#IFFIWood, 29 नोव्‍हेंबर 2025

गोंयांतल्या वेव्स (WAVES) फिल्म बाजाराच्या उक्तावण सुवाळ्यांत, कोरिया प्रजासत्ताकच्या राष्ट्रीय सभेच्यो वांगडी, सन्माननीय अतिथी सुश्री जुवॉन किम हाणी वंदे मातरमचे भावपूर्ण सादरीकरण केले तेन्ना प्रेक्षकांक एका अचकीत आनी मनभुलोवपी अणभव आयलो. 

भारताच्या राश्ट्रीय गीताची १५० वर्सां पुराय जाता, तेन्ना तांच्या हृदयस्पर्शी सादरीकरणान उत्सवात एक अर्थपूर्ण भर घाली. भारताच्या सांस्कृतीक दायजाचो तांणी ज्या तरेन मनापासून भोवमान केलो ताका लागून सभाघरान  उबे रावून ताळ्यांचो गडगडाट केलो. 

ह्या कार्यावळींत म्हायती आनी प्रसारण राज्य मंत्री डॉ. एल. मुरुगन हाणी किम हांचे कौतुक फकत सादरीकरणा खातीर न्हय तर पुराय आवृत्ती गायिल्ल्या खातीर तांची तोखणाय केली. किम हांचे सादरीकरण हे इश्टागत आनी सांस्कृतिक सौहार्दाच्या भावनेचे प्रतीक आसा जें वेव्स फिल्म बाजारा सारकिल्या कार्यावळीं वरवीं जोपासपाचो यत्न करतात. कोरियन गीतान तांणी प्रेक्षकांक मंत्रमुग्ध केले आनी आंतरसंस्कृतीक आदान-प्रदान करून ही कार्यावळ समृध्द केली.

A proud moment for #India as Ms Jaewon Kim, Member of National Assembly, Republic of Korea, sings Vande Maataram at the inauguration of #WAVESFilmBazaar on day 1 of the 56th International Film Festival of India. This reflects the global stature of India, led by our Hon'ble Prime… pic.twitter.com/5QERMrd0wu

— Dr.L.Murugan (@DrLMurugan) November 20, 2025

संवसारभरांतल्या फिल्म निर्माते, प्रतिनिधी आनी कथाकारांनी भरिल्ल्या ह्या मेळाव्यांत, किम हांचे भावनिक सादरीकरण कला आनी भावना शिमो ओलांडून  कशो सहज व्हांवतात हाची सौम्य याद करून दिता. 

WAVES फिल्म बाजारा विशीं

आदीं फिल्म बाजार म्हणून वळखताले तो हो उपक्रम नॅशनल फिल्म डेव्हलपमेंट कॉर्पोरेशनान (एनएफडीसी) 2007 वर्सा सुरू केल्लो आनी आतां दक्षिण आशियांतलो सगळ्यांत प्रभावी फिल्म बाजार जाला.

आयज उक्तावण जाल्ल्या बाजारांत पटकथा लेखक लॅब, बाजार प्रदर्शनां, पळोवपाची कक्ष लायब्ररी, आनी सह-निर्माण बाजार सयत वेंचून काडिल्ल्या वाठारांनी 300 परस चड चित्रपट प्रकल्पांचो व्हड संग्रह एकठांय हाडता.  सह-निर्माण बाजारांत 22 फिचर फिल्मां आनी पांच डॉक्युमेंटरी आसात, जाल्यार WAVES फिल्म बाजार शिफारस विभागांत जायत्या फॉर्मेटांतल्यान 22 उत्कृश्ट चित्रपट दाखयल्यात. सात वयर देशांतले प्रतिनिधी मंडळ आनी धा परस चड भारतीय राज्यांतले चित्रपट प्रोत्साहन शोकेस ह्या मंचाक आनीक समृध्द करतात. 

IFFI विशीं

1952 वर्सा सुरु जाल्लो भारतीय आंतरराष्ट्रीय चित्रपट महोत्सव (IFFI) दक्षिण आशियांतलो सगळ्यांत पोरनो आनी सगळ्यांत व्हडलो चित्रपट महोत्सव. राष्ट्रीय चित्रपट विकास म्हामंडळ (एनएफडीसी), म्हायती आनी प्रसारण मंत्रालय, भारत सरकार आनी गोंय मनरिजवण सोसायटी (ईएसजी) गोंय राज्य सरकार हांणी संयुक्तपणान आयोजीत केल्लो हो महोत्सव आता जागतिक चित्रपटसृष्टीतले शक्तीघर जाला. इफ्फीक खऱ्या अर्थान चमकावपी गजाल म्हळ्यार ताचे अद्वितीय मिश्रण -आंतरराष्ट्रीय सर्ती, सांस्कृतीक प्रदर्शनां, मास्टरक्लास आनी उच्च उर्जा आशिल्लो 'व्हेवज’ (WAVES)  फिल्म बाजार, जंय कल्पना, वेव्हार आनी सहयोग भरारी घेतात. २० ते २८ नोव्हेंबर मजगती गोयांत जावपी ह्या ५६ व्या आवृत्तीत भाशा, शैली, नवोन्मेष आणि आवाजांचो एक दोळे दिपकावपी संग्रह सादर जातलो - जागतिक स्तराचेर भारताच्या सर्जनशील प्रतिभेचो एक मन भुलोवपी उत्सव.

For more information, click on:

IFFI Website: https://www.iffigoa.org/

 PIB’s IFFI Microsite: https://www.pib.gov.in/iffi/56new/

PIB IFFIWood Broadcast Channel: https://whatsapp.com/channel/0029VaEiBaML2AU6gnzWOm3F

X Handles: @IFFIGoa, @PIB_India, @PIB_Panaji

* * *

PIB IFFI CAST AND CREW | सुभाष जाण/मोनाली प्रभू/दर्शना राणे | IFFI 56