অচৌবা ৱারেপ অমগা লোইননা, কুকি-জো কাউন্সিলনা নেসনেল হায়ৱে-০২ দা চৎনরিবা মীওইশিং অমসুং তঙাইফদবা পোৎলমশিং অথিংবা অমত্তা লৈতনা চত্থোক-চৎশিন অমসুং পুথোক পুশিন য়ানবা হায়রিবা হায়ৱে অসি হাংদোক্নবা ৱারেপ লৌখ্রে। হায়রিবা ৱারেপ অসি হৌখিবা নুমিৎ খরনি অসিদা নৈ দিল্লীদা KZC গী মীহুৎশিংগা গৃহ মন্ত্রালয় (MHA) গী ওফিসিএলশিংগা মীফম কয়ারক হন্না ফম্লবা মতুংদা লৌরকখিবনি। GOI না NH-02 দা শান্তি ঙাক্নবগীদমক থম্লিবা সেক্যুরিতী ফোর্সশিংদা KZC না মতেং পাংগনি হায়বগী থাজবসু থমখি।

2.        MHA, মনিপুর সরকার অমসুং কুকি নেসনেল ওর্গানাইজেসন/KNO অমসুং য়ুনাইতেদ পিপল্স ফ্রন্ত/UPF কী মীহুৎশিংগী মীফম অমসু নৈ দিল্লীদা ফমখি। মীফম অসি কাংলুপ অহুমগী ওইবা খুৎয়েক পীনবা নুমিত্তগী চহি অমা চৎনগদবা  নৌনা য়ানবা পুরক্লবা তর্ম অমসুং কন্দিসনশিং (গ্রাউন্দ রুল) গা লোইননা সস্পেন্সন ওব ওপরেসন (SoO) গী য়ানচেরোল অমা খুৎয়েক পীনদুনা লোইশিনখি। অতৈ প্রোভিজনশিংগী মরক্তা, মখাদা পীরিবা শেমদোক্লবা গ্রাউন্দ রুলশিং অসিসু য়াওরিঃ

i.        মনিপুরগী ঙমখৈ ঙাকপা।

ii.       রাজ্য অমা ওইরিবা মনিপুরদা তুং কোইনা তংদু লৈতানা লৈনবা অমসুং শান্তি হঞ্জিল্লক্নবা অমত্তা ওইনা য়ানরবা ৱারোইশিন অমা পুরকপগী তঙাইফদবা।

3.        KNO অমসুং UPF না মখাগী ৱাফমশিং অসিদসু অয়াবা পীখিঃ

I.        দেজিগনেতেদ কেম্প তরেৎ ৱাথোক লৈবা য়াবা মফমশিংদগী লাপ্না মফম হোংবা।

II.       দেজিগনেতেদ কেম্প মশীং হন্থবা।

III.      খুৎলাইশিং মনাক নকপদা CRPF/BSF কেম্প লৈবা মফমশিংদা হোংবা।

IV.      করিগুম্বা মপানগী মীওইশিং য়াওরম্বা তারবদি মমিং ককথৎনবা সেক্যুরিতী ফোর্সেসশিংনা কেদরশিংবু চেকশিন্না ফিজিকেল ভেরিফিকেসন তৌবা।

4.        জোইন্ত মোনিতরিং গ্রুপনা গ্রাউন্দ রুলশিং ঙাক্না চৎনবগী মতাংদা কুপ্না য়েংশিনগনি অমসুং গ্রাউন্দ রুল থুগাইরকপা মতমদা তুংদা SoO গী য়ানচেরোল হন্না য়েংশিনবা য়াওনা অহকপা মওংদা পাউখুম পীগনি।

*****