Ka Waves Film Bazaar 2025 ka la kut noh da ka jingialang pynhap pyrda kaba iphuh iphieng mynta ka sngi ha ka IFFI kaba 56 kaba long ka jingkut noh ki san sngi jong ka jingïakynduh, ki jingïatreilang ha ka pyrthei bad ki jingpyni phlim ba thymmai. Kane ka jingïalang ka la wanrah lang ïa ki nongshna phlim ba pawnam, ki nongïalam ha ka kam, ki nongbei tyngka bad ki sap ba dang mih na kylleng ka pyrthei ha ka jingrakhe ïa ka jingsaindur bad jingpynwandur thymmai.

Ia kane ka jingialang la plie paidbah da ki riew pawkhmat ba kynthup ia ki Joint Secretary ka Tnad Information and Broadcasting, Dr. Ajay Nagabhushan MN bad u Dr. K. K. Nirala, Managing Director ka NFDC u Prakash Magdum, u nongai jingmut jong ka Waves Film Bazaar u Jerome Paillard, Festival Director jong ka IFFI Shekhar Kapur, ki nongshna phlim ba pawkhmat u Rajkumar Hirani bad u Sriram Raghavan bad kumjuh ruh ka aktor Rachel Griffiths.

La sdang ia ka jingialang da kaba pynlong ia ka jingsngap jar kaba shi minit kum ka jingkynmaw burom ia u aktor ba pawnam u Dharmendra, ban burom ia ka jingnoh synniang ba khraw jong u ha ka cinema.

Ha ka jingai jingkren jong u, u Dr. Nagabhushan u la kular ban pynheh shuh shuh ia ka WAVES Film Bazar ha ka Bynta kaba 20 jong ka. U Magdum u la ban jur ia ka jingjop ba la ioh da ki projek ba la jied mynshuwa. U la pynskhem biang ia ka jingkular jong ka NFDC ban kyntiew ia ki jingmut jingpyrkhat kiba laitluid.

La pyni ia ka video ba kyrpang kaba la pyni ia ki jingjia ba kongsan jong ka tamasa, kaba la pynkhreh na ka bynta ka janmiet jong ka jingrakhe bad jingithuh.

Ki Khusnam ba kongsan

Ka Waves Phlim Bazaar ka la pynkup burom ïa ki projek kiba pawnam ha kylleng ka Iew Pynmih Phlim jong ka, ka Lab ba dang ïaid shaphrang, ka Script Lab, bad ki bynta ba thymmai ba la pynïaid da ka AI.

• Kakthet (Idiot) – First Co-Production Grant ($10,000)
• Ulta (Madam) – Second Co-Production Grant ($5,000)
• Simhastha Kumbh – Special Documentary Grant ($5,000)
• The Manager, Azhi, Ustad Bantoo – Red Sea Fund Awards
• Nazma Ka Tadka – Platoon One Script Development Grant
• Teacher’s Pet, White Guy – Casting Company Awards
• 7 to 7 – UCCN City of Film Best Project Award

Ki jingjop hadien ka jingpynmih

Ki nongjop kum u Khoriya, Azhi, The Ink Stained Hand and the Missing Thumb, Born Yesterday, Aakkaatti, bad Khamosh Nazar Aate Hain ki la ioh ia ka jingkyrshan kaba khraw na ki Nube Studio, Prasad Corporation, Moviebuff, bad kiwei kiwei.

Ka GAP funding bad jingsam

• Echoes of the Herd – Matchbox GAP Award
• Soul Whispers – M5 Global Film Fund
• Chingam – Reborn India Theatrical Distribution Award

Ka AI Film Festival & CinemAI Hackathon: Kaba nyngkong ha ka Pyrthei

La pynïaid da ka LTIMindtree, ka jingpyni AI mynta u snem ka la khring ïa ki jingïashim bynta na palat 18 tylli ki ri, kaba pyndon burom ïa ka jingpynwandur thymmai ha ka kam shna phlim.

• KYRA – Best AI Animation
• The Cinema That Never Was – Most Innovative AI Film
• Nagori – Best AI Short

Ki Jingkdew ba Kyrpang:  The Last Backup Final Part, Miracle on the Kachua Beach

Ka CinemAI Hackathon ka la rakhe ïa ka jingsaindur ba stet ryngkat ki khusnam na ka bynta ka Sound, ki Visual, ki jingïathuh khana, ka jingpynwandur thymmai bad ka Beast AI Film— ba la jop da ka The Red Crayon.

Ka Bynta halor ki sap ba dang mih

Ka Student Producer’s Workshop ka la pynkup burom ïa ki samla nongsaindur kiba tbit, kynthup ïa u Kaashviy Ommkaar, u Aniket Joshi, ka Radhika Kinare, ka Riya Varghese, bad ka Sakshi Mishra, da kaba pyni ïa ka lawei kaba don jingkyrmen jong ka kam shna phlim jong ka India.

La pynkut ïa kane ka jingïalang da ka Jingkren ai Khublei na ka Heh duh jong ka Waves Film Bazaar, ka Vineeta Mishra bad bud sa ka jingïaid ha ka rynsan da ka kynhun. Lyngba ka jingïashim bynta kaba phylla, ki jingïatreilang kiba khlaiñ, bad ka jingïathuhkhana kaba iohi jngai, ka Waves Phlim Bazaar 2025 ka la kut ha ka jingshitrhem — bad ka kular ïa ka bynta kaba kham heh bad kaba kham shlur ha u snem 2026.

Ban ioh jingtip shuh shuh, shon ha ka:

IFFI Website: https://www.iffigoa.org/

PIB’s IFFI Microsite: https://www.pib.gov.in/iffi/56new/

PIB IFFIWood Broadcast Channel: https://whatsapp.com/channel/0029VaEiBaML2AU6gnzWOm3F

X Handles: @IFFIGoa, @PIB_India, @PIB_Panaji

* * *