#IFFIWood, 22 नोव्‍हेंबर 2025

IFFIत “अनस्क्रिप्टेड – सिनेमा निर्मितीची कला आनी भावना” सत्रान आयज कला अकादमीचे रूपांतर चित्रपटाच्या सेटात जाले. आयज कला अकादमींत नामनेचो दिग्दर्शक आनी निर्मातो विधु विनोद चोप्रा आनी नामनेचो पटकथा लेखक अभिजात जोशी  हांचे मदलो मन मोकळो संवाद पळोवन प्रेक्षक मंत्रमुग्ध जाले. हें सत्र इतलें प्रभावशाली जालें कि शुक्रारचो ब्लॉकबस्टर पळयता आसतना जाता तशी अवस्था प्रेक्षकांची जाली. हें सत्र  अविस्मरणीय जालें.

सत्राची सुरुवात भोवमान सुवाळ्यात जाली. डॉ. अजय नागभूषण MN, संयुक्त सचिव (फिल्म्स), हांणी चोप्रा आनी जोशी हांचो भोवमान केलो, ताचे उपरांत नामनेचो निर्माता श्री रवि कोट्टारक्करा  हाणी  दोगांयक शाल भेटोवन तांचो भोवमान केलो. चोपडा आपल्या प्रामाणीक मार्गदर्शनान तरणाट्या दिग्दर्शकांक ह्या मुखारूय प्रेरणा दितले अशी आस्त डॉ अजय हांणी उक्तायली. रवि हाणी  चोप्रा हांच्या ‘परिंदा’ चित्रपटाचे कौतुक केले.

स्वत:च्या अंतर्मनातल्यान सिनेमा साकारपी दिग्दर्शक

सत्राची सुरुवात करतना, अभिजात जोशी हाणी  तांच्या आनी विधू विनोद चोप्रा हांच्या पयल्या भेटीची याद सांगली. तो नोव्हेंबराचो दिस ताका सामको याद आसा  — असो क्षण ज्याने  'लगे रहो मुन्ना भाई'  आनी  ‘3 इडियट्स’सारख्या चित्रपटांक आकार दिलो. जोशी हाणी उपरांत चोप्रा हांका  ‘परिंदा’ सावन ‘12th Fail’ मेरेन तांच्या शैलीत बदल जाला काय ह्या विशी विचारले. चोप्रा हांची जाप जितली प्रामाणीक तितलीच स्पश्ट आशिल्ली.

“प्रत्येक चित्रपट त्या खिणाक हांव कोण तें दाखयतात" अशें तांणी सांगलें. “’परिंदा’ करतना हाव रागीट आशिल्लो. तो राग फिल्मांतय पळोवंक मेळटा, आयज हांव शांत आसां.”

‘12th Fail’ हो चित्रपट तांच्या आजूबाजूक दिसपी भ्रष्टाचारातल्यान प्रेरित आशिल्लो, अशे तांणी  मुखार सांगले. हो सिनेमा म्हजो यत्न आशिल्लो, ‘ मात्सो बदल म्हणून  प्रामाणीक जावया.’ प्रशासनांत 1% लेगीत बदल हाडूंक मेळ्ळें जाल्यार तें पुरो.” 1942: A Love Story’ ची नवी 8K पुनर्निर्मित आवृत्ती पळयतना अणभवलेले भावनिक क्षण तांणी शेअर केले.

दृढनिश्चयाचो सिनेमा

चोपडा हांचे सगळ्यांत व्हडले खाशेलपण म्हळ्यार स्वताच्या निश्चयाचेर आशिल्ली ताची अखंड निश्ठा अशें जोशी हाणी सांगले. तांकां  सिनेमाच्या वेवसायीक यशाची कांयच पर्वा आसना, फकत कलात्मक यश तांका म्हत्वाचें अशें तांणी सांगलें.

चोप्रा तयारी, दृष्टी आणि दृश्यात्मक सत्य सोदपा विशीं जिव्हाळ्यान उलयले. ‘१९४२: अ लव स्टोरी’ ह्या सिनेमांतल्या एका फामाद शॉटाचेर ताणें विस्तारान सांगलें. तांणी  दोंगराच्या कडेवेल्यान  प्रत्यक्ष पक्षी उडताना दाखवपा खातीर कसो यत्न केलो, आनी तें घडोवपा खातीर ताच्या टिमीन ब्रेडक्रंबस  कशे शिंपडले हाचें ताणें वर्णन केलें. काल 8K मदीं तो शॉट पळोवप हो एक आनंदाचो अणभव आशिल्लो अशें तांणी सांगलें.

किस्स्यांनी सभागृहात हासो पसरलो 

ताचे उपरांत प्रेक्षकांसमोर हास्य आनी हृदयस्पर्शी यादींचो वर्षाव जालो. चोप्रान एका कुडीच्या ल्हानशा फ्लॅटांत ‘खामोश’ बरयल्ल्याचो उगडास केलो, जंय तो छप्पराचेर सावन मोट्या मोट्यान संवाद म्हणतालो आनी "कट, कट!", अशे बोब मारतालो, शेजारी भिताले. जोशीन पुष्टी केली: "चित्रपटाची कल्पना करतना विधू सामको बालसुलभ उत्साहान भरता.”

संगीत, पिशेंपण, जादू

‘१९४२: अ लव स्टोरी’ विशीं उलयतना चोप्रा हाणी, आर.डी.बर्मनसोबत काम करपाचो आपलो खर निर्धार सांगलो,  बर्मन हाचो काळ सोंपला अशें सांगपी लोक आसून लेगीत. बर्मन हाणी सुरुवातीचे स्वर सादर केले, ते चोप्रा हाणी थेट नाकारले. सप्तकां उपरांत, आयलो “कुच ना काहो.” चोप्रा हाणी  माचयेर गीत गायलें आनी ताका प्रेक्षकां कडल्यान ताळयो मेळ्ळ्यो.

चोप्रा हाणी आपली नामनेची राष्ट्रीय पुरस्काराची काणीय सांगली. ह्या पुरस्कारा वांगडा ₹4,000 रोख मेळटले अशी अपेक्षा आशिल्ली, पूण आठ वर्सां खातीरचे   पोस्टल बाँड मेळ्ळें अशें तांणी सांगलें. L.K. अडवाणी हांच्यासोबत जाल्ल्या विनोदी वादा विशीं तांणी सांगले. तशेंच तांणी आडवाणी हाणी उपरांत केल्ले सहकार्य तांणी मान्य केले,, तातूंत ताका ऑस्कर खातीर वचपाक मजत करपाचो आस्पाव आशिल्लो.

क्लासिकच्या फाटलो आवाज रंगमंचाचेर

एका हृदयस्पर्शी क्षणी,  92 वर्सा पिरायेच्यो कामना चंद्रा, ‘1942: ए लव्ह स्टोरी’च्यो लेखिका आनी चोप्रा हांची माय, हांणी निर्मातो योगेश ईश्वरा वांगडा संवादांत वांटो घेतलो. दर एका संवादाचेर तांणी  केल्ल्या कश्टाचो आनी पुनर्संचयित आवृत्ती पळयतना अणभवल्ल्या भावनांचो उल्लेख कामना हाणी केलो. “जिणेंत कितें तरी साध्य केलां अशें म्हाका दिसलें,” अशें तांणी सांगलें.

योगेश हाणी इटलीतल्या  8K पुनर्निर्मितीच्या तपशीलवार प्रवासाची माहिती दिली, जातूंत प्रत्येक फ्रेम नितळ करपापासून ध्वनी पुनर्संचयित करपा मेरेन सगळे समाविष्ट आशिल्ले. चोप्रा हाणी म्हळें, पुनर्निर्मित आवृत्ती “हांवें कल्पना केल्ले सारकी दिसता.”

सत्राचो समारोप उत्साही प्रश्नोत्तरात जालो. प्रेक्षकांनी दशकां चो सिनेमा प्रवास अणभवलो, सिनेमा निर्मितीचो आनंद आनी विनोद मनयलो आनी विधू आनी अभिजात हांचे मदली सृजनशील भागीदारी पळयली — ज्या भागीदारीण भारताच्या कांय प्रिय सिनेमांक आकार दिला.

IFFI विशीं

1952 वर्सा सुरु जाल्लो भारतीय आंतरराष्ट्रीय चित्रपट महोत्सव (IFFI) दक्षिण आशियांतलो सगळ्यांत पोरनो आनी सगळ्यांत व्हडलो चित्रपट महोत्सव. राष्ट्रीय चित्रपट विकास म्हामंडळ (एनएफडीसी), म्हायती आनी प्रसारण मंत्रालय, भारत सरकार आनी गोंय मनरिजवण सोसायटी (ईएसजी) गोंय राज्य सरकार हांणी संयुक्तपणान आयोजीत केल्लो हो महोत्सव आता जागतिक चित्रपटसृष्टीतले शक्तीघर जाला. इफ्फीक खऱ्या अर्थान चमकावपी गजाल म्हळ्यार ताचे अद्वितीय मिश्रण -आंतरराष्ट्रीय सर्ती, सांस्कृतीक प्रदर्शनां, मास्टरक्लास आनी उच्च उर्जा आशिल्लो 'व्हेवज’ (WAVES) फिल्म बाजार, जंय कल्पना, वेव्हार आनी सहयोग आकार घेतात. 20 ते 28 नोव्हेंबर मजगती गोयांत जावपी ह्या 56व्या आवृत्तीत भाशा, शैली, नवोन्मेष आणि आवाजांचो एक दोळे दिपकावपी संग्रह सादर जातलो - जागतिक स्तराचेर भारताच्या सर्जनशील प्रतिभेचो एक मन भुलोवपी उत्सव.

For more information, click on:

IFFI Website: https://www.iffigoa.org/

PIB’s IFFI Microsite: https://www.pib.gov.in/iffi/56new/

PIB IFFIWood Broadcast Channel: https://whatsapp.com/channel/0029VaEiBaML2AU6gnzWOm3F

X Handles: @IFFIGoa, @PIB_India, @PIB_Panaji

* * *

PIB IFFI CAST AND CREW | सुभाष जाण/मोनाली प्रभू/दर्शना राणे | IFFI 56