Ka Tnat Kam Pohiing jong ka Sorkar Pdeng
azadi ka amrit mahotsav

Ha ka rai kaba kongsan, ka Kuki-Zo Council ka la rai ban plie noh ïa ka surok bah National Highway-02 na ka bynta ka ïaid ka ieng jong ki nongleit nongwan bad ka jingpynkit ia ki mar ba kongsan

Katei ka rai ka la wan hadien ki jingiakynduh ba bun sien hapdeng ki heh ka MHA bad ka kynhun jong ka KZC ha kine ki khyndiat sngi ba la leit ha New Delhi

Ka KZC ka la ai ka jingkular ban iatreilang bad ki bor pahara ba la buh da ka Sorkar India ban pynneh ia ka shongsuk shongsain ha shilynter ka surok bah NH-02

La pynlong ruh ia ka jingialang hapdeng ki nongmihkhmat jong ka MHA, Sorkar Jylla Manipur, bad ka Kuki National Organisation/KNO bad ka United People’s Front/UPF ha New Delhi

La pynkut ia ka jingialang da kaba iasoi ia ka jingiateh soskular Suspension of Operations (SoO) halor ki kyndon ba la iakren biang (ground rules) ban treikam naduh ka sngi ba iasoi ia ka jingiateh soskular na ka bynta samoi kaba shisnem

प्रविष्टि तिथि: 04 SEP 2025 1:43PM by PIB Shillong

Ha ka rai kaba kongsan, ka Kuki-Zo Council ka la rai mynta ka sngi ban plie noh ia ka surok bah National Highway-02 na ka bynta ka iaid ka ieng jong ki nongleit nongwan bad ka jingpynkit ia ki mar ba kongsan. Kane ka rai ka la wan hadien ka jingiakynduh kaba bun sien hapdeng ki ophisar jong ka Tnad Kam Pohiing (MHA) bad ka kynhun jong ka KZC ha kine ki khyndiat sngi ba ladep ha New Delhi. Ka KZC ka la ai ka jingkular ban ïatreilang bad ki bor pahara ba la buh da ka Sorkar India ban pynneh ïa ka shongsuk shongsain ha shilynter ka surok bah NH-02.

  1. Ha kajuh ka por, la pynlong ruh ia ka jingialang hapdeng ki nongmihkhmat jong ka MHA, Sorkar Jylla Manipur, bad ka Kuki National Organisation/KNO bad ka United People’s Front/UPF ha New Delhi mynta ka sngi. La pynkut ia ka jingialang da kaba iasoi ia ka jingiateh soskular Suspension of Operations (SoO) halor ki kyndon ba la iakren biang (ground rules) ban treikam naduh ka sngi ba la iasoi ia ka jingiateh soskular na ka bynta ka samoi ba shisnem. Napdeng kiwei pat ki kyndon, ki kyndon ba la pynkylla thymmai ki la pynkynmaw biang:
  1. Ka jinglong trai jaka jong ka Manipur.
  2. Donkam ia ka jingpynbeit da ka jingiakren ban wanrah ia ka shongsuk shongsain kaba iaineh ha ka Jylla Manipur.
  1. Ka KNO bad UPF ki la mynjur ruh ia ka:
  1. Jingpynkynriah ia hynriew tylli ki camp ba la buh kyrpang sha jngai na ki jaka ba lah ban mih ki jingiathut.
  2. Jingpynduna ka jingdon ki camp ba la buh kyrpang.
  3. Jingpynkynriah ia ki tiar sha ki jaka sah jong ki CRPF/BSF kiba jan tam.
  4. Ka jingpeit bniah ia ki dkhot da ki bor pahara khnang ban weng ia ki briew kiba dei na kiwei kiwei ki ri, lada don kum kita.
  1. Ka Joint Monitoring Group nangne ​​shakhmat kan peitngor ia ka jingpyntreikam ia ki kyndon ba kongsan, bad ia ki jingpynkhein yn sa leh da kaba tyngeh ha ki por ban wan, kynthup ka jingbishar bniah ia ka jingiateh soskular SoO.

*****


(रिलीज़ आईडी: 2189385) आगंतुक पटल : 12
इस विज्ञप्ति को इन भाषाओं में पढ़ें: English , Urdu , हिन्दी , Marathi , Manipuri , Bengali , Assamese , Punjabi , Gujarati , Odia , Tamil , Malayalam