#IFFIWood, নবেম্বর 23, 2025

শুমহৎনীংঙাই ওইবা দেমোনস্ত্রেসন অমদা শক্নাইরবা এক্তর অনুপম খেরনা ঙসি গোয়াগী পনজীদা লৈবা কালা মন্দিরদা অহানবা মাস্তর ক্লাসতা শরুক য়ারিবা মীওই চাম্মগী মীতিন অমদা শরুক য়াখি অমসুং মহাক্কী অখন্নবা হৈ-শিংবা অমসুং লৌশিংগা লোয়ননা "গিভিং অপ ইস নোৎ এ চোইস" হায়বা থিমদা পাংথোকপা সেসন অমদা মীয়ামগী ৱাখল্লোনবু শুমহৎখি।

অনুপম খেরনা ফিল্ম নম্বা নুমিৎ খরনিগী মতুংদা সারান্সতা মহাক্কী লীদ রোল অদু মাংখিবা অমসুং অমুক হন্না ফংখিবগী ৱারীগা লোয়ননা সেসন অদু হৌদোকখি। মহাক্কী থৱায় হকচাং থা তরুক রোল অদুদা থাদখ্রবা মতুংদা, খঙহৌদনা রিজেক্ত তৌরকপনা থম্মোয় শোকহনখি। মহাক্না নীংবা কাইবদগী মুম্বাই শহরবু মতম পুম্বগী ওইনা থাদোক্নবা ৱারেপ লৌরকপদা মহাক্না ফিল্ম অদুগী দিরেক্তর মহেশ ভত্তকা অরোইবা ওইনা উননবা চৎখি। অনুপম খেরগী রিএক্সন অদু উবদা, ভত্তনা অমুক হন্না খন্থখি অমসুং মহাকপু অমুক হন্না হঞ্জিনহনখি অমসুং ফিল্ম অসি খেরগী কেরিয়রদা মশক তাকপা তাঙ্কক অমা ওইখি। মসিগী এক্সপরিয়েন্স অদুগী মতাংদা পল্লদুনা, খেরনা সারান্সনা মতৌ করম্না মহাকপু তোক্তনবা তাকপীরম্বগে হায়বগী মতাংদা ঙাংখি। মহাক্না হায়খি মদুদি মহাক্না মায়োক্নখিবা অদু মহাক্কী মায় পাকপগী অহৌবা অদুনি।

“ইথিল পীরিবা ৱারোল পুম্নমক ঐগী পুন্সিগী এক্সপরিয়েন্সশিংদা য়ুম্ফম ওই”

অনুপম খেরনা মীতিন অদুগী মনুংদা মহাক্কী পুন্সিগী ওইবা খুদম কয়া পীখি। মহাক্না মখা তারদুনা হায়খি মদুদি ইমুংগী মীওই 14গা লোয়ননা অৱাবা, লায়রবা ময়াই ওইবা কাংলুপকী য়ুমদা লৈরবসু, মহাক্কী মধৌনা থৌনা লৈবা অমসুং পুন্সিদা অখন্নবা মীৎয়েং অমা লোয়ননা হিংলম্মি। মহাক্না ফিভমশিং অসি লৈরবসু মহাক্কী নুংঙাইরবা অঙাং ওইরিঙৈগী মতম অদু নিংশিংখি অমসুং অপীকপা পোৎলমশিংদা নুংঙাইবা ফংবা ঙম্বগী মহাক্কী মধৌগী পাউতাক অদু পাউদমখি।

“মায়পাক্তবা হায়বা অসি ইভেন্ত অমনি, মীওই অমা নত্তে”

অনুপম খেরনা মহাক্কী নহা ওইরিঙৈগী পুক্নিং থৌগৎনীংঙাই ওইবা থৌদোক অমা শন্দোক্না তাকখি। মহাক্না ফোরেস্ত দিপার্তমেন্ততা ক্লার্ক ওইরম্বা মহাক্কী মপাবুংনা মহাক্কী মালেমদা য়েংলিবা মীৎয়েং করম্না শেমগৎলকখিবগে হায়বা নীংশিংখি। মহাক্কী মপানা রিপোর্ত কার্দ অদুদগী খেরনা ক্লাস 60গী মনুংদা 58শুবা মফমদা লাক্লে হায়বা খঙলকপা মতমদা থোকখিবা থৌদোক অদুগী মতাংদা নীংশিংখি। ফল অদুগী মতাংদা নুংঙাইতবা পোকপগী মহুত্তা, মহাক্কী মপা ঙাইহাক তুমিন্না লৈরগা হায়খি, "ক্লাসতা নৎত্রগা শান্ন-খোৎনবদা অহানবা ওইরিবা মীশক অমনা ত্রেক রেকোর্দ লেংদনা থম্নবগী প্রেসর লৈগনি, মরমদি খ্বাইদগী ৱাংবা গ্রেদতগী হন্থবা অমা হেক্তা মায়থীবা ওইনা উবা ফংই। অদুবু 58শুবা মফমদা লাক্লবা মীওই অমনা মহাক্কী থাক অসি ফগৎহন্নবা খুদোংচাবা পুম্নমক লৈ। মরম অদুনা, ঐঙোন্দা মতেং পাংবীয়ু, মথংদা 48শুবা লাকউ”।

“অদোমগী ইশাগী বাইওপিক্তা লীদ ওইবীয়ু”

সেসন অদুগী মনুংদা মহাক্না মহাক্কী পুন্সিগী থৌদোক অমসুং খুদম কয়াগা লোয়ননা মীফম অদুদা য়াওরিবশিংবু মখোয়গী ৱাখল্লোন ফগৎহন্নবা পুক্নিং থৌগৎখি। মহাক্না মশাগী ওইবা মওং-মতৌগী ৱাহন্থোক্তি, নহাক অসি নহাক্না ওইরিবা মওং-মতৌ অসিগা চান্নৈ হায়বদু ময়েক শেংনা তাকখি। মহাক্না হন্না হন্না মীয়াম্বু মশাদা থাজবা থম্নবা অমসুং মখোয় মশাগী বাইওপিক্কী মরুওইবা শক্তম ওইনবা হায়খি। মহাক্না ৱাহং অসি হংখি, “পুন্সি অসিগী করিগীদমক লায়বা নত্ত্রগা অচম্বা ওইগদবনো? করিগীদমক পুন্সিদা সমস্যা লৈরোইদৌরিবনো? মরমদি অদোমগী প্রোব্লেমশিং অসিনা অদোমগী বাইওপ্লিকপু সুপরস্তার বাইওপ্লিক অমা ওইহল্লগনি”।

QA সেসন মনুংদা ৱামেন শো অসিনা মীৎয়েং চীংশিনখি। মহাক্কী অরোইবা পাউখুমদা মহাক্না হায়খি, "’তোকথোকপা অসি চোইস অমা নত্তে’ অসি শুপ্নগী ৱাহৈ পরেং নত্তে। মসি য়াম্না হোৎনবা চংবা অমনি। ঐনা থাজৈ মদুদি করিগুম্বা অমা পাম্লবদি, নহাক্না কৎথোক্কদবনি অমসুং অদোমবু লেপচবা ঙম্নবগীদমক্তা পুক্নিং থৌগৎকদবনি। নহাক্না নুংঙাইতবা কয়া মায়োক্নগনি। অদুম ওইনমক করিগুম্বা অদোম্না তোকথোক্লবদি, ৱারীশিং অদু মদুদা লোইশিল্লগনি, ঐগী মরুপশিং”।

IFFIগী মতাংদা

ইং 1952দা হৌদোকখিবা ইন্তর্নেস্নেল ফিল্ম ফেস্তিবেল ওফ ইন্দিয়া (IFFI) অসি খা এসিয়াগী খ্বাইদগী লিরবা অমসুং খ্বাইদগী চাউবা সিনেমাগী কুমহৈ অমা ওইরি। ভারত সরকারগী ইনফোর্মেসন অমসুং ব্রোদকাস্তিং মন্ত্রালয়গী নেস্নেল ফিল্ম দিবেলপমেন্ত কোরপোরেসন (NFDC) অমসুং গোৱাগী এন্তর্তেনমেন্ত সোসাইতী (ESG), গোৱাগী রাজ্য সরকারনা পুন্না শীন-লাংদুনা পাংথোক্লিবা ফেস্তিবেল অসি মালেমগী সিনেমাগী পাৱরহাউস অমা ওইরক্লি। মসিদা নৌনা শেমজিন-শাজিন তৌরবা ক্লাসিকেল ফিল্মশিংগা থৌনা ফরবা এক্সপরিমেন্তশিংগা পুনশিন্নরি। IFFIবু অশেংবা মঙাল ওইহল্লিবা অসি মসিগী ইলেক্ত্রিক মিক্স- ইন্তর্নেস্নেল কম্পিতিতিবশিং, কলচরেল শোকেসশিং, মাস্তর ক্লাসশিং, ত্রিব্যুতশিং, অমসুং হাই-এনর্জী ৱেভস ফিল্ম বাজার, মফম অসিদা ৱাখল্লোনশিং, য়ানচেশিং অমসুং কোলাবোরেসনশিংনা পীনরি। নবেম্বর 20দগী 28 ফাওবা গোৱাগী নীংথিরবা শমুদ্র খোঙবালগী বেকদ্রোফতা পাংথোক্কদবা 56শুবা ইদিসন অসিনা লোল, জোনরা, ইন্নোবেসন, অমসুং ভোইসশিংগী অঙকপা স্পেক্ত্রম অমা অমসুং মালেমগী থাক্তা ভারতকী ক্রিএতিব ব্রিলিয়ান্সকী ইম্মির্সিব সেলেব্রেসন অমা পাংথোক্কনি।

অহেনবা ই-পাউগীদমক্তা, মসিদা ক্লিক তৌবীয়ু:

https://www.pib.gov.in/PressReleasePage.aspx?PRID=2191742

https://www.pib.gov.in/PressReleasePage.aspx?PRID=2190381

IFFI ৱেবসাইৎ: https://www.iffigoa.org/

PIBগী IFFI মাইক্রোসাইৎ: https://www.pib.gov.in/iffi/56/

PIB IFFIWood ব্রোদকাস্ত চেনেল: https://whatsapp.com/channel/0029VaEiBaML2AU6gnzWOm3F

X হেন্দলশিং: @IFFIGoa, @PIB_India, @PIB_Panaji

* * *