#IFFIWood, 24 नोव्‍हेंबर 2025

पांच दिसांच्या उर्बेभरीत आदान-प्रदान, जागतीक सहकार आनी अभूतपूर्व सिनेमॅटिक प्रदर्शनां उपरांत आयज 56व्या इफ्फींत भव्य समारोप सुवाळ्यान वेव्स फिल्म बाजार 2025 ची सांगता जाली. ह्या काऱ्यक्रमांत संवसारभरांतले नामनेचे चित्रपट निर्माते, उद्देग फुडारी, निधी दिवपी आनी उदयाक येवपी प्रतिभा एकठांय येवन  सृजनशीलताय आनी नवनिर्माणाच्या उत्सवांत वांटो घेतलो.

माचयेर म्हायती आनी प्रसारण मंत्रालयाचे संयुक्त सचीव डॉ अजय नागभूषण एमएन आनी डॉ. के. के. निराला,  एनएफडीसीचे वेवस्थापकीय संचालक श्री प्रकाश मगदुम, वेव्स फिल्म बाजाराचे सल्लागार जेरोम पैलार्ड, इफ्फी महोत्सवाचे संचालक शेखर कपूर, नामनेचे फिल्म निर्माते राजकुमार हिरानी आनी श्रीराम राघवन आनी आंतरराष्ट्रीय अभिनेतो रेचल ग्रिफिथ्स सयत हेर मानेस्त हाजीर आसलें .

दिग्गज अभिनेतो धर्मेंद्र हांच्या यादींत एक मिनटाचें मौन पाळून, सिनेमांतल्या तांच्या असामान्य योगदानाचो भोवमान करून सुवाळ्याची सुरवात जाली.

उक्तावण उलोवपा वेळार .डॉ अजय नागभूषण हांणी विसाव्या आवृत्तींत वेव्स फिल्म बाजाराची  विस्तारीत आवृत्ती दिवपाचें  उतर दिलें. श्री मगदुम हांणी आदीं वेंचून काडिल्ल्या प्रकल्पांनी मेळिल्ल्या यशाचेर भर दिलो. स्वतंत्र विचारांक चालना दिवपाची एनएफडीसीची वचनबद्धताय तांणी परतून नमूद केली. 

महोत्सवाच्यो खाशेल्यो गजाली दाखोवपी एका खाशेल्या रैप-अप व्हिडियोची हे वेळार प्रस्तुती जाली , जांणी उत्सव आनी नामनेच्या सांजवेळेचे वातावरण तयार केले. 

मुखेल पुरस्कार हायलायट्स

वेव्स फिल्म बाजारान आपल्या सह-निर्माण बाजारपेठ, वर्क-इन-प्रोग्रेस लॅब, स्क्रिप्ट लॅब, आनी नव्या एआय चलीत विभागांतल्या उत्कृश्ट प्रकल्पांचो भोवमान केलो.

• काकथेट (इडियट) – पयलें सह-निर्मिती अनुदान ($10,000)
• उल्टा (मैडम) – दुसरें सह-निर्मिती अनुदान ($ 5,000)
• सिंहस्थ कुंभ – खाशेलें डॉक्युमेंटरी अनुदान ($5,000)
• द मॅनेजर, अज़ी, उस्ताद बंटू – रेड सी फंड पुरस्कार
• नज़मा का तडका – प्लाटून वन स्क्रिप्ट डेवलपमेंट अनुदान
• टीचर्स पेट, व्हाइट गाइ  – कास्टिंग कंपनी पुरस्कार
• 7 टू 7 – UCCN  सिटी ऑफ फिल्म बेस्ट प्रोजेक्ट पुरस्कार

पोस्ट-प्रोडक्शन उपरांतचे जैत

खोरिया, अज़ी, द इंक स्टेन्ड हैंड एंड  द मिसिंग थंब, बॉर्न यस्टरडे, आक्काट्टी, खामोश नजर आते हैं ह्या विजेत्यांक न्यूब स्टूडियोज़, प्रसाद कॉर्पोरेशन, मूवीबफ, आनी हेरांचो व्हड आदार मेळ्ळो.

• प्रीमियर GAP फंडिंग आनी डिस्ट्रीब्यूशन
• इकोज़ ऑफ़ द हर्ड – मैचबॉक्स GAP पुरस्कार
• सोल व्हिस्पर्स – M5 ग्लोबल फ़िल्म फ़ंड
• चिंगम – रीबॉर्न इंडिया थिएट्रिकल डिस्ट्रीब्यूशन पुरस्कार

एआय फिल्म फेस्टिवल एन्ड सिनेमाएआय हैकाथॉन:  जागतीक पयलें

LTIMindtree च्या आदारान ह्या वर्साच्या एआय शोकेसाक 18+ देशांतल्यान नोंदी आयिल्ल्यो , जांतूत फिल्म निर्मितींतल्या अत्याधुनीक नवनिर्माणाचो भोवमान केलो.

• कायरा – बेस्ट AI एनिमेशन
• द सिनेमा दैट नेवर वाज़ – मोस्ट इनोवेटिव AI फिल्म
• नागोरी – बेस्ट AI शॉर्ट

स्पेशल मेंशन: द लास्ट बैकअप फाइनल पार्ट, मिरेकल ऑन द कचुआ बीच

सिनेमाएआय हॅकथॉनांत रॅपिड-फायर क्रिएटिव्हिटीची परब मनयली आनी तातूंत साउंड, व्हिज्युअल्स, स्टोरीटेलिंग, इनोव्हेशन आनी बेस्ट एआय फिल्म — द रेड क्रेयॉन हे जैतिवंत थारले.

उदयोन्मुख प्रतिभेचेर स्पॉटलाइट

विद्यार्थी निर्मात्याच्या कार्यशाळेंत काश्वीय  ओमकार, अनिकेत जोशी, राधिका किनारे, रिया वर्गीस, आनी साक्षी मिश्रा हांचो आस्पाव आशिल्ल्या स्टँडआउट तरणाट्या निर्मात्यांचो भोवमान केलो आनी भारतीय सिनेमाचो आशादायक फुडार दाखयलो.

वेव्स फिल्म बाजाराची मुखेली विनीता मिश्रा हांणी मना सावन उपकार मानून सुवाळो सोंपलो आनी उपरांत पुराय पंगडान माचयेर उत्साहीपणान वांटो घेतलो. अविश्वसनीय सहभाग, दमदार  भागीदारी, आनी दूरदर्शी कथाकथना सयत , वेव्स फिल्म बाजार 2025 ची सांगता व्हड दबाज्यात जाता  — आनी 2026 वर्सा आनीकय व्हडली, बोल्ड आवृत्ती दिवपाचें उतर दिता.

IFFI विशीं

1952 वर्सा सुरु जाल्लो भारतीय आंतरराष्ट्रीय चित्रपट महोत्सव (IFFI) दक्षिण आशियांतलो सगळ्यांत पोरनो आनी सगळ्यांत व्हडलो चित्रपट महोत्सव. राष्ट्रीय चित्रपट विकास म्हामंडळ (एनएफडीसी), म्हायती आनी प्रसारण मंत्रालय, भारत सरकार आनी गोंय मनरिजवण सोसायटी (ईएसजी) गोंय राज्य सरकार हांणी संयुक्तपणान आयोजीत केल्लो हो महोत्सव आता जागतिक चित्रपटसृष्टीतले शक्तीघर जाला. इफ्फीक खऱ्या अर्थान चमकावपी गजाल म्हळ्यार ताचे अद्वितीय मिश्रण -आंतरराष्ट्रीय सर्ती, सांस्कृतीक प्रदर्शनां, मास्टरक्लास आनी उच्च उर्जा आशिल्लो 'व्हेवज’ (WAVES) फिल्म बाजार, जंय कल्पना, वेव्हार आनी सहयोग आकार घेतात. 20 ते 28 नोव्हेंबर मजगती गोयांत जावपी ह्या 56व्या आवृत्तीत भाशा, शैली, नवोन्मेष आणि आवाजांचो एक दोळे दिपकावपी संग्रह सादर जातलो - जागतिक स्तराचेर भारताच्या सर्जनशील प्रतिभेचो एक मन भुलोवपी उत्सव.

For more information, click on:

IFFI Website: https://www.iffigoa.org/

PIB’s IFFI Microsite: https://www.pib.gov.in/iffi/56/

PIB IFFIWood Broadcast Channel: https://whatsapp.com/channel/0029VaEiBaML2AU6gnzWOm3F

X Post Link: https://x.com/PIB_Panaji/status/1991438887512850647?s=20

X Handles: @IFFIGoa, @PIB_India, @PIB_Panaji

* * *

PIB IFFI CAST AND CREW | सुभाष जाण/उत्कर्षा भुस्कुटे/दर्शना राणे | IFFI 56