#IFFIWood, 23 नोव्‍हेंबर 2025

आज कला मंदिर, पणजी, गोयात पयल्या मास्टरक्लासांत नामनेचो अभिनेतो अनुपम खेर हाणें शेंकड्यांनी  प्रेक्षकांक मंत्रमुग्ध करपी सादरीकरणात  पुरायपणान वेधून घेतले आनी ‘गिविंग अप इज नॉट अ चॉयस’ ह्या विशयाचेर आधारित सत्रात आपल्या खास विनोदबुद्धी आनी जीवनदृष्टीन उपस्थितांची मना जिंकली.

अनुपम खेर हाणें सत्राची सुरुवात 'सारांश' चित्रपटातली आपली मुखेल भुमिका हातांतल्यान वचून चित्रीकरणाच्या काय दिसां आदि परत मेळिल्ल्याची कथा सांगून केली. स म्हयन्यां परस चड काळ ह्या भुमिके खातीर मना सावन काम केले उपरांत अकस्मात न्हयकारिल्ल्यान ताका सामको धक्को बसलो. निरशेवण मुंबय शाराक सदां खातीर निरोप दिवपाचो निर्णय घेतकीर तो निमाणे खेपे फिल्माचो दिग्दर्शक महेश भट्ट हांकां मेळपाक गेलो. अनुपम खेराची तीव्र प्रतिक्रिया पळोवन भट्ट हांणी आपलें मत बदलून परतून खेराक मुखेल भुमिका दिली. हो खीण खेराच्या कारकिर्दींतलो एक निर्णायक टप्पो थरलो. ह्या अणभवाचेर विचार करतना खेर हांणी सांगलें, सारांश ह्या सिनेमान ताका हार न मानपाचो धडो शिकयलो.

“म्हजीं सगळीं प्रेरणादायी भाशणां म्हज्या जिविताच्या अणभवांचेर आदारीत आसात”

अनुपम खेर हांणी पुराय सत्रांत आपल्याच जिणेंतली जायतीं उदाहरणां दिलीं. 14 वांगड्याच्या एकत्र कुटुंबांत आनी एका ल्हानश्या कनिष्ठ-मध्यमवर्गीय  घरांत रावून लेगीत ताच्या आज्याचो  स्वभाव  निवांत आनी जिणे कडे पळोवपाचो दृष्टिकोन आगळोच आशिल्लो अशें तांणी सांगलें. परिस्थिती प्रतिकूल आसून लेगीत ताणें आपल्या आनंदी भुरगेपणाच्यो यादी सांगल्यो आनी ल्हान ल्हान गजालींनी खोस सोदपाची आज्यांची शिकवण उपस्थितांक सांगली.

"अपेस म्हणल्यार फकत एक घडणूक, मनीस केन्नाच अपेशी नासता"

अनुपम खेर हांणी आपल्या भुरगेपणांतली एक याद सांगली. ताचो बापूय रान खात्यांत कारकून आशिल्लो, तांणी आपलो जगाकडे पळोवपाचो दृष्टिकोन कसो घडयलो हे ताणें सांगलें. 60 विद्यार्थ्यांच्या वर्गांत तो 58वे सुवातेर आयला हें खेराच्या बापायक कळ्ळें तेन्नाचो प्रसंग ताणें सांगलो. ह्या निकालाक लागून अस्वस्थ जावचे परस ताचो बापूय थोडो वेळ ओगी रावलो आनी म्हळें "वर्गांत वा खेळांत पयलो येवपी भुरग्याचेर तो विक्रम तिगोवन दवरपाचो दबाव आसता, कारण ताचे परस उणें कितेंय आसल्यार अपेस मानतात.पूण 58वे सुवातेर आयिल्ल्या भुरग्याक आपली सुवात सुदारपाची व्हड संद मेळटा. देखून, म्हजेर एक उपकार कर, फुडले खेपे 48वे सुवातेर यो."

"स्वतःच्या बायोपिकांत मुखेल पात्र जायात"

पुराय सत्रांत ताणें आपल्या जिवितांतल्यो जायत्यो घडणुको आनी उदाहरणां दिवन प्रेक्षकांक तांचो दृष्टिकोन सुदारपाक प्रोत्साहन दिलें. तांणी प्रेक्षकांक स्वताचेर विस्वास दवरून स्वताच्या बायोपिकांतलें मध्यवर्ती पात्र जावपाचें परत परत आवाहन केले.

IFFI विशीं

1952 वर्सा सुरु जाल्लो भारतीय आंतरराष्ट्रीय चित्रपट महोत्सव (IFFI) दक्षिण आशियांतलो सगळ्यांत पोरनो आनी सगळ्यांत व्हडलो चित्रपट महोत्सव. राष्ट्रीय चित्रपट विकास म्हामंडळ (एनएफडीसी), म्हायती आनी प्रसारण मंत्रालय, भारत सरकार आनी गोंय मनरिजवण सोसायटी (ईएसजी) गोंय राज्य सरकार हांणी संयुक्तपणान आयोजीत केल्लो हो महोत्सव आता जागतिक चित्रपटसृष्टीतले शक्तीघर जाला. इफ्फीक खऱ्या अर्थान चमकावपी गजाल म्हळ्यार ताचे अद्वितीय मिश्रण -आंतरराष्ट्रीय सर्ती, सांस्कृतीक प्रदर्शनां, मास्टरक्लास आनी उच्च उर्जा आशिल्लो 'व्हेवज’ (WAVES) फिल्म बाजार, जंय कल्पना, वेव्हार आनी सहयोग आकार घेतात. 20 ते 28 नोव्हेंबर मजगती गोयांत जावपी ह्या 56व्या आवृत्तीत भाशा, शैली, नवोन्मेष आणि आवाजांचो एक दोळे दिपकावपी संग्रह सादर जातलो - जागतिक स्तराचेर भारताच्या सर्जनशील प्रतिभेचो एक मन भुलोवपी उत्सव.

For more information, click on:

IFFI Website: https://www.iffigoa.org/

PIB’s IFFI Microsite: https://www.pib.gov.in/iffi/56/

PIB IFFIWood Broadcast Channel: https://whatsapp.com/channel/0029VaEiBaML2AU6gnzWOm3F

X Post Link: https://x.com/PIB_Panaji/status/1991438887512850647?s=20

X Handles: @IFFIGoa, @PIB_India, @PIB_Panaji

* * *

PIB IFFI CAST AND CREW | सुभाष जाण/मोनाली प्रभू/दर्शना राणे | IFFI 56