক লমদমগী ফিল্ম মেকরশিং অসি য়াম্না কনবা কম্পিতিসন অমসুং খুদোংচাবশিং খজিংতক থেংনখি। পাবননা SRFTIদা এদমিসন ফংনবা হোৎনখিবা মহাক্কী চহি তরুক্কী খোঙচৎ অদু নীংশিংখি, মদুগী মনুংদা মহাক্না শক্নাইরবা ফিল্মমেকর আরিবম শ্যাম শর্মগী মখাদা তম্বা হৌখি। মসিগী অকনবা ত্রেনিং অসিনা মহাকপু মহাক্কী ক্রাফ ফগৎহনবদা, ক্রিতিকেল সিনেমেতিক্কী ৱাখল্লোন অমা শেমগৎপদা, অমসুং ৱারী লীবগী মওং-মতৌবু খঙবদা মতেং পাংখিবগী মতাংদা মহাক্না পনখি। চহি কয়া অসিদা খুমাং চাউশিল্লবসু, অৱাং নোংপোক্কী ফিল্ম মেকরশিংনা মখোয়গী থবকশিং উৎনবা প্লেৎফোর্ম অমসুং শকখঙনবগীদমক হোৎনরি হায়না মহাক্না ফোংদোকখি। মহাক্না হায়খি মদুদি মহাক্কী ফিল্ম ইন্সতিত্যুৎকী মাগী মশাগী কম্ম্যুনিতীনা মহাক্কী কেরিয়র শেমগৎপদা মতেং পাংখি।

“অশেংবা ৱারীশিং য়ুমদগী হৌই অমসুং মসিবু খঙবনা ফিল্মমেকরগী ভোইস শেম্মি” —মহার্শি তুহিন কাশ্যাপ

মহার্শি তুহিন কাশ্যপনা SRFTI দা মহাক্না মতম কুইনা থবক তৌরকপদগী ফিল্ম মেকর অমা ওইবগী মহাক্কী ৱাখল্লোন অসি মতৌ করম্না অমুক হন্না শেমগৎলকখিবগে হায়বগী মতাংদা ৱা ঙাংখি। অহানবদা মেন্সত্রিম বোলীৱুদকী শক্নাইরবশিংদা পুক্নিং চিংশিনখিবা কাশ্যপনা আসামদা হৌরকপা অশেংবা ৱারীশিং থিজিনবগী মরুওইবা অদু খঙখি। মহাক্না মহাক্কী ফিল্ম এজুকেসননা মহাকপু কুপ্না য়েংনবা, নৈননীংঙাই ওইবা মওংদা খনবা অমসুং মহাক্কী কলচরেল হেরিতেজবু ক্রিএতিব ইন্সপিরেসনগী হৌরকফম অমা ওইনা লৌনবা তম্বীখিবা অদুদা ক্রেদিৎ পীখি। 'মশাগী লম অমসুং পুৱারী খঙবা হায়বসি একাদমিক এক্সরসাইজ খক্তমক নত্তে, মসি লোকেল অমসুং গ্লোবেল অনিমক্তা ইথিল পীবা ৱারী শাবদা তঙাইফদে' হায়না মহাক্না ফোংদোকখি।

“অৱাং-নোংপোক্কী সিনেমা অসিদা ইনাক খুল্লবা পুৱারী অমা য়াওই মসিবু জাতি অমসুং মালেমগী স্ক্রীনশিংদা য়েংবা অমসুং তাফম থোকই” — রীমা বোরাহ

রীমা বোরাহনা FTIIনা মহাক্কী সিনেমেতিক সেন্সিতিবিতী অমসুং পর্সনেল গ্রোথপু মতৌ করম্না খুমাং চাউশিলহনবগে হায়বদু শন্দোক্না তাকখি। মহাক্না হায়খি মদুদি ইশানৌদগী গঙ্গা সিলোনী পাখী ফাওবদা লমদম অসিগী সিনেমাগী পুৱারী মরাং কায়না লৈরবসু অমসুং 1935দগী হৌরকপা আসামী সিনেমাগী পুৱারী মরাং কায়না লৈরবসু অৱাং-নোংপোক্কী সিনেমা অসি মতম শাংনা নেস্নেল দিস্কোর্সতা মমি তাদনা লৈরি। বোরাহনা অরুনাচল প্রদেশতা অনৌবা ফিল্ম ইন্সতিত্যুৎ অমা লিংখৎপগীদমক থাগৎপা ফোংদোকখি। মসিনা অৱাং-নোংপোক্কী লোনশিং, চৎনবীশিং অমসুং ৱারীশিং অসি মীয়ামদা শন্দোকপদা মরুওইবা খোঙথাং অমনি হায়না মহাক্না হায়খি।

“খ্বাইদগী ফজবা ৱারীশিংদি ঐখোয়গী ইশাগী লমদমদগী লাকই। ফিল্ম স্কুলনা মখোয় অদু করম্না লিগনি তাকপী” — দোমিনিক সাংমা

মোদরেতর ওইরিবা দোমিনিক সাংমানা, ৱারী লীবা অমসুং এজুকেসনগী পাক চাউবা কন্তেক্সতা খন্ন-নৈনবগী থৌওং অসি ফ্রেম তৌখি। মহাক্কী হৌরকফম অসি ৱারী লীবগী চৎনবীদা য়ুম্ফম ওইদুনা, সাংমানা হায়খি মদুদি গ্লোবেল সিনেমাদা এক্সপোজর ওইবনা মহাক্কী ৱারীগী মওং-মতৌবু শিংনখি অমসুং পাকথোক চাউথোকহনখি। মহাক্না পনখি মদুদি খ্বাইদগী পুক্নিং চিংশিনগদবা ৱারীশিং অসি মীওই অমগী চৎনবী, লমদম, অমসুং কম্ম্যুনিতীগী অচেৎপা লৌশিংদগী লাকপনি। সাংমাগী মতুং ইন্না ফিল্ম এজুকেসন্না ফিল্ম মেকরশিংদা তেক্নিকেল স্কিলশিং, থিওরিতিকেল গ্রাউন্দিং অমসুং ৱারীশিং অসি স্ক্রীন্দা ইফেক্তিব ওইনা হন্দোক্নবগী থাজবা পীরি।

ফিল্ম স্কুলশিংনা তেলেন্ত, কলচরেল আইদেন্তিতী ঙাক্তুনা থম্বদা অমসুং অৱাং-নোংপোক্কী ফিল্ম মেকরশিংদা লোকেল অমসুং গ্লোবেল অনিমক্তা ইথিল পীবা সিনেমা পুথোকপদা মরু ওইবা থৌদাং অমা লৌরি হায়বসি য়ানশিন্নদুনা খন্ন-নৈনখিবা অদু লোইশিনখি। মসিনা ইনফ্রাস্ত্রকচর, মেন্তরশিপ অমসুং অৱাং-নোংপোক্কী ৱারী লিবা মীওইশিংগী ৱা ঙাংনবা প্লেৎফোর্মশিংদা মখা তানা ইনভেস্তমেন্ত তৌবগী তঙাইফদবা অদুসু পনখি।

IFFIগী মতাংদা

ইং 1952দা হৌদোকখিবা ইন্তর্নেস্নেল ফিল্ম ফেস্তিবেল ওফ ইন্দিয়া (IFFI) অসি খা এসিয়াগী খ্বাইদগী লিরবা অমসুং খ্বাইদগী চাউবা সিনেমাগী কুমহৈ অমা ওইরি। ভারত সরকারগী ইনফোর্মেসন অমসুং ব্রোদকাস্তিং মন্ত্রালয়গী নেস্নেল ফিল্ম দিবেলপমেন্ত কোরপোরেসন (NFDC) অমসুং গোৱাগী এন্তর্তেনমেন্ত সোসাইতী (ESG), গোৱাগী রাজ্য সরকারনা পুন্না শীন-লাংদুনা পাংথোক্লিবা ফেস্তিবেল অসি মালেমগী সিনেমাগী পাৱরহাউস অমা ওইরক্লি। মসিদা নৌনা শেমজিন-শাজিন তৌরবা ক্লাসিকেল ফিল্মশিংগা থৌনা ফরবা এক্সপরিমেন্তশিংগা পুনশিন্নরি। IFFIবু অশেংবা মঙাল ওইহল্লিবা অসি মসিগী ইলেক্ত্রিক মিক্স- ইন্তর্নেস্নেল কম্পিতিতিবশিং, কলচরেল শোকেসশিং, মাস্তর ক্লাসশিং, ত্রিব্যুতশিং, অমসুং হাই-এনর্জী ৱেভস ফিল্ম বাজার, মফম অসিদা ৱাখল্লোনশিং, য়ানচেশিং অমসুং কোলাবোরেসনশিংনা পীনরি। নবেম্বর 20দগী 28 ফাওবা গোৱাগী নীংথিরবা শমুদ্র খোঙবালগী বেকদ্রোফতা পাংথোক্কদবা 56শুবা ইদিসন অসিনা লোল, জোনরা, ইন্নোবেসন, অমসুং ভোইসশিংগী অঙকপা স্পেক্ত্রম অমা অমসুং মালেমগী থাক্তা ভারতকী ক্রিএতিব ব্রিলিয়ান্সকী ইম্মির্সিব সেলেব্রেসন অমা পাংথোক্কনি।

অহেনবা ই-পাউগীদমক্তা, মসিদা ক্লিক তৌবীয়ু:

https://www.pib.gov.in/PressReleasePage.aspx?PRID=2191742

https://www.pib.gov.in/PressReleasePage.aspx?PRID=2190381

IFFI ৱেবসাইৎ: https://www.iffigoa.org/

PIBগী IFFI মাইক্রোসাইৎ: https://www.pib.gov.in/iffi/56/

PIB IFFIWood ব্রোদকাস্ত চেনেল: https://whatsapp.com/channel/0029VaEiBaML2AU6gnzWOm3F

X হেন্দলশিং: @IFFIGoa, @PIB_India, @PIB_Panaji

* * *