#IFFIWood, 20 नोव्‍हेंबर 2025

रस्त्यार पावल घालात. तालाची जाणविकाय करून घेयात. कथांचो उलगडो जातना पळयात. इफ्फी गोंयचें रुपांतर एक जिवें, उस्वास घेवपी अद्भुत रिलांत करता! आपल्या विशिश्ट प्रवासांत पयलेच खेपे भारतीय आंतरराष्ट्रीय चित्रपट महोत्सवान परंपरेच्या वण्टीं भायर पावल घालून गोंयच्या चैतन्यशील हृदयात पावल घालें- ह्या उत्सवांत आपल्या लोकांक, रस्त्यांक आनी आत्म्याक आस्पावीत केले.

आयज आपल्या भव्य उक्तावणाची धाडसी पुनर्कल्पना करताना इफ्फी २०२५ न शाराचें रुपांतर एक व्हड, जिवें कॅनव्हासांत केलें-जंय सांस्कृतिक वैभवांत आस्पावीत जाल्ले चित्रपटसृष्टीचे तेज आणि कथाकथनाचो अमर जादू गोंयच्या रस्त्यांचेर नाचतालो. कलाकार आनी सिनेमा मोगीच्या उर्जा आनी मनरिजवणेन रस्ते जेन्ना भरले तेन्ना गोंयचें रुपांतर सृजनशीलतेच्या स्पंदनशील मार्गांत जालें-फकत महोत्सवाची सुरवात न्हय, तर इफ्फीच्या दायजांतल्या धाडसी नव्या अध्यायाची सुरवात जाली.

ह्या उत्सवाचें उक्तावण करतना गोंयचे राज्यपाल श्री पूसापति अशोक गजपती राजू हांणी इफ्फीच्या वाडत वचपी जागतीक दर्जाची तोखणाय करून म्हणलें कि , “इफ्फी सृजनशील आदान-प्रदान, नवे सहकार्य, आनी सिनेमाच्या उत्कृश्टतायेचो उत्सव मनोवपाचो अर्थपूर्ण मंच जाला. गोंयचें विश्वव्यापी चरित्र, सांस्कृतीक गिरेस्तकाय, आनी जागतीक जोडणी हाका लागून चित्रपट मोगी हांगा इतले व्हड प्रमाणांत जमप स्वाभावीक आसा.”

ताणें भर दिलो की इफ्फीन सदांच पारंपरीक चित्रपट महोत्सवाच्यो मर्यादा हुंपल्यात-संवसारभरांतल्या विचारांक, कथांक आनी सृजनशील मनांक एकठांय येवपाची सुवात म्हूण काम केलां, तरणाट्या चित्रपट निर्मात्यांक आदार दिला, सिनेमाच्या तेजस्वीपणाक मान दिला आनी फिल्म आनी सृजनशील उद्देगांचें जागतीक केंद्र म्हूण भारताची सुवात घटमूट केल्या.

गोंयचे मुख्यमंत्री डॉ.प्रमोद सावंत हांणी आपल्या संबोधनांत आंतरराश्ट्रीय चित्रपट निर्मितीचें थळ म्हूण गोंयचो उदय जाल्ल्याचेर भर दिलो. "गोंय संवसारीक पांवड्यावेल्या मुळाव्या साधनसुविधां सयत सज्ज आसा, आनी हाकाच लागून तें इफ्फीचें कायमस्वरूपी घर जालां. गोंयचे निसर्गरम्य सौंदर्य फिल्म निर्मात्यांक आकर्षित करता ,पूण आमच्यो घटमूट धोरण सुदारणां तांकां हांगा परत येवपाक लायतात", अशें तांणी नमूद केले . इफ्फी २०२५ “सृजनशीलता आनी तंत्रगिन्यानाचें अभिसरण” हो विशय मनयता, जें संवसारीक सृजनशील क्रांतींत भारताचें फुडारपण दाखयता अशे तांणी म्हळें . “इफ्फी भारतीय प्रतिभेक जागतीक शक्यताये कडेन जोडटा. गोंयाक भारताची सृजनशील राजधानी करप हें आमचें सपन. गोंयांत येयात, तुमच्यो काणयो सांगात, तुमच्या फिल्मांचें शूटिंग करात” अशे तांणी म्हळें . भारतीय सिनेमाक अपूर्व आंतरराश्ट्रीय नामनेर पावोवपाचे आनी भारत कथाकथनाच्या संवसारांत उंचेल्या पांवड्यावेली सॉफ्ट पॉवर जावपाचे श्रेय तांणी प्रधानमंत्री श्री नरेंद्र मोदी हांच्या दृश्टीकोनाक दिलें.

🌊Goa has always believed in celebrating creativity, and today, Goa once again celebrates cinema, the most powerful form of storytelling in the world 🎥

People often ask, ‘Why Goa?’ Let me tell you why #IFFI has flourished here for two decades. The answer is simple: Goa offers… pic.twitter.com/bw414n9z1B

— PIB in Goa 🇮🇳 (@PIB_Panaji) November 20, 2025

ह्या वेळार संबोधीत करतना केंद्रीय म्हायती आनी प्रसारण राज्यमंत्री डॉ. एल मुरुगन हांणी “इफ्फी प्रत्येक आवृत्तीसयत विकसित जाता , परंपरेन हो महोत्सव श्यामा प्रसाद मुखर्जी स्टेडियमांत सुरू जातालो. अंदूं हो उत्सव एक भव्य सांस्कृतीक कार्निवाल म्हणून सुरू जाता, आमच्या राज्यांची विविधताय दाखोवपी थारता” अशे म्हळें .तांणी प्रधानमंत्र्यांच्या भारताच्या वाडट्या ऑरेंज इकॉनॉमीच्या दृष्टिकोनाची याद करून दिली, जो कंटेंट, सर्जनशीलता आणि संस्कृतायेन समर्थित आसा .मुंबयंत जाल्ल्या वर्ल्ड ऑडियो व्हिज्युअल अँड एंटरटेनमेंट समिट (WAVES) सारकिले उपक्रम देशभरांतल्या उदयाक येवपी सृजनशील प्रतिभेक सशक्त करतात अशें तांणी नदरेक हाडलें. तशेंच गोंय इफफीचें कायम स्वरुपाचें घर म्हूण स्थापन करपाक केल्ल्या म्हत्वाच्या वावराक लागून सर्गेस्त श्री मनोहर पर्रीकार हांकां तांणी श्रद्धांजली दिली.

Every year, #IFFI takes on a new dimension. Last year, the Opening Ceremony was held at the Shyama Prasad Mukherjee Stadium and this year, we are proud to introduce a grand Opening Parade, showcasing cultural exhibits from various states, Goa’s 12 talukas, their rich traditions,… pic.twitter.com/kdVJvQGhVS

— PIB in Goa 🇮🇳 (@PIB_Panaji) November 20, 2025

म्हायती आनी प्रसारण मंत्रालयाचे सचीव श्री संजय जाजू हांणी ह्या वर्साचे आवृत्तीच्या खाशेल्या खाशेलपणांचेर भर दिलो. "पयलेच खेपे इफ्फी भारताच्या गिरेस्त सांस्कृतीक दायजाची परब मनोवपी भव्य कार्निवालान सुरू जाता. हे आवृत्तींत आतां मेरेनचो सगळ्यांत व्हडलो चित्रपट संग्रह-सुमार 80 देशांचें प्रतिनिधित्व करपी-सगल्या आंतरराष्ट्रीय आनी जागतीक प्रीमियरां वांगडाच दाखयला," अशें तांणी सांगले . ताणें एआय फिल्म हॅकथॉन आनी आतां मेरेनचो सगळ्यांत व्हडलो वेव्स फिल्म बाजार अशा नव्या जोडणींचेर भर दिलो, जाका लागून इफ्फी सृजनशीलताय, तंत्रगिन्यान आनी उद्देगीक नवनिर्माणांत मुखार आसा.

🎥The grand opening of IFFI is being presented for the first time ever as a vibrant carnival. This year, the festival brings several exciting firsts: the largest collection of films from nearly 80 countries, featuring both global and national premieres, along with a strong slate… pic.twitter.com/n3NzsJU2BF

— PIB in Goa 🇮🇳 (@PIB_Panaji) November 20, 2025

सिनेमांतल्या 50 गौरवशाली वर्सां खातीर आनी तेलुगू सिनेमा समृध्द करपाक ताणें केल्ल्या उल्लेखनीय योगदाना खातीर दिग्गज अभिनेतो नंदमुरी बालकृष्णाचो भोवमान जालो.

Legendary actor Nandamuri Balakrishna honoured at the #IFFI Grand Parade for his outstanding contribution to Indian cinema.🎬🎥

With unforgettable mass roles, commanding screen presence, and decades of impactful performances, he remains one of Telugu cinema’s most influential… pic.twitter.com/fcnvOAUWtY

— PIB in Goa 🇮🇳 (@PIB_Panaji) November 20, 2025

इतिहासीक ग्रॅण्ड परेड

दोन डझना परस चड फ्लोटांनी-गोवा सरकारान सादर केल्ल्या 12 फ्लोटां सयत-भारताच्या सिनेमा दायजाचो, एनिमेशनाच्या संवसाराची आनी प्रादेशिक संस्कृतायांच्या गिरेस्त विविधतायेची परब मनयली. ह्या कार्यक्रमाचीं मुखेल खाशेलपणां म्हळ्यार सेंट्रल ब्युरो ऑफ कम्युनिकेशन आनी एनएफडीसी 50 इयर्स ’ टेबल्यू हांणी सादर केल्ली भव्य लोककला 'भारत एक सूर', जें पांच दशकां सावन फिल्म निर्मात्यांक पोसवण दिवपी आनी राष्ट्रभरांतल्या सिनेमा नवनिर्माणाक पोसवण दिवप्याचो भोवमान करता. 100 वयर कलाकारांनी पारंपारीक नाच सादर केल्ल्या ह्या निर्मितीन आपल्या प्रमाण आनी उर्जेच्या आदारान प्रेक्षकांक मोहित केले.

छोटा भीम, मोटू पतलू आणि बिट्टू बहानेबाज ह्या सारख्या प्रिय अ‍ॅनिमेटेड पात्रांच्या उपस्थितीन उमेदीन भर पडली, जांच्या सजीव संवादांक लागून प्रेक्षकांची उमेद वाडली. ह्या परेडीन येवपी चित्रपटसृष्टीतल्या उत्सवाच्या दिसांखातीर एक उर्बेभरीत आणि उत्सवी वातावरण निर्माण केले.

द ओपनिंग फिल्म

गॅब्रिएल मस्कारो हांची 'द ब्लू ट्रेल' ही डिस्टोपियन कथा जाका पोर्तुगीजात ‘ओ उल्टिमो आझुल’ ह्या नांवान वळखतात, तांणी आयज 56व्या भारतीय आंतरराष्ट्रीय चित्रपट महोत्सवात पयली किट पेटयली जी गोंयच्या दर्यादेगेवेल्या प्रभावात घडलेल्या घडणुकींचे प्रतीक आसा. सुर्वेंच्याच चित्रपटाक सगळ्यांनीच स्वीकारले देखून ताका सगळ्यांची व्हडा प्रमाणात पसंती मेळ्ळी आनी तोखणाय जाली.

IFFI विशीं

1952 वर्सा सुरु जाल्लो भारतीय आंतरराष्ट्रीय चित्रपट महोत्सव (IFFI) दक्षिण आशियांतलो सगळ्यांत पोरनो आनी सगळ्यांत व्हडलो चित्रपट महोत्सव. राष्ट्रीय चित्रपट विकास म्हामंडळ (एनएफडीसी), म्हायती आनी प्रसारण मंत्रालय, भारत सरकार आनी गोंय मनरिजवण सोसायटी (ईएसजी) गोंय राज्य सरकार हांणी संयुक्तपणान आयोजीत केल्लो हो महोत्सव आता जागतिक चित्रपटसृष्टीतले शक्तीघर जाला. इफ्फीक खऱ्या अर्थान चमकावपी गजाल म्हळ्यार ताचे अद्वितीय मिश्रण -आंतरराष्ट्रीय सर्ती, सांस्कृतीक प्रदर्शनां, मास्टरक्लास आनी उच्च उर्जा आशिल्लो 'व्हेवज’ (WAVES) फिल्म बाजार, जंय कल्पना, वेव्हार आनी सहयोग आकार घेतात. 20 ते 28 नोव्हेंबर मजगती गोयांत जावपी ह्या 56व्या आवृत्तीत भाशा, शैली, नवोन्मेष आणि आवाजांचो एक दोळे दिपकावपी संग्रह सादर जातलो - जागतिक स्तराचेर भारताच्या सर्जनशील प्रतिभेचो एक मन भुलोवपी उत्सव.

For more information, Click on:

https://www.pib.gov.in/PressReleasePage.aspx?PRID=2191742

https://www.pib.gov.in/PressReleasePage.aspx?PRID=2190381

IFFI Website: https://www.iffigoa.org/

 PIB’s IFFI Microsite: https://www.pib.gov.in/iffi/56new/

PIB IFFIWood Broadcast Channel: https://whatsapp.com/channel/0029VaEiBaML2AU6gnzWOm3F

X Handles: @IFFIGoa, @PIB_India, @PIB_Panaji

* * *

PIB IFFI CAST AND CREW | सुभाष जाण/उत्कर्षा भुस्कुटे/दर्शना राणे | IFFI 56