লম্বীদা থোকশি। তান্থা অসি ফাওবিয়ু। ৱারীশিং অসিনা মায়খুম হাংবা য়েংবীয়ু। IFFI না গোৱাবু অঙকপা, থৱায় য়াওবা, অঙকপা মফম অমদা ওন্থোক্লে! ইন্তর্নেস্নেল ফিল্ম ফেস্তিবেল ওফ ইন্দিয়া (IFFI) না মাগী শক্নাইরবা খোঙচৎতা অহানবা ওইনা, চৎনবীগী ফক্লাং মরিনা খাবা পলদগী লান্থোক্তুনা গোৱাগী থৱায় য়াওরবা মফম অসিদা মাগী মীয়াম, লম্বী অমসুং ৱাখল্লোনবু পুথোরকখ্রে।

ঙসি IFFI ২০২৫গী চাউরবা হৌদোকপগী থৌরম মতুং ইন্না, সিনেমেটিক ব্রিলিয়ন্সনা কলচরেল স্প্লেন্দর অমসুং ৱারী লীবগী মুৎনাইদ্রবা মিত্রংগা লোইননা গোৱাগী লম্বীশিংদা শহর অসি অহিংবা কেনভাস অমদা ওন্থোকখি। আর্তিস্তশিং, পর্ফোর্মরশিং অমসুং সিনেফিলশিংনা লম্বেল অসিবু ইনর্জী অমসুং এন্তর্তেন্মেন্তনা মপুং ফাহল্লকপা মতমদা, গোৱা অসি ফেস্তিবেলগী হৌরকপদা নত্তনা IFFI গী ৱারীদা অনৌবা পন্দুপ অমা হৌরকপগী খুদম ওইদুনা ক্রিয়েতিবিতীগী থোংজাও অমা হাংখি।

কুমহৈশিং অসি হৌদোক্লদুনা গোৱাগী রাজ্যপাল শ্রী পুসপতী অশোক গজাপতী রাজুনা IFFI গী মালেমগী থাক্তা চাউখৎলক্লিবা অসি থাগৎপা ফোংদোকখি। মহাক্না হায়খি, IFFI না ক্রিএতিব একচেঞ্জ, অনৌবা কোলাবোরেসন অমসুং সিনেমেতিক এক্সিলেন্সকী কুমহৈ পাংথোক্নবগী মরুওইবা প্লেৎফোর্ম অমা ওইরক্লি। গোৱাগী কোস্মোপোলিতানগী মওং-মতৌ, ইনাক খুল্লবা নাৎ অমসুং মালেমগী ওইবা কনেক্তিবিতীগা লোয়ননা ফিল্ম পামজবশিংনা মফম অসিদা মশিং থীঙমদনা তিল্লি।

মহাক্না ফোংদোকখি মদুদি IFFI না মতম পুম্নমক্তা চৎনবী ফিল্ম ফেস্তিবেলগী ঙমখৈ লান্থোক্লি। মালেম পুম্বগী ৱাখল্লোনশিং, ৱারীশিং অমসুং ক্রিএতিব মাইন্দশিংগী মীফম অমা ওইনা থবক তৌরি। মসিনা নহা ওইরিবা ফিল্ম মেকরশিংদা মতেং পাংলি, সিনেমেটিক ব্রিলিয়ান্সপু ইকায় খুম্নবা উৎলি অমসুং ফিল্ম অমসুং ক্রিএতিব ইন্দস্ত্রীশিংগী গ্লোবেল হব অমা ওইনা ভারতকী থাকপু মপাঙ্গল কনখৎহল্লি।

গোৱাগী মুখ্য মন্ত্রী, দা. প্রমোদ সাৱন্তনা মহাক্কী ৱারোলদা গোৱাবু ইন্তর্নেস্নেল ফিল্মমেকিং দেস্তিনেসন অমা ওইনা হেনগৎলকপা উবা ফংখি। গোৱা অসি মালেমগী থাক্কী ইনফ্রাস্ত্রকচরগা লোইননা শেম-শারি, অমসুং মসিনা মরম ওইদুনা মসি IFFI গী মুত পুম্বগী য়ুম্ফম অমা ওইরি। ঐখোয়গী ফজরবা লমদম অসিনা ফিল্ম মেকরশিংদা পুক্নিং চিংশিল্লি, অদুবু ঐখোয়গী মপাঙ্গল কনবা পোলিসী রিফোর্মশিং অসিনা মখোয়বু অমুক হন্না লাকপদা মতেং পাংলি।" মহাক্না হায়খি মদুদি IFFI ২০২৫ অসি 'ক্রিএতিবিতী অমসুং তেক্নোলোজীগী কনভর্জেন্স' হায়বা থিম অসিদা পাংথোক্কনি, মসিনা মালেমগী ক্রিএতিব রিভোলুসন অসিদা ভারতনা লুচিংদুনা চৎপগী শক্তম উৎলি। IFFI না ভারতকী হৈশিংবশিংবু মালেমগী ওইথোকপা য়াবশিংগা লোইননা পুন্সিল্লি। ঐখোয়গী মঙলানদি গোৱাবু ভারতকী ক্রিয়েতিব কেপিতেল ওইহনবা হায়বসিনি। গোৱাদা লাক্লো, অদোমগী ৱারীশিং অদু তাক্লো, অদোমগী ফিল্মশিং অদু নম্লো। মহাক্না ভারতকী সিনেমাবু মালেমগী থাক্তা মমাংদা অমুক্তা ওইখিদ্রিবা মওংদা পুখৎলকপগীদমক প্রধান মন্ত্রী শ্রী নরেন্দ্র মোদীগী মঙলানশিংবু থাগৎপা ফোংদোকখি।

🌊Goa has always believed in celebrating creativity, and today, Goa once again celebrates cinema, the most powerful form of storytelling in the world 🎥

People often ask, ‘Why Goa?’ Let me tell you why #IFFI has flourished here for two decades. The answer is simple: Goa offers… pic.twitter.com/bw414n9z1B

— PIB in Goa 🇮🇳 (@PIB_Panaji) November 20, 2025

মীয়াম তিনখিবা অদুদা ৱা ঙাংলদুনা, কেন্দ্রগী ঈ-পাউ অমসুং ব্রোদকাস্তিংগী রাজ্য মন্ত্রী, দা. এল. শ্রী মুরুগন্না IFFI না এদিসন খুদিংদা চাউখৎলক্লি হায়না হায়খি। চৎনবীগী মতুং ইন্না, কুমহৈ অসি শ্যামা প্রসাদ মুখর্জী স্তেদিয়মদা হৌরম্মি। চহি অসিদা, মসি ঐখোয়গী রাজ্যশিংগী তোঙান-তোঙানবা চৎনবীশিং উৎলিবা, অচৌবা কলচরেল কার্নিভেল অমা ওইরে। কন্তেন্ত, ক্রিএতিবিতী অমসুং কলচরনা থৌগৎলগা ভারতকী চাউখৎলক্লিবা ওরেঞ্জ ইকোনোমীগী প্রধান মন্ত্রীগী মিৎয়েং অদু মহাক্না নৌহৌনা নিংশিংখি। মুম্বাইদা পাংথোকপা ৱার্ল্দ ওদিও ভিজুএল এন্দ এন্তর্তেন্মেন্ত সমিৎ (ৱাই.এ.ভি.ই.এস.) গুম্বা থৌরাংশিংনা লৈবাক শিনবা থুংনা থোরক্লিবা ক্রিএতিব তেলেন্তশিংবু মপাঙ্গল কনখৎহল্লি হায়না মহাক্না ফোংদোকখি। মহাক্না গোৱাবু IFFIগী লেপ্পা য়ুম্ফম ওইনা শেমগৎপদা মরুওইবা থৌদাং লৌখিবা লৈখিদ্রবা শ্রী মনোহর পরিকরবুসু ইকাই খুম্নবা উৎখি।

Every year, #IFFI takes on a new dimension. Last year, the Opening Ceremony was held at the Shyama Prasad Mukherjee Stadium and this year, we are proud to introduce a grand Opening Parade, showcasing cultural exhibits from various states, Goa’s 12 talukas, their rich traditions,… pic.twitter.com/kdVJvQGhVS

— PIB in Goa 🇮🇳 (@PIB_Panaji) November 20, 2025

ইনফোর্মেসন অমসুং ব্রোদকাস্তিং মন্ত্রালয়গী সেক্রেতরী, শ্রী সঞ্জয় জাজুনা চহি অসিগী এদিসন অসিগী অখন্নবা মগুনশিং শন্দোক্না তাকখি। ইহান হানবা ওইনা, IFFI না ভারতকী কলচরেল হেরিতেজবু সেলেব্রেৎ তৌনবা গ্রান্দ কার্নিভেলগা লোয়ননা হৌদোকখ্রে। মহাক্না হায়খি, ইদিসন অসিনা লৈবাক ৮০ রোমগী ফিল্মশিংগী খ্বাইদগী চাউবা কলেক্সন উৎলি। মসিগা লোয়ননা ইন্তর্নেস্নেল অমসুং গ্লোবেল প্রিমিয়র কয়া অমসু উৎলি। মহাক্না IFFI ফিল্ম হেক্কাথোন অমসুং খ্বাইদগী চাউবা ৱেবস ফিল্ম বাজারগুম্বা অনৌবা এদিসনশিংগী মতাংদা পনখি। মসিনা IFFIবু ক্রিএতিবিতী, তেক্নোলোজী অমসুং ইন্দস্ত্রী ইনোবেসনদা মাংজিল থারি।

শক্নাইরবা এক্তর নন্দমুরি বালকৃষ্ণন মহাক্না সিনেমাদা কত্থোরকপা চহী ৫০  শুরকপগীদমক অমসুং তেলুগু সিনেমাবু মপাঙ্গল কনখৎহনবদা মহাক্কী শিংথানিংঙাই ওইবা থৌদাংশিং অদুগীদমক ইকায় খুম্নবা উৎখি।

পুৱারী ওইরগদবা গ্রান্দ পেরেদ

গোৱা সরকারনা পুথোকখিবা ১২ য়াওনা ফ্লোৎ দজন অনি হেন্না ভারতকী সিনেমেটিক হেরিতেজ, এনিমেসনগী মালেম অমসুং রিজনেল কলচরশিংগী মখল-মখা কয়াগী থৌরম পাংথোকখি। থৌরম অদুগী মরুওইবা মগুনশিংদি সেন্ত্রেল ব্যুরো ওফ কম্ম্যুনিকেসন অমসুং এন.এফ.দি.সি.না পীবা গ্রান্দ ফোল্ক প্রদক্সন ভারত এক সুর অমসুং লৈবাক শিনবা থুংনা সিনেমাগী ইনোভেসনবু পুক্নিং থৌগৎপগা লোয়ননা ফিল্ম মেকরশিংবু চাউখৎহনবগী চহী তরাগী খুজিং মঙাগীদমক ইকায় খুম্নবা উৎলি। ত্রেদিস্নেল দান্স উৎলিবা আর্তিস্ত ১০০ হেনবনা শরুক য়াদুনা, প্রদক্সন অসিনা মীয়াম্বু মসিগী স্কেল অমসুং ইনর্জীগা লোয়ননা পুক্নিং থৌগৎখি।

হরাও তয়াম্বা অসিদগী হেন্না পুক্নিং থৌগৎনীংঙাই ওইরিবদি নুংশিরবা এনিমেসনগী শক্তমশিং হায়বদি ছোতা ভীম, মোতু পতলু, অমসুং বিতু বাহনেবাজ, মখোয়গী নুংঙাইরবা কুমহৈবু অয়েংবশিংনা পেনবীখিবা অসিনি। পেরেদ অসিনা সিনেমাগী কুমহৈ অসিদা লেমহৌরিবা নুমিৎশিংদা কয়াগী মতীক নুংঙাইগনি হায়বদু ময়েক শেংনা তাক্লি।

হৌদোকপগী ফিল্ম

গাব্রিয়েল মাস্কারোগী দিস্তোপিয়ন ৱারী দি ব্লু ত্রেলনা ঙসি ৫৬শুবা ইন্তর্নেস্নেল ফিল্ম ফেস্তিবেল ওফ ইন্দিয়া (IFFI) গী অহানবা হৌদোকপগী মৈরি চুখি। অহানবা ফিল্ম অসি মীয়াম্না য়াম্না পাম্নখিবগা লোইননা মসিনা মীপুম খুদিংমক্তা অঙকপা ফাওহনখি।

IFFI গী মতাংদা

ইং 1952দা হৌদোকখিবা ইন্তর্নেস্নেল ফিল্ম ফেস্তিবেল ওফ ইন্দিয়া (IFFI) অসি খা এসিয়াগী খ্বাইদগী লিরবা অমসুং খ্বাইদগী চাউবা সিনেমাগী কুমহৈ অমা ওইরি। ভারত সরকারগী ইনফোর্মেসন অমসুং ব্রোদকাস্তিং মন্ত্রালয়গী নেস্নেল ফিল্ম দিবেলপমেন্ত কোরপোরেসন (এন.এফ.দি.সি.) অমসুং গোৱাগী এন্তর্তেন্মেন্ত সোসাইতী (ই.এস.জি.), গোৱাগী রাজ্য সরকারনা পুন্না শীন-লাংদুনা পাংথোক্লিবা ফেস্তিবেল অসি মালেমগী সিনেমাগী পাৱরহাউস অমা ওইরক্লি। মসিদা নৌনা শেমজিন-শাজিন তৌরবা ক্লাসিকেল ফিল্মশিংগা থৌনা ফরবা এক্সপরিমেন্তশিংগা পুনশিন্নরি। IFFIবু অশেংবা মঙাল ওইহল্লিবা অসি মসিগী ইলেক্ত্রিক মিক্স- ইন্তর্নেস্নেল কম্পিতিতিবশিং, কলচরেল শোকেসশিং, মাস্তর ক্লাসশিং, ত্রিব্যুতশিং, অমসুং হাই-এনর্জী ৱেভস ফিল্ম বাজার, মফম অসিদা ৱাখল্লোনশিং, য়ানচেশিং অমসুং কোলাবোরেসনশিংনা পীনরি। নবেম্বর ২০দগী ২৮ ফাওবা গোৱাগী নীংথিরবা শমুদ্র খোঙবালগী বেকদ্রোফতা পাংথোক্কদবা ৫৬শুবা ইদিসন অসিনা লোল, জোন্রা, ইন্নোবেসন, অমসুং ভোইসশিংগী অঙকপা স্পেক্ত্রম অমা অমসুং মালেমগী থাক্তা ভারতকী ক্রিএতিব ব্রিলিয়ান্সকী ইম্মির্সিব সেলেব্রেসন অমা পাংথোক্কনি।

অহেনবা ঈপাউগীদমক মফম অসিদা নম্বীয়ুঃ

https://www.pib.gov.in/PressReleasePage.aspx?PRID=2191742

https://www.pib.gov.in/PressReleasePage.aspx?PRID=2190381

IFFI ৱেবসাইত: https://www.iffigoa.org/

 PIB গী IFFI মাইক্রোসাইত: https://www.pib.gov.in/iffi/56new/

PIB IFFIWood ব্রোদকাস্ত চেন্নেল: https://whatsapp.com/channel/0029VaEiBaML2AU6gnzWOm3F

X হেন্দলশিং: @IFFIGoa, @PIB_India, @PIB_Panaji

***