আহক... এই ৰাস্তাবোৰক আপোনাৰ মঞ্চ কৰি লওক! জীৱনৰ ছন্দ অনুভৱ কৰক! প্ৰতিটো ৰাস্তাতে এটা কাহিনী প্ৰত্যক্ষ কৰক! আইএফএফআইয়ে গোৱাক এক জীৱন্ত, প্ৰাণৱন্ত ৰিললৈ, আচৰিতৰ যাদুৰে নতুন ৰূপ দিছে। ইয়াৰ বিখ্যাত ইতিহাসত প্ৰথমবাৰৰ বাবে ভাৰতৰ আন্তঃৰাষ্ট্ৰীয় চলচ্চিত্ৰ মহোৎসৱে ৰীতি-নীতিৰ বান্ধোনৰ পৰা মুক্ত হৈ পোনে পোনে গোৱাৰ প্ৰাণৱন্ত জীৱনত ডুব গৈছে— ইয়াৰ জনসাধাৰণ, ৰাজপথ আৰু সীমাহীন মনোভাৱক আকোৱালি লৈ এক অনন্য আৰু অবিস্মৰণীয় উদযাপনৰ সৃষ্টি কৰিছে।

আজিৰ ভব্য অনুষ্ঠানৰ এক সাহসী পুনৰ কল্পনাত আইএফএফআই ২০২৫-এ সমগ্ৰ চহৰখনক এক বিশাল, স্পন্দনশীল কেনভাছলৈ ৰূপান্তৰিত কৰিলে—য’ত চিনেমাৰ উজ্জ্বলতা সাংস্কৃতিক ভব্যতাৰ সৈতে মিহলি হৈ পৰিল আৰু গোৱাৰ ৰাজপথত কাহিনী কোৱাৰ চিৰস্থায়ী যাদু মগ্ন হৈ পৰিল। শিল্পী, পৰিবেশক আৰু চিনেমাপ্ৰেমীসকলে চহৰখন শক্তি আৰু মনোৰঞ্জনৰ দ্বাৰা ভৰাই তোলাৰ লগে লগে গোৱা সৃষ্টিশীলতাৰ এক স্পন্দনশীল কৰিড’ৰলৈ ৰূপান্তৰিত হ’ল। ইয়াৰ দ্বাৰা কেৱল এটা উৎসৱৰ আৰম্ভণিয়েই নহয়, আই এফ এফ আইৰ উত্তৰাধিকাৰৰ এক সাহসী নতুন অধ্যায়ৰ আৰম্ভণিও হৈছে।

মহোৎসৱ উদ্বোধন কৰি গোৱাৰ ৰাজ্যপাল শ্ৰী পুষপতি অশোক গজপতি ৰাজুৱে আই এফ এফ আইৰ ক্ৰমবৰ্ধমান বিশ্বব্যাপী উচ্চতাৰ প্ৰশংসা কৰে। তেওঁ কয়, "আইএফএফআই সৃষ্টিশীল বিনিময়, নতুন সহযোগিতা আৰু চিনেমাৰ উৎকৃষ্টতাৰ উদযাপনৰ এক অৰ্থপূৰ্ণ মঞ্চত পৰিণত হৈছে। গোৱাৰ বিশ্বব্যাপী চৰিত্ৰ, সাংস্কৃতিক সমৃদ্ধি আৰু বিশ্বজনীন সংযোগৰ প্ৰতি লক্ষ্য ৰাখি ইয়াত ইমান বৃহৎ সংখ্যক চলচ্চিত্ৰপ্ৰেমী একত্ৰিত হোৱাটো স্বাভাৱিক।"

তেওঁ দৃঢ়তাৰে কয় যে আইএফএফআই সদায় পৰম্পৰাগত চলচ্চিত্ৰ মহোৎসৱৰ সীমা অতিক্ৰম কৰি আহিছে। তেওঁ কয় যে এই উৎসৱে বিশ্বৰ বিভিন্ন প্ৰান্তৰ পৰা অহা ধাৰণা, কাহিনী, সৃষ্টিশীল মনৰ সংগম হিচাপে কাম কৰে। আইএফএফআইয়ে যুৱ চলচ্চিত্ৰ নিৰ্মাতাসকলক সহায় কৰে, চিনেমাৰ প্ৰতিভাক সন্মান জনায় আৰু চলচ্চিত্ৰ আৰু সৃষ্টিশীল উদ্যোগৰ বাবে বিশ্বব্যাপী কেন্দ্ৰ হিচাপে ভাৰতৰ স্থান শক্তিশালী কৰে।

ভাষণ প্ৰসংগত গোৱাৰ মুখ্যমন্ত্ৰী ড^০ প্ৰমোদ সাৱন্তই গোৱাৰ আন্তঃৰাষ্ট্ৰীয় চলচ্চিত্ৰ নিৰ্মাণৰ গন্তব্যস্থান হিচাপে বৃদ্ধি পোৱা উচ্চতাৰ ওপৰত আলোকপাত কৰে। তেওঁ কয়, "গোৱা বিশ্বমানৰ আন্তঃগাঁথনিৰে সজ্জিত, যাৰ বাবে আই এফ এফ আইৰ বাবে স্থায়ী স্থানত পৰিণত হৈছে। আমাৰ প্ৰাকৃতিক সৌন্দৰ্য্যই চলচ্চিত্ৰ নিৰ্মাতাসকলক আকৰ্ষণ কৰে, কিন্তু আমাৰ শক্তিশালী নীতি সংস্কাৰে তেওঁলোকক ঘূৰি আহিবলৈ বাধ্য কৰে।" তেওঁ কয় যে বিশ্ব সৃষ্টিশীল বিপ্লৱত ভাৰতৰ নেতৃত্বক প্ৰদৰ্শন কৰা "সৃষ্টিশীলতা আৰু প্ৰযুক্তিৰ সংমিশ্ৰণ" বিষয়বস্তুৰ ওপৰত আইএফএফআই ২০২৫ উদযাপন কৰা হৈছে। আইএফএফআইয়ে ভাৰতীয় প্ৰতিভাক বিশ্বব্যাপী সুযোগৰ সৈতে সংযোগ কৰে। আমাৰ সপোন গোৱাক ভাৰতৰ ‘সৃষ্টিশীল ৰাজধানী’ হিচাপে গঢ়ি তোলা। গোৱালৈ আহক, আপোনাৰ কাহিনী কওক, আপোনাৰ ছবি শ্বুট কৰক।" ভাৰতীয় চিনেমালৈ অভূতপূৰ্ব আন্তঃৰাষ্ট্ৰীয় স্বীকৃতি কঢ়িয়াই ভাৰতক গল্প কোৱাৰ জগতত উদীয়মান কোমল শক্তি হিচাপে গঢ়ি তোলাৰ বাবে প্ৰধানমন্ত্ৰী শ্ৰী নৰেন্দ্ৰ মোদীৰ দৃষ্টিভংগীক কৃতিত্ব দিয়ে।

সভাত ভাষণ দি কেন্দ্ৰীয় তথ্য আৰু সম্প্ৰচাৰ ৰাজ্যিক মন্ত্ৰী ড০ এল মুৰুগানে কয় যে প্ৰতিটো সংস্কৰণৰ লগে লগে আই এফ এফ আইৰ উন্নতি হৈছে। তেওঁ কয়, "পৰম্পৰাগতভাৱে এই উৎসৱটো আগতে শ্যামা প্ৰসাদ মুখাৰ্জী ষ্টেডিয়ামত আৰম্ভ হৈছিল। কিন্তু এই বছৰ ই আমাৰ ৰাজ্যসমূহৰ বৈচিত্ৰ্যপূৰ্ণ পৰম্পৰা প্ৰদৰ্শন কৰি এক বৃহৎ সাংস্কৃতিক কাৰ্নিভেল হিচাপে আৰম্ভ হৈছে।" তেওঁ ভাৰতৰ ক্ৰমবৰ্ধমান অৰেঞ্জ অৰ্থনীতিৰ প্ৰধানমন্ত্ৰীৰ দৃষ্টিভংগীক স্মৰণ কৰে, যিটো বিষয়বস্তু, সৃষ্টিশীলতা, আৰু সংস্কৃতিৰ দ্বাৰা পৰিচালিত। তেওঁ উল্লেখ কৰে যে মুম্বাইত অনুষ্ঠিত বিশ্ব দৃশ্য আৰু মনোৰঞ্জন সন্মিলন (WAVES)ৰ দৰে পদক্ষেপে সমগ্ৰ দেশতে উদীয়মান সৃষ্টিশীল প্ৰতিভাক শক্তিশালী কৰি তুলিছে। তেওঁ প্ৰয়াত শ্ৰী মনোহৰ পাৰিকাৰক শ্ৰদ্ধাঞ্জলি জ্ঞাপন কৰাৰ লগতে গোৱাক আই এফ এফ আইৰ স্থায়ী স্থান হিচাপে গঢ়ি তোলাত তেওঁৰ মূল ভূমিকাক স্মৰণ কৰে।

তথ্য আৰু সম্প্ৰচাৰ মন্ত্ৰালয়ৰ সচিব শ্ৰী সঞ্জয় জাজুৱে এইবাৰৰ সংস্কৰণৰ অনন্য বৈশিষ্ট্যসমূহৰ ওপৰত আলোকপাত কৰে। তেওঁ উল্লেখ কৰে "প্ৰথমবাৰৰ বাবে আইএফএফআইয়ে ভাৰতৰ চহকী সাংস্কৃতিক ঐতিহ্যক উদযাপন কৰি এক গ্ৰেণ্ড কাৰ্নিভেলৰ জৰিয়তে মুকলি কৰিছে। এই সংস্কৰণত এতিয়ালৈকে সৰ্ববৃহৎ ছবিৰ সংকলন, প্ৰায় ৮০খন দেশক প্ৰতিনিধিত্ব কৰাৰ লগতে কেইবাটাও আন্তঃৰাষ্ট্ৰীয় আৰু বিশ্বব্যাপী প্ৰিমিয়াৰ প্ৰদৰ্শন কৰা হ'ব।" তেওঁ নতুন সংযোজন যেনে এআই ফিল্ম হেকাথন আৰু এতিয়ালৈকে হোৱা আটাইতকৈ ডাঙৰ ৱেভছ ফিল্ম বজাৰৰ ওপৰত আলোকপাত কৰে। এই পদক্ষেপসমূহে আই এফ এফ আইক সৃষ্টিশীলতা, প্ৰযুক্তি আৰু উদ্যোগ উদ্ভাৱনৰ ক্ষেত্ৰত অগ্ৰণী স্থানত ৰাখে।

কিংবদন্তি অভিনেতা শ্ৰী নন্দমুৰি বালকৃষ্ণক চিনেমাত ৫০টা গৌৰৱময় বছৰ আৰু তেলেগু চিনেমাক সমৃদ্ধ কৰাৰ ক্ষেত্ৰত তেওঁৰ উল্লেখযোগ্য অৱদানৰ বাবে সন্মানিত কৰা হয়।

দুই ডজনৰো অধিক টেবলে গোৱা চৰকাৰৰ ১২টাকে ধৰি ভাৰতৰ চিনেমাৰ ঐতিহ্য, এনিমেচনৰ জগতখন, আৰু আঞ্চলিক সংস্কৃতিৰ চহকী বৈচিত্ৰ্যক উদযাপন কৰিছিল। এই অনুষ্ঠানৰ উল্লেখযোগ্য দিশসমূহৰ ভিতৰত আছিল কেন্দ্ৰীয় যোগাযোগ ব্যুৰো আৰু এন এফ ডি চিৰ ৫০ বছৰীয়া প্ৰতীকপটৰ দৰ্শনীয় লোক প্ৰযোজনা "ভাৰত এক সুৰ" যিয়ে দেশৰ পাঁচ দশকজুৰি চলচ্চিত্ৰ নিৰ্মাতাক লালন-পালন আৰু চিনেমাৰ উদ্ভাৱনক প্ৰচাৰ কৰাক সন্মান জনাইছিল। ১০০ জনতকৈ অধিক শিল্পীয়ে পৰম্পৰাগত নৃত্য পৰিবেশন কৰা এই প্ৰযোজনাই নিজৰ পৰিসৰ আৰু শক্তিৰে দৰ্শকক মোহিত কৰে।

মুকলি চলচ্চিত্ৰ

মূল পৰ্তুগীজ ভাষাত "O Último Azul" নামেৰে পৰিচিত গেব্ৰিয়েল মাস্কাৰোৰ ডিষ্ট'পিয়ান কাহিনী "দ্য ব্লু ট্ৰেইল" আজি ভাৰতৰ ৫৬সংখ্যক আন্তঃৰাষ্ট্ৰীয় চলচ্চিত্ৰ মহোৎসৱত (আই এফ এফ আই) আত্মপ্ৰকাশ কৰে। উদ্বোধনী ছবিখনে দৰ্শকৰ প্ৰশংসা আৰু বিস্ময় দুয়োটাকে প্ৰদান কৰি বিপুল সফলতা লাভ কৰিছে।

🌊Goa has always believed in celebrating creativity, and today, Goa once again celebrates cinema, the most powerful form of storytelling in the world 🎥

People often ask, ‘Why Goa?’ Let me tell you why #IFFI has flourished here for two decades. The answer is simple: Goa offers… pic.twitter.com/bw414n9z1B

— PIB in Goa 🇮🇳 (@PIB_Panaji) November 20, 2025

For more information, Click on:

https://www.pib.gov.in/PressReleasePage.aspx?PRID=2191742

https://www.pib.gov.in/PressReleasePage.aspx?PRID=2190381

IFFI Website: https://www.iffigoa.org/

PIB’s IFFI Microsite: https://www.pib.gov.in/iffi/56new/

PIB IFFIWood Broadcast Channel: https://whatsapp.com/channel/0029VaEiBaML2AU6gnzWOm3F

X Handles: @IFFIGoa, @PIB_India, @PIB_Panaji

* * *

PIB IFFI CAST AND CREW | Ritu Shukla/Swadhin Shaktiprasad/Darshana Rane | IFFI 56 – 019